ابحث من مده طويله عن ثلاجه تعمل بالغاز

[عرعرغير]

السلام عليكم وزرحمه الله وبركاته
اخواني ابحث من مده طويله عن ثلاجه تعمل بالغاز
من لديه معلومه عنها اكون له من الشاكرين

[الأحوذ]

ما قد سمعت بها ، وفقك الله

[مكروف بالدوام]

انا سمعت انها عند محل بحراج بن قاسم بالرياض

[عضـو قديم]

عندي هالثلاجة اللي تشتغل بالغاز والكهرباء ايضا وهي موجودة عندنا بقطر تقريبا ب3000 الاف ريال لكن سعرها فيها وعمليه جدا ناهيك عن الفريزر اللي يثلج

[عرعرغير]

الاحوذ
مكروف بالدوام
عضوقديم
عافاكم الله ماقصرتوا

[عرعرغير]

انا سمعت انها عند محل بحراج بن قاسم بالرياض
يااخي ليتك تكرمت وحددت لنا المحل الله يبيض وجهك

[الخفاره]

موجوده في حفر الباطن

[قانص الحباري]

أفضل شئ اللي صناعته سويديه وانا أخوك

لكن مكان بيعها مااعرف لكن يفيدونك الاخوان


ثلاجه على الغاز ذكرتنا ايام القريه ههههههههه

[Abu turki000]

اخوي اعصار انا شفتها قبل فتره في الغرابي خاصه بالسياره اما حقت المخيمات والبيوت موجود لديى سانيو

[السارحي]

السلام عليكم
شريتها من الدمام قبل تقريبا 6 شهور برازيليه غاز وكهرب ب4100 تلقاها عند محلات الاجهزه الكهربائيه وماهي متوفره بكثره

[ابو سفيان]

عندي استعمالتها شهر واحد فقط وقاعده بالمستودع تحتاج بعض الصيانه مثل سلك الكهرباء اما الغاز يعمل ان لك خاطر تجي تشوفها بالطائف الله يحيك جديده لا رائحه فيها ولا شي راسلني على الخاص اذا حبيت انت او اي احد يبيها لانها ليس لها داعي من وجودها

[مكروف بالدوام]

يااخي ليتك تكرمت وحددت لنا المحل الله يبيض وجهك
اتذكر واحد من الزملاء هنا في المنتدى قال انه اشتراها من حراج بن قاسم كني اتذكر انه قال على شارع البطحاء امش لين يجي حراج بن قاسم على يدك اليمين ديور مع الاشارة تجيك محلات على اليمين عند احد المحلات هذي اللي على الشارع ...

[faisel121]

اذكر في محلات باخشوين للادوات الكهربائيه بالرياض

[جبال القهر]

اسأل في وكالة سانيو اللي قبالة مقبرة العود اتذكر شفتها قبل أكثر من سنه وأنا اشتري مكيف وأنا اقصد الثلاجة الكبيرة اللي للبيت

[azsxx]

اللي يقصدونها الشباب في حراج بن قاسم هي ثلاجة بيت ماتنفع للرحلات الا اللي عنده مخيم

[ابوعقيل81]

الله يعطيك العافية على الموضوع
معلومة جديدة ما كنت ادري ان في ثلاجة بغاز للبيت او الرحلات .

ياليت الي يرد بعد كذا ويكون عنده او شافها يكتب وش نوعهما ومقاسها ومتى شراها ومن وين . :good2:


عندي استعمالتها شهر واحد فقط وقاعده بالمستودع تحتاج بعض الصيانه مثل سلك الكهرباء اما الغاز يعمل ان لك خاطر تجي تشوفها بالطائف الله يحيك جديده لا رائحه فيها ولا شي راسلني على الخاص اذا حبيت انت او اي احد يبيها لانها ليس لها داعي من وجودها

وش مقاسها اخوي . ياليت تنزل صورة , مقدر اراسلك مشاركاتي اقل من 50

[راعي الشاخوفه]

سوق السباله تلقى ان شاء الله فيه