طريقة تغير رمان البكرات وشداد السير بالصووووووور

[كبسولة2]

بسم الله الرحمن الرحيم

اخواني المكشاتية تحية عطره وبعد

البعض عندما يحصل له مشكلة صوت من البكرات او شداد السير

يقوم بتغير البكرة كاملة بسعر غاااالي والعطل من الرمان فقط وسعره رخيص

اليوم راح نتعلم سوياً طريقة تغير رمان البكرات لاي بكره

والرمان إذا اردت ان تشتريه لا تشتريه من محلات قطع

الغيار للسيارات الصغيرة غالي وصناعة سيئه خذ القديم

معك وأذهب لمحلات بيع قطع غيار المعدات الثقيلة شياول

ورافعات ويعطونك نفس المقاس الماني اصلي ورخيص

وصناعة ممتازة ولديهم جميع المقاسات متوفرة

هذا شداد سير امريكي فيه صوت ترتره وخربان سعره

كامل اصلي 200 ريال والرمان لوحده 35 ريال

اما الالماني حق المعدات فسعره 25 ريال

اول شيئ تفكه من السيارة وتفك المسمار الي بالنصف

http://www.mekshat.com/pix/upload05/images250/mk41037_2012-11-11_212203%201.jpg

وهذا شكله بعد الفك

http://www.mekshat.com/pix/upload05/images250/mk41037_2012-11-11_212330%203.jpg

وهذه صورة الرمان العطلان باللون الاحمر

http://www.mekshat.com/pix/upload05/images250/mk41037_2012-11-11_212357%204.jpg

نجيب زرقينه فك رمانات وكل ماكانت كبيره افضل لجميع البكرات

http://www.mekshat.com/pix/upload05/images250/mk41037_2012-11-11_212417%204.jpg

بعدها تركب الزرقينة بهذا الشكل وتحط ورده او مفتاح حبه

في الوسط عشان يدفع الرمان للخارج ويطلع معك

http://www.mekshat.com/pix/upload05/images250/mk41037_ddddasw.jpg

بعدها تشد الزرقينة بمفك حتى تقوم بدفع الرمان للخارج من بطن الكرة

http://www.mekshat.com/pix/upload05/images250/mk41037_2012-11-11_212519%207.jpg

تشد حتى تخرج للخارج

http://www.mekshat.com/pix/upload05/images250/mk41037_2012-11-11_212543%208.jpg

وهذا الرمان بعد اخراجه من البكرة

http://www.mekshat.com/pix/upload05/images250/mk41037_2012-11-11_212604%209.jpg

وتركب الجديد مع شويه شحم في الاطراف لسهولة

تسقيطة في البكرة وتعكس عملية الفك

وبكذا وفرنا المال وغيرنا شيئ اصلي لك وللزمن

لا اريد منكم غير الدعاء لوالدي ولكم جزيل الشكر

اخوكم / كبسولة2 ابو فارس

[Moshakes13]

بيض الله وجهك

ما قصرت

عندي دودج ورانجو 2003

شداد السير قيمته حول الـ 400

والبكرة لوحدها قيمتها حول 125

بطريقتك وفرت علينا مبلغ مش بسيط :)

الله يجزيك الخير اخوي ابو فارس

[كبسولة2]

هلا بك واتمنى لكم الفائدة فيما يطرح

[العمده 0ون0]

وعليكم السلام ورحمة الله وبركاته
الله يجزاك خير ويعطيك الف عافية على هذا التقرير وماقصرت يامهندس0
فكرة وطريقة رائعة و موفرة في نفس الوقت للدراهم و من استغلال محلات قطع الغيار بارك فيك على هذا المجهود اخوي كبسولة 02
اخوي كبسولة2
يقول المثل العين ما تعلا على الحاجب 0
في طريقة ثانية اسهل وانا مسويها كذا مرة على رمان بكرة السير الثانية لسيارتي ورمان الشداد لسيارة اخوي بشرط يكون الرمان سليم موهب مجروش وهي عبارة عن فك الغطاء او الشنبر الاحمر او الازرق حق الرمان بطرف السكينة وحط شوي شحم رمان شرط يختفي الصوت ويرجع وكالة باذن الله وانا مجرب هذي الطريقة كذا مرة وفي اكثر من سيارة0
هذا والله اعلم
ودمت بخير0

[ls1.5700]

