المساعد الشخصي الرقمي

مشاهدة النسخة كاملة : وين يقع جرس السرعة حق اللاند أبمكع أبوه00


المحدرة
14/08/2006, 05:47 AM
السلام عليكم / أخواني00

جرس السرعة حق اللاند كروزر موديل 99 gxrوين يقع من أجل مصعه وإسكاته إلى الأبد00
صقر
14/08/2006, 06:05 AM
ههههههههههههههه

أنا ضحكت على العنوان ودخلت اسلم عليك يالمحدرة .

ياليت أقدر اساعدك ... موتري باترول وما فيه ازعاج ... لأني ما أتعدى الـ 120ك/س

أخوك مغصوب ... المكينة ديزل هههه

تم نقل الموضوع الى خيمة السيارات وتجهيزاتها .

بارك الله فيك.
تميراوي
14/08/2006, 01:29 PM
والله انا زيك مسبسب صداع في راسي ابي امصعه بس مالقيته شكلهم حاطينه وسط الطبلون
الكاسر23
14/08/2006, 02:02 PM
ههههههههههههه

والله اني داخل عشان احييك ، مت من الضحك على العنوان.

بالنسبة لجرس السرعة ، عندك حلين لفصلة:
1- دور عليه في علبة الفيوزات وراح تلقاه باذن الله.
2- اذا ما حصلت الفيوز ، تحتاج لفك الجزء السفلي من الطبلون وتراه عبارة عن سماعة صغيرة جدا بقطر 5 سم، امصعها وحطها في ميدالية المفاتيح ، جزاء لها وردعا لامثالها.
عاد مكان جرس السرعة يختلف من موتر للثاني، فمثلا اللاندكروزر موديل 97 وتحت، يجي الجرس بجانب المسجل.

والله لا يحرمنا من استفساراتك :))
وتقبل تحياتي
اخوك
أبو محمد
(الكاسر)
ابو درع
14/08/2006, 02:14 PM
اقول اليمنه اشتغل الجرس حق موترك ردد مثله وقل



ديد




ديد




ديد




ديد




ديد





ديد






ديد






دي






طاط






اليمين تاصل كذا يضيع الصوت




ديد




بخ



ههههههههه
ابومعاذ3
14/08/2006, 02:55 PM
مساكم الله بالخير

من رأيي أنك إذا لقيته لف عليه شطرطون يخفض صوته ( يكتمه ) ولا تفصله لأنه مهم لتنبيهك بالسرعة
هذا اللي سويته في سيارتي لكن ليست ( لاند )
تحياتي
المحدرة
14/08/2006, 03:15 PM
السلام عليكم / أخواني00
جزيتم خير على المشاركة00 ويامل الجنة الباردة00

صقر00
الله يسلمك 00
والله يحييك يانحلة مكشات والله يبارس بالجرس ( العلة ) اللي خلاك تنتق :D
بس ماكو حل00


تميراوي /
صراحة أنا وإياك نكسر الخاطر00 أبشر بالخير
إذا لقيت حل أبا أعلمك وأنت لاتخلينا00


الكاسر 23


الله يحيي هاالخشيشة 00 وبلاك ماتدري وشو يزين بي المذكور 00 لا00 وأحس أحيانآ انه يعاند00 ويقول
طططططططططوووووووووووووووووططططططططططططط
ولاتوصي إن لقيته بقرب درام 00وأبا أعمل بنصايحك00




أبودرع /
أنواع الفراغ00 ياحبي لك00 واضح إن عندك إجازة :p
أنا حار وشغلك هذا للبارد00
والله ينت تصلح لي خوي للبر00
ودي أقول زيك بيب 00 دييييد 00لكن أخاف يقرون علي :p






ياجماعة الربع ماكو حل 00 أبسافررررررررررر 00




.






