المساعد الشخصي الرقمي

مشاهدة النسخة كاملة : السلام عليكم ياخوان وش رايكم في الباجيرو 3800 سي سي 230 حصان


الربذي
14/08/2006, 12:10 AM
اخواني بصراحه احترت نيسان والباث خربت كل شي تصنيع امريكي شفت الاديتر صناعه امريكية والتايوتا حلو بس الجيب الجي اكس ار فل غالي والفورتشر مافيه فل كامل (والكامل وجه الله سبحانه )
وبعد تحريث ودوران ومقرنه رسيت على الباجيرو روعه
قيرين تعليق رائع امامي وخلفي فريولات مريح ثلاث دبلات
نظام ايبي اس
نظام اي بي دي
فتحه
مراتب جلد كهرباء تخشيبه مثبت سرعه تكييف مركزي رموت
وكل هذا يباني يباني
موتيواني او امريكي
عاد وش رايكم واحد جربه كيف صوت الماكينه
الربذي
14/08/2006, 07:58 AM
استغفر الله واتوب اليه
بو خليفه
14/08/2006, 08:25 AM
أشتر الباجيرو لأنه أفضل منهم و يوجد فيه أنظمة أكثر تطور من التويوتا و النيسان من ناحية توزيع العزم و غيره و الدفرنش الخلفي يقفل وصناعة ياباني
الربذي
14/08/2006, 09:33 AM
هلا باخي بو خليفه فعلا عاجبني مره مره الباجيرو وفيه قير عادي يدوي وتماتيك
بس اعتقد ان صوت المكينه مزعج ياليت من جربه يفيدنا طبعا 2006
راعي الهيجة
14/08/2006, 09:52 AM
السلام عليكم
انا جربت 2005 وهذا النوع تطور من 2002 وخصوصاً القير
لكن فيه نظام غريب يجهلني سألت الوكال ما عطوني جواب كافي شافي
وهو وأو مايختلف التوازن يفصل القير ويطلع صوت طقه قويه وإذا وقفت السياره شبك القير
وأنا جربته بالنفود
اتمنى ان اصحاب الباجيروات يردون...........
عاشق ربـع
14/08/2006, 03:27 PM
انا من ناحيتي المستبيشي قطع غيار غالي وقليل من يعرف لهل موتر بالورشات
طحنون
14/08/2006, 04:04 PM
الاخ العزيز الربذي
والله الباجيروسياره معتبره وعمليه جداجدا
لان نحن فينا مرض نفسي وهو تويوتا ونيسان
وصدقني انا قبل ما اشتري الباترول عيني على الباجيرو
لاكن المشكله انه مايمسك سعره في البيع وتعقيد قطع الغيارفيه والوكيل ماهواللي انت تبي والسياره جربتها ممتازه جدا وفيها قدره تماسك
ماتلاقيها في الجيوب اليابانيه وخاصه في المنعطفات الحاده والمناطق الوعره
لاكن يعيبه داخليته بالنسبه لي
واخي العزيزاذا انت لاتفكربان تبيع السياره في اي وقت وانك ناوي تستخدم فعلا خذولا تشاوروبدون ترددوالله يبارك لك ويكفيك الشر
ولوتشوف اصعب رالي في العالم رالي دكارالدولي في افريقيا
ماتشوف غيرالباجيرو في المقدمه والمركز الاول على طول
بدون لوحات
14/08/2006, 07:28 PM
وكيله العيسا ئى خرب عندى مكيف سبلت با نسونك على الضمان بعد 25 يوم تم تامين القطع (انحش)
غالي
14/08/2006, 07:29 PM
وانا من رايي الشخصي
اذا كنت انت من النوع الي يشتري سياره ويعيشها معه ان اراد ربه 10 سنوات وفوق فا خذه
بس حط ببالك يسوالك السعر تحت مره
