فزعتكم ياأهل المكشات..

[خيال عنيزاوي]

السلام عليكم

مبارك الخير على الجميع

الله لايهينكم ودي استفسر عن افضل الأماكن الزينة حول حائل ويصير جايه السيل لاني ابجي هالاسبوع من القصيم فياليت تفيدونن وان حصل مع الإحداثيات....

[الطير الوسمي]

وعليكم السلام ورحمه الله

فيه اتوارن مربعة

والاخرى يفيدونك الشباب عنها

يابعد حيي

[ساهر حايل]

الله يحييك بديرتك الثانيه ياغالي , ولازم نعرف مشوارك هو شباب او عوائل وهل تبي تتحرك من حايل للمواقع اللي تبي وترجع لحايل او مباشرة للموقع حتى ترجع لعنيزه اخوي وابشر باللي تبي والاخوان ماهم مقصرين , وهل تبي بر فقط او بر ونفود .. ولي باك بأذن الله معك

[خيال عنيزاوي]

يامال العافية ماتقصرون..

الرحلة شبابية ونبي نحرك من عنيزة الى عنيزة وبر نفود كلهن ...

الله لايهينكم

[ساهر حايل]

الله يسهل دربكم وتاصلون بالسلامه يارب وتشرفوننا ياغالي .. عندك نفود الجفر شمال حايل حوالي 50 كيلوا بعد قرية الخطه نفود طيب والحطب واجد والأرض بداية ربيع , وعندك توارن ضلع والشعبين طيبات وتستاهل الأمراحه والجلسه عليله , وعندك شعيب التفيهي هذولي كلهن الشعبان غرب مدينة حايل بينهن وبين حايل جبال أجاء بس , انت امسك طريق الحفير واسأل أي واحد هناك راح يدلك عليهن وماهن بعيدات , اماا الأحداثيات والله ماهن حاضرات واتوقع لو تبحث بالنت تحصلهم . واي خدمه تأمر أمر ياغالي