ماخاب من شاور هل الشور

[راعي الشقحاء]

السلام عليكم ورحمة الله وبركاته

اخواني الكرام كل عام وانتم بخير

اتمنى ان استفيد من ارائكم بما يخص السيارات العائلية وانا لي نية اشتري بس من 2005 وتحت بثلاث موديلات يعني الى ويكون الموتر بالافضلية من ناحية التحمل
انا في بالي يوكن القصير الي يهمني حجم السيارة من الداخل وبالنسبة لي ماني من الي يطامرون او يطعسون او اهل سرعة ممشاي ان كثرت 120

انتظر رايكم ياهل العرف

[ماجد الحايلي]

وعليكم والسلام ورحمة الله وبركاته
وكل عام وانت طيب
انا والله ياخوي ابي انصحك بموتر واحد حسب تجربه لي هو اللي يمكن مناسب لك
بسعره وقوته انصحك بفورد اكسبديشن سواءا كان دبل او عادي واسعاره حلوه بالحيل
من 60 الف ونازل تحصل لك موتر مناسب .
وانت انتظر رد الاخوان اهل العرف والشور يمكن انهم احسن مني ويفيدونك بالافضل لك ان شاء الله
وموفق مقدماَ .

[راعي الشقحاء]

بيض الله وجهك ماقصرت على الرد
لكن الي سمعته ان الفوردات ماتصمل مجرد اكسسوارات و رزة
ماهي مثل الجمس

[ls1.5700]

اليوكن بدون منازع
فخامه منظر قوه يتحمل الجور00 مريح جداً واسع من الداخل ياخذ العائله كامله بدون ازدحام
مكيف ثلج + مكيف مركزي + مريح بالسفر + اقتصادي في البانزين
خذه ولا تشاور احد
انا افضل المودلات الجديده من 2007 وفوق لاتاخذ الا من المديلات هذي
والله يوفقك وكتب اللي فيه خير ويعطيك الله خيره ويكفيك شره مقدماً
وسامحنا بالقصور

[راعي الشقحاء]

ls1.5700 (http://www.mekshat.com/vb/member.php?u=250490)

تسلم يالغالي ماقصرت على النصيحة وانا سمعت موضوع الطرمبة ومشاكلها وقالوا لي ولف لها طرمبة vxr
افضل بكثير من الي لها هذا والله اعلم
يعطيك العافية

[باوزير]

كم ميزانيتك و كم عدد الافراد