بمعنى كلامي يطيح سعره بالحيل
واذا كان قيمته فوق 120 الف على ذاكرتي ليش ماتفكر بالارمادا دفرنسين؟؟؟؟
لو كان مستعمل شيء بسيط
فا تأكد مهوب ماخذه الا عائله واغلبها مع سواويق يعني ماطبوا فيه بر
او دور لك يوكون 2006 نظيف
عندي احسن من الباجيرو بالنسبه لمسك الدراهم
حرام اطقلي واحد فوق المية الف لو يجلس معي سنه يطيح منه فوق 30 الف او اكثر .........الا ان شريت مستعمل 2004 او 2005 منها يكون سعره طايح ونظيف
فكر فيها انت واستخر والله يدلك على الي فيه خير
اخوك/ غالي^الأثمان
الربذي
14/08/2006, 10:10 PM
الله يعطيكم العافيه ماقصرتم لكن ابي اقولكم اني ملول مره مره يعني بالكثير سنتين وامل واذا نويت البيع خلاص اسبوع واطفش وابيع لو بعشر القيمه
وانا اخوتي الافاضل ماحطيت ذا الموضوع الا ابي اسمع شوركم ومختلفين لكن متفقين على اثنتان سعر اعادة البيع
وقطع غياره وان ماكل ورشه تصلحه ومشكلة احتكار قطع الغيار مشكله عويصه
وتصدق متسوبيشى جاء بترتيب السيارات الاقل اعطالا في العالم في الترتيب الاول وهوندا الرابع
بس اللي باط كبدي انهم حاطين البي ام والمرسيدس الثاني والثالث اكثر اعطال هن خصوصا اذا كدن كثير او علشان احنا مانعرف صيانه السياره بس شغل وامش
كشوتي
15/08/2006, 03:39 PM
اخوي الربذي
الباجيرو موتر مافية كلام وميزته انه اقوى من التويوتا واقل سعر منه
وانا ابفيدك باللي تبية عن ال3000سي سي و 190 حصان اما الفل الكامل اللي ذكرت
الحقيقة ما ادري لاني ما استخدمتة لاكن اعرف ان مواصفاتة حلوه بالمره واللي يقولك ينزل سعره مره تراه غلطان
لاني فحطت ادور ومالقيت الين اخذت لي جديد والباجيرو مسكت بس انصحك ماتاخذ الفل تاخخذ الاقل دجةمنه والفرق بينهن تقريبا 30000الف
مهيب شوية قيمة موتر ثاني . وبحكم بحثي وتجربتي قبلك اقدر ادلك على طريقة تاخذ موتر جديد عل الزيرو وبطايح واجد
والا صملت على الباجيرو ارسل لي على الخاص وابشر .
الربذي
15/08/2006, 10:16 PM
اخي كشوتي السلام عليكم ماقصرت
واقدر عرضك السخي وربي يعطيك العافيه
ولايهونو الشباب ماقصروا راعي الهيجه وعاشق ربع وطحنون وبدون لوحات !!!!!!!!!!
وغالي الغالي
الربذي
15/08/2006, 10:17 PM
ماقصرت اخي كشوتي اقدر عرضك السخي وبارك الله بك ومشكور ماقصرت ولايهونون البقيه ماقصروا
anas
16/08/2006, 10:12 AM
شف يا اخوي الربذي ولا يهون الاخوان ..
انا جربت الباجيرو 2001 مكينة3000
وجربت الباترول 2006 سفاري 2
وجربت لاندكروزر 2004 من اليحيى
صراحة الباجيروا في الطعوس مجنووووووون لكن يوم جربته على الخط ازعجني وكأن معاي هايلكس صوت الهواء شديد كنت بأشتري لي واحد من المعارض قزازه الأمامي مكسور ويوم سألت عنه في الوكالة قال لي القزاز الأمامي 3000 ريال وهونت اشتري .
