المساعد الشخصي الرقمي

مشاهدة النسخة كاملة : مسافر لصلاله بكرا ان شاء الله عندي اساله ؟؟


أبوأحمد98
14/08/2006, 09:09 AM
السلام عليكم ورحمة الله وبركاته
ياجماعة الخير ناوي امشي لصلاله ان شاء الله وعندي بعض الاساله لاهنتوا نبي الاجابه عليه

ابي وصف لمنفذ البطحاء عن طريق الحسا وانا طالع من الرياض ؟؟

بعد منفذ البطحاء ابي وصف لصلاله ؟؟

بالنسبه للفلوس اصرف واخذ معي كاش او عن طريق الصراف ؟؟للمعلوميه الحساب بالراجحي وخويي بالرياض

كم سعر السكن لشخصين بصلاله ؟؟

كم سعر لتر البنزين ؟؟

وشكرا
ابو خالد 2006
14/08/2006, 11:01 AM
حياك الله اخوي

س1 / لا اعرف اجابته

س2 / بعد منفذ البطحا تمشي طوالي حوالي 300 كم إلى ان يجيك مفرق العين على اليمين روح يمين الى مدينة العين , وفي العين تقريبا منفذ عمان " مزيد " وقريب منها جدا

س 3 / الفلوس تقدر تتعامل هناك مع فلوس سعودية او عمانية او امارتيه كله ماشي , لكن اضمن لك اصرف ريالات سعودية من هنا اللي يكفيك واذا رحت لصلالة اصرفهم عمانية هناك او تعامل معهم بالريال السعودي على هواك

س 4/ اسعار السكن تختلف هناك , وعلى حسب نظافة المكان انا سكنت قبل اسبوعين 4 اشخاص ( غرفتين وصالة ) بـ 300 ريال سعودي وتقدر تحصل بأقل والسكن هناك متوفر

س 5/ لتر البانزين هناك حوالي 1.21 ريال وعشرين هللة سعودي , ويعتبر غالي مرة , والديزل حوالي 2.25 :) يعني البانزين رحمة عند الديزل

النقطة الاهم اللي ابي انصحكم بها وهي محطات البانزين غير متوفرة هناك كثير , لذلك انصحك تعبي من كل محطة تمر من عندها حتى لو كان التانكي مليان , ولو كان سيارتكم ما فيها تانكي ثاني حاول تاخذ معك جركل لانك ممكن تمر من عند محطة مخلص البانزين اللي فيها ( مثل ما حصل لنا )

رحلة سعيدة وربي يوفقكم اخوي
أبوأحمد98
14/08/2006, 11:32 AM
مشكور ((ابوخالد))وماقصرت
ابوعبيده
14/08/2006, 01:46 PM
بالنسبه للسكن اخوي تراه صعب هاليومين قبل ايام كنت في صلاله ولم نجد سكن الابشق الانفس ... ان كان فيه احد من الشباب في صلاله تعرفه خله يدور لكم سكن احسن ...

حنا تعبنا واخرتها سكن في فندق هاملتون الليله الاولي ب600 ريااااااااال سعودي ومن الغد رحمنا الله ولقينا غرفه وصاله ب 250 وحبة خشم ..

في شهر اغسطس يكثر السياح هناك ويصعب وجود شقق ..
الباهي
14/08/2006, 02:54 PM
تفضل يالغالي

هذا رد انا كاتبه تفصيلي عن طريق الرياض الى الامارت مرورا بالاحساء

وهونفس الشي المؤدي الى عمان
http://www.mekshat.com/vb/showthread.php?t=53703
تروح وتجي بالسلامه
بواسامه
18/08/2006, 03:00 PM
السكن صعب وانا اخوك
وطبيعي تلقى عوايل نايمه في البر
بذات بهالشهر اغسطس
زحمة خيال 000توني جاي قبي يومين واول يوم سكن خلاوي على طريق طاقه
مالقينا سكن
بلده صغيره ويجيهم شي فوق طاقتهم وتزامنا مع احداث لبنان راحو فيها
طبيعي اذا رحت تتمشى بمصد عن صلاله ماتلقى مويه سبقوك السياح واخذوها
لهذا اشتر كل ماتبي من صلاله قبل ما تروح تتمشى
من اول يوم خذ لك اي علاج عن البعوض ولا والله ان يهبل بك خصوصا عند العيون وكثرة المياه
رحله موفقه وانا اخوك
وترجع بالسلامه

ونصيحه اخيره لا تمسك خط نزوى الى صلاله الا في الليل ولا والله ان تكره نفسك والرحله من طول الخط