من عنده ذيخ طيب للتلقيح [الأرشيف]

طلو

13/08/2006, 07:10 PM

ياشباب من عنده ذيخ طيب يلقح:( عندي سلقه مرهي بمعنى الكلمه لاكنها كبيره في السن وابغى ذيخ سده قوي الله لايهينكم واهم حاجه انه يكون :p :p :D

قنــــاص الحجــــاز

13/08/2006, 08:58 PM

ابشــــــر بسعـــــدك يا ذيبــــان ... :director:
الذيخه واجد وموجوده وهذا واحد منها شوف الصوره ... :good2:

شعـــــــف ...

http://www.mekshat.com/pix/upload/images18/mk24689_fdskiungfe.jpg

وش رايك ... :D

حرف العين

13/08/2006, 11:10 PM

السلام عليكم ورحمة الله وبركاته

مرحبا اخوي طلو

ابصراحه التعابير اللي بلصور اذبحتني من الضحك وبلنسبه للذيخ اللي حاطله صوره اخوي العزيز (قناص الحجاز)

ابصراحه بلنظر جيد جدا.

قنــــاص الحجــــاز

15/08/2006, 03:25 AM

وينك يا طلو

القـــناص

15/08/2006, 04:27 AM

طلو بالاستراحه جالس.":؟.:

قنــــاص الحجــــاز

15/08/2006, 04:29 AM

الاستراحه هذي تلحس مخ الواحد ...
انت وش اخبارك يالقناص ..
عساك بخير .

طلو

15/08/2006, 06:06 PM

ياهلا ويامرحبا فيكم يااصدقائي يا قناص الحجاز مشكور علا الفزعه ويازين الذيخ وما قصرت
صديقي حرف العين شكرا علا المرور والدعوه وناسه
اخوي القناص خلنا نشوف ذيخه وتشكر

قنــــاص الحجــــاز

15/08/2006, 08:42 PM

العفو اخوي طــــلــو ...
انت تامر وتمون .

القـــناص

16/08/2006, 04:40 AM

الله انا بخير اخبارك انت؟

قنــــاص الحجــــاز

16/08/2006, 05:44 AM

الله يسلمك ويطول عمرك ...
انا بخير ( انا انوز واسابق البنوز )

ماشي في حالي

16/08/2006, 07:58 PM

حياك الله اخوي...........
عندي لك ذيخ سده مافوقه فوق
بس الذيخ منكسر ظهره دايسته سياره في حادث آليم
بس هو يلقح على العموم
وقبل 6شهور طالعين انجريه وقطع 30ك ولاتعب
(على فكره الذيخ يوم كان عمره 10 شهور فاز بمهد مختلط لجميع الاعمار )
وشف الي يريحك واحنا في الخدمه

قنــــاص الحجــــاز

18/08/2006, 02:08 AM

يا صديقي يا طـــلـــو ...
انت وينك حي ولا ميت ...
جاك يا مهنى ما اتمنى ...
الرجال لقالك الذيخ اللى عليه العلم .

البنك السعودي

18/08/2006, 02:30 PM

ياخوي طلو اذا جيت تبي ذيخ لتلقيح ترا السلقان الطيبه باحسا والاصيله اما هذا الذيخ البني مع احتراماتي لراعيه موحلو ابدا وشكرا

طلو

18/08/2006, 03:38 PM

السلام عليكم اخوي البنك السعودي اشكرك علا المساعده اعترف لك ان بالحسا سلق طيب لاني حضرت اكثر من سباق لسلق الحسا لاني انسان صاحب سلعه ولي خبره بالسلق واعتقد ان مستوا السلق الي عندي حول مستوا سلق الحسا

قنــــاص الحجــــاز

18/08/2006, 10:03 PM

البنك السعودي ...
الذيخ البني اللى تقول عليه مو حلو هذا من كلاب الحساء ( مو حلو ابدا ) سبحان الله يمكن ما عجبك ... لكن مو حلو ... وصفه زين وعديه زين ... عموما هذا رايك ما فيه شي ...
ولكن ورنا الزين اللى عندك على قولك ( الحلووووو ) هههههه
وسلامتك ...

