اعلان عن فقدان طير

[المري]

السلام عليكم ورحمه الله وبركاته,,,,,وبعد


لقد تم فقد طير (حر) منذ مايقارب اسبوع وواجهته صاحبه البارح وقال : ترى طيري غدى


وخبر الربع اللي تعرف وقال لي : صور الطير معي , فاخذت الصور ونزلتها بالمنتدى,


فعسى ان شاء الله ان الله يعقله على يد احد منكم والله الموفق.


صور الطير

http://www.mekshat.com/pix/gallary/data/images/Azzam-1.JPG

http://www.mekshat.com/pix/gallary/data/images/Azzam-2.JPG

http://www.mekshat.com/pix/gallary/data/images/Azzam-3.JPG



فالرجاء ممن يسمع عن اخبار شي ان يخبرني عن طريق الايميل او عن طريق الرد عن الموضوع
وهذا وتقبلو تحيات اخوكم: المري

[الجرودي]

الله يعقله وانا اخوك
المكان اللي غدا فيه وين

[المري]

مرحبا والله الجرودي والله لايهينك على المرور


المحل هو :


قريب من الدمام غرب منه حول مدينه بقيق من شمال.



لاهنت يالجرودي

[أبو فيصل]

عساك على القوّة يالمري يوم نزلت صور (عزّام) في منتدى النشاما

تراه ضاع مني على طلع وفيه ريشة جهاز امريكي و حجل واحد من الشباب يوم 19 رمضان وسبوقة لونها أبيض.

بالمري ودّي بعد نطبع الصور ونوزعها على اصحاب محلاّت الطيور لعل و عسى.

[المري]

مرحبا والله يابو فيصل.


اثاريك معنا في المنتدى وانا مدري


الحمد الله انا نزلناه في منتدى النشاما وعسى الله العلي العظيم ان يعقله على يد احد منهم



اما بالنسبه لطباعة الصور فانت ابخس.

[راع الحبارى]

نسأل الله ان يرده لك هذا اللي نقدر عليه

لكن يأخي ابو فيصل والمري حال العثور عليه ابلاغنا

الديره بعيد عنكم لكن نعمل مافي وسعنا

وتلقاه ان شالله

[أبو فيصل]

السلام عليكم

جزاك اللة خير ياراع الحبارى عسى يشوفه أو يقضبه من خاف ربه.

للمعلومية هناك طير آخر ضيّعه راعية في الشرقية أول رمضان و أوصافة كالتالي:

اللون: أحمر مغاتير صافي
العمر: بكر (أول سنه يقرنس)
علامة مميزة: فيه حجل بأسم صاحب السمو الملكي بدر بن عبد المحسن وكذلك الرقم التالي 054258644
وهناك بشارة مالية قيمة حسب ماقاله صاحبه المهدى عليه وهو يعطي اكثر منها من غير زود على النشاما شرواكم.

[البارود]

اhttp://www.mekshat.com/pix/gallary/data/images/al%20beroood.GIF
لله يعقله على راعيه ويطيح بيد واحد يخاف ربه

[ناب ذيب]

الله يعقل عليكم حلالكم