المساعد الشخصي الرقمي

مشاهدة النسخة كاملة : جيب شاص 2003


الوافي الشمالي
05/12/2002, 12:27 AM
هلا والله --- ياراعي الجيب الشاص2003 يحمل اثنان تنك (خزان بنزين) طيب ابي اعمله خزان ماء يتسع لاكثر من خمسين لتر داخلي اي من تحة من منكم عندة معلومات كيف واشكال وفكرة وصور او مخطط للخزان الماءوالله اني احترت فية عذبني ولا لقيت احد يرشدني حمل جركن نزل جركن وحياكم عندنا في الشمال
شاهين الجوف
05/12/2002, 02:30 AM
اخي الوافي سؤالك هذا تحصلة عند اصحاب المحادد وهم ابخص وافضل لما يكون الجيب عندهم على الطبيعة وياخذون المقاسات
غـنــــــــــام
05/12/2002, 03:34 PM
اول شي اقووووووووول لك انت واخواني اعضاء منتدى مكشاات

كل عام وانتم بالف خيرررررر وعساكم من عواده انشالله يا ربي

وبالنسبه للجيب اول شي عساه الف مبروك ويعطيك من خيره ويكفيك من شره .

وانت يا اخوي الغالي الوافي الشمالي مشكلتك بسيطه مررررررره

والتنك امره سهل وانا اخوك وانت من اهل الشمال يعني جنبي واكيد جاري

وعندنا محدده بالجوف تسوي التنك ويعجبك مررره حلووو شغلهم بس غالي

تراه واذا شفت التنك مارراح تصدق انه تفصال تحسبه جاهز ماشالله على شغلهم

واذا حبيت تحلها ارسل لي رساله خاصه اوكي لا اوصيك .

ولكم من القلب تحيه

اخوكم,,, غـــنـــــــــــام
الخبير
06/12/2002, 12:59 PM
السلام عليكم
مبروك يا الوافي على الشاص ، لكن يا طويل العمر وش السبب انك تبي تحطه تحت ؟؟؟؟؟ ليش ما تحطه في الصندوق ترى الصندوق خلوه اكبر من اول .
و 50 لتر مع احترامي وش تسوي ، إذا بغيت تحط تانكي في الصندوق حطه بالطول او العرض و على العموم كل واحد منهم يبي يصير ياخذ تقريباً 300 لتر . لا تقول وش ابغا بالكمية ذي كلها صدقني الماء مهم جداً ( و جعلنا من الماء كل شئ حي ) .
الوافي الشمالي
06/12/2002, 02:23 PM
الحقيقة كل الشكر لكم ويا هلا فيك يا الخبير والغانم وانا ارسلت لكم بعض التوضيحات وشكرا
طلال
11/12/2002, 04:54 PM
السلام عليكم وكل عام وانتم بخير وصحه وعافيه فعلاً كما قال الخبير حط التوانك بالصندوق اصحاب الجيوب الصالون والربع هم الي يحطون التانكي تحت اما الشاص فاالحقيقه اول مره اسمع ان فيه احد يحطه تحت وخمسين لتر مايكفي الا لوجبتين شاهي وسلامك يالوفي 00
ابوعطفة
19/12/2002, 07:41 AM
مبروك الموتر اللة يعطيك خيرة ويكفيك شرة
اخوى الوافى الشمالى
انا عندى 2002 وركبت تانكى خلفى محل كفر الموديلات القديمة يشيل 60-70 لتر ركبتة فى الرياض
وركبت واحد ثانى فوق 200 لتر بلعرض ورجعت الكفر ورا
وتحياتى
المجًفل
10/01/2003, 07:46 PM
[مساك الله بالخير ياخوي الوافي الشمالي

عليك بالتوانك اللي بالصندوق والا ابو خمسين لتر مايمديك تغسل عزبتك الا وهو خالص ؟؟؟

لا واذا انت طالع للبر لمدة اربع ايام وش تسوي والمشكله بعد اذا صار معك شله وهذا يصفق بالماء وهذا

يخلي البزبوز مفتوح عاد رقعها وماحولك ديره تجيب منها ماء مشكله تنقل كراتين موية صحه والا جراكن

ماتدري وش الماء اللي بهن والا تبي تغرف بالدلو احسن

زين التوانك بالصندوق واتريح