استشارة بتغيير زيت القير

[hussien18]

السلام عليكم

ياشباب انا الوالد الله يحفظه قال لي.. لا تسوي صيانة للسيارة حسب الكاتلوج .. اتبع الكاتلوج في زيت القير والمكينة فقط وغيرهم بوقتهم ..
و سيارتي ما شاء الله تبارك الرحمن عدادها اليوم وصل 134 الف كلم هيونداي 2006 ،، ومافيه مشاكل الله يبعدها..
اخر مره غيرت زيت القير قبل سنتين .. وكان العداد 89 الف يعني مشيت عليه الى اليوم 45 الف .. والكاتلوج مكتوب التغيير كل 45 الف

انا اشتريت علب زيت القير من الوكالة وان شاء الله بكرا بالليل رجعتي من الدوام بغير زيت القير والمكينة

سؤالي
هل اتبع طريقة التغيير علبة علبة ولا كيف؟ لان انا متخوف من سالفة تغيير زيت القير

قريت مواضيع كثير يقولون يروح عليك القير اذا غيرته كامل دفعه وحده

وسؤالي الثاني
ووين افضل تغيير زيت القير والسيارة باردة او حارة ،، اقصد اغير الزيت بعد الدوام او قبل لا اروح الدوام (مع العلم ان مسافة الدوام 175 كلم)

وشكرا لكم مقدما

[SAS2]

انت ما تاخرت بتغيير زيت القير يعني غير ولا عليك الي يخاف هو الي مشى 200 الف وطالع بدون تغيير

وبالنسبه لوقت التغيير السيارة تكون حارة والا باردة مدري الي متاكد منه مويه الاديتر فقط تكون السيارة باردة اما القير يفيدونك الاخوان

وبالتوفيق

[0راعي الجبيل0]

يكون الزيت بارد للقير افضل
وقت التغيير
لكي يكون التحقق من مستوى الزيت دقيق وقت التعبئة ولايكون ناقص او زائد