الربذي
17/08/2006, 10:45 PM
الاخ الحبيب اناس السلام عليكم
معقوله اقوى من النيسان انا من كلام الناس عنه ابو 4800 سي سي انه الاقوى وعليه عزم رائع جدا بس دام قزازته ب 3000 ريال
صرفنا النظر عنه وتقول بعد مزعج اهم شي عندي الصوت بالسفر
ابوياسر
17/08/2006, 11:14 PM
اخوى الربذى الا خوان فى مكشات
السلام عليكم ورحمتة اللة
بالنسبة للموضوع السيارة فهى بلاشك سيارة تصلح للبر والديرة والمكينة التى ذكرتها هى اقوى شى فى هذا المديل
ولاكن المشكلة فى قطع الغيار اكثر من شخص ذكرلى القطع غالية لاكن خلاف ذللك ممتازة
وشكرا ابوياسر/الرياض
الربذي
18/08/2006, 01:54 PM
وعليكم السلام اخي ابوياسر
هذا المشكله وهي سبب نزول سعره بعد الاستعمال
لكن ها الموضوع مبروك انا شفنا طلتك لانك انسان قليل المشاركات
anas
29/08/2006, 12:37 AM
ما زال الموضوع للنقاش ... ما هو الفرق بين الباجيرو الفل كامل واللي اقل منه مباشرة ؟ وكم الفرق بين الثنتين في السعر ؟ وهل يا ترى في السفر والخطوط الطويلة مريح بالنسبة للمراتب وصوت الهواء والماكينة ؟ لأني صراحة جربت القديم موديل 2001 في سنته وما اعجبني بسبب صوت الهواء المزعج اما الموديل الجديد من الذي تغيرت مكينته 3800 سي سي و230 حصان ما جربته ..
راعي ساموده
29/08/2006, 01:45 PM
السلام عليكم ورحمة الله وبركاته ..
اخوي العزيز الربذي..
اولا كيف حالك ووش اخبارك
ثانيا سؤالك عن الباجيرو
الباجيرو سياره لايعلى عليها من ناحية قلة الأعطال تعيش معاك استهلاك معقول جدا للوقود
الباجيرو الفئه الأعلى 230 حصان جيد جدا ولكن لايقارن بالباترول 280حصان 4800ccمن حيث الخفه والشكل والقوه لاحظ السعر 118000__ 136000 .( الباترول أقل من الفل ممتاز جدا )
الفئه الأقل 190 حصان مع واحد من الأخوان مريح عملي لكن ضعيف جدا مايملى عينك ويفشلك اذا طلعت مع خوياك كل شوي يحترونك عشان تدور لك مطلاع سهل .. تصدق أقول لخوي ادعس يقول هذاني داعس كل الدعسه ؟؟؟لايقربك (الا اذا أنت مايهمك صدرك وسيع بالبر) أذا لقيت لك مطلاع شين تدور غيره حتى لو ياخذ عليك وقت ومسافه
نصيحتي الشخصيه .. ( وتراني لك عليه بالجيوب هههه)
خذ باترول سوبر سفاري ماشي من الخمسه الى العشرة الاف كيلو ويطيح لك فيه حول العشرين الف وتاخذ سياره لايعلى عليها من جميع ماتبي ( خط - بر - ديره ) والظاهر ان موديل ألفين وسبعه فيه كلام من حيث تغير الشكل
واسف جدا على الأطاله
صليب الرأس
29/08/2006, 03:02 PM
اخوي الربذي
مهوب صحيح بخصوص الهواء يمكن السيارة اللي يتكلم عنها فيها خلل . المهم السيارة ممتازة من كل النواحي , اما بالنسبة للقطع انشاء الله منت محتاج لها في السنوات القادمة وخاصة اذا كانت الصيانة دورية علي السيارة . اقول توكل علي الله واشتر الباجيرو والله يكفيك شرة ,
اخوك معه واحد 2005 فل وبصراحة ممتاز مريح ويكفي انة الاول في الرايلي .
آل مهنا
29/08/2006, 03:51 PM
اخواني انا من فضل الله علي املك باجيروا 2005 فل كامل 3800... الحقيقه اخذته سفر ماهي ذيك المسافه حول 200 كيلو بس موضوع صوت الهواء انا مالاحظته ابد و السياره مريحه جدا من جميع النواحي ... ولها معي حول الثمان شهور ... الي يقول ان عزم الباجيرو ضعيف او انه يفشلك مع اخوياك ... اقوله السياره صحيح اضعف من ناحية القوه الحصانيه من الباترول واللاند لكن فيه ميزه ماهي موجوده فيهم كلهم في الدبل (الثالث) والي يوزع العزم بين الاربع كفرات بالتساوي (%50-%50)... وهذي تساعد كثير وخاصه في الرباضات ... بالاضافه الي ان فيه قفل لاي كفر يكون يلف في الهواء وهذي خاصيه ايتوماتيكيه فيه وهي تقفل اي عدد من الكفرات كلا على حده ...(استعمله احيانا للمراقى والتطعيس ولا قد طلع احد من جهه عجزت عنها ... برغم اني احافظ على السياره ولا اشد عليها )... كما ان فيه خاصيه توفير الوقود داخل المدينه اذا كنت تمشي على مهلك توفر تقريبا نصف قوة المكينه ....
