مطلوب طير للمبتدأين

[أبو مشعلM]

سلام عليكم
مطلوب طير للمبتدأ بالطيور ما ادري كم اسعارهن لكن القى بحدود الالف؟؟؟

[عواد الشمري2]

زودهن الاف وتلقا .

[عيون الافعى]

مثلوثة قرناس بحريه

[أبو مشعلM]

عيون الافعى
اذا موجود عندك رد لي بكم تبيها؟!

[أبو مشعلM]

عواد الشمري جزاك الله خير
واذا حولك عطني خبر

[أبو مشعلM]

للرفع جزاكم الله خير

[أبو مشعلM]

للرفع.........

[أبو مشعلM]

للرفع يالربع
اللي عنده طير وعايفة والا اي شي اهم شي يصيد كراوين ويلعب
لاتبخلون علينا

[أبو مشعلM]

سلام عليكم
مطلوب طير للمبتدأ بالطيور ما ادري كم اسعارهن لكن القى بحدود الالف؟؟؟

الحد يالربع 2000 وش يجيبن لي طير؟

[الكمادي]

وكري ولا شيهانه جبليه

[الكمادي]

وكري او شيهانه بتلاقي انشاء الله

[الكمادي]

0541150884

[الكمادي]

دق على الرجال وتفاهم معه

[الكمادي]

هذا عنده طير وكري

[الكمادي]

http://www.mekshat.com/pix/upload04/images189/mk182003_25112010072.jpg

[مشاري التومي]

بشر لقيت طير ولا لا
ترا حولي طير ان بغيته

[أبو مشعلM]

لا والله للحين

[الكمادي]

هذي صورة الطير ومقاسه 15-15

[أبو مشعلM]

صايد هو وسليم؟؟

[الكمادي]

الطير ماقنصبه بس هده على ديك وذبحه

[أبو مشعلM]

يالكمادي راسلني على الواتس
0507730003

[هزاع المطيري]

معقوله الشيهانه الجبله تحصلها بـ 2000

[الكمادي]

ابو مشعل الله ليهينك دق على الرجال وتفاهم معه وبيعطيك علوم الطير

[الكمادي]

ابو مشعل جوالي مقفل كلمني على الخاص

[الكمادي]

موقع الطير الرياض

[أبو مشعلM]

فيه توصيل؟؟
موقعي الجوف

[الكمادي]

والله ماعندي علم

[الكمادي]

اقوولك دق على الرجال وتفاهم انت وياه قبل يروح عليك الطير

[أبو مشعلM]

اشاور وادق على الرجال
وان راح الطير يجي غيره ان شاء الله
ومجهودك تشكر عليه والله يجزيك خير

[الكمادي]

العفووووو واذا احتجت اي شي تراني في خدمة المطاليق

[دنيا بلا معنى]

نصيحه ما دمت مبتدئ ابعد عن الشيهاهين وخذلك وكري وتعلم عليه
معروف طير المبتدئ وكري

[أبو مشعلM]

اتمنى ينزل موضوع عن الطيور وانواعها ومقاساتها واعمارها والفرق بينها
علشان المبتدأين لي ولغيري
لان الرجال اللي حط الصورة يقول وكري
وانت يا اخ (دنيا بلا معنى ) تقول ابعد عن الشياهين
وحنا يالمبتدأين مانفهم بهالامور
وشكرا لكل اللي شاركوا وجزاكم الله خير

[أبو مشعلM]

اتمنى ينزل موضوع عن الطيور وانواعها ومقاساتها واعمارها والفرق بينها
علشان المبتدأين لي ولغيري
لان الرجال اللي حط الصورة يقول وكري
وانت يا اخ (دنيا بلا معنى ) تقول ابعد عن الشياهين
وحنا يالمبتدأين مانفهم بهالامور
وشكرا لكل اللي شاركوا وجزاكم الله خير

[أبو مشعلM]

اتمنى ينزل موضوع عن الطيور وانواعها ومقاساتها واعمارها والفرق بينها
علشان المبتدأين لي ولغيري
لان الرجال اللي حط الصورة يقول وكري
وانت يا اخ (دنيا بلا معنى ) تقول ابعد عن الشياهين
وحنا يالمبتدأين مانفهم بهالامور
وشكرا لكل اللي شاركوا وجزاكم الله خير

[شراع]

خذ لك وكريه 13*13 تلقاها بالسوق من 1500 الي 2000

الشياهين ماهي مره مع المبتدئ

والله يرزقك

[الجره جديده]

لا زنيت ازن بحر والا لاتزني
دق لك حر وافتك من هالشبابيط
العلف معلف معلف
بس المثلوث هو اللي بيعلمك الصقاره صح

[صقر الخبت]