وعليكم السلام ورحمة الله وبركاته
ورحم الله والديك
اخوي كبسوله انت مبدع حقيقه بدون مجامله انت اثريت المنتدى بالشي الكثير
واستفدنا من مواضيعك الرائعه والتقارير المصور والجهد الذي تبذله بطرح المواضيع
لاخوانك الاعضاء والزوار الكرام
انا دايم اتبع مواضيعك واقراها اكثر من مره 0000 واتشوق لمواضيعك الجديده
الف شكر وحرم الله وجهك على النار
ولا تنسى تتحفنى في طرح جديد -

[برغي]

جزاك الله خير
فعلا الحي يحييك
استمر بارك الله لك وفيك

[كبسولة2]

وعليكم السلام ورحمة الله وبركاته
الله يجزاك خير ويعطيك الف عافية على هذا التقرير وماقصرت يامهندس0
فكرة وطريقة رائعة و موفرة في نفس الوقت للدراهم و من استغلال محلات قطع الغيار بارك فيك على هذا المجهود اخوي كبسولة 02
اخوي كبسولة2
يقول المثل العين ما تعلا على الحاجب 0
في طريقة ثانية اسهل وانا مسويها كذا مرة على رمان بكرة السير الثانية لسيارتي ورمان الشداد لسيارة اخوي بشرط يكون الرمان سليم موهب مجروش وهي عبارة عن فك الغطاء او الشنبر الاحمر او الازرق حق الرمان بطرف السكينة وحط شوي شحم رمان شرط يختفي الصوت ويرجع وكالة باذن الله وانا مجرب هذي الطريقة كذا مرة وفي اكثر من سيارة0
هذا والله اعلم
ودمت بخير0

حياك الله اخوي وفعلاً طريقتك صحيحة ايضاً

وبالعكس انا اتعلم منكم واكسب خبرات من غيري

فالانسان لم ياتي للدنيا ويعرف كل شيئ

[كبسولة2]

وعليكم السلام ورحمة الله وبركاته
ورحم الله والديك
اخوي كبسوله انت مبدع حقيقه بدون مجامله انت اثريت المنتدى بالشي الكثير
واستفدنا من مواضيعك الرائعه والتقارير المصور والجهد الذي تبذله بطرح المواضيع
لاخوانك الاعضاء والزوار الكرام
انا دايم اتبع مواضيعك واقراها اكثر من مره 0000 واتشوق لمواضيعك الجديده
الف شكر وحرم الله وجهك على النار
ولا تنسى تتحفنى في طرح جديد -

حياك الله تستاهلون كل خير

واتمنى لكم الفائدة مما يطرح

والحمد لله اني افدت بعد الله اخواني وابناء وطني بكل ماهو مفيد

ووفرت عليهم العناء والمال

[كبسولة2]

جزاك الله خير
فعلا الحي يحييك
استمر بارك الله لك وفيك

حياك الله اخوي

وتذكر ماحك جلدك مثل ضفرك

[ksaboss]

ما شاء الله عليك
شغلك ممتاز و نصايحك مشكورة بارك الله فيك
الكثير من الناس عندهم خبرة لكن القليل مهم اللي يشاركها مع غيره و ينصح اخوانه.

بعض الورش في امريكا يقدمون نصايح على يوتيوب و يعلمونك طريقة تركيب كثير من القطع في السيارة، الشي هذا فيه فائدتين الاولى هي تعليم الناس مجانا و الثانية هي دعاية للمحل علشان الناس يثقون فيهم. اذا كان عندك ورشة اقترح عليك انشاء مقاطع يوتيوب بإسم الورشة و تعرض فيها اعمالك.

موففففففففففففق

[rpk]

الله يجعله في ميزان حسناتك امين

[hamido]

الله يجزاك خير ووالديك والمسلمين اجمعين
الحقيقه موضوع جاء بوقته

[Bader-M]

بيض الله وجهك

شرح وافي و مفيد

تحياتي اليك

[أبوفيصل 2007]

ماشاء الله شرح وافي يا بوفارس بارك الله فيك

[hdm]

انا قد غيرت الرمان برمان ياباني بدون تغيير البكرة كاملة ولكن بعد فترة بدا يطلع الصوت مرة اخرى واطررت إلى تغيير البكرة كاملة وسألت عن موضوع الرمان وقالوا لي مافيه رمان يجي اصلي ولا ادري عن صدق هذه المعلومة

[كبسولة2]

هلا وغلا بالجميييييييييع

[بدوي جنوبي]

الله يعطيك العافيه يبو فارس
واللى ما عنده عدة (زرقينه ) فك الرمان
نفس الحبه اللى راكبه على الرمان في الصورة يقدر يستخدم الشاكوش
ويضرب الرمان القديم حتى يخرج من مكانه
والتركيب يستخدم الرمان القديم فوق الجديد .

