المساعد الشخصي الرقمي

مشاهدة النسخة كاملة : دلوني على موقع لصيانة كاميرة سامسونق أو أخبروني كيف أصلحها


العوشز
17/08/2006, 01:58 PM
قدر الله علي وشريت كميرة samsung digimax 401
وأنا ما أعرف بالكاميرات شي ولكن كنا في كشته واشتريتها من أحد محلات النعيرية لتصوير ما يعرض لنا من مناظر جميلة
وفعلا صورت صورا كثيرة لتلك الرحلة ثم أودعتها الدرج وبعد أربعة أشهر حاولت تشغيلها ولكن للأسف لا تعمل وكأن البطارية فيها منتهية فهي تؤشر إشارة ضوئيه سريعة ثم لا تعمل غيرت البطارية واشتريت أفضل أنواع البطاريات ولكن نفس المشكلة
من يعرف كيف أصلحها أو يدلني على محل صيانة في الدمام أو الخبر أو الرياض أكن له من الشاكرين
الوشاح
17/08/2006, 02:47 PM
قصدك قدر الله على الكمره .. واشتريتها انت :D

احد يخلي كمره رقميه بالسياره اربع اشهر :confused:

أله كلها دوائر الكترونيه وشرايح سيليكوم وغيره من الخامات الحساسه تخليها بالشمس والحراره

اكيد بتخرب

انصحك توديه لوكيلها احمد عبد الواحد .. يبي يصلحه أن شالله

تحيتي لك
ابراهيم
17/08/2006, 02:52 PM
ياخوي إن شاءالله ان كمرتك سليمه وانصحك ان كان بطارياتك من النوع الي تبدل دايم اشترلك بطاريات ارنجايزرالي يعاد شحنها ب33 ريال مع شاحن نسيت نوعه ب16 ريال من اكسترا اريح واوفر لأن واحد من الشباب معه كوداك حاصله نفس المشكله اذا ركب بطاريت جديده اما تشتغل شوي وتطفى او ماتشتغل نهائي وشرى زي ما قلتلك وضبطت معه :good: جرب اشاء الله تضبط الامور معك
العوشز
17/08/2006, 03:09 PM
الوشاح : والله انك صادق قدر الله على الكاميرة إني شريتها بس شف أنا ما دلعت عيالي أدلع الكاميرة إن كان تبي ظل وبراد ماهو لازم نصور خلاص ههههه
بس وين مكان الوكيل الله لا يهينك أو رقمه ؟


إبراهيم : والله انك وسعت صدري وسأجرب إن شاءالله ما ذكرت

جزاكما الله خيرا على مروركما وردكما
ذيب999
23/08/2006, 06:53 AM
السلام عليكم ورحمة الله وبركاته


اخوي انا واجهتني نفس مشكلتك مع نفس موديل الكاميرا

اذا انت من سكان الرياض تلقى محل الصيانه مقابل الاحوال المدنيه جنب محلات التصوير بس لازم يكون معك كرت الضمان والا تصلحها على حسابك

وان كانك من خارج الرياض اكيد ال يعرف من الشباب ما راح يقصر

وفمان الله
العوشز
23/08/2006, 02:01 PM
شكرا أخي الذيب
بعد السؤال في محلات الالكترونيات علمت أن وكيلها أحمد عبد الواحد ذهبت إليهم وصلحوها مجانا ( كان معي الكرت )
الوشاح
23/08/2006, 02:30 PM
المعذره على التأخير

ماحصلت إلا رقم الوكيل بالخبر

038976908

اتصل فيهم ويفيدونك بأرقام الوكيل بالرياض

تحيتي لك
العوشز
26/08/2006, 10:24 PM
أخي الوشاح الله يجزاك خير
أنا أريد فرع الخبر
وأبشرك رحت لهم قبل كم يوم وضبطوا الكاميرا

أما بخصوص تأخرك عن الرد فألم تسمع بالمثل : أن تصل متأخرا خير من أن لا تصل
جزاك الله خير مرة أخرى