بخصوص كفرات البالون على ( الفتك )

[سيد النشاما..]

السلام عليكم ورحمة الله وبركاته
مساكم الله بالخير جميعا :)
في البداية اعتذر لمشرفي وأعضاء الخيمة لتكراري بمثل هذه المواضيع وبالأخص هذه النوعية من الكفرات .. ولكن مادفعني لكتابة الموضوع ألا لعدم وجود معلومة تفيدني شخصياً
أنا لدي سفاري2 ((تماتيك)) موديل 2005
طبعا كلكم عارفين جنوط الشد بلد تجي 17
واستخدامي للسيارة بر وطعوس شبه يومي والخطوط يوميا على مقر العمل الذي يبعد 60 كيلو
انا شخصيا تعجبني البالون وتفيدني بالموتر لذلك ركبت نوع مالون 900 على الجنط 17
صراحة كفر عجيب من رساوته اشك بعض الأحيان أني مركب بالون وثابت ماشاء الله على الخطوط
وشكله جميل للغاية عرييض وبارز
بس ثقيل على السيارة يالربع .
اذا كنت ماشي على سرعة 120 اشوف مؤشر ضغط المكينة مرتفع 3 شرطات كذا عن المعتاد وقليل اشوفه نازل لوضعه الطبيعي يعني المكينة غير مرتاحة
ومن ناحية المطب في الطردي والجلد مطبه شوي قاسي وتنحل مسألة المطب بتــنقـيص الهواء إلى 30 أو 28
ولكن اذا طلعت على المزفلت والهواء 30 عاد الله يعييييييينه يشيل عمره يصير اثقل على المكينة بزيااادة .
وجنط ال16 غير مرغوب فيه نهائيا ..
سؤالي يالربع للي ركب بوالين وجربها على جنوط ال17 / هل يوجد بالون يقارب شكل المالون و يكون( خفيييييييف)على الفتك ؟؟؟؟


واعذروني طولت عليكم ...

[الربذي]

وعليكم السلام بالون اسمه مالون كنت اتجاوزه احسبه خطاء املائي اول مره اسمع فيه انت شجعتني معي فتك2004 وودي اركب بالون خائف مع الفات يزحف مايمسك بريك زين يروح 30بالمية من كفائته ورجه وكل شوي تزيده هواء والان الغلا الفاحش السيام ب820 للواحده تقريبا على كلام بعض الاعضاء وش ذا قريب 4000الاف
ماكنت اعرف ان البالون امن وانت تمدحه
موفق ولاقدر جربته نهائيا بس حبيت اشارك

[«نجم الخير»]

البالون ماوراه الا وجع الراس

عليك بحبيب الفتك وغيره دنلوب

[sgl2002]

حط شاهين

اخت البالون وافضل منه

[أبوغيث 2003]

هلا بسيد النشاما هلا:D

والله أنا جديد على البالون مثلك ولا عندي هاك الخبره;)

لكن حبيت افيدك بالنقطة اللي ذكرته وهي ان امبير الضغط يصير مرتفع عن المعتاد

السبب الله يسلمك لانك بكفرات البالون السرعه اللي تمشيها أكثر من اللي مكتوبه عندك بالعداد

طبلون العداد يعطيك ارقام صحيحه اذا ركبت كفرات نفس مقاس الوكاله


وأنا سمعت إن كفرات بالون نوع هيرو خفيفه اكثر المالوان

عاد يفيدونك الاعضاء اللي عندهم ماضي عريق بالون

موفق

[سيد النشاما..]

هلا بالربذي حياك
البالون فيه نوعيات حلوة ولايغرك النوع الردي
وصراحة مامثلها في البر لان البالون مطبها لين وتريح الموتر في النفود
بعكس كفرات شد البلد .. وخاصة اذا راعي مشاوير رملية مثلا بتقطع ١٠٠ كيلو في الدهنا


نجم الخير
هلابك اخوي ومالنا غناة عنها الله يخليك ...


Sgl2002
شورك طيب لكن انا صراحة يعجبني شكل البوالين ورزتها

ابوغيث يالله انك تحييه
شكلنا سواء في التفكير من يوم كان الباثفندر معي و معك
الارتفاع في الثلاث شرطات وعدم راحة المكينة اهي نفسها كانت بالباث
يسمونها دعسة كهربائية بحيث تعطي شوية عزم لزيادة دورة المكينة
بدون استرجاع نمرة للقير
الموتر الحين مختبص من سبايبها يرتفع المؤشر ٣شرطات او٤ علشان يعوض الضعف الحاصل في العزم وسبب ثقل الكفرات

اذا كانت الهيرو اخف من المالون ونفس شكله حلوووو
ننتظر ونشوف احد اذا مجربها علشان ماتروح التركيبة خسارة .. وتصير مثل المالون

[شنكار]

عندي بالون ماكسس
اشترها مني وجربها...