.
المحدرة
14/08/2006, 03:19 PM
السلام عليكم /

أبومعاذ00 الله يعظم أجرك00
أنت خلن أقضبه وشغله عندي :mad:
تشرفت بمرورك 00





.
الكاسر23
14/08/2006, 04:01 PM
اخوي المحدرة
ابشر بسعدك والله لأسأل عنه وأجيب لك خبرة دام انك تحس أنه يعاندك :)
ولو كم عندنا من محدرة ، أكيد ما فيه إلا واحد ( طبعا ما هوب أنت) :)

أخوك
الكاسر
غالي
14/08/2006, 04:12 PM
اجل ياحليل 2003 وفوق
ان وصلت 120 طنطن مرتين ويوقف ولاتسمع صوته
وفيه لمبه تأشر اهي الي تستمر ولكن غير مزعجه ولله الحمد مثل حقت حزام الامان
بركان
14/08/2006, 04:15 PM
الاخ المحدره
مكعت ابوه والا بعد!!!!
ا
بصراحة عنوانك افضل عنوان قرأته منذ عرفت مكشات. قريته وجيتك على طووووووووول.
عنوانك يدل على ان هذا الجرس المزعج يرفع الضغط عندك مثل ما يرفعه عندي

حسب علمي انك اذا فصلته يطلع لك جرس ثاني اقوى منه بكثير!!!!!!!!!
اذا لم تجد له حلا اقترح عليك ان تفصل البطارية وانا اضمن لك سكوته الى الابد هو واخوه اللي بيطلع لك!!!!!!!! هههههههههه

وان كان ما تبي تفصل البطاريه عندي لك آخر حل وهو سد آذانك بقطن مثل ما يقول المثل اذن فيها طينه والثانية فيها عجينه وخله يدندن على كيفه..
تحياتي واحترامي. والزعل ممنوع.
snnar
21/08/2006, 03:03 AM
الموضوع بسيط حلة طبق الكلام الي اقولة
1 فك طبلون السيارة (الامبيرات)
شوف البورد حقت الطبلون بالخلف
ركز بالمسامير الي تربط البورد عل الطبلون
فية مسمار مربوط يسوي توصيل بين خطين مكتوب علية جمبر او بزير
فك المسمار وارمية بعيداً حتى لا يرجع يركب مكانة بهذه الطريقة تفصل الجرس حق السرعة
ارجو ان يكون الشرح واضح
ابوعزيزm
21/08/2006, 03:42 AM
ريح نفسك ورح لم الكهربائي بـ 20 ريال فقط وتنتهي المشكلة :)
الكاسر23
21/08/2006, 12:27 PM
اخوي المحدرة

السلام عليكم

كان بودي ارجع لك بخبر زين، لكن للأسف كل ما سألت أحد يقول ما عندي علم.
لكن شوف الطريقة اللي عرضها أخونا snnar قد تكون مجدية أو تأخذ بنصيحة العزيز أبو عزيز m
واذا ما فادت معك، فانصحك بحاولة التعايش مع المذكور وربنا يتمم بخير.:)

اخوك
الكاسر
ابو محمد
برادو
21/08/2006, 02:34 PM
السلام عليكم

انا عجبني العنوان وان كان يدل على شي فهو يدل على القهر والظلم من المذكور على اخونا المحدره. بودي والله اساعدك بس ما مر علي طريقه مكع ابوه !!!! :)
الكابتن
21/08/2006, 05:14 PM
بعد التحيه
اخوى لاتلعب بالموتر

وريح باللك ورح للبازعى ويفصلونه ب120

وانتبه خصوصا اذا كان القير تماتيك

اخوك الكبتن
الكلاسك
21/08/2006, 10:13 PM
دام معك جيب لا وقديم بعد 99 :) خله يقرق على راسك لين تهدي لان الجيوب خطيره في السرعه على طول يقلب الله يكفينا وياك الشر
المحدرة
21/08/2006, 10:38 PM
السلام عليكم /
أبشركم اعتمرت ولايزال المذكور يقلع بي00
اعنبو شيطانه سيف ماينبح حلقه00

ياسلام عليكم00
ودي أجمعكم بكشتة وخاصة جمارة قلبي بركان00عمومآ00
الكابتن /
صراحة كلامك يروع00 لأنه فعلآ اتوماتيك00
برادو00 ياحبيل خشيشك يامشعل00 فعلآ مقهور00 آه لو أمسكه00 تدري وش أبسوي به00
أبحسربه قبل أتخلص منه00
الكاسر00
والله انك وافي وكافي(حلوه)00 لكن يكفي تعايش00 أنا كبرت وطلع الشيب براسي
الكلاسيك00
والله مانب راعي سرعة00 لكن أحب أمشي 140 والموتر ابشرك نظيف ولله الحمد
أبوعزيز00
يازين مشبكم00 والله ياهو كذا :good: صور صح00
رحت لكهربائي وخوفني لأنه توماتيك ولاأدري ليش00
snnar
أبجرب كلامك وأنا على حذر لأن الكابتن كلامه يخوف00


