تم تركيب هنقل على هايلكس غمارة

[سـهم الجزيرة]

السلام عليكم و رحمة الله وبركاته
صباحكم\مسائكم خير إن شاء الله

لي فترة وانا ابحث عن محلات تفصل هنقل للموتر, مريت لي كم حداد وشرحت له ألي أبي قالوا : 2000 يادافع البلا و فيه غيره يقول بـ 1500 ليش يا صديق 1500 واجد قال: ياخي الحديد سعره مرتفع اضعاف اضعاف و روح دور على المحلات مايحصل اقل من كذا..
المهم خويكم عليمي بأسعار الحديد و الأمور ذي , قلت له يصير خير.. والله وأستخير الله سبحانه قلت الظاهر من جد الحديد مرتفع خص أني برفع الهنقل لحد التنده, و يوم عزمت و ادق سلف الموتر متوجه للنصاب ذا, إلا ضميري ماهوب مقتنع بذي القيمة لابوه هنقل بـ 1500 و أغير الوجهه لصناعية واحصل لي محل يسويه بـ 800 و اروح غيره قال بـ 750 مع الصبغ و بتاع كلو قلت بس توكلنا على الله و أسويه عنده ( وهذا من فضل الله ثم الأستخارة )
المقصد يا اخوان ماهوب بخل :) لكن الحديد واحد و هالمحلات كل واحد يضرب سعره من راسه بلا حسيب ولا رقيب

أخليكم مع الصور

http://www.mekshat.com/pix/upload05/images250/mk14425_209926976.jpg

http://www.mekshat.com/pix/upload05/images250/mk14425_265502632.jpg

http://www.mekshat.com/pix/upload05/images250/mk14425_323815856.jpg












( إعذروني حجم الصور كبيرة, ماعرفت اصغرها )

قيمة الهنقل / 750
الخشب / 150 و ضبطت مقاساته بالبيت << لونه يمشي الحال و ناوي اصبغه
البراغي / بـ 18

طريقة الكبس واضحة بالصورة
و عساكم على القوة




تم تعديل مقاسات الصور
المميـــز

[ابونبيل]

ماطلعت الصور

[خيال الغلبا]

اسم الورشة لوسمحت والتلفون

[المميـز]

:

ماشاء الله تبارك الله

شغل حلو ومرتب وزين انك طحت على المحلات الرخيصه وفكك الله من الغالين

بالتوفيق

:

[ابشر بسعدك]

اخي الفاضل وين الورشة فية سلمت

[سـهم الجزيرة]

يا مرحبا والله و مسهلا

ابونبيل / حدث الصفحة و بتطلع الصور إن شاء الله , حياك الله
خيال الغلبا / أسمها ( يمنع كتابة أرقام هواتف واسم الورشة ) مشرفنا العزيز إذا ممنوع وضع الأرقام فأعذرني .
المميز / جزاكـ الله خير على تعديلك الموضوع, اي والله الحمدلله الي فكني من ذولا النصابين .
أبشر بسعدكـ / الورشة طال عمرك في ( الخبر / صناعية الثقبة ) و ان بغيت وصفها ابشر اطلب رقمي على الخاص

بالنسبة للعنوان ( تم تركيب, بالغلط طلعت تكريب :) )

[YUKON_GMC]

مبروك يالغالي وزين انك مااستعجلت


لكن نوع الخشب غير مناسب لو كان خشب ملون يكون افضل زي اللي يفصلونه للدواليب وغرف النووم يكون روعه

http://img523.imageshack.us/img523/2959/woodda9.jpg

[سـهم الجزيرة]

مرحبا اخوي يوكن, الله يبارك فيك يجزاك خير
يالغالي صادق الخشب ماش, وين احصل النوع ألي ذكرته ؟ وعلى كم اسعاره ؟

[ta3b]

لزق عليه فورمايكه طال عمرك والف مبرووووك الهنقل

[سـهم الجزيرة]

مرحبا اخوي ta3b / الله يبارك فيكـ إن شاء الله.. وش الفورمايكه و وين احصله ؟

[يحيى العنزي]

الله يعطيك العافيه يالغلا

[ابونبيل]

ماشاء الله

ويعجبني الي يتعب على حادجته مانكبنا وجاب الغلا الا الي مايعرفون يكاسرون واذا قلت له ليش كذا قال انا اشري راحتي!!