(القناص)

19/08/2006, 12:46 AM

هههههههههههههههههههه

البنك السعودي

19/08/2006, 02:00 AM

طيب اذا صار من سلق الحسا لازم يصير زين هههههههههههههههههههههههههههههههه انا من ناحيتي فايز على كلاب الحسا اولا اسمع الكلام ياقناص الحجاز وفزت على كلاب الرياض واهل الدوادمي 10 مرات وانا اهزمهم مافي منافسه وكانك تضحك خلتاص خلينا نتحدى على ظبي ونشوف والله العضيم لو يفوزون سلقكم على كلابي والله ماعاد اربي سلق بحياتي اذا كان اشكال سلقكم مثل كذى تجيب الهم ههههههههههههههههههههههههه مع احتراماتي يالله سوينا شوية حماس وتحدي

عبوووود

19/08/2006, 03:08 AM

هدو اللعب يا شباب و كل واحد يصلح سيارة الثاني...:rolleyes:

قنــــاص الحجــــاز

19/08/2006, 04:00 AM

ليه كيذا يعني هذا استهتار ...
وبعدين ترى يمكن كلابك اللى تطرح الظبي ( هههههههه ) ما تطرح ارنب ومهوب كل سلوقي يطرح الظبي يطرح الارنب .. ومن ناحيتي انا ما اهد كلابي على ظبي لا صار يلحق الارنب وش ابي بالظبي وين الظبا اللى تنقنص ولا الدعوه بس مهايط ما عندنا الا ارانب نقنصها
وبعدين السلوقي اللي تقول شكله يجيب الهم مهوب من سلقنا من سلق الحسا ( عشرين مره قلتلك انه من سلق الحسا ) يعني مهوب من سلقنا اللى بالحجاز ... وبعدين يش زعلان ...
اقهـــــر اقهــــــر ... وتقبل تحياتي ..

قناص الرمله

19/08/2006, 04:22 AM

السلام عليكم ورحمةالله وبركاته

وبعد السلام

أخوي طلو أبشر بالذيخه كلها طب وتخير ما عندنا الا حلالك وأنا أخوك

اما بالنسبه
للاخ البنك الزراعي السعودي:D :D :D
وش فيك على الناس كل مادخلت موضوع
تذم :mad: سلقان الشباب عيب عليك ترى الكلام هذا في مكشات مايجوز:no2:
أو أنك مغرور في الكلاب اللي عندك ترى كل قوه فوقها قوه:good:
وأرجوك لا تخلينا ندخل في الكلام اللي ماله داعي والتجريح
وأنت شخص باين عليك كبر السن ووجود العقل

أرجو أن تفهم كلامي من وجهة الواقعيه لامن وجهة التعصب
__________
أخوكم قناص الرمله
http://www.mekshat.com/pix/upload/images18/mk16172_slim1.jpg

طلو

19/08/2006, 08:59 AM

السلام عليكم اولا ياراعي الحسا مرن سلقانك ولاتعذر وثانيا -لاتنسا سلق عفيف وش سوا بسلقكم بالربع الخالي ثالثا الصراحه زينه فزتو ا في هددين والثالث فازو القحاطين والغيتوه رابعا الهدادت علا ما سمعت ثلاثه هل هي توالدت واصبحت عشره
اذا انك تتحدا هذي شروط الهدد الصحيح
1-السباق علا الي يرده ويطرحه ماهو علا الي يتبع جرته ويقعي
2-مافيه اقل من 8 كيلو
3- الجائزه نفس الضبي الي عليه الهدد
4-التنضيم
5-عشاكم عندنا (معرفه الرجال تجاره ومعرفه الديار اماره )
6-سلوقي لم يطرح ضبي لايجي ولا نشوفه
7-اذا الضبي راح بوجهه محد فاز علا احد وكل سلوقي يقعد بالاخير يعطى مطرقين
8-كل سابقه تضهرها يدها
9-الدعوا تحدي شرف
وشكر علامرورك يالبنك السعودي

