ماخاب من استخار ولا ندم من استشار

[ن م ر 311]

بسم الله الرحمن الرحيم

ابدخل في الموضوع على طول .. وان شاء الله اني استفيد منكم ومن نصايحكم

الوالد الله يطول بعمره عنده جيب باثفايندر موديل 90 فاكه وكاله على يده

السيارة الان موجودة في البيت للمشاوير البسيطه ونادر احد يستخدمها لان مكينتها بطه (بطيئه) !
كلمت الوالد نغير لها مكينة ونضبطها ونستفيد منها للبر والكشتات
ووافق الحمد لله ..
المشكلة الحين

ما ادري وش اركب عليه من مكينه !
ووش الورش اللي سمعتها كويسه وشغلعا مضبوط (في الرياض او القصيم)
وهل المسألة سهله ان شاء الله والا معقدة وراح تكلفني واجد وخسائر على الفاضي !!



اللي محمسني ازين الموتر ان البودي نظيف جداً والحمد لله ما صار له حوادث ولا فيه صدمات (الوالد كان محافظ عليه) بس مشكلته المكينه
وغير كذا ابي سيارة للبر


ياليت تفيدوني الله يجزاكم خير ..

[Salamah.y]

أتوقع أسهل شيء يرهم له , مكينة سدرك
ست سلندر راسين , راح يكون الاداء ممتاز
اذا حصلت مكينه نظيفة , و كان الترهيم متقن

هذا اذا كنت تبي خيار أسهل و أرخص
لأنه اكيد فيه خيارات افضل كـ مكاين الامريكي و اللكزس و التو جي
و لكن راح تكون اغلى , و اكثر تعقيد , بحكم انها بخاخ ~

,

انا مره شفت واحد 92 عليه مكينة سدرك
و كان صاحبه يمدح الاداء , و لكن ما جربته شخصياً

,

اتمنى ان تجد ما يفيدك هنا من اصحاب الخبره
كل التوفيق , و عسى الله يتمم مشروعك على خير

تحياتي ,, @~

[ن م ر 311]

أتوقع أسهل شيء يرهم له , مكينة سدرك
ست سلندر راسين , راح يكون الاداء ممتاز
اذا حصلت مكينه نظيفة , و كان الترهيم متقن

هذا اذا كنت تبي خيار أسهل و أرخص
لأنه اكيد فيه خيارات افضل كـ مكاين الامريكي و اللكزس و التو جي
و لكن راح تكون اغلى , و اكثر تعقيد , بحكم انها بخاخ ~

,

انا مره شفت واحد 92 عليه مكينة سدرك
و كان صاحبه يمدح الاداء , و لكن ما جربته شخصياً

,

اتمنى ان تجد ما يفيدك هنا من اصحاب الخبره
كل التوفيق , و عسى الله يتمم مشروعك على خير

تحياتي ,, @~




انا في البدايه كنت ادور على مكينة سيدرك
ولقيتها بتشليح الحاير على 3000-3500 ريال .. رخيصه وسعرها معقول
بس بعد ما بحثت عنها وسالت .. لقيتها مكينة عاديه مع انها 6 سلندر ! اتوقع 149 حصان
وقالي احتمال تستغني عن الدبل <مشكلة
وغير كذا الكربريتر ما ينفع

الصراحه احترت :(
قالو لي عن مكاين اللكزس 6 سلندر والتو جي
(بس مدري عنها كم تكلف .. وتركب والا بتعقدني )

مشكور على ردك اخوي والله يسعدك ويوفق الجميع (F)

[ن م ر 311]

معقوله محد رد ؟
محتاج مشورتكم يا شباب

[SGL]

انا اخبر واحد من الشباب ركب مكينة ميتين ال على دتسن غماره85 وجربكس خمس نمر طبعا لحم من عند الكراسي وشغله بس الدتسن حرام بالله موقاضب ارضيته طاير قمنا نطارح خلق الله باالخطوط بس انت ركبله فرار وجرب يمكن يخف ويعجبك

[mshawari1]

اذا بترهم مكينة .. خذ مكينة تشفي صدرك

يا لكزس يا ls1

[AxR979]

ركب مكينة ددسن بخاخ مع اغراضه تطبق علطول

التو جي يبي لك تحويلة او بليته عشان قيرك و تلحيم كراسي و سعر المكينة كاملة 4000 - 5000 على خبري ما ادري اذا تغيرت الاسعار الحين هذا غير سعر التجليس

شف ميزانيتك بالاول ثم حدد المناسب له

[التعـ King ـديل]

الخيارات

مكينه سدرك 2000

مكينه ددسن 2004 وفوق

اللكزس والتو جي وال اس ون راح تتعبك ولا راح تضبط

[أبن ثعلي]

