هل استطيع شراء سيارة بلوحاتها الكويتية دون تصدير وانا سعودي لا املك بطاقةمدنية كويتية

[قطاع الأرماس]

السلام عليكم ..
لدي سؤال يالربع وهو هل استطيع شراء سيارة بلوحاتها الكويتية بدون تصدير وانا سعودي لا املك بطاقة مدنية كويتية .. والسبب هو ان التصدير لايمكن للموديلات الأقل من 2007 وانا افكر في شراء سيارة من الكويت لكن لا املك بطاقة مدنية كويتية فهل يشترط لشراء السعودي السيارة الكويتية ان يملك بطاقة مدنية كويتية التي يستخرجها السعوديين المقيمين في الكويت ؟ حيث اني سمعت من احد الأشخاص انه لم يُعد يشترط ذلك واحببت التأكد اكثر قبل الإقدام .

[ابوعمر1397]

نعم تقدر تنقلها باسمك بجواز السفر وليس بالبطاقة المدنية

[ابوماجد-1]

نعم تنقلها بأسمك بالجواز

والامور سهالات بس للعلم بعض المنافذ تمنع خروجك من السعوديه بها وانت لاتحمل بطاقه مدنيه كويتيه

[قطاع الأرماس]

جزاكم الله خير ابو ماجد و ابو عمر .. لكن ابي العلم الوكاد 100% لأن جوازي جاهز وفلوسي جاهزة والأنواع اللي ابيها موجودة بالكويت وانا حاليا بالرياض و اريد ان اتأكد 100% قبل ما أدق سلف للكويت .. لأني اخبر شراء السعودي لسيارة في الكويت كان معقد جداً وكان يشترط حضور شخص كويتي لكن تفاجئت الان بأحدهم يقول لي اني استطيع شراء السيارة الكويتية بلوحاتها الكويتية بجواز السفر وادخالها للسعودية .. فهل تستطيعون يبوماجد وابوعمر ان تتأكدون لي ولكم دعوة في ظهر الغيب

[كثير السؤال]

الكويت فيها ازمه سياسيه فكر بالموضوع بعدين

[عود ازرق]

احد اقاربي مشتري سيارة تحمل لوحات كويتية وداخل بها المملكة
بكره ان شاء الله اجيب لك العلم منه

[ابوعمر1397]

المشكلة في شراء السيارات الجديدة فقط لازم كويتي يشتريها او مقيم
المستعمل ما عندك مشكلة
اخوي قبل كم شهر شرى برادو كويتي مستعمل ودخلها السعودية

[قطاع الأرماس]

الكويت فيها ازمه سياسيه فكر بالموضوع بعدين

اخوي الأزمة مالها دخل .. توني راجع من الكويت وكل شي فيها على ما يرام واحسن من السعودية بعد .. لاتتوقع انه اذا كانت هناك مظاهرات بتكون الدعوة فوضى .. بالعكس امن وامان اكثر من عندنا وكل شي متيسر وانا شخصيا دخلت الكويت في يوم مسيرة كرامة وطن1 ولا كأن فيه شي حصل واللي ما يروح لشارع الخليج العربي ما راح يحس بشي حاصل ابداً

[قطاع الأرماس]

احد اقاربي مشتري سيارة تحمل لوحات كويتية وداخل بها المملكة
بكره ان شاء الله اجيب لك العلم منه

جزاك الله خير ياليت تؤكد عليه السؤال بخصوص شرط البطاقة المدنية الكويتية وتسئله متى هو شاريها

[قطاع الأرماس]

المشكلة في شراء السيارات الجديدة فقط لازم كويتي يشتريها او مقيم
المستعمل ما عندك مشكلة
اخوي قبل كم شهر شرى برادو كويتي مستعمل ودخلها السعودية


اها .. صحيح سمعت ان السيارات الجديدة الموجودة في الوكالة فقط لازم يشتريها كويتي واما المستعملة اقدر اشتريها طبيعي و اروح للمنفذ واسوي لها اجراءت التصدير .. لكن سؤالي عن الموديلات التي لا تقبل التصدير هل استطيع شرائها بلوحاتها الكويتية وانا ما عندي بطاقة مدنية كويتية ؟ ( البطاقة التي يستخرجها السعوديين المقيمين في الكويت او الذين يعملون في الكويت ) .