على اي حال القطع والله بالنسبه لي ماهي ذاك الزود ... والصيانه هو اقل السيارات احتياج للصيانه ... وانا ماني بياع ..
مع ملاحظة ان سيارتي ربع . وانا مستعد لاي سؤال عن الباجيرو سواء من خبره عمليه او علميه لاني أخذها عن اقتناع كامل.
anas
30/08/2006, 12:02 AM
اخواني الأعزاء لقد سألت عن قطع الغيار الباجيرو 2006 الفل كامل هذا اليوم الثلاثاء وطلعت بالتالي:
اترككم مع اسعار القطع المهمة فقط اما القطع الباقية فهي رخيصة ولا تستحق ان يترك شخص شراء السيارة بسببها :
قماشات امامية 238 ريال
قماشات خلفية 187 ريال
سير الماكينة ولا يأتي إلا واحد فقط 400 ريال
لمبة الزينون 500 ريال للواحدة اما الشمعة كاملة الواحدة 3600 ريال ( طبعا انوار الزينون تأتي في الفل كامل فقط)
القزاز الأما مي 1350 ريال
الصدام الأمامي 1600 ريال
الاسطب الخلفي الواحدة 740 ريال
اما البواجي فتقريبا 80 ريال
وما عدا ما ذكر من فلتر الهواء وفلتر الزيت رخيص فلم اذكره هنا
باقي صراحة ان اجرب السيارة ودخت ما لقيت محل اجار سيارات في جدة وغدا إن شاء الله موعدنا مع الوكالة لتجربة الباجيرو الفل كامل وبعدها سأنقل ملاحظاتي عليها هنا .
الأخ عنيد والأخ صليب الرأس /الله يجزاكم عنا خير الجزاء على هذه المعلومات القيمة ولا يهون الاخوان الباقين .. الان بصراحة اقدر اروح للوكالة واشتري لي باجيرو بالتقسيط إن شاء الله وانا مرتاح علماً بأن قيمته وكالة فل كامل 2006 114500 ريال والؤلؤي بـ 115000 ريال .
هاوي الله
30/08/2006, 12:14 AM
أهم شي :
1- قوة العزم ( المكينه )
2- أقل أجهزة إلكترونية

يعني توكل على الله وخذ باجيرو تقريباً اللي أقل من الفُل كامل في المواصفات يعني أهم شي تكون المكينه أقوى شي في الباجيرو وتكون الأجهزة الإلكترونية قليله .
شمالي غير
30/08/2006, 06:08 AM
باجيرو عيبه الوحيد سعره عند البيع

يعني اذا كنت تبي تستخدم انصحك به واذا كنت ملول دور تويوتا او جمس

بالنسبه للقوه انا استخدمت موتور 2001 فل كامل وما اقول الا ما شاء اله تبارك الله , ما قد فشلني ابد ..

اما القطع فلا تسأل اربع سنوات ولله الحمد الين بعته ما حطيت به الا بنزبن وزيت ومساحات واقمشمه وغيرت البواجي لقافه :D !!

الله يوفقك
آل مهنا
30/08/2006, 01:36 PM
اخوي anas حياك الله وفي الخدمه دائما ... على اي حال اذا للآن ما اخذت انصحك تأخذ 2005 ترا ما فيه فرق بينه وبين 2006 الا السعر ... وانا هنا اقصد ان الفرق بينهم صفر ... والله يجعله فال خير عليك ان شاء الله ...
