شـ رايك بـ الرحله البريه الوحدانيه إذا كنت مجبور عليها /إرجوا من الاعضاء الدخول ضروري

[الشقردي 205]

السلام عليكم ورحمة الله وبركاتة ..



صباحكم / مساكم / الله بالخير ..



يا إخوان الهواوي أحياناً يواجه مشاكل بـ الرحله ..



وانا حبيت اطرح هذا الموضوع للفايده وهو موضوع ضروري ويفيد الجميع ..



مرات الواحد يضطر انه يطلع للبر لحاله وحداني ..
بسبب عدم توفر الخوي له ..



ممكن اخوياك او قرايبك احد يكون مشغول والثاني نايم والثاني مسافر ..



يعني ماتحصل لك احد يخاويك بـ طلعتك ..



تطلع لـ حالك ..



علماً انها طلعه خفافيه يعني تكشت وترجع ماتمرح ..



يعني تطلع من بعد صلاة الفجر وترجع الظهر او العصر ..



وتطلع لـ مكان قريب عند ديرتك ..



تطلع لحالك ولالا ..



الخوي ضروري بـ الرحله لكن هذي المشكله انا اواجهها بـ استمرار ..



كل ما اجي اكشت ما القا خوي ..



اطلع لحالي اوسع صدري ورجع ..



كذلك لا ننسى السلاح للدفاع عن النفس بـ مثل هذي الرحلات ..



انا لابغيت اطلع اخذ معي فرد ربع أحتزم فيه على كتفي للدفاع عن النفس ..



نبي ارائكم يـ الهواويه ..



بـ إنتظار ردودكم ومشاركاتكم ..






أخوكم / الـشـقـردي ..

[صباح الشمري]

وانا اخوك هذا تصير معاي دايما لانشغال الشباب
بين دوامات وبيت
اطلع قريب واشيل معاي سكين لحمايه من الضواري البشر والحيوانات

[SAS2]

ما ضنيت اطلع لحالي والله من الطفش وانا ما تعديت الديرة

واشوف ان السلاح مهوب مهم ابد من زين خشتي ابخاف على ايش بس الا اذا ودك تعلم الرمي لا باس او معك اهلك فقط

والف شكر يا صاحب الموضوع

[الشقردي 205]

حياكم الله ع المرور ..


ونبي تفاعل من الاعضاء ..

[أميرالعشاق]

وعليكم السلام ورحمة الله وبركاته
أغلب رحلاتي مع الأقارب والأصدقاء لكن بصراحه من فترة لفترة أحب أقضي يوم أو يومين لوحدي بعيد عن كل الناس :) ..
وبالنسبة للسلاح..بحسب طبيعة مكان الرحلة..

[راعي العجراء]

ماقعدت في بر خالي = الا من قل الصديقالله لايقطعنا من الاصدقاء

[الشقردي 205]

حياكم الله ع المرور ..


وصح لسانك ع البيت ياراعي العجراء انشهد انه بيت بـ الصميم ايه والله ..

[راعي الويله]

مرحبا بك اخوي وشاكرلك على الموضووع

بوجه نظري اذا ماحصلت احد احجز واسافر في اي دوله

شسوي ماعندي وقت

بعض الخوي اذا تقوله نبي نتمشا يتهرب وبعضهم لو تقول نبي نسافر قال قدااااام >> راعي طويله

الحل: اخذهم امشيهم اجباري بعد منخلص الكشته اروووووح واتركهم هههههههههه حتى يتركون حركاتهم

هاذي وجه نظري واتنماء تنال اعجابك

[الشقردي 205]

حياكم الله ..


للرفع ..

[صقرولدصقر]

شف اخوي الشقردي بعض الاخويا مامنهم الا تكسير للهمه وأختلاف في الرأي

فإذا انت دعيت مثلا من قبل صديق لك فأخرج معه لابأس

أما أنت إذا جيت تخرج او تكشت او حتى تسافر فروح لوحدك صدقني سترتاح من اشياء كثيره

واسأل مجرب كثير من سفراتي خارج المملكه لوحدي وليس معي سوى الله سبحانه وتعالى

انام وقت ما ابي اتمشى وقت ما ابي ووين ما ابي واسهر على كيفي واسكن على كيفي

ففي السفر او التمشيه لحالك تجد نفسك وتكتشفها في كل سفره

ما اجمل ان نعرف انفسنا بأنفسنا لا أن يعلمنا الناس بها

[ابو اماني 1]

