كهربائي يركب بطارية اضافيه

[غالي]

السلام عليكم ورحمة الله وبركاته
هلا باخواني المكشاتيين اسعد الله اوقاتكم بكل خير
لو تكرمتوا والله لايهينكم عندي طلب :(
طلبت امس في الموضوع الأساس ولا لقيت اجابه وانا ابيه عاجل غير اجل
سلمكم الله ابي كهربائي بالرياض متمرس وشغله عدل وممتاز
يركب بطارية اضافيه للسياره
بس تكفون مهوب يقولي ب900 ريال والا 700ريال
على مااعتقد هالسعر مبالغ فيه جدا جدا
لاني خذت بعض الارقام المكتوبه بالمنتدى وكلمت وقالوا لي هالاسعار
اليس انتم معي ان المبلغ مبالغ فيه والا يستحق هالشيء؟؟؟
انا بإنتظاركم يااخوان
يا تعطوني ارقام او وصف واضح ودقيق طبعا ارجع واقول في الرياض
شكرا لأهتمامكم
أخوكم/ غالي^الأثمان :good:

[ابوصويلح]

مرحبابك يالغالي غلي والطلب رخيص بالصناعية حقت السلي فية ورشة أسمها ورشة سوافي لجميع المستلزمات الكربائية لسيارات البر والمقانيص يعني بطارية إضافية - أنوار كبوت - إلى آخره تلفون ما عندي لهم لكن أبوصفه لك وأنت رايح للخرج على الطريق الدائري جاك المخرج الأخير إظاهر 18 يمين للدائري الجنوبي سيدة للخرج واسكان البحرية يسار للسلي تروح يسار تجيك إشارة رح يمين ثاني لفة يمين وبعدين ثالث لفة يسار إذا ما خانتني الذكرة ولو تسأل عن الإسم هناك بيدلونك .
وتقبل تحيات أخوك
أبوصويلح

[غالي]

مشكور ابو صويلح على المرور والفايده طال عمرك
وتوني داق على الاستعلامات وعطيتهم اسم الورشه قالوا مهوب مسجل :(
والمشكله عمري مارحت للسلي بس ان جاء اليوم بالليل او بكره ابروح وبشوف ادورها
وياليتك حطيت التكلفه اخاف اضرب هالمشوار وانا من سكان الشمال واخرتها يطلع رفيتز هالي كلمتهم على 900 ريال الله يصلحهم بس
ونشوف الاخوان الله يجزاهم خير يعطونا كان فيه ورشه ثانيه لتعم الفايده واذا ماصلحنا مع الي عطاناه الله يجزاه بالجنه ابوصويلح نروح للثانين
بانتظاركم

[الكاسر23]

أخوي غالي
السلام عليكم
أنا ركبت البطارية الإضافية وكأنها مركبة من الوكالة، بصراحة ورشة سوافي اللي ذكرها الاخ أبو صويلح ما يحتاج شغلهم عدل ويستاهلون الزيادة في القيمة لانهم يشتغلون بمزاج وخبرة، وكل سلك يمدونه يحطونه في جرجور وشدادات وقفيز وغيرها، يعني ما فيه شي سايب ، كل شي بانضباط.
عاد وصفهم الدقيق هو: تروح وانت متجه جنوب على الخط الدائري الشرقي وكأنك رايح لسكن البحرية، واذا جيت من تحت كبري مخرج 18 أول ما تطلع من تحته يجيك كبري على يسارك رح منه وكأنك رايح شرق، وأول ما نتزل من الكبري يجيك اشارة، رح منها يمين، ورابع لفه يمين أدخل منها (للتأكيد رابع لفه تجي بعد كبينة اتصالات)، بعد ما تلف يمين، ثاني لفة يسار، راح تلقى ورشة سوافي في وجهك مباشرة .
على فكرة دوامهم ينتهي الساعة 8 مساء، ولا يشتغلون في فترة الظهر، ورقم تلفون الورشة: *******، واسم الكهربائي (فيروز).
عاد شغلهم في البطارية الاضافية بـ(400) ريال، شغل يد بس، وقيمة البطارية أم 100 أمبير تقريبا 180 - 200 ريال . يعني شغلك كله بحوالي 600 ريال، أنا مركب عندهم كل شي ومن ضمنها البطارية، وبصراحة شغل نظيف.
على فكرة أطلب منهم يحولون الأنوار الاضافية والقارمن والكنوود وكل شي اضافي على البطارية الاضافية.
وصدقني راح تدعي لي وللاخ أبو صويلح، وبعد ما تشوف شغلهم ما راح تترك الورشة.
أخوكم محبكم في الله
الكاسر (أبو محمد)

