تكفون ياهل الفزعة من يدلني على الطريق من ا لباحة الى محايل عسير

[أخوسلمى]

الله لايحرمكم الاجر انا مسافر بعد يومين ان شاء الله من مدينة حائل الى محائل عسير في الجنوب والطريق الى انا اعرفه اطلع من حائل على مهد الذهب والى تربة عن طريق حاذة مرورا بعشيرة ..ثم تربة ثم الباحة
لكن مشكلتي ياجماعة الخير الطريق من الباحة الى محائل عسير مااعرف من وين افضل طريق يوصل الى محائل عسير وكم المسافة من الباحة الى محائل عسير وهل الطريق سهل والا صعب ؟ تكفون افيدونا الله لايهينكم

[مدرس في نجد]

حائل مهد الذهب الخرمة تربة الباحة المخواة العرضيتين سبت شمران المجارده بارق محايل عسير

[أخوسلمى]

مدرس في نجد شكرا لاهتمامك : ماهي المسافة بين الباحة ومحايل عسير ؟
هل يوجد طريق من مهد الذهب الى تربة افضل من الطريق الذي يمر على عشيرة ؟
وشكرا لسعة صدرك

[مسك اسود]

هذه احداثيه راس عقبه الباحه
19.996055
41.460407


المسافه 211 كيلو والله اعلم

http://img03.arabsh.com/uploads/image/2012/11/20/0d33414a61f10d.png



الباحه المخواه سبت شمران مرورا بمحذاه المجارده ثم الي محائل


ولك السلامه

[مدرس في نجد]

فيه طريق آخر وممكن أسهل
مهد الذهب الخرمة رنية بيشة سبت العلايه النماص تنومه العقبه ثلوث المنظر محايل عسير

[مدرس في نجد]

مدرس في نجد شكرا لاهتمامك : ماهي المسافة بين الباحة ومحايل عسير ؟
هل يوجد طريق من مهد الذهب الى تربة افضل من الطريق الذي يمر على عشيرة ؟
وشكرا لسعة صدرك

ماعندي خلفيه عنها بس طريق متعب ممكن ثلاث ساعات
طريق عشيره ماأعرفه
لكن المهد الخرمه تربه هو المعروف

[أخوسلمى]

شكرا لكم على حسن النصيحة والمشاركة

[كــحــيــلان]

يا الحبيب خلك من اللف و لدوران و المطبات و القرى و الأبل السايبة
كل ما ذكر سابقا في هذه الأشياء و أنسى مثبت السرعة ايضاً
عليك بالطرق السريعة راحة و أمان و خدمات و سرعة وصول
حايل القصيم الرياض وادي الدواسر أبها ثم تنزل على محايل
طريق سريع و أمن و خدمات و سرعة وصول بإذن الله
الله يسمح أمرك
و لا تنسى تميل علينا في الرياض الله يحييك تحية السيل.

[الهاجري 4800]

يا الحبيب خلك من اللف و لدوران و المطبات و القرى و الأبل السايبة
كل ما ذكر سابقا في هذه الأشياء و أنسى مثبت السرعة ايضاً
عليك بالطرق السريعة راحة و أمان و خدمات و سرعة وصول
حايل القصيم الرياض وادي الدواسر أبها ثم تنزل على محايل
طريق سريع و أمن و خدمات و سرعة وصول بإذن الله
الله يسمح أمرك
و لا تنسى تميل علينا في الرياض الله يحييك تحية السيل.



انا مع اخوي كحيلان قلباً وقالباً وانت بصرك

[أخوسلمى]

الله يجزاكم خير يالربع ماقصرتو

[abu fares]

بالنسبة للطريق من الباحة حتى محايل عسير


230 كلم


الباحة - عقبة الباحة - المخواة - نمرة - شمران - المجاردة - بارق - محايل



بالنسبة لي اشوف أن الأفضل طريق حائل - المدينة - جدة - الليث - المظيلف - المخواة - محايل


تقريبا 1400 كلم


اي خدمة أبشر يالحبيب

[شايب حرب]

يابعد حيي الافضل لك طريق المدينة جدة ثم طريق الساحل = الليث = المظيلف = المخواة = محايل

الطريق من جدة حتى المخواة طريق سريع ومن المخواة الى محايل طريق مزدوج

اذا تريد وصف للطريق من جدة الى محايل نحن في خدمتك

[أخوسلمى]

شكرا لكل من شارك برأيه والله ماقصرتو وبيض الله وجيهكم جميعا
ابشركم انا سافرت من حائل الى محايل عسير مرورا بمهد الذهب - حاذة - تربة - معشوقة الباحة - ا لباحة- المخواة - ومريت على المجاردة وشمران وبارق ومحايل عسير ثم عدت الى حائل
تمشينا وانبسطنا في محايل عسير وتمشينا في منطقة يقال لها روام منطقة جميلة
لكن انا توهقت انا كنت لابس ملابس شتوية والجو في محايل حار شوي
الطريق من محايل الى المخواة متعب ولازم الواحد يكون منتبه لانه طريق فيه زحمة والنا س يسرعون
تمشينا وانبسطنا واشترينا زيت سمسم بلدي وعسل ولو على كيفي كان وزعت العسل والزيت على من كل
شاركني برأيه ووصف لي الطريق ماقصرتو الله يعطيكم العافية