ركب مكينة باترول 4200 تركب لاكن احتمال تشيل مروحة الوكاله او تقلل رصات الاديتر واحتمال تبقى انا انصح بها لقلت خراباتها وقوة عزمها على وزن موترك بتكون ممتازه

[فتك 6666]

اسال عن مكينة البافندر 2002 الى 2005
تراها حلوة ويمكن تركب بدون مشاكل

[ن م ر 311]

اذا بترهم مكينة .. خذ مكينة تشفي صدرك

يا لكزس يا ls1


بالضبط .. هذا اللي انا ادور عليه .. مكينة تطربك في البر وتريحك
بس مشكلة ls1 كبيره على موتري ويبيلها شغل واجد
وبالنسبة لمكينة اللكزس وشي الورش اللي متخصصه فيا وتقدر تركبها على باثفايندر ؟

[ن م ر 311]

ركب مكينة ددسن بخاخ مع اغراضه تطبق علطول

التو جي يبي لك تحويلة او بليته عشان قيرك و تلحيم كراسي و سعر المكينة كاملة 4000 - 5000 على خبري ما ادري اذا تغيرت الاسعار الحين هذا غير سعر التجليس

شف ميزانيتك بالاول ثم حدد المناسب له


الددسن ما فكرت فيها .. وانا عموماً ما اقتنعت بالنيسان ابد !

ميزانيتي من 10 الاف الى 15 الف كحد اقصى
بس مشكلتي ما حددت نوع المكينه للحين (محتار)
وابي اروح لورشه شغلها مضبوط عشان ما اضيع فلوسي على الفاضي

[ن م ر 311]

الخيارات

مكينه سدرك 2000

مكينه ددسن 2004 وفوق

اللكزس والتو جي وال اس ون راح تتعبك ولا راح تضبط



اللكزس والتو جي وال اس ون راح تتعبك ولا راح تضبط
^ تتعبني من اي ناحيه ؟
انا اهم شي اطلع بنتيجه مرضيه

[ن م ر 311]

اسال عن مكينة البافندر 2002 الى 2005
تراها حلوة ويمكن تركب بدون مشاكل

يعطيك العافيه .. فكرة جيدة
ابسآل عنها

[قناص 28 عفيف]

ركب مكينه اكستيرا او باثفندر 6 سلندر طرب وخص الاكستيرا
بس اسئل وشوف هل ممكن تركب بدون مشاكل
بالنسبه لمكينه ال اس 1 ماانصحك خرابه واجد ومايضبط الترهيم

[ls1.5700]

انا من رايي ان تركب مكينه جمس 5,3 حلوه تحمل الجور ورخيصه
ومن ناحية القوه مايحتاج تطربك
بس تاكد هل تحمل الدفرنسات والقير والدبل
ولا وديه لبو وليد احمد الصماعني ببريده
وهو يعطيك العلم الوكاد

[الفلاني فلان]

انصح تركيب مكينة لكزس وراح تدعيلي من قوه واستحمال
تكلفتها كامله تودي سيارتك وتخذها بمكيفها وكل شي بي 17 الف
من بدر الحمد ولو تمره تلقي عنده سفاريات كثيره يركبون لكزس وls1
وماشاء الله شغله نظيف بس مشكلته يأخرك الى تقريباً20 يوم
وفيه واحد ثاني بالرياض ولكن ماعرف اسمه مايطول اقل من 15 يوم
شغله برضو نظيف وممتاز واذا تبي شغل ممتاز وارخص
بالامارات تركبها بي 9 الالف كامله وشغل نظيف
والخيارات بيدك بس حاول انك ماتفكر غير اللكزس

[راعي المسرى]

الله ييسر أمرك ويوفقك .
تبي نصيحتي مادامك واصل الخمس طعش أو العشرين ألف بع موترك وحطها معه واشتر لك موتر يطربك شد بلد بلا ترهيم بلا وجع راس .

[راعي المسرى]

الله ييسر أمرك ويوفقك .
تبي نصيحتي مادامك واصل الخمس طعش أو العشرين ألف بع موترك وحطها معه واشتر لك موتر يطربك شد بلد بلا ترهيم بلا وجع راس .

[راعي المسرى]

الله ييسر أمرك ويوفقك .
تبي نصيحتي مادامك واصل الخمس طعش أو العشرين ألف بع موترك وحطها معه واشتر لك موتر يطربك شد بلد بلا ترهيم بلا وجع راس .

[راعي المسرى]

علق الكمبيوتر عندي وقعد يكرر

[راعي المسرى]

علق الكمبيوتر عندي وقعد يكرر

[راعي المسرى]

علق الكمبيوتر عندي وقعد يكرر

[راعي المسرى]

علق الكمبيوتر عندي وقعد يكرر