تم حذف رقم الهاتف
بواسطة المشرف
بدوي جنوبي

[غالي]

الله يجزاك بالجنه ويجزا ابوصويلح
ماقصرتوا ورايتكم بيضاء الله يبيض وجيهكم
بس وانا اخوك متأكد ان السعر بحوالي 600؟؟؟
دام شغلهم ب400 بيطلعون اغلى من الي دقيت عليهم :(
لان يبيلك بطاريه وكرسي البطاريه والمسمار الي يثبتها ويبيلك اسلاك ويبيلك دقمه وكتاوت وعلبة فيوز والاصابع حقت البطاريه واربع اصابع صغار تشبك الاسلاك بالدقمه
معقوله هذي مجانا @@
<---------- الحس مخه هههههههههه
ابيكم تعلموني كم خذوا منكم انتم علشان اصير على بينه لاهنتوا
اذا كان السعر كله ب600 رحت لهم
بما اني سألت واحد من الزملاء قال اخبر لك كهربائي حليو
دقيت عليه بعد العشاء اليوم قال ايه اعرف اركب بطارية اضافيه وشغل يدي ب100 ريال
بس مااضمنه وهو سوداني
اخاف يحوس علي الموتر :(
ورحت للمحل الي قبل ماي كار 4*4
قال الهندي نركبها كلها مع الاغراض ب1200
<--------- والله انه بلشه
تكفى اخوي ابو صويلح واخوي الكاسر23
علموني كم خذوا منكم بكل شيء لاهنتوا
وانا انشاء الله ابروح للي قلتوا الخميس الصبح وبركبها
شكرا لكم :)

[الكاسر23]

أخوي الفاضل غالي

بارك الله شغلهم كله بـ 600 ريال:

200 بطارية

و400 ريال شغل يد وكتاوت وقاعدة بطارية وعلبة فيوزات (كأنها وكالة) وتمديد اسلاك مرتبة داخل جرجور.

يعني بصراحة لا يعلى عليهم، واوكد لك ما راح تندم ، وصدقني راح ترجع لهم لما تشوف شغلهم.

اما بالنسبة لخويك اللي بيركب لك البطارية بـ 100 ريال ، اكيد انك راح تجيب له كل شي، ولا وبعد الاسلاك ممددة من فوق الماكينة:)

والله من حرصي على اخواني في المنتدى ان يركبون شي صح، زكيت هالورشة اللي اهلها طيبين وشغلهم اكثر من ممتاز حيث انهم خبرة وشغلهم كله ترهيم سيارات البر وتجهيزها، وعلى فكرة اخوي غالي ، راعين الورشة تلقاهم دايم في الورشة وواقفين عليها دايم، وكلاهما اسماؤهم ابو عبدالله.

الله يوفقنا واياك وييسر أمرنا وأمرك.

[غالي]

اشكرك اخوي الكاسر23
عز الله انك ماقصرت كثر الله خيرك
فعلا كلمتهم من شوي قال الهندي ب650 ريال قلت ب600 ريال قال هذا سعر قديم وهالحين زاد ب50 ريال
بس مايخالف واعدته قال اقل شيء ياخذ شغل 4 ساعات لان مافيه عمال
حبيت اكتب هالكلام لتعم الفايدة
شكرا لكم وعز الله ماقصرتوا
اخوكم/ غالي^الأثمان :good:

[الكاسر23]

