استفسار عن عجلات تيذر وعطل ؟

[الحمر77]

السلام عليكم اخواني اعضاء منتديات مكشات


عندي استفسار انا لدي تيذر حديد تفصال حداد و من فوق التيذر خشب و كنت ابي اغير الخشب واركب عجلات لسهوله التركيب والتنزيل لان القارب كبير 7 متر ومتعب طلوعه ونزوله


اتمنى تفيدوني من وين اشتري العجلات او ما اعرف اسمها بالضبط تكون بين الطراد والحديد للتيذر


وكيف اركبهم مع العلم ان الجنحان اللي ترتفع وتنزل في التيذر خشب في النصف ولا يوجد الا ارجل حديد فقط واللي بينهم خشب بدون حديد من تحت ؟


الموقع: شاطئ العقير




الشي ال2 عندي القارب وانا طالع فيه اخر مره فيه مكينه تشتغل واحاول اني اعشقها ما تتحرك والزر اللي ينضغط في التحكم صاير خفيف مو طبيعي احاول امشي امام او خلف ما يرتفع الريس


* مع العلم اني ضربت صخره و من بعد الضربه والوضع كذا ؟



واسف على الاطاله :(

.

[م/عبدالله]

بخصوص العربه ... لازم تصورها بحالتها من اجل نقدر نفيدك

بخصوص مشكلة المحرك .
تأكد فين مكان الضربه في الرفاس ام في جرم الجيربكس

1- تأكد من سلامة الرفاس من الخارج والداخل
2- افصل الكيبل الخاص برفع التسارع من جهة المحرك
وارفع يدويا الريس ... شوف يجاوب معك ام لا . وانت تفك تأكد من سلامة العضمات
3- فك كيبل التعشيق من جهة المحرك .. وعشق يدويا والمحرك مغلق ولف الرفاس شوف
يعطيك تعشيق ام لا .. امام وخلف .

3- فك كل الكيابل من جهة المحرك وحرك عصى الريموت كنترول امام وخلف شوف الحركة
في الكيابل تخرج وتدخل معك ام ..لا .. اذا مافيه حركة شيك على عضمات الريموت من الداخل
يمكن مكسورة .

بعض الضربات المباشره القوية ... ممكن تكسر التروس .. او تكسر الكلتش المنزلق
على العمود بين ترس الامام والخلف . او تقوم بعمل اعوجاج بعمود الرفاس . اثناء دوران المحرك

ورد لنا خبر