[.أبوعبدالرحمن]

و عليكم السلام و رحمة الله و بركاته

ما شاء الله تبارك الله


فعلا شغل مميز وعطا السيارة منظر جميل

والحمدلله إنك ما خرقت للهنقل في حواف الصندوق

لأن الحركة إللي سويتها أنت أسهل في الفك والتركيب

ولا تكون السيارة مخرقه


الله يعطيك خيرها و يكفيك شرها

[سـهم الجزيرة]

يحيى العنزي / الله يعافيك ويسلمك, حياكـ الله
ابونبيل / صادق و أسعدني مروركـ
مشرفنا الغالي أبوعبدالرحمن الصفيّان / صحيح مابغيت أخرم الحوض ولو كان هو الأقوى, لكن طرقية الكبس أراها افضل, اسعدني مروركـ

[فراس الدوسي]

هنقل مسكت والله ماشاء الله

بس 5 شنكار هل الهلي دبل

الله يعطيك من خيره

[مشكلة القير]

وش تحس بــه ..!

[كم كيلو باقي]

^
الله يهديك بس
ياخي الرجال وحر في موتره والشكل معجبه ويناسب حاجته واستخدامه
محلوف تمشي وتحطم بالعالم انت ؟
ياخي قل خيرا أو اصمت

-----

الأخ راعي الدفرنسين .. الهنقل حلو ورخيص ماشاء الله .. الله يبارك لك

[سـهم الجزيرة]

فراس الدوسي / اي نعم دبل خمس شنكار, والله يجزاكـ خير
مشكلة القير / حياكـ الله
كم كيلو باقي / كفيت ووفيت, الله يباركـ فيك و يجزاكـ خير

[هدفي قرناس]

يعطيك العافية هنقل حلو

[سـهم الجزيرة]

هدفي قرناس / الله يعافيك و أسعدني مرورك

[مجلعد]

وعليكم السلام ورحمة الله وبركاته


ماشاء الله تبارك الرحمن

أولاً بارك الله بما أعطاك

الصراحه ماشاء الله شغل ممتاز + سعر كويس قدن قدن قدن :)

و ثانياً

هنيالك تطبيق السنّه

الرسول صلى الله عليه وسلم قال : ( ماخاب من إستخار ولا ندم من إستشار )

وصدقت بكلامك عن إن بعض العماله يرفعون الأسعار ويستغلون الناس اللي ماتحب تسأل وتسعّر و تتأكد



ودمت في حفظ الله ورعايته

[قلص سيارة]

ماشاء الله

[سـهم الجزيرة]

يامرحبا والله ومسهلا

مجلعد / الله يبارك فيك يالغالي, والحمدلله ركبته عن قناعه ( شكلا ً و سعرا ً ) :good2:
وبالنسبة لـ(ماخاب من إستخار ولا ندم من إستشار) فهذا حديث ضعيف عن الرسول عليه الصلاة والسلام .
و أقتبست من موقع الإسلام هذا ..
الحمد لله والصلاة والسلام على رسول الله وعلى آله وصحبه، أما بعـد:

فإن هذا الحديث رواه الطبراني في معجمه الكبير والصغير مرفوعاً إلى النبي صلى الله عليه وسلم بلفظ: ما خاب من استخار ولا ندم من استشار، ولا عال من اقتصد. قال عنه الحافظ في الفتح: رواه الطبراني في الصغير بسند واه جداً. وقال عنه الهيثمي في مجمع الزوائد: رواه الطبراني في الأوسط والصغير من طريق عبد السلام وعبد القدوس وكلاهما ضعيف جداً. وقال عنه الألباني في السلسلة الضعيفة: موضوع. وعلى ذلك فهذا الكلام لا يصح عن النبي صلى الله عليه وسلم.

والله أعلم.

وهذا رابط عن الإستخارة ( دام فتحنا باب الإستخارة ) وللإستفادة

http://www.saaid.net/Minute/m3.htm

أسعدني مرورك :good:

[سـهم الجزيرة]

قلص سيارة / شكرا ً لكـ , واسعدني مرورك