أخوي غالي

إذا لقيت راع الشغل واقف على حلاله، إدر أن الله راح يبارك له، وراح الناس تجيه لانه واقف على أمانته، وصدقوني يا أخواني أنهم يشتغلون بذمه وضمير، ويكفيني منهم أني اذا حطيت سيارتي عندهم ، اقولهم وش ابي فيها ، واترك السيارة عندهم يومين وثلاثة واربع ايام احيانا، واخليهم يفكرون في الطريقة الافضل لعمل اي ابتكار ابي يصممونه في السيارة، والقاهم حطوا فيها افضل المواد والمعدات ولا بعد السعر اقل مما اتوقع بكثير.
عموما اخوي غالي صدقني ما راح تندم على شغلك عندهم، وراح تجيهم في كل صغيرة وكبيرة. وانا راح امرهم بكرة بعد المغرب (الثلاثاء) وإذا انك ما انت مستعجل يسعدني اننا نتقابل هناك.
لا تنسى اخوي غالي اذا وصلت هناك اسأل عن أبو عبدالله المنصور، وكذلك اسأل عن (فيروز) تراه كهربائي على كيف كيفك، وقله انك مرسول من عبدالله (أبو محمد) راع اللاندكروزر في اكس ار 94، راح يهتم أكثر وأكثر.

[هواي البر]

هلا اخوي (( غالي ))

ممكن افيدة في رقم الورشة


ت / *******

جوال / ********
جوال / ********



وهذي احداثية موقع الورشة

N 24.37.720
E 046.48.777


وان شاء الله اكون افدك


وشكرا



تم حذف رقم الهاتف
بواسطة المشرف
بدوي جنوبي

[راعي الهيجة]

السلام عليكم
شو صناعية السلي الصناعيات بالرياض
صناعية الخرج الاولى والثانيه
صناعية الفوزان
صناعية اليحيى

[الكاسر23]

اخوي راعي الهيجة

لا تنسى صناعية ام الحمام وغيرها من الورش المتوزعه في الاحياء .

أخوي مدينة الرياض بها 6 ملايين نسمة، وتحوي 2 مليون سيارة ، وأبعادها 83 كم × 64 كم ، فهل تعتقد يكفيها صناعية واحدة؟؟

أعتقد بأن جوابك بيكون لا طبعا!!

[غالي]

هلا اخوي الكاسر23
الله يجزاك بالجنه ووالديك على هالمعلومات
وودي بكره اقابلك بس مااضمن الظروف لاني اطلع من دوامي الساعه 4 العصر تقريبا وانا واعدتهم الخميس انشاء الله ابروح لهم
وتخبر انت التعب من هالصبح بس ان شفت نفسي بكره مصحصح ارسلت لك على الخاص من المكتب وعلمتك اني ابروح هناك
وكثر الله خيرك ماقصرت جزاك الله خير

اخوي هاوي البر الله يجزاك بالجنه ووالديك ماقصرت واشكرك على هالمعلومات الاضافيه ماقصرت

اخوي راعي الهيجة شكرا لمرورك والله يجزاك بالجنه ووالديك

[الكاسر23]

اخوي غالي

لا يكون نشتغل في نفس المكان واحنا ما ندري.

أنا بعد ما أطلع من الدوام إلا بعد الساعة 4 العصر.

عموما عسى الظروف تساعدنا بأذن الله ونتواجه.

في أمان الكريم

[غالي]

يحصل لي الشرف اخوي الكاسر23
وهذي الساعه المباركه الي نشوفك فيها وانا اخوك
أخوكم/غالي :good: في امان الكريم

[راعي الهيجة]

السلام عليكم

انا مصر يالكاسر23 على كلامي
بالرياض مافيه إلا ها الصناعيات الثلاثه فقط
اما ام الحمام والنسيم والشفا فهي مجمعات ورش وماهيب صناعيات يعني مابهن مصانع

[abodolim]