طلو

19/08/2006, 09:07 AM

السلام شكر علا مروركم يا 1-(القناص )2-الريشه 3-قناص الحجاز 4-قناص الرمله لا احد يشرهه الدعوا كل يجرب سلعته

طلو

19/08/2006, 10:27 AM

مرحبا ياقناص الرمله وسع صدرك الدعوا مغير خذني جيتك وانشالله مافيه زعل وانا اخوك وحنا اخون ولا يهمك مالك الا الي يرضيك واخوي البنك السعودي اخ للجميع وعنده سلق طيب ويبغا يجربه مع سلق اطيب وترا طريقته في الكلام للتحميس هههههههههههههههههه

قنــــاص الحجــــاز

19/08/2006, 12:29 PM

البنك السعودي ...
الميدان يحكم وعلى ما قال اخوي طــــلـــو الالتزام بالشروط اللى ذكرت ... والكلب اللى يقعد في الرقه ما عنه وعن الشوزن ..
وش قلت بدون مهايط ..

راعي عاصوف

19/08/2006, 01:26 PM

سلام عليكم اصراحه ذيخ ممتازالله يهنيك فيه ولي يبي يشبي يروح عند اخوي قانص الحجاز

قناص الرمله

19/08/2006, 06:41 PM

السلام عليكم جميعآ

الدعوه مزوح تجي وتروح بس الواحد يجبر خاطر أخــوه بكلمه طيبه

وأذا الواحديجي ويقول فك طوق الكلب لايقولها كذا وبس يعطي راعي الكلب الفاشل هديه ولا يسكت ماأحد ترى يجر لسان أحد

وشكرآ
__________
أخوكم قناص الرمله
http://www.mekshat.com/pix/upload/images18/mk16172_slim2.jpg

ذيب الخور

19/08/2006, 07:00 PM

بلعكس الذيخ ممتاز من حيث الرفع والتقاطيع

حرف العين

19/08/2006, 08:43 PM

السلام عليكم ورحمة الله وبركاته

قناص الرمله

حبيت اسلم عليك سلام كثير واقولك وين هل غيبه الطويله؟

اخواني انا عندي سوال عن سلاله للسق عندكم بلمملكه وهي سلاله (البرقش) تقريبا وهي سلاله قديمه جدا وترجع السلاله هاذي لصاحبها (رحمه الله) (برقش النعيمي) وهو من سكان الرياض تقريبا فحبيت اعرف معلومات عنها وبمستواها وهل في مجال انه الواحد يحصل عليها او ممكن صوره لها.

(والله يجزاكم خير)

طلو

19/08/2006, 11:12 PM

السلام عليكم اخوي قناص الرمله مساء الخير الله يعين يارجال نعيش ونشوف
اخوي حرف العين من طول الغيبات جاب الغنايم والله ما عندي خبر عن هذه السلاله لا كن استفسر لك والله يعين العالم علا النشده

ابرق العزاف

19/08/2006, 11:22 PM

ول ياسالفة هـا الذيخه انها تستحق تصير استراحة مكشات

عاشق ربع سلق

19/08/2006, 11:25 PM

اخواني كيف احصل علي السلق المدرب

طلو

19/08/2006, 11:35 PM

السلام عليكم اخوي باسل استراحه ولا قصر ههههههههههههههه الا ماعندك ذيخ للتلقيح
اخوي عاشق ربع السلقان اصبر يرزقك الله

أبـ [مطلق] ـو

20/08/2006, 09:09 AM

وسعوا صدوركم .. الدعوه وناسه مهب هوشه

بس الله يهديك يا طلو .. سلق عفيف خلها لحالها لا تدخلها بالمناقشات الي زي كذا .. لانها ما عليها كلام مشاء الله عليها

(( اعرف اني ما اهرجك عن سلق عفيف كلها )) بس سلق معروفه ماعليها غبار

تحياااتي

.