[قطاع الأرماس]

المشكلة في شراء السيارات الجديدة فقط لازم كويتي يشتريها او مقيم
المستعمل ما عندك مشكلة
اخوي قبل كم شهر شرى برادو كويتي مستعمل ودخلها السعودية


برادو اقل من 2007 ولا لا .. وهل دخل بها بلوحاتها الكويتية العادية بدون تصدير ؟

[المتزمجر]

عفواً أخي قطاع الأرماس على التطفل بسؤال آخر
الآن لو اشتريت من قطر أو الإمارات هل الموضوع نفس اللي بالكويت أم لا
وجزاكم الله خير
والله ياقطاع الأرماس أني حبيتك من ردودك:)

[قطاع الأرماس]

عفواً أخي قطاع الأرماس على التطفل بسؤال آخر
الآن لو اشتريت من قطر أو الإمارات هل الموضوع نفس اللي بالكويت أم لا
وجزاكم الله خير
والله ياقطاع الأرماس أني حبيتك من ردودك:)
الكويت ما تأكدت منها 100% .. والحين شوفة عينك جالس اتأكد :D اما البحرين و قطر والإمارات فسئلت عنهم وهم كلهم يشترطون (البطاقة المعنية اسمها في البحرين [ بطاقة الهوية ] وكان اسمها سابقاً [ البطاقة السكانية ] .. وفي قطر اسمها [ بطاقة شخصية ] وفي الكويت اسمها ( بطاقة مدنية ) واما في السعودية فالخليجي الذي يقيم لايستخرج اي بطاقة تثبت سكنه في السعودية وانما يستعمل بطاقة دولته او جوازه .. اصلاً في السعودية لايوجد لدينا حتى عناوين للبيوت :D ) ..

ويبقى السؤال مطروحاً حتى يأتينا احدهم بإجابة متيقن منها شخصياً وهو :
هل أستطيع شراء سيارة بلوحاتها الكويتية دون تصدير وانا سعودي لا املك بطاقة مدنية كويتية ؟

[مكشآتي للآخر]

جـآك العلم يآطآلب العـلم



___
يجب عليك استخراج رقم موحد - -- - فقط لاغير
عن طريق على ماعتقد صورتين شخصية + سكن في الكويت اي واحد تعرفه عادي يعطيك رقم القطعة وكل شي ورقم المنزل
+
تروح اول شي مكان عند المطار قريب حول المطار - ناسي اسمة والله يالغالي تروح لهم ويعطونك ورقة
الى الجنائيات يبصمونك ويصورونك على ماعتقد في المجنائيات وبعدها ترجع ويكتبون لك الرقم الموحد على جوازك في اخر صفحة على جمب رقم طويل ..
خلال ساعتين بالكثير تخلص الشغلة بسيطة جدآ جدآ جدآ

[قطاع الأرماس]

جـآك العلم يآطآلب العـلم



___
يجب عليك استخراج رقم موحد - -- - فقط لاغير
عن طريق على ماعتقد صورتين شخصية + سكن في الكويت اي واحد تعرفه عادي يعطيك رقم القطعة وكل شي ورقم المنزل
+
تروح اول شي مكان عند المطار قريب حول المطار - ناسي اسمة والله يالغالي تروح لهم ويعطونك ورقة
الى الجنائيات يبصمونك ويصورونك على ماعتقد في المجنائيات وبعدها ترجع ويكتبون لك الرقم الموحد على جوازك في اخر صفحة على جمب رقم طويل ..
خلال ساعتين بالكثير تخلص الشغلة بسيطة جدآ جدآ جدآ
حياك الله اخي مكشاتي .. ما ذكرته هو احد طرق استخراج البطاقة المدنية وهي متيسرة للذي يعرف احد ساكن في الكويت ( ويمون عليه ) بحيث يكون رسمياً ساكن معه في البيت .. لكن هناك من لا يمون على احد في الكويت مثلي :D و يصعب عليه ان يستأجر سكن في الكويت من اجل سيارة .. ولهذا سئلت عن امكانية شراء سيارة السعودي لسيارة بلوحاتها الكويتية دون تصدير
في حال كان لايملك بطاقة مدنية كويتية :)

[المنصور كويت]