أخوي غالي
السلام عليكم
أنا ركبت البطارية الإضافية وكأنها مركبة من الوكالة، بصراحة ورشة سوافي اللي ذكرها الاخ أبو صويلح ما يحتاج شغلهم عدل ويستاهلون الزيادة في القيمة لانهم يشتغلون بمزاج وخبرة، وكل سلك يمدونه يحطونه في جرجور وشدادات وقفيز وغيرها، يعني ما فيه شي سايب ، كل شي بانضباط.
عاد وصفهم الدقيق هو: تروح وانت متجه جنوب على الخط الدائري الشرقي وكأنك رايح لسكن البحرية، واذا جيت من تحت كبري مخرج 18 أول ما تطلع من تحته يجيك كبري على يسارك رح منه وكأنك رايح شرق، وأول ما نتزل من الكبري يجيك اشارة، رح منها يمين، ورابع لفه يمين أدخل منها (للتأكيد رابع لفه تجي بعد كبينة اتصالات)، بعد ما تلف يمين، ثاني لفة يسار، راح تلقى ورشة سوافي في وجهك مباشرة .
على فكرة دوامهم ينتهي الساعة 8 مساء، ولا يشتغلون في فترة الظهر، ورقم تلفون الورشة: 2418838، واسم الكهربائي (فيروز).
عاد شغلهم في البطارية الاضافية بـ(400) ريال، شغل يد بس، وقيمة البطارية أم 100 أمبير تقريبا 180 - 200 ريال . يعني شغلك كله بحوالي 600 ريال، أنا مركب عندهم كل شي ومن ضمنها البطارية، وبصراحة شغل نظيف.
على فكرة أطلب منهم يحولون الأنوار الاضافية والقارمن والكنوود وكل شي اضافي على البطارية الاضافية.
وصدقني راح تدعي لي وللاخ أبو صويلح، وبعد ما تشوف شغلهم ما راح تترك الورشة.
أخوكم محبكم في الله
الكاسر (أبو محمد)

واحد من اخوياي مركب بطاريه اضافيه عندهم على VX-R صراحه شغلهم متعوب عليه:good:

[عاشق البترول]

السلاام عليكم اخواني في منتدى مكشات
بما انها اول مشاركه لي .. اشكركم على جهودكم المبذوله في هذا المنتدى العظيم
واسأل الله ان يوفقني معاكم ان شاء الله ...
بغيت اسأل عن البطاريه الاضافيه انا (ولدكم )من الكويت بموجب عمري ماتعدى ال22 سنه :) واحب البر والمكشات بغيت اسأل عنها علما ان موتري نسيان باترول 2 موديله 2007 ...
واتمنى الافاده , لنا حاليا في مصر دراسه جامعيه وان شاء الله اذا رديت الكويت ابروح للورشه الي ذكرتوها وهي ورشه سوافي . وابي الوصف المضبوط مع الاحداثيات اذا امكن..
ولكم جزيل الشكر :)

[مواطن]

ياشباب الموضوع هذا قديم
ومكتوب فيه كل شي حتى احداثية الموقع موجوده

[مواطن]

يا اخ عاشق الباترول الموضوع هذا قديم جداً ارجع للصفحة السابقه الاخوان ذكروا كل شي الوصف الدقيق وكذلك الاحداثية

[عاشق البترول]

حاظر يا اخ مواطن :) لكن من باب الشكر لصاحب الموضوع صار الطلب فيه لاعدمناك ياخوي :)

[الثويرات]

انا الي اقدر اسويه لك

اني اسلك لك البطاريه لاكن الكرسي انت سوه عند اقرب حداد
علما اني من القصيم

[عاشق البترول]

ماتقصر يا اخوي الثويرات لكن انا ابي شغل مظبوط ومكمل والكامل وجه الله سبحانه لنا الدرب بعيد من الكويت لين الرياض حول ال800 كيلو ماهيب هينه وابي الشغل ميه ميه ولا شتقول مع احترامي لك ابيها من الدينمو موصله والشغل الزين الي انت خابره مع البلاكات ومقوي الكهربا اذا امكن تفيدوني بالشامل يعني كلها كم تكلف فضلا لا امرا
وقواكم الله ان شاء الله

[F A H A D]