بالنسبة لي اكشت لحالي واقنص لحالي وانام في البر لحالي ليله واحيانا ليلتين
اخذ معي كتاب إذا طفشت وخصوصا في ليلة مابها قمر اقطع الوقت بالقراءة
اما إذا به قمر ما احتاج اني اشغل نفسي لأن شوفته تونسني وسلامتكم

[ابوصالح3]

بالنسبة لي اعتبر اللي يطلع لحاله موسوس والا نفسية

بالله اطلع لحالي وش ازين ومن اتكلم معه وماالله حادني

الا اذا كان معك عائلتك صح ,, تروح لحالك والعيال ياخذون راحتهم

أو اذا كنت رايح في عبادة ,, كعمرة او زيارة لمسجد الرسول صلى الله عليه وسلم

او شأن آخر يقريك من الله وفي سبيل الله ,, هذي خلك لحالك ولايدري عنك مخلوق وبينك وبين ربك

ولاتعلم ,, قل قانص والا مسير على رجال والا معزوم على عرس بديرة ثانيه ,,

وسلامتكم

[عواد الشمري2]

مره اربع ايام قناص للحالي بالخليان الوج تقول ممسوس :D من تطيح الشمس اصلح العشى وسحبه نومه ولا احلا بتنزاني .
لين لحقوني الربع
اما يوم واحد دايم خلاوي
.
الخوه الي ماتدلك على الخير .. الله يلعنه ويلعن جدفها

[نجم الصداوي]

بالنسبة لي اعتبر اللي يطلع لحاله موسوس والا نفسية

بالله اطلع لحالي وش ازين ومن اتكلم معه وماالله حادني

الا اذا كان معك عائلتك صح ,, تروح لحالك والعيال ياخذون راحتهم

أو اذا كنت رايح في عبادة ,, كعمرة او زيارة لمسجد الرسول صلى الله عليه وسلم

او شأن آخر يقريك من الله وفي سبيل الله ,, هذي خلك لحالك ولايدري عنك مخلوق وبينك وبين ربك

ولاتعلم ,, قل قانص والا مسير على رجال والا معزوم على عرس بديرة ثانيه ,,

وسلامتكم

الله يهديك يابوصالح!!!

على طول تحكم على الرجاجيل بـ ها التهمة !!

الناس أذواق.. وكلٍ يشتهي اللي يبي ..

[بلاكوتا]

أطلع لحالي وأسافر لحالي
وأسج وبلا سلاح ويالله لك الحمد
طلعت للصمان بأكسنت وقت أمطار والناس بالمدارس
ولقيت بدو راحلين يسوقون البل من المحطه اللي حول الدوار سياراتهم وويتاتهم (جمع وايت ) ومشيت معهم
إلين جاني مفرق الرفيعه وطلعت معه
وأنا ماأدل بالصمان ولا معي أجهزة ولا شي
وزود على كذا طاعست شوي بالنفيدات اللي حول الخط
كل ماشفت لي مكان شدني له شي دخلت له والحمد لله
وحين معي عزبتي أطبخ وحين مامعي إلا قارورة ماء صغير من البقاله
ولي طلعات مع ربع صيد وكشتات
لكن وين ما صمل راسي مادورت أحد
حركت وسجيت
أبعد عن المدينه وأصوات السيارات
وأتنفس هواء مابه ريحة شكامين
وأناظر هالنفود تقول مستغرب من كثر الرمل
مغير أناظر هالفضاء قدامي ومرتاح

[سـهم الجزيرة]

بالنسبة لي, اوقات اطلع لحالي و الله الحافظ.. لأن ساعات ما يتوافق وقتك مع خويك, او يكون فيه ذكور لكنهم ماهم برجال ينشد فيهم الظهر .