بالتووووووفيق

[أبو مشعلM]

شراع
الجره جديده
صقر البخت
ماقصرتوا وجزاك الله خير

[الكمادي]

هذا الطير وكري ولاهو شيهانه

[الكمادي]

http://www.mekshat.com/pix/upload04/images189/mk182003_25112010073.jpg

[moath2700]

لا زنيت ازن بحر والا لاتزني
دق لك حر وافتك من هالشبابيط
العلف معلف معلف
بس المثلوث هو اللي بيعلمك الصقاره صح
السلام عليكم جميع كلن باسمه,,,اسف ياراع الموضوع مداخله بسيطه طال عمرك انت والسامعين ...ورزقك الله بالطير الهدي والمبروك ...
لكن من باب الامر بالمعروف ,,,,اعتقد ياراع الجره الجديده ان مثالك (({راجع النظر فيه ))لان الزنا من كبائر الذنوب ولا يصح الاستدلال به ....لك من الود اعذبه ...تمنيت لو ان الفكره وصلت ,,,وغيرك المعلم وداري انك ماتجهلها لكن تقبل تعليقي بصدر رحب...

[الكمادي]

جزاك الله خير

[أبو مشعلM]

moath2700
جزاك الله خير

[عبدالله 2013]

اتمنى ينزل موضوع عن الطيور وانواعها ومقاساتها واعمارها والفرق بينها
علشان المبتدأين لي ولغيري
لان الرجال اللي حط الصورة يقول وكري
وانت يا اخ (دنيا بلا معنى ) تقول ابعد عن الشياهين
وحنا يالمبتدأين مانفهم بهالامور
وشكرا لكل اللي شاركوا وجزاكم الله خير



ادخل على هذه المواضيع وان شاء الله تستفيد منه

هذه أنواع الصقور ..............كما عرفتها (والله تعالى أعلم) (http://www.mekshat.com/vb/showthread.php?t=33156)



كل ماتبي تعرف عن الصقور هنا ...مدعوم بالصور (http://www.mekshat.com/vb/showthread.php?t=227513)

[الكمادي]

الفرق بين الشيهانه و الوكري بالصور و المعلومات الكافيه . الفرق بين الوكري و الشيهانه .



شاهد وتعرف على الفرق بين الشيهانة والوكري بالصور والمعلومات الكافية ..


الفرق بين نوعين من انواع الصقور وهما الشيهانه .. والوكري .. وتحديدا هذا النوعين وتعمدت عدم ذكر الطير الحر لوضوح شكله بين النوعين .. وكثير من الناس لا يستطيع التفريق بين الوكري والشيهانه لتقارب الوانها واحجامها من بعض وعلى بركة الله نبدأ ..



اولا الوكري : الوكري طائر جبلي النوع يمتاز بغيره من الطيور بهدوء طبعه وسهولة تعليمه وسرعة استجابته وذكائه .. وكثير من الناس ينصحون المبتدأين بأقتناءه كبدايه للدخول في عالم الصقاره ولهذا السبب امتاز عن غيره .. وهو جميل المنظر صغير الحجم .. حجم الوكري يبدأمقاسه من 12 انش وهو يسمى الشبوط او المحقور وعادة يكون الذكر ومن ثم يأتي بعده مقاس 13 انش ويسمى لزيز وهي بالغالب انثى الا ماندر منها .. ومن ثم يأتي مقاس 14 انش ومقاس 15 انش وهي اكبر الوكريات واوفاها مقاسا وتسمى بالوافيه وهي اناثها بشكل عام ..




الوان الوكري :


ياتي منه الاحمر والابيض والاسود والاخضر وهذه الالوان الدارجه والمعروفه .. والابيض غالبا مايكون جزائري او مغربي .. وبقية الالوان تكون سودانيه .. ويوجد بنجد الوكارى الحمر المعروفه والشبه منقرضه لكثرة شبكها بالسنوات الماضيه ..



ملاحظه مهمه : للتعرف على الوكري من الشيهانه اذا كانوا فروخ الوكري دائما تكون كفوفه وبوزه ازرق اللون مثل الاحرار بعكس الشيهانه تكون كفوفها صفراء اللون والبوز دائما



صورة وجه الوكري تحديدا :



http://www.albdoo.info/p/2009/4522524717ac3655da92a2aff8edad11.jpg



ونلاحظ لون الراس في الغالب يميل للون المسمى بالاحمروغالبا مايكون لون السواد الخفيف يخالط للون الاحمر الذي بالراس بشكل خطوط مستقيمه .. وايضا الدعوج السوداء التي اسفل العين يكون عرضها اقل من عرض الدعوج الموجوده بالشيهانه واخف سوادا .. عين الوكري غالبا ماتكون اقل وسعا من عين الشيهانه
بوز ( منقار ) الوكري دائما اصغر من بوز الشيهانه .. ساق الوكري يكون بالغالب قصير وطول ساق الوكري لا يفضل عند الصقاقير ..