أخوي غالي
السلام عليكم
أنا ركبت البطارية الإضافية وكأنها مركبة من الوكالة، بصراحة ورشة سوافي اللي ذكرها الاخ أبو صويلح ما يحتاج شغلهم عدل ويستاهلون الزيادة في القيمة لانهم يشتغلون بمزاج وخبرة، وكل سلك يمدونه يحطونه في جرجور وشدادات وقفيز وغيرها، يعني ما فيه شي سايب ، كل شي بانضباط.
عاد وصفهم الدقيق هو: تروح وانت متجه جنوب على الخط الدائري الشرقي وكأنك رايح لسكن البحرية، واذا جيت من تحت كبري مخرج 18 أول ما تطلع من تحته يجيك كبري على يسارك رح منه وكأنك رايح شرق، وأول ما نتزل من الكبري يجيك اشارة، رح منها يمين، ورابع لفه يمين أدخل منها (للتأكيد رابع لفه تجي بعد كبينة اتصالات)، بعد ما تلف يمين، ثاني لفة يسار، راح تلقى ورشة سوافي في وجهك مباشرة .
على فكرة دوامهم ينتهي الساعة 8 مساء، ولا يشتغلون في فترة الظهر، ورقم تلفون الورشة: *******، واسم الكهربائي (فيروز).
عاد شغلهم في البطارية الاضافية بـ(400) ريال، شغل يد بس، وقيمة البطارية أم 100 أمبير تقريبا 180 - 200 ريال . يعني شغلك كله بحوالي 600 ريال، أنا مركب عندهم كل شي ومن ضمنها البطارية، وبصراحة شغل نظيف.
على فكرة أطلب منهم يحولون الأنوار الاضافية والقارمن والكنوود وكل شي اضافي على البطارية الاضافية.
وصدقني راح تدعي لي وللاخ أبو صويلح، وبعد ما تشوف شغلهم ما راح تترك الورشة.
أخوكم محبكم في الله
الكاسر (أبو محمد)

تم حذف رقم الهاتف
بواسطة المشرف
بدوي جنوبي


متى هالكلام يالغالى ............ قبل شوي متصل عليهم يقول اللى رد على 900 ريال ...
تاكد يالغالى ............::::::ك

[F A H A D]

ماتقصر يا اخوي الثويرات لكن انا ابي شغل مظبوط ومكمل والكامل وجه الله سبحانه لنا الدرب بعيد من الكويت لين الرياض حول ال800 كيلو ماهيب هينه وابي الشغل ميه ميه ولا شتقول مع احترامي لك ابيها من الدينمو موصله والشغل الزين الي انت خابره مع البلاكات ومقوي الكهربا اذا امكن تفيدوني بالشامل يعني كلها كم تكلف فضلا لا امرا
وقواكم الله ان شاء الله


اخوي عاشق ..........
لازم تتدق عليهم وتحجز .... لانهم حسب كلامه عندهم ضغط .... ولازم موعد هذا كلامه ....

[monsixnet]

_

الظاهر ان الاسعار وحده

فى الشرقيه يركبونها ب 800 ريال

[m1m]

سوافي شغلهم دج .. ما عاد يصلح .. كل تمديداتهم تجارية وكتاوت ما يسوى ريال

أحد الشباب احترقت سياراته بسبب سوافي .. ورجع لهم .. مع تقرير الدفاع المدني .. قال ما لنا دخل !!

[الكاسر23]

