استفسار عن خلايا الطاقة الشمسية

[اصيل11]

السلام عليكم ورحمة الله بركاته

ارجو ممن لديه اي معلومه عنها وعن اين تباع فيه وكم قيمتها

لان لدي استراحة ولم يصلها الكهرب العمومي

وماهي مرفقاتها ومدة عملها

وتقبلوا تحياتي

وشكرا لكم مقدماً

[abduallah]

السلام عليكم ورحمة الله وبركاته
اخي العزيز اصيل 11
بالنسبه للطاقه الشمسيه انا ركبتها عند الابل في كرفان وممتازه من احسن ما يكون لكن سعرها شوي غالي
اللي انا ركبت كلفتني حدود 10 الاف ريال وهي لوحين من خلايا الطاقه الشمسيه وهذي عليها ضمان 10 سنوات وبطاريتين من الكبار مرره حقت التريلات والله مدري بالضبط كم امبير وهذي سعرها ما بين 1000 الى 1200 على حسب النوع وبعض تمديدات الاسلاك ومحول كهرب يحول الكهرب حق البطاريه من 12 فولت الى 110 و 220
وبالنسبه لطريقة عملها فهي كالتالي الالواح الشمسيه تاخذ الضوء وتحوله الى طاقه كهربائيه وتشحن البطاريات من الكهرب هذا وعاد انت ورغبتك تبيها تشحن الثنتين في نفس الوقت واللا تشحن بطاريه واذا امتلات تششحن الاخرى هنا ينتهي عمل الالواح الشمسيه وياتي دور البطاريات والمحول اذا شغلت انت الكهرب فانت تاخذ الكهرب هذا من البطاريه واذا انت بتشغل تلفزيون مثلا او اي شي على خط 110 او 220 فلازم تشقل المحول عشان يحوللك الكهرب الى 110 او 220
وكل ما بغيت تزيد مخزون الطاقه الكهربائيه اللي عندك زود البطاريات مع العلم ان البطاريتين اللي عندي هذي تكفيني من المغرب ال اذان الفجر وانا اشغل عليها تلفزيون خط 220 ورسيفر وثلاث لمبات 12 فولت
ولا تنسى انك بتغير البطاريات تقريبا كل سنه او كل سنتين هذا اللي بيكلفك فقط لا غير
امما بالنسبه لتوجيه الالواح الشمسيه فانا موجهها جهة الجنوب وهذي في تصوري انها لفضل جهه لان الشمس من تشرق الى ان تغرب وهي تضرب فيها وتعبي من غير رايها
وبالنسبه لمحلات بيعها فهي تباع في شارع الريل في الرياض
واي استفسار ترانا جاهزين
وعذرا للاطاله

[اصيل11]

جزاك الله خير اخوي عبدالله

ابي استفسر هل تشغل دينمو الماء العادي الموجود في البيوت

وتقبل تحياتي