[0أبومحمد0]

كفرات البالون افضل مقاس له جنط 16 + جنوط سفاري 1 ونظرتها حلوه
ومقاش 17 البالون تثقل الموتر مره

[ابوسند9]

مالون
هيرو
اسيام والاسيام ثلاث مقاسات 16 و17 و18
ماكسس
كلها تغيرت صناعتها ومغشوشه وتباع على انها زي اول واصلي
اللهم اني بلغت اللهم فشهد
واخوي سيد النشاما
ركب مقاس 16 وارتح وجنوط اجمل سفاري ون
ال 17 ثقيل بالحيل

[اشجارالغضاء]

الهيرو انا مركبها ممتازه خفيفة ولينه وتناسب للباترول بس فيها رجه اول ماتمشي عليها بعد متكون السياره موقفه مدة طويله... خذ تسعة غاط او ثمانية لاكن احذر البالون عموما غير مخصص للسرعة يعني لا تتعدى 120
بالتوفيق,,

[راشد أبوعلي]

شاهين ما فيه زيه
للبر بطل وزي البالون
ويصيح للزفلت لكن البالون حلو للبر فقط وخطير مع الزفلت ومنعطفات

[مقلع الرمث]

حسب تجربتي

افضل بالون سيام تير لكن مايجي الا 16 ويكون بعلمك 17 ماينفع ابد ثقيل وحتى اذا حصلت شي خفيف برضوا

ماينفع

خذلك جنوط سوبر سفاري الشكل الاول 16 من موديل 2004 وتحت والا حقت سفاري ون الموديلات من 2005 وفوق طبعا عليك بالاصلي ولاتركب تجاري ابدا وركب عليها سيام

وراح تدعيلي

سالفه الضغط الامبير لازم يكون مرتفع لانك تمشي تقريبا 130 او 135 لان الكفر اكبر وجرب القارمن وراح

تعرف معنى الكلام

طبعا اذا كنت امسافر وطريق سفر لابد انك تعبي هواء اقل شي 45 لان كفر البالون ثقيل وكبير ويبي هواء

واذا كنت امحمل زيد الهواء ايضا

[الربذي]

عندي بالون ماكسس
اشترها مني وجربها...
لو بدل اشترها استعيره مني وجربه اذا جازت له شراه اذا ماجازت له رجعه اذا انك عنده بنفس المكان
عن تجربه لجميع انواع السيارات مايعطيك سرعه حقيقه وتطابق القارمن والردار الا الالماني فقط

[شنكار]

لو بدل اشترها استعيره مني وجربه اذا جازت له شراه اذا ماجازت له رجعه اذا انك عنده بنفس المكان
عن تجربه لجميع انواع السيارات مايعطيك سرعه حقيقه وتطابق القارمن والردار الا الالماني فقط

فدا رجليه
ماعندي الا حلاله
ولاتغلى عليه ولا على باقي الاخوان
اقولها جاد ويعلم الله

[ابوعبدالله46]

حسب تجربتي

افضل بالون سيام تير لكن مايجي الا 16 ويكون بعلمك 17 ماينفع ابد ثقيل وحتى اذا حصلت شي خفيف برضوا

ماينفع

خذلك جنوط سوبر سفاري الشكل الاول 16 من موديل 2004 وتحت والا حقت سفاري ون الموديلات من 2005 وفوق طبعا عليك بالاصلي ولاتركب تجاري ابدا وركب عليها سيام

وراح تدعيلي

سالفه الضغط الامبير لازم يكون مرتفع لانك تمشي تقريبا 130 او 135 لان الكفر اكبر وجرب القارمن وراح

تعرف معنى الكلام

طبعا اذا كنت امسافر وطريق سفر لابد انك تعبي هواء اقل شي 45 لان كفر البالون ثقيل وكبير ويبي هواء

واذا كنت امحمل زيد الهواء ايضا
يوجد اسيام
مقاس 17 و18 انا شايفه قبل فترهفي بريده عند اليحي للكفرات بعد الجوازات على اليمين وانت طالع جنوب وسعر 18 -950 ريال

[سيد النشاما..]

جزاكم الله خير جميعا
التغيير الجاي نوع هيرو ان شاء الله لعله يكون خفيف على الموتر

[سعيد المعمري]

[QUOTE=مقلع الرمث;8886100]حسب تجربتي

افضل بالون سيام
خذلك جنوط سوبر سفاري الشكل الاول 16 من موديل 2004 وتحت والا حقت سفاري ون الموديلات من 2005 وفوق طبعا عليك بالاصلي ولاتركب تجاري ابدا وركب عليها سيام

وراح تدعيلي



انا مويد لكلام اخوي مقلع الرمث
:good2::good2::good2:

[سعيد المعمري]

و الهيرو بعد ممتاز
والله يوفقك بالزين

[الربذي]

فدا رجليه
ماعندي الا حلاله
ولاتغلى عليه ولا على باقي الاخوان
اقولها جاد ويعلم الله
لاهنت قدها وقدود

[مطارد مطر]

شاهين وارفع يدك