مع هذا لا ننسى الحديث ( الراكب شيطان و الراكبان شيطانان و الثلاثة ركب ) او كما قال الرسول عليه الصلاة والسلام
للإستزاده / ادخلوا على موقع الإسلام سؤال وجواب( حكم سفر بمفرده )

[سلمانـ]

احب الكشته الوحدانيه وحتى السفر لحالي وكثير اطلع للبر ولايهمني ان كان معي احد ولالا اهم شي استانس وطرق الوناسه اني اشب النار واتقهوى واسولف مع نفسي واحيانا اشغل الرادو واحب طلعت الليل بس اخاف اجلس لحالي بالبر بالليل:D:D:D ولو اني اعشق القمرا بس وش اسوي خواف

[اللاذع 2013]

اشهد انك وسيع صدر في زمن ضاقت فيه الصدور

[الشقردي 205]

حياكم الله يا قروم مكشات

[هاوي الامريكي]

والله يخوك لا تقول مافي خوي يعني اذا الوالده موجوده اطلع انت وياها ولا اخوك ولا احد من افراد العائله واذا مرره مرره مرره مالقيت احد اطلع لحالك وترا بعض المرات تحصل خير بالبر ونت لحالك وتستانس ويمر الوقت ونت ما تدري بالتوفيق

[الحربي حاتم]

بسم الله الرحمن الرحيم
أطلع لحال كثيرا وأبات في البر لأني أرتاح لحالي لندرة الخوي في هذا الزمن , وأقصد بالخوي الرجل بما للكلمة من معنى

[بربنجي]

كل واحد له وجهه نظر
لكن عندي استفسار لماذا مكشات لا يعمل كشتات بالتنسيق مع الاعضاء

[أبو نور]

لاوالله أطلع لحالي لاصار الخوي أللي على كيفي وأنا على كيفه ماهو موجود الخويا واجد لكن ماهم كلهم على الكيف والمزاج بعض البشر يغثك في مكشاتك ولامقانصك مرات تصير متضايق من حاجه ولا من بيتك ولا أشغال الدنيا ورايح توسع صدرك تلقا أللي مخاويك غثك زياده وأنت تعزه ومن القريبين والسبب والبعض الخويا أللي شوفته توسع الصدر مشغول ولامسافر لا والله أطلع لحالي وكشت وأمرح يومين وثلاثه ولا أطلع مع خوي يغثني ويضايقني وناس ماهي كلها سوى وماهي كلها على هواك لاصرت مسمي ومصلي وذاكر ربك لا والله أعزم وقطع و وروح لاصار الخوي أللي على الكيف مشغول

[تكاشف ابروقها]

بقولك مدامني طيب وشهم مع ربعي وخوياي مستحيل اكون وحداني في ذا الدنيا الكل يبي قربي

[ابو نايف 111]

السلام عليكم
انا اغلب طلعاتي وحداني :good2:
يعني مافيه احد حولي يوم اني اجزم
ليش اهون:D
عادي رح وتمشوذكر الله
(بس لا تغامر واجد )

[وهم العتيبي]

بسم الله

السلام عليكم ورحمة الله

انا اليا ضاقت وحنيت للبر والله احب اطلع لحالي وسج ورمي وحطب وتمشى وعند الذود وعند الغنم

واليا صارت الرحله بعيه اكثر من 400 كيلو ولا اعرف الدير لابد ها من خويي وبالنسبه لسفرات برا المملكه

فالخليج امن وامان والحافظ الله اليا مالقيت خويي اروح لحالي وخاصه الكويت والامارات شعب ينحط على القلب

[بركاني حربي]

ما عندي خويان يعزمون
لذلك أشد رحالي و عزبتي
و أتوكل على الله
أوســــــــــــع صدري عن بعض الجراح و أدندن و أقصد
و أعيـــــــــــــد بعض أنفاسي اللي أنكتمت من دخان الشكمانات
و أصفي أذاني من طنين البواري

[قرم التميمي]

الله يحفظ الجميع
لاكن تحصل لك يوم الناس مشغوله وانت براسك طلعت بر اطلع بعد الظهر وارجع قبل العشاء لاكن قليل ماطلع لحالي

[ابو نيه نقيه]

في هذا الزمن اكثر الناس غثيث تبيه يخاويك وتبلش فيه دمه ثقيل ولسانه وصخ ومايجي على هواك وماغير جدال على شي تافه انا مجرب وخابر الخويا واعتزلتهم كلهم صرت مع العائله فقط اخذ اهلي واطلع واستانس لاحد يضايقني ولا اضايق احد او اطلع لحالي لكن ما ابعد وسلامتكم

[marjoj]

بالنسبة لي ان توفر الخوي زيادة خير :good2:
وان ما حصل بتوكل على الله
واوسع صدري واستانس :f:D