طلو

20/08/2006, 01:27 PM

السلام عليكم اخوي ابومطلق اشكرك علا التعليق ملاحضه (عيال طرفه بس )المهم ان سلقكم اطيب انكانك عندك سلعه طيبه ترا الهدد علا( مودع)

عافور

07/09/2006, 06:36 AM

السلام عليكم الذيخ اللي في الصورة ساقه زين والمواصفات الثانيه مثل زوره وفتحته ودق ايدينه وفخذه ما احكم عليه الى اذا شفته بالعين بس في الصوره شكل رفعه وطول اظهره زين والنظره على العين تبين احسن و طبعا على حسب سلالته اذا فاعله ولا لا وترى انا راعي الذيخ اللي قالك عنه الأخ ماشي في حالي والذيخ تراه مسكت وتراني قانصبه يصيدأرانب الليل ولو ان ارانب الليل يصيدها الطيب والردي بس اقولك اذا تبي جمال مهوب عاجبك بس مواصفات السبق فيه وسلالته فاعله وقويه حيل وابوه مصيحان الي عند الأخ طبيعي وامه سلقه مشهوره في الحسا اسمها زرية وتراني في الحسا واذا بتضرب ماعندي مشكله

العتيبي %

07/09/2006, 04:14 PM

السلام عليكم
اخوي طلو الهدد وين ومتى

طلو

07/09/2006, 04:23 PM

السلام عليكم الله يحييك ياخوي العتبي الهدد ما حددت التاريخ لجل ما يجينا زحمه لاكن مثلك وشرواك الله يحييه واذا بتحضر الهدد ارسلي رقمك برساله خاصه واعطيك العلوم كلها

فقس

08/09/2006, 03:26 PM

ياجماعه السلام/عليكم الله لا يهينكم الي عنده جرو زايد بس تكفون أبي لي طيب عشان مايروح تعبي عبث يكلمنا على الرقم ذا 0508743659 والله يجزاكم ألف خير

طلو

09/09/2006, 10:14 PM

اشكركم علا المرور جميعا والله يوفق الجميع لما يحبه ويرضاه

طلو

27/09/2006, 06:50 PM

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه

هاوي سلق

28/09/2006, 12:41 AM

ياخوي طلو اذا جيت تبي ذيخ لتلقيح ترا السلقان الطيبه باحسا والاصيلة
وترى الذيخ اللي عند قناص الحجاز من الحسا واخوه كان عندي
وشف اللى يعجبك

طلو

03/10/2006, 01:43 PM

ولله ماتقصر وكلم اخوتي وما جا منكم قصور

طلو

07/10/2006, 04:44 PM

ارجو نقل موضوعي لخيمه الصيد بالكلاب

النمر العربي

03/11/2006, 09:16 PM

لا تعليق ولا ذيخ لدي

شهاب حايل

04/12/2008, 09:36 PM

عندك هذ1 ملهوٍف وتدورٍ . . . .
ملهوف الملقوف يأتي ويحوف ويقهر الالوف :p

غبار الموضوع :D

ذيب عنيزه

05/12/2008, 03:00 AM

فتى التويم

05/12/2008, 01:50 PM

الموضوع قبل سنتين

خياله الجدعا

06/12/2008, 03:49 AM

اخواني الله يوفقكم لما يحب ويرضى والطيبات واجد والله يرزكم باالذيخ الطيب0شكرا0

شهاب حايل

06/12/2008, 07:10 PM

:p :p
طيب اذا صار من سلق الحسا لازم يصير زين هههههههههههههههههههههههههههههههه انا من ناحيتي فايز على كلاب الحسا اولا اسمع الكلام ياقناص الحجاز وفزت على كلاب الرياض واهل الدوادمي 10 مرات وانا اهزمهم مافي منافسه وكانك تضحك خلتاص خلينا نتحدى على ظبي ونشوف والله العضيم لو يفوزون سلقكم على كلابي والله ماعاد اربي سلق بحياتي اذا كان اشكال سلقكم مثل كذى تجيب الهم ههههههههههههههههههههههههه مع احتراماتي يالله سوينا شوية حماس وتحدي

الي يدري وش صار عليهم يقولنا . . . . شكله حرم السلق :p :j