http://www.albdoo.com/vb/images/images_thumbs/ca229ac1c5aadc54ad4c0874d4bf8670.jpg



هذا صور اخرى للوكري ويلاحض لون الراس والدعوج والمنقار الصغير ..





http://www.albdoo.info/p/2009/9d02b780e3b9f434d316e4dc1b0765ca.jpg





صوره اخرى مقربه للوكري ولاحض نفس الفروق لمذكوره مسبقا ..




http://www.albdoo.info/p/2009/f799e9f4cbefb08f79057920ace768be.jpg





انتهينا الآن من الوكري ونأتي بعدها للشيهانه :



الشيهانه تعتبر من اسبق الطيور الجارحه على الاطلاق .. ولا يضاهيها طائر اخر من ناحية السرعه .. وهي طائر متقلب المزاج كثير الامراض وحساس جدا خاصه النوع البحري منها .. وطرق تدريبها تختلف نوعا ما عن الطيور الاخرى ولها طرق اكثر تعقيدا للشخص المبتدأ ..



الوانها :


ياتي منها الاحمر والاسود .. وهي جبليه او بحريه
البحريه اطيبها واغلاها سعرا .. وتأتي من ايران ودول اوربا وخصوصا النمسا لكثرتها هناك وهي تعيش بالجزر او على شواطئ المدن التي يوجد بها جبال .. وياتي منها مقاسات متعدده : اولها الوافيه 16 او 15.5 انش وياتي بعدها اللزيز ومقاسها من 14.5الى 14 انش
والمثلوثه من 13.5 الى 13 انش تقريبا ..



ونوعها الاخر الجبلي .. ومنها الايراني والتركي ومقاساته تصل الى 15 انش
والجبلي المستوطن بالشمال ونجد لا يتعدى مقاسه 13.5 انش تقريبا



http://www.albdoo.info/p/2009/d09d25a0c5bb581c3346d318648b932b.jpg



شاهد اللون الاسود الذي في راس الشيهانه وكأنه ملبس عليها تلبيس او مكبوب عليها بويه .. واذا لاحضنا ايضا الدعوج اسفل العين نلاحضها سوداء جدا وعريضه مقارنه بالوكري ..


ولو لاحضت عين الشيهانه اوسع من عين الوكري .. الشياهين وخاصه البحريه مقدمة نحرها دائما بيضاء صافيه وياتي اللون الذي اسفل بالتدريج بطريقة نقوش متتاليه بعكس الوكري التي تاتي فيه دقوق مثل الطيور الاحرار
ساق الشيهانه يكون بالغالب طويل مقارنه بغيرها من الطيور الاخرى ويعتبر من المميزات الممتازه بالشيهانه والتي يفضلها الصقاقير ..



http://www.albdoo.info/p/2009/c73a90fc78d0069a8b8538e2be76ba2e.jpg



وهذه صوره اخرى للشيهانه ولاحظ :


لون الدعوج اسفل العين ولون الراس .. وطول الساق .. وطول البوز .. واتساع العين..



http://www.albdoo.info/p/2009/810975a84f08aaef31ceadf06f4d870e.jpg



ولاحظ زوج من الشياهيين الفروخ يتلاعبان بالسماء ..


ولاحض لون الساقان اصفر حتى وهي فروخ بينما الوكري لا تجدها اذا كان فرخ بهذا اللون .. والدعوج واضحه حتى وهي طائره ..


اخيرا :هذه بعض الفروق التي قد يستفيد منها من لا يستطيع التفريق بين النوعين من النظره الاولى ..
وارجوا من الله ان يكون الموضوع ذو فائده للجميع ..




ملاحظه : الألوان والمقاسات ليست على سبيل الحصر وانما تطرقت لها للمعرفه العامه فقط .. والمهم هو التفريق بين الوكري والشيهانة فقط ..

[أبو مشعلM]

عبد الله 2013
الكمادي
بيض الله وجيهكم وماقصرتوا

[الكمادي]

ووجهك انشاء الله انك عرفة الفرق بن الوكري والشيهانه

[على رمشي تمشي]

والله اذا تبي شوري ماش لك صقاقير واطلع معهم وشف وش يعملون وشلون يدعون وشلون يعلف
وخلك مع رفيق لك صقار وانقل معه طيره وخله يخليك تعلفه وهمن طق لك طير وكري وانبسط معهم - الله يرزقك

[أبو مشعلM]

على رمشي تمشي)
شورك طيب وهذا ان شاء الله اللي يبي يصير.
شاكر مرورك الطيب