السلام عليكم ياجماعة الاوضاع طيبة وماكو شي وبخصوص اخوي الي يسئل لازم بطاقة مدنية تكون تشتغل بالكويت ولا مقيم فيها او عن طريق سكن اي احد تعرفة يعطيك عقد بجار وبناء عليه تطلع البطاقة المدنية وبالنسبة للسيارة من سنة 2008 وفوق فقط يعني القرار من السنة الي انت فيها وعد تنازلي 5 سنوات واذا جديدة من الوكيل عادي بس شرط كاش وسلامتكم

[المنيعي1]

قاطع الأرماس
انا على خبري لازم بطاقة مدنية الأن مادري

ولكن المشكلة اذا جبت سيارة اقل من 2007 وبعد فترة تبي تبيع لازم ترجع للكويت وتبيعه.

[قطاع الأرماس]

السلام عليكم ياجماعة الاوضاع طيبة وماكو شي وبخصوص اخوي الي يسئل لازم بطاقة مدنية تكون تشتغل بالكويت ولا مقيم فيها او عن طريق سكن اي احد تعرفة يعطيك عقد بجار وبناء عليه تطلع البطاقة المدنية وبالنسبة للسيارة من سنة 2008 وفوق فقط يعني القرار من السنة الي انت فيها وعد تنازلي 5 سنوات واذا جديدة من الوكيل عادي بس شرط كاش وسلامتكم

كلامك صحيح اخي المنصور والمعلومات التي قلتها ذكرناها في الموضوع .. لكن سؤالي ليس عن طريقة استخراج البطاقة المدنية ولا عن الموديلات التي يسمح بتصديرها فكلنا نعرف هذه المعلومات .. وانما سؤالي عن امكانية شراء سيارة بلوحاتها الكويتية بدون بطاقة مدنية

[قطاع الأرماس]

قاطع الأرماس
انا على خبري لازم بطاقة مدنية الأن مادري

ولكن المشكلة اذا جبت سيارة اقل من 2007 وبعد فترة تبي تبيع لازم ترجع للكويت وتبيعه.

في السابق صحيح كلامك لازم بطاقة مدنية لكن الان سمعت انه لم يعد لازم وحبيت اتأكد 100% قبل ما اروح :)

وبالنسبة لبيع السيارة ماعندك مشكلة نبيع هناك .. الكويت اقرب الى الرياض من بعض مدن السعودية والذهاب لها يوسع الصدر وسياحة في نفس الوقت :)

[المنصور كويت]

كلامك صحيح اخي المنصور والمعلومات التي قلتها ذكرناها في الموضوع .. لكن سؤالي ليس عن طريقة استخراج البطاقة المدنية ولا عن الموديلات التي يسمح بتصديرها فكلنا نعرف هذه المعلومات .. وانما سؤالي عن امكانية شراء سيارة بلوحاتها الكويتية بدون بطاقة مدنية




لاطبعا شلون تحولها بالمرور اذا بتستخدمها بالكويت واذا بطلعها برة لازم البطاقة

[قطاع الأرماس]

كلامك صحيح اخي المنصور والمعلومات التي قلتها ذكرناها في الموضوع .. لكن سؤالي ليس عن طريقة استخراج البطاقة المدنية ولا عن الموديلات التي يسمح بتصديرها فكلنا نعرف هذه المعلومات .. وانما سؤالي عن امكانية شراء سيارة بلوحاتها الكويتية بدون بطاقة مدنية




لاطبعا شلون تحولها بالمرور اذا بتستخدمها بالكويت واذا بطلعها برة لازم البطاقة

هل انت متأكد اخوي 100 % لأني سمعت انه لم يعد لازم بطاقة مدنية وان المرور يسجلونها له بموجب الرقم الموحد الموجود بالجواز

[فهدالخرس]

ايه نعم اخوي تقدر بالجواز تمر اداره الهجره بالفحيحل ويعطونك رقم موحد من 9 خانات وهو الي تسجل فيه السياره

وانا سيارتي كويتيه باسم اخوي مسويها بطريقه الجواز ولها قريب سنه عندي والحمدلله

وبالتوفيق اخوي

[ابوماجد-1]

ياغالي انا اقولك تستطيع فقط عليك التوجه الى الهجره والجوازات بمنطقة الضجيج

ومن هناك تستخرج رقم موحد والشغله ماتكلفك اتوقع الا دينارين فقط

وبعدها تروح تشتري السياره اللي تبي .....