تشكرون وجزيتم خير جميعآ00


,
جلمود 83
23/08/2006, 10:00 PM
ايه وش قصة الاتوماتيك


انا عن نفسي ودي لو يصير مثل بعض السيارات الجديده يدق مره وحده بس ينبهك ويسكت انا اشوف انه اصرف بكثير من الحفله الي يسويها
مرقاب الشرق
24/08/2006, 12:20 AM
اذا عرفت يالمحدرة وشلون تفصله علمن علشان معي اخوه مزعجن بالحيل طوط طوط الله يعين .
باترول 82
27/08/2006, 12:37 PM
ياخوي المحدرة معك واحد من هالحلين
الأول :- إما انك تهدي السرعه الله يهديك وهو المطلوب
الثاني :- تشتري موتر مديل جديد وتفتك من الازعاج
أبو رداد
27/08/2006, 12:50 PM
السلام عليكم ورحمة اللهوبركاته

مشكور يالمحدرة على طرح الموضوع
ومن تلاقي حل علمنا
ترى معاك في نفس المشكله
sfr
27/08/2006, 12:54 PM
اخوي المدحدر فعلا صوت الجرس جداً يفقع الراس انا من شريت الجيب 2002 اول شي سويته وديته للوكالة شالو لي الجرس على طول
snnar
27/08/2006, 03:42 PM
يا اخوي اسال مجرب ولا تسال طبيب ما فية فرق بين العادي والاتماتيك سو الي قلتلك بدقة الشغلة فية مسمار يوصل الدائرة للجرس اذا فكيتة يقطع الكهرب عن الجرس معمول ليتم تشغيلة او ايقافة حسب مواصفات البلد المصدر اليها معي جيب ياباني ما كان يشتغل جرسة ابدا وفكيت الطبلون علشان انظفة وربطت هالمسمار بالخطاء الي ماكان موجود اصلاً وبعد تركيب الطبلون بدا الجرس يدندن عند 110 اسغربت وفكيت الطبلون ثانية ووجدت المشكلة فكيت المسمار وسكت الجرس تراي مختص بالجيوب خذ كلامي بثقة وليش تدفع 120 علشان فكة مسمار .
car×car
31/08/2006, 12:20 AM
من أجمل العناوين التي قرأتها ويستحق هذا العنوان أن يثبت لحاله !!!


أحسن شئ أخوي إذا حصلته أفدغ السماعة بدل من مصعها حتى لا تحوس نظام السيارة!!
عيون الغلا
31/08/2006, 12:51 AM
أبشر بعزك يالمحدره ياولد أبوي شف وانا أخوك جب زراديه اللي راسه تقل راس أسمكه وأفتح باب السواق وخل السويتش شغال وشف علبة الفيوزات عند رجلك من يسار إذا صرت راكب أبمحل السواق,
أنزل وطبعا وأهم شي يصير الجرس شغال أي بمجرد مايكون السويتش شغال والموتر طافي والباب حق السواق مفتوح يبي يدندن أفتح علبة الفيوزات وابد أمكع على واحد واحد لما يخمد الصوت وينثبر اذا أسكت الصوت معناته انه هذا الفيوز حقه
أتمنى أن الطريقه وصلت الى فهمك وإن كانك بنفس ديرتي أو حولي جبه لي ومالك الا ولد يقرا.....
,,,,,,
لاهوم
31/08/2006, 12:59 AM
اخوي صاحب السوال الامر هين غير السواق ترتاح ؟؟؟