السلام عليكم ورحمة الله وبركاته

أعود لأكتب لمنتداي المحبب، وأعود لأخوتي الأفاضل بعد مضي أكثر من سنة على آخر موضوع كتبته، حبا مني في التعاون مع أعضاء المنتدى.
أحب أن أشير إلى أن الموضوع قديم، وعندما رديت عليه كانت أسعار البطاريات رخيصة، وبعد أرتفاع الأسعار بشكل عالمي وفي كل المجالات، أصبحت تكاليفها أعلى، وبالتالي أختلف السعر تماما.
فلا تستغربون من تغير الأسعار فكل شي اختلف، و 900 ريال قد يكون سعر شبة مؤكد بعد أن تعدى سعر البطارية 60 أنبير 350 ريال بعد أن كان سعرها لا يتجاوز 140 ريال في السابق.
فاذا اردت أن تركب بطارية اضافية ، فلا تقبل بأقل من 80 أنبير حتى تنجزك وحتى يستحق الأمر البدء في تجهيزها. ولكن تذكر بأن مساحة الفراغ الموجود لديك في السيارة هو الذي يحدد حجم البطارية ونوعها (الماركة) وقوتها.
وأما بالنسبة للعنوان والاحداثيات ,, فاعتقد أن كل شي موجود في الردود السابقة في بداية هذا الموضوع
وتقبلوا تحياتي وتقديري
اخوكم
أبو محمد

[عاشق البترول]

لكم جزيل الشكريا اخواني ....
لكن انا بالكويت وابي السعر المظبوط الله لايهينكم .. واذا ممكن تلفونات المحل على الخاص
ماني ضارب الدرب والمشوار على شي ماعرفه ....
السعر بس بالظبط
ورقم الورشه ولكم جزيل الشكر

[( الزاهر )]

السلام عليكم ..... صحيح ان الموضوع قديم لاكن حبيت أدلي بدلوي فية حسب تجربتي ....
انا ركبت القاعدة وتوصيلاتها بالبطارية الأصلية ( والكتاوت ) الفاصل نوعة فرنسي .... قبل مايقارب الشهرين في الباترول بجدة بحدود مائتين ريال غير قيمة البطارية الأضافية .... والله شيء ... فرق كبير وعجبي على الأسعار بالرياض والشرقية ...... جده غير ..... بيني وبينكم في كل شيء .... مع الأعتذار لجميع الأخوان ....

[مكشات وبس]

جزاكم كل خير يامن ساعد الاخ في الوصف

[الكاسر23]

رقم الهاتف موجود في رد أبو دليم في ص2

[غالي]

abodolim
حسبي الله على عدوك ذكرتني بسيارتي الله المستعان ويوفق من شراها :)

وين الموضوع قديم وركبت عند السوافي ب600 ريال وبعتها العام بشهر 2 :(

لكن لايمنع من الاستفاده من الموضوع ليأخذون الاخوان فكره من الاخوان الكرام بيض الله وجيههم الي افادونا

تحيتي

[عاشق البترول]

بيض الله وجهيكم يا النشاما لكن ياخواني الارقام مشطوبه من الاداره ولتمنى اي احد يرسلي الارقام على الخاص لني ان شاء الله عن قريب ابجي السعوديه خلاال السبوعين الجايات بأذن الله جاي واذا ممكن تفيدوني هل عندهم التمديدات الكهربائيه مثل المحول الكهرب وتوصيل البلاكات
ودمتم بود .. جعلكم للجنه ان شاء الله :)

[الثويرات]

انا من زمان وانا اركبها على كل سيارة اشتريها طبعاً شغل يدي

والحمدلله ماشيه معي زي الحلاوه

[عاشق البترول]

اخي الثويرات اذا ممكن رقم الورشه لني ابي شغل فيها مثل تركيب المحول وتمديد البطاريه لدينمو وتركيب بلاكات لنا الجيب بدون دفلك وبركب مكان فتحت الدفلك بلاك واتمنى اكون وصلت المعلومه وتفيدني وتفيد غيري وشكرا :)

[عاشق البترول]

واذا امكن ارسال الاقام على الخاص والله ياجماعه انا ابي الشغل من زمان واعذروني على كثر الاسئله لكن ماني ضارب الدرب كله واطلع بالفاضي
اسمحولي على الطواله بالكلام :)

[ابولولو]

ابشر ورشه سوافي 0505288840 الرياض يركبون محول +بطاريه+ماطور ودق عليه ويعلمك اسمه ابوعبدالله

[عاشق البترول]

بيض الله وجهك يا ابو لولو وجعلك للجنه ان شاء الله انت واهلك وجميع المسلمين يارب ان شاء الله :*** على خشمك :)
شكرا جزيلا للكل