الفزعه ياراعي الباترول

[الحربي أبوذيب]

سلام عليكم

مساء صباح الخير

اخواني ابي فزعتكم وابي فزعت ناس مجربه تكفون يااخواني لاتردوني

عندي باترول ربع 93 سلقه الموتر شاريه كل شي شد بلد ودي اعدل من وقفته

وقفت الباترول الوكاله تعرفونها نازل من ورى ودي اظبط وقفته وارفع من ورى ومن قدام شوي

ابي الوقفه تنظبط وش تنصحوني فيه اركبله ييات ومساعديات اركبله كعكعات ؟؟

عطوني الحل وعلشان تكونون بالصورة تراني راعي مقانيص نبي اللي يساعدنا وياليت اللي يذكر

الياي او المساعد او الكعكعات يعطيني بالرقم يعني كم صانتي

بنتظاركم؟

[الحربي أبوذيب]

وين الشباب بنتظاركم

[خبايا انسان]

شف ياخوي ,, شوري عليك دامك راعي مقناص ,, يايات استراليه خلفيه 4 سانتي او 400 كيلو مدري وش اسمها بالضبط + مساعدات شاص تيوتا خلفي ( خذ في بالك الرفعه بتكون عاليه ويجب عليك تنزل القير لا يزيد التنويل عن 2 سانتي )


امامي على نفس رفعه بس ركب له مساعادت مرسيدس ,, ويفضل ان تركب ياي استرالي امامي على نفس رفعه البلد


ويفضل ان تركب مساعد ديركسون جبريال وتدبله بمساعد اخر ديركسون جبريال ,,


انا مسوي الاشياء ذي بموتري , لدرجه اني اطب عقم ويطيح الموتر على وجهه ويثبت على طول مايلعب ,, ماشاء الله

والله اعلم

[التغلبي 502]

انصحك بمساعدات شاص 2002 ويايات استرالية وتقبل مرور

[التعـ King ـديل]

يايات استراليه امامي خلفي لان الربع اذا انشقل من ورا يطلع فيه حره

مساعدات خلفيه شاص 2000

مساعدات اماميه فكسار 1997

[][][زلفاوي][][]

اخي الكريم.. توكل على الله ،، وركب يايات استرالية امامية ارتفاع 2 سم وخلفية 4سم ((عن نفسي الامام 3سم والخلف 7سم) ولا تشيل هم صوت العمود ابد لان اغراضك بتكون معاك دايم فمع الحمولة بيروح الصوت) بالاضافة الى مساعدات جبريال الزرقاء (افضل شيء جربته الى الآن ولها على موتري تقريبا 4 سنوات) واخيرا لا تنسى مساعد الدركسون الافضل الاسترالي (له 6سنوات على موتري ولا شكيت منه ابد) ودامك راعي مقناص رهم عليه مساعد ثاني علشان يكون راكز شوي بالسواقه.. اما بالنسبة للكعكات جيدة وتخدم لكن مزعجة شوي طقطه حتى لو تحط ربلات واجد لها.. والله يوفقنا واياك لكل خير..

[س10]

ادري اني متأخر بالرد ولكن المنتدى يعتبر كمرجع للنشاما

لذلك عليك بالمساعدات (صفراء) ويايات (سوداء) استرالية ماركة (( اولد مان )) وتجي انواع منها الـ 2 انش والـ 4 انش وهم المساعد حسب الوزن اللي تحتاجة بعضها حمولة طن وبعضها اكثر

وللمعلومية كانت على موتري باترول 98 لمدة سنتين وشلتها وركبتها على باترول 96 سنتين برضوه وشلتها وهذه على موتري باترول الان 2007 بكامل عافيتها :)