جيبي لاندكروزر لكن ما اعرف وشو في اكس ار أو جي كس ار ؟؟؟

[طخيمان]

يا جماع عندي جيب موديل 97شكله الخارجي في اكس ار وهو خليجي بريمي ومكتوب عليه Efi(بخاخات) وخطوطه خطوط في اكس ار وجنوطه ايضا جنوط في اكس ار لكن في الاستمار كاتبين Gx ويوم رحت للبازعي قالولي انه Gx وأنا اشتريله قطع في اكس ار وماشي زي الحلاو لكن ابعرف هل هو في اكس ار أو جي اكس

[أبو أسامة]

السلام عليكم ورحمة الله وبركاته

أخي الكريم أبو الطواري ......... مبروك الموتر والله يعطيك خيره ويكفيك شره ............
بالنسبه إذا كان مكتوب بالإستماره جي إكس .......... فأنتهى الموضوع يعني هو جي إكس لكن يمكن يكون معدل إلى في إكس آر .....

على العموم الله يعطيك خيره ويكفيك شره .........

[طخيمان]

الله يسلمك يا بو اسامه لكن را الموتر شاريه من الامارات ومن شيوخ في الامارات يعني ما اتوقع انهم يعدلون فيه ولا لا

[السارب]

اللة يعطيك خيرها ويكفيك شرها

والواضح من كلامك انهاvx وتقدر تتاكد اذا كان فيه ثلاجتين ومكيفين والله يعينك اذا بغيت تغير الاستمارة لازم تروح لمهندس مركز المعلومات في الروضة

[باترول 4×4]

نعم مثل ماقال أخونا أبو أسامة مادام مكتوب بالاستمارة Gxفهو كذلك ، لكن أدخلت عليه بعض التعديلات .
وللفائدة :
الاندكروزر من 97 فأقل مافيه فرق بالكمينة بين Vx-r و Gx يعني التعديلات تكون خارج المكينة فقط في الأشياء الخارجية .

[yaser_2000]

اذا في الدركسون والطبلون اير باج (( وسائد هوائية)) و المكيف ازرار وفرش السيارة مخمل فهي vxr

اذا كان الطبلون بدون ايرباج ولقيت امام الراكب الامامي مسكة والمكيف عادي ماهو ازرار والفرش نوعيته قماش مخلوط بنايلون فهي gxr

[طخيمان]

مشكورين على الردود يا شباب ولكن الجيب مثل ما قالياسر 2000 فيه ايرباج عند السواق وعند الراكب والمكيف ازرار و الفرش مخمل وفيه مكيفين خلفي و امامي وفيه ثلاج وحدة فقط وللمعلوميه أحس انه اخف من الفي اكس ار لأن خالي معه في اكس ار 95 احس ان جيبي اخف منه وانشط وشكرا

[الدبل الثقيل]

الفكسار 96 و 97 مكينته بخاخ حتى السعودي..