[كبسولة2]

حياك الله أخوي بدوي جنوبي

نعم طريقتك ايضاً صحيحه لكن انا لا افضلها

لأنها احيانا لايدخل الرمان كله بالتساوي واحياناً

من قوة الطرق تنعفط وتتاثر اطراف الرمان وتضغط عليه من الداخل بسبب الطرق

تحياتي لك

[كبسولة2]

هلا وغلا بالجمييييييييييع

[ابو فهد...]

انا ما عندي زرقينه وش اسوي

[ابوسعيد 11]

جزاك الله خير اخوي كبسوله
على مواضيعك الجميلة والمفيدة,

في موجود طريقة ثانية لتركيب الرمان في البكرة للي ماعنده زرقينه

انك تجيب مسمار طويل شوي مع وردات كبيرة على مقاس الرمان اللي بتركبه او اكبر

و تدخل المسمار في الرمان و البكرة وتشد على المسمار الى ان يركب الرمان

في رأي الشخصي ان الطريقة هذه مشابه الى حد كبير بطريقتك اللي هي بالزرقينه

والطريقة هذه مجربه شخصيا

لان محدثك ماعنده زرقينه:D

[كبسولة2]

طريقة صحيخة اخوي يعطيك العافية

[هويدي]

بيض الله وجهك يابوفارس

وجزاك الله خير

موضوعك نفعني _بعد الله _ وصملني افك الدينمو على سنع

شريت رمانتين من الصناعيه يقول الماني والله اعلم بخمسين ريال

المره السابقه فكيته وزقلبته تنظيف بالبخاخات بلا فائده

[كبسولة2]

الحمد لله عسى زانت امورك بس

[كبسولة2]

للفائدة يرفع

[كبسولة2]

بيض الله وجهك يابوفارس

وجزاك الله خير

موضوعك نفعني _بعد الله _ وصملني افك الدينمو على سنع

شريت رمانتين من الصناعيه يقول الماني والله اعلم بخمسين ريال

المره السابقه فكيته وزقلبته تنظيف بالبخاخات بلا فائده



حياك الله الحمد لله وجدت ضالتك

[كبسولة2]

حياكم الله

[juaidko]

ابو فارس اللة يعطيك العافية ويجزيك الف خيرانت ووالديك عزاللة انك تفيدنا جدا بمعلوماتك وخبراتك في هذا المجال وشهادة للة كذا موضوع من مواضيعك افادني وطبقتة على سياراتي
ونجحت بفضل اللة ثم بفضلك ومن أسباب دخولي للمنتدى متابعتي لك ولا يهونون الاخوان
جميعا سوا في المنتدى او غيرة القاري للمواضيع أو الاداري فية((كلمة في نفسي حبيت اقولها))

[وجعين]

مبدع انت عندك ورشه وين موقعه لاهنت

[م.سعيد]

شكراً اخي الكريم على مثل هذه المواضيع المفيدة
وهذه طريقة لتسقيط البيرنق بدون كبس ولا طرق..
حار مع بارد..
تابع للاخير...مشاهدة ممتعة

http://www.youtube.com/watch?v=VXx0oXyEq2k

[fahad-k6]

السلام عليكم
انا خربت معي بكره اليوكن شريتها من المحل ب ١٤٥ ريال صناعه كنديه بس الرمان صيني
وبحثت بالنت وحصلت الموضوع ذا وشريت رمان لحاله بعد ما اخذت رقم المقاس اخذته من محل
بيع قطع التبريد والتكييف تحصلون عندهم اغلب المقاسات لان المقاسات ثابته بكل العالم زي مقاسات
المفكات حصلت رمان ايطالي ب ٢٥ ريال و ياباني ب١٥ و صيني ب ١٠

طريقه اخراج الرمان القديم اول شي تزيته وتجيب وره نفس مقاس الرمان وتركب فوقها حبه وبالشاكوش
على خفيف لين يطلع
تشخم البكره من الداخل وتركب الرمان ونفس الطريقه تحط الورده وتدق على خقيف اهم شي يركب متساوي

للمعلوميه الرمانات ٣ انواع النوع الاول الاطار بلاستك لونه احمر او اسود مثل الي مركبه اخونا ابو فارس
وهذا رمان خارجي ما يدخله الغبار
النوع الثاني الاطار حديد وهذا يستخدم لدينمو بمكان مغلق
النوع الثالث بدون ايطار وهذا الي داخل المحركات ويتزيت مع المحرك
وسلامتكم ودي انزل صور بس عليمي بالتنزيل