انا سيارتي كويتيه بسسسس احمل بطاقه مدنيه كويتيه

واغلب الشباب سيارات كويتيه وعلى الجواز

في مشكله بالخروج لدول الاخرى فيها مثلاً منفذ الحديثه لايسمح لك بالخروج الا يكون معك بطاقه كويتيه

اما باقي المنافذ ليس لي علم

شنو السياره اللي تبيها ممكن اقدر اخدمك بالموضوع

[مكشآتي للآخر]

انا قلت لك مو لازم بطاقة مدنية بس طلع رقم موحد ولاتطلع بطاقة مدنية بس اهم شي رقم الموحد
عشان تقدر تسجل السيارة بجوازك

[مكشآتي للآخر]

الحمد لله وافقوني الرآي الشباب الي فوق في الرد
إسمع يالغالي ترآ بعد فية منافذ مرآت تضرب معاهم ومرات يمشون



قبل سنتين اخبر منفذ الخفجي عيىآ يدخلني للسعودية وانا جاي من الكويت - يقولي لازم ختم السفارة على الجواز
إنك مقيم في الكويت
ويمين يسار لين دخلوني
وبعدها ختمت جوازي
-بالسفارة- السفارة طبعآ بس يبون بطاقة مدنيـه




ومثل ماقال الي فوق رح طلع رقم موحد -- انا رايح لهم قبل 3 شهور مطلع لواحد من خوياي رقم موحد
ومكانهم الحين جنب المطار -واذا تبي بالتفصيل رح للمطار للقادمون - وادخل من عند البوابة الي يجيك ماكدونالز على يسارك ويمينك بوابة المطار وزحمة يكون - كمل سيدا وراح يلف فيك يسار - لا لف يسار اول لفة يمين رح خذها وهو بالمنطقة ذيك الي تطلع منهم رقم موحد ..

[فارس نت]

انا اذكر انه يصير تسجل السيارة بعد ماتستخرج رقم موحد من هجرة الكويت بس راح اتاكد لك وتجيب لك الخبر الاكيد بس للعلم التامين السيارة في الكويت سنوي للسيارات القديمه

[NissaN 1990]

تقدر تجيب السياره بأسمك بس لازم تطلع من المنفذ بجواز سفرك وأعرف ناس واجد جايبين سيارات بأساميهم موديلات قديمه هذا بالنسبه للكويت أما دول الخليج الباقية مدري وش النظام عندهم

[فارس نت]

انا اذكر انه يصير تسجل السيارة بعد ماتستخرج رقم موحد من هجرة الكويت بس راح اتاكد لك وتجيب لك الخبر الاكيد بس للعلم التامين السيارة في الكويت سنوي للسيارات القديمه




يصير تسجل السيارة بعد استخراج رقم موحد من اداره المنافذ والعلم الاكيد

[biin khaled]

سؤال اضافي على سؤال الاخ قاطع الريماس....
هل هذا الامر ( شراء السيارة بالجواز لغير الكويتي ) ينطبق بعد على الوانيتات أم على السيارات السيدان فقط....لأني أذكر أن السيدان ماعليها مشكلة أما الوانيتات لازم تكون مسجلة بأسم كويتي....فهل هذا صحيح أو تغير الامر....
والعذر على الاطالة

[ابو.ريان]

ابو ماجد ابو ماجد
نداء عاجل

[joblak]

يالربع الامور سهاله لا تشتتون الرجال انا توني محول يوكن 99 من اسمي على اسم واحد من الربع سعودي ولا عنده بطاقه مدنيه ولا هم يحزنون الشغله وما فيها انك تمر الهجره يعطونك رقم موحد تحول السياره بموجب هالرقم بسمك
وسلامتك

[mhad666]

ياشباب الي يبي يشتري سيارة قديمة الان يشترطون بطاقة مدنية والبطاقة المدنية سالفة طويلة علشان تطلعها
بس فيه حل انك تعرف اي واحد بالمرور يمشيها لك تسوي نقل للتامين وبعدين تمر المرور وينقلها بثواني بس بشرط تعرف فيه احد توي جايب يوكن 96

[حمدالعضيب]

ياشباب كيف حالكم
انا افكر احصل علي الهويه المدنيه الكويتيه
كم السعر والمده
وماهي الشروط
هل احد منكم يسويها ونعطيه الاتعاب

[العقاري1]

سبحان الله