المساعد الشخصي الرقمي

مشاهدة النسخة كاملة : آآآه يا Datsun


دسم الشوارب
16/08/2006, 08:53 PM
السلام عليكم
http://www.mekshat.com/pix/upload/images18/mk21568_datsun%20logo.gif

ذكرتوه !
المعلم دستن
ياما له من الصولات والجولات
طلعت سيارات ويبي يطلع بعد بس مثله ما شفت وغيره ما حبيت
بدأت وكالة داتسون آنذاك بإنتاج أول بيك أب عام 1958م
هذا اللي تحت
http://www.mekshat.com/pix/upload/images18/mk21568_datsun-pickup-1958trck.jpg

وكان باكورة انتاج استمرت إلى يومنا هذا
الددسن حظي بمكانة ليست بالقليلة لدى من سبقونا منذ السبعينات
ولو أن (الفرت والجمس) كان لهما نصيب الأسد من الأشعار
ومازال له جمهوره ومحبيه إلى الآن
نعجب لما لهذه السياره من متانه
ونعجب أكثر لما هو سائد عند الناس أنه عكس ذلك
ولكنت من سمع ليس كمن رأى
اترككم مع لقطات اتمنى أن تحوز على إعجابكم
سقا الله ذيك الايام .هذا أنا وتوني مطلع ددسن 77 بقراطيسه
مثل ماتشوفون طاق الشورت وموقف على الكورنيش منول يوم الرياض فيها بحر
http://www.mekshat.com/pix/upload/images18/mk21568_datsun-bn1.jpg

اللي ماتعرفونه ان اللي مصورني هندي لقيته في الشارع وقلت له صورني
المهم هو صورني من هنا وحط رجله بينحاش بكمرتي
قمت وركبت الددسن وانا اللي امعطه بواحد ولا ريحته باثنين الا والكفره فوق ظهره
خذتها منه وانحشت للبيت
;) ترا امزح
وهذا 83 غماره ونصف ودفرنسين ومقهور يومهم ماجابوه عندنا
http://www.mekshat.com/pix/upload/images18/mk21568_datsun-777884.jpg
وهذا بعد

http://www.mekshat.com/pix/upload/images18/mk21568_kkkk.jpg
.......................
http://www.mekshat.com/pix/upload/images18/mk21568_667755.jpg

وهذا ددسن ببيرو

.........
هذا اليوم والباقي بكره
سلام
القناص
16/08/2006, 09:22 PM
ايه عاشت ايامك يا عاشق الددسن يا دسم الشوارب

يا خي شد حيلك وسو لك رابطه لعشاق الددسن

ياما له من المعجبين
الضاري
16/08/2006, 09:23 PM
ههههههههههههههه

هلا والله بدسم الشوارب

رجعت بعد الغيبه ورجعت المواضيع الفكاهية

كثر الله من أمثالك اخي العزيز والحمدلله على السلامه
خليف العيد
17/08/2006, 01:16 AM
حياك الله
يادسم الشوارب
موضوع ممتع ومسلي
لكن وش رايك عندنا دادسون في الضيعه
مديل 78
مسيوم25000ولايبيع راعيه وش عندك له من نصيحه
والف تحية لك من اخيك ابوسامي

(( الـزلـــــــــــــــــ باحث اثارـــــــــــــــــــــــفي ))
دسم الشوارب
17/08/2006, 11:21 AM
اخوي القناص : تعيش وفكرة الرابطة حلوه ;)

اشكرك لمرورك ومشاركتك

اخوي الضاري : جزاك الله خير وسرني إطرائك ويا هلا فيك

اخوي باحث آثار : بالنسبه لخويك إذا كان الموتر نظيف وله معه سنين وذكريات فهو معذور
وأكيد ماحد سايمه هالسومه الا وهو نظيف ولاكيف يسومه بـ25000 وتلقى اللي فاكه على أيامه ماكلفه حتى 12000
واطلبك طلب ! ياليت تنزل كم صورة له نكحل عيونا ونقيمه ..إذا أمكن
دسم الشوارب
18/08/2006, 11:30 PM
hhhhhhhhhhhhhhhhhhhhhhhhhhhhhhhhhhhhf
شبح الصحراء
19/08/2006, 12:29 AM
كان واحد من الشلة أيام الصبا من عرفته ومعاه ددسن 79 غمارتين وكل شوي وقاعد فيها تلميع كفرات وتنظيف مراتب واذا جا المطر ما تشوفه إلا وهو لازق ورا التريلات يغبر ددسنه ، الناس تتطوروا وهو متمسك بها وكان الموتر عن جد نظيف كأنه جديد ، بعد ما توظف وقعد فتره على ددسنه جا حرامي وسرق موتره وانقهر رفيقي مرة مرة وجاه خبر بعد فترة ان موتره مبيوع على شايب في قرية بأقصى البلاد والخبر جاء من الحرامي اللي سرقها والحرامي عرض عليه يسرقها من جديد ويجيبها له مقابل مبلغ كبير! طبعاً الكلام هذا على التليفون ، رفيقي رفض عرض الحرامي وسكر السماعة بوجهه وراح للمعارض وأشترى موتر جديد ويقول ان رجعت ددسني من الحرامي الكلب من يضمن ما يسرقه من جديد .
فعلاً الددسن من أكثر السيارات شعبية ونجاح في المملكة وهي سيارة متينة جداً جداً خصوصاً الموديلات السابقة واكثر من يحبها الشيبان وراعين الحلال .
ولدزيد
19/08/2006, 03:37 AM
تراكم وسعتوا صدري عن الددسن والظاهر اني بطلع لي واحد

بس ياشباب وشرايكم بالهلكس 2006 انا واحد ناشب لي يقوووووووول طلع هيلكس
الله الله بالردود السريعه
شبح الصحراء
19/08/2006, 02:50 PM
ولد زيد انتظر موديل 2007 قرب ينزل وانصحك نصيحة اخوية تأخذ الدفرنسين .
dr.mekshat
19/08/2006, 02:56 PM
الحقيقه صور تحففففففه

مشالله عليك يادسم انا اشهد انك دسم شوارب

تروح ولا تجي الددسن له ذكريات تجبرك تشتاق له غصب

بارك الله فيك دسم
دسم الشوارب
20/08/2006, 12:54 AM
اخوي شبح الصحراء : اشكرك لمرورك ومشاركتك والله يخلف على رفيقك
اخوي ولدزيد : الددسن حبيب خذه ولا تحك راسك
اخوي dr.mekshat : ياهلا فيك اشكر مرورك وإطرائك