الجرس في طبلون السياره لان النظام الاكتروني من رايي فصل سلك الجرس واذا ماعرفت اذهب الىمركز السفريات ابن مرضاح واسئل عن ناصر المري ابو فيص وهو سيقوم بعمل الازم :no:



http://www.mekshat.com/pix/upload/images19/mk33198_mk33198_g3427[1].jpg
لاهوم
31/08/2006, 01:03 AM
أبشر بعزك يالمحدره ياولد أبوي شف وانا أخوك جب زراديه اللي راسه تقل راس أسمكه وأفتح باب السواق وخل السويتش شغال وشف علبة الفيوزات عند رجلك من يسار إذا صرت راكب أبمحل السواق,
أنزل وطبعا وأهم شي يصير الجرس شغال أي بمجرد مايكون السويتش شغال والموتر طافي والباب حق السواق مفتوح يبي يدندن أفتح علبة الفيوزات وابد أمكع على واحد واحد لما يخمد الصوت وينثبر اذا أسكت الصوت معناته انه هذا الفيوز حقه
أتمنى أن الطريقه وصلت الى فهمك وإن كانك بنفس ديرتي أو حولي جبه لي ومالك الا ولد يقرا.....
,,,,,,


http://www.mekshat.com/pix/upload/sign/images/mk23060.gif
المحدرة
31/08/2006, 04:54 PM
السلام عليكم / أخواني00
جزاكم الله خير على المرور العطر والتعقيب المفيد00

جلمود 8300
ياليت فعلآ يصير له رنة واحدة كل فترة00 والأخ سنار يقول مافيه فرق بين الأتوماتيك والعادي00
أبوفارس الشمري00 وأبو رداد
أبشروا والله بسعدكم00
أخ باترول00
للأسف كل حل أصعب من الثاني00 وترى متوسط سرعتي 140

أخ sfr

الله يسامحك أنا مدحدر :D
وأظن وأنا أخوك إن الوكالة للبعض أضمن00

snnar
سوف أقوم بتنفيذ كلامك00 وتشكر على المتابعة00 لاعدمناك 00

أخ car تقول00
من أجمل العناوين التي قرأتها ويستحق هذا العنوان أن يثبت لحاله !!!

أجل وشوله داخلين لها المنتدى إلا نوسع الصدر والتعرف على الرجال شرواكم00
قل 00 شرواك الطيب :D
أبفدغ جده أنت مسكن إياه00


ياعيون الغلا00
المشكلة إن حله ماهوب مع الفيوز00
وإلا كان رفعت السيارة من ورى ودست بنزين وسويت سواتك00


ألأخ / لاهوم00
إن مريت حوله لعلي أستشيرالمري هذا00


غفر الله لكم جميعآ على إحساسكم بي وبمعاناتي00


.
عيون الغلا
31/08/2006, 06:38 PM
المحدره ياخوي مالازم ترفع الموتر
أفتح الباب بس والسويتش شغال بدون ماتشغل الموتر
تبي تسمع صوت الجرس اللي يرن علشان الباب مفتوح
هذا هو أصلآ الجرس واحد للباب إذا كان مفتوح ولتنبيه السرعه
بعدين فك الفيوزات واحد واحد لما يلفقه الجرس وتنتهي المشكله
,,,,,,,

وأنا متأكد إنك تقدر أتخرمسه من عند الفيوز
المحدرة
31/08/2006, 07:50 PM
ياعيون الغلا 00 والله مالي خبر بصوت الباب لأني ماكع السلك اللي تحت المرتبة00
حلوة كلمة00 يلفقه :D 00







.
برعوص
31/08/2006, 09:37 PM
عليك بالبازعي لا جرس ولا يحزنون عند 120 تسمع صوت يناديك يقول زد زد
مرقاب الشرق
08/09/2006, 09:56 PM
الاخ عيون الغلا
جربت طريقتك ولم تنجح معي وش رايك ؟؟؟؟
الذيب الاسحم
08/09/2006, 10:15 PM
احسن حل افصل البطاريه ولا طول على المسجل
ههههههههههههههههههههههههههههههههههههه
كلرز
09/09/2006, 04:01 AM
يخوي رح كهربائي يفكة لك انشالله يروح عنك الصوت
مرقاب الشرق
12/09/2006, 11:14 PM
لا يالحبيب انا ابي اشيله وقت السفر بس .
جلمود1
22/09/2006, 01:26 PM
المحدرة تبي نصيحتي خله تكفى كوده يخليك تهون من السرعه انت نسيت الحكمه اللي تقول ( لا تسرع يا بابا نحن في انتظارك )
حر اليدين
26/09/2006, 11:14 AM
السلام عليكم
علمني وين مكان جرس الددسن امكع جده اللي جابه بس بدون مايوقف الكيلو واعلمك وش لون تسوي بالجيب

حر اليدين