المساعد الشخصي الرقمي

مشاهدة النسخة كاملة : سؤال لاهل الباترول الربع او غيره من الجيوب


مكحل الحنشان
18/08/2006, 11:49 AM
السلام عليكم اخواني

مثل ما انتم عارفين الباترول الباب واحد (( السلقة )) يجي بدون تكاية للسواق
ما ادري وين احصل تكاية محترمة ؟؟ وين افضل محل بالرياض للشغلات هاذي؟؟ وهل ممكن اركبمثل حقت الوكالة




سؤال اخر .........وش افضل الايكوم ولا الكنوود


ومعليش اخذنا من وقتكم بس ياليت تفيدونا


شووووكرن
ابو عاذر
18/08/2006, 01:31 PM
عليك بشارع الغرابي ( البطحاء - الرياض )
الافضل الايكوم لتوفر فيه مروحة أتوماتيكية تشتغل عند أرتفاع درجة حرارته وصبره على الاستخدام الخشن .
مع تحيات اخوك ابو عاذر
عاشق ربـع
18/08/2006, 07:23 PM
صرحة انا رايي ان الكنود احسن واسهل استخدام

ومنتشر واكثر الناس معهم كنود
الدبل الثقيل
18/08/2006, 10:11 PM
بس هل الكنود يباع في المرسلات ؟ ولى منقطع وكم سعره؟ وش رقم الموديل ؟
طخيمان
18/08/2006, 10:40 PM
الكنود حول ماينقطع لكن الايكوم تلقاه في المرسلات و في محل العام على الدائري الشرقي بين مخرج 12 و 11 وانت وجهك جنوب يجيك على اليمين في مجمع السيف التجاري ولا تنسى لا تاخذ اللا 2100
هاوي الله
19/08/2006, 02:09 AM
هلا ومرحبا

أنا بخالف الربع وبروح لموضوع التكايه & وش رايك بثلاجه وتكايه في نفس الوقت وتشلها وتحطها على كيف كيفك وسعرها رخييييص مره وفيها عدد 2 حامل أكواب وتشتغل على ولاعة طفاية السياره 12 فولت ومنها حجمين متقاربه وحده أكبر من الثانيه بقليل وسعرها = 150 ياناقص 10 يا زايد 10 مانيب متأكد وتلقاها في ساكو الرياض *
مكحل الحنشان
19/08/2006, 10:45 AM
مشكووووورين على المرور يا اخوان بس حبيت اسال اخوي ((( فتى البران)) هل هي مخصصة للباترول ومشكوووور على المرور
طيرالنوى
20/08/2006, 02:16 PM
اخوي العزيز خذ ثلاجه مقاس 18ثمنيه عشر مضبوطه وتحس انها مصنوعه للفاصل الي بين السواق والراكب وسعرها معقول وتستفيد ثنتين تكايه(مركا) وثلاجه للحمام الموسم هذا أنشاءالله