الوسمي44
30/08/2006, 01:45 PM
المشكله الحقيقية في المستوبيشي ان وكيلها ضعيف جدا جدا ويتعب من يشتري منه ولمعرفه ذلك ماعليك الا ااوقوف لمده ساعه داخل مقر قطع الغيار ولاحظ المشاكل التي يعاني منها المستهلك وهذه المشكله قديمه جداً وفي حاله مناقشه البائعين على انفراد سوف تعلم ان السبب الحقيقي ان المالك يرغب في الربح فقط دون ان يوفر الخدمات اللازمة واتوقع في اي لحضه ان تسحب الوكاله منه الى شخص اكثر كفأة منه
الربذي
30/08/2006, 05:43 PM
اناس
سامودة
صليب الراس
عنيد
فتى البران
دبليو اس دبليو
الوسمي
الله يعطيكم العافيه
ماقصرتوا اخواني بس احترت كثير بين ذام ومادح
لكن بسبب قطع الغيار ومارايته عند الوكاله من شتم ولعن والعياذ بالله وقطع غياره الغاليه جدا ووكالته الخايسه وعدم وجود منافس
صرفت النظر عنه نهائيا
واقل بارك الله بكم عند حسن ظني دائما يااحلى اعضاء (اعضاء بجسم واحد)
anas
31/08/2006, 02:30 AM
اليوم الأربعاء جربت الباجيرو جديد فل كامل في الوكالة بجدة وصراحة وبدون عاطفة او مجاملات وجدت الآتي :
في القومة جيد مشابه لقومة اللاندكروزر اما الباترول فهو اقوى من الباجيرو ( طبعا يا جماعة انا بنفسي مجرب قومة اللاندكروزر والباترول 2006 والباجيرو 2005 )
بالنسبة لصوت الضجيج من الهواء والماكينة بصراحة جربت السيارة الى سرعة 170كلم ووجدت ان الصوت يبدأ يطلع من سرعة 140كلم والصوت هو عبارة عن صوت الهواء اما الماكينة ما شاء الله ما تسمع صوتها ..وعند التدقيق من مصدر الهواء وجدته على ما اعتقد هو من الزجاج الأمامي لأنه يأتي كبير ودرجة ميلانه غير الموجود في اللاندكروزر والباترول انسيابي اكثر ولكن بالنسبة لمساحة الرؤية انا افضله على الباترول واللاندكروزر.
اخي عنده لاندكروزر موديل 2004 من اليحي Gxr مشينا الى سرعة 160كلم صراحة تسمع صوت الماكينة ظاهر وواضح اكثر من الباجيرو اما صوت الهواء فهو قليل .
ويا اخوان انا استأجرت قبل اقل من شهر باترول 2006 سفاري 2 وجربناها انا واخوي صاحب اللاندكروزر السابق ذكره ومشيت بالسيارة على سرعة 180كلم وبصراحة وبدون مجاملات وجدت السيارة افضل من الباجيرو واللاندكروزر بتاع اخي باعتراف اخي من حيث صوت الماكينة وكذلك صوت الهواء ... فلله درك يا باترول .
ملاحظة: الباجيرو يأتي بثلاث دبلات H4 اي الدبل الخفيف ،،، HLC4 الدبل الخفيف مع الدف لوك مشبوك ،،، LLC4 الدبل الثقيل والدف لوك مشبوك ،،،، اما الوضع العادي فيكون على H2 .
((اعرف ان الجميع بيقول ثرثرتك زايدة هاليومين :o وضعيف في التعبير :D وازعجتنا بأخوك :p ))
الربذي
31/08/2006, 10:52 AM
الســـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــلآم عليــــــــــــــــــــــــــــــــــــــــكم

لاوالله حشى اخوي ماقصرت استفاد من تجربتك الكثير بنقلك لها هنا
اخي اناس ماقصرت بيض الله وجهك بس يمكن جارك من احدى الدول الاهراميه !!!! ترا امزح لاتواخذني
نعم البترول كنت متوقع انه الافضل واحس انه قوي مره
وتصدق انه يطلح نار مع الشكمان وشلون لااعرف لهب وفيه ناس شبوا من شكمانه النار ابو نار سنايدي
واثنا الدوس الجائر يطلع لهب
ومره بالقصيم عند اشاره قمز الباترول 2005 قمزه لايمكن تكون الا من فيراري ولا لمبورقيني ولا بورش بص صوته رياضي
واتضح انه مركب هدرز وفلتر واسلاك بواجي رياضيه والتحدى اي سياره تجيب طريقه