مستشفى عنيزه للصقور

[أخوحصه]

طيره الشيهانيه ايرانيه موجود عليها اسم صاحبها عليها حجل باسم صاحبها سعد المطيري وللتنبيه عليها اثار التقطيب انطلقة من مستشفى عنيزه من يد العامل يوم الاحد الساعه السابعه والنصف مساءا من مستشفى عنيزه بعد ماسلمتها عامل المستشفى انطلقة منه وابي فزعتكم يالنشامه طبعا صاحب المستشفى لنا معه سالفه قديمه والمثل يقول ظربتين في الراس توجع طبعا السالفه راح اعلمكم قصة المربط كامله والحين قصتي بعد مع صاحب المربط ابو طلال وللمعلوميه لست متواجد على المنتدى حتى يوم الجمعه وللتواصل على الواتس اب 0509275905

053824431جوالي الخاص ابو سعد المطيري

[باترول هدد]

اثريه صادق المصري المحاسب ههههههه


جيتهم امس الصبح اركب صفره لطيري قلت إيزنه قال المصري امسكه لو ينطلق ماني مسؤول قلت أبك كيف ينطلق ههههه قال والله فيه واحد من البارح انطلق طيره وراح ههههه

قلت الله كاتبه بيصير انطلاق ولا غييره

الله يعقلها والحلال مايروح

[أخوحصه]

والله انك صادق يالبترول انطلقة بحضور طاقم كامل وحظور الاجواد كان متواجدين شباب سعوديين الله يعقلها علينا وان ماعقلها الله والله ليدفع قيمتها كامله وهو مايدل الجاده كان نيته صادقه مع الناس يبي يعقلها الله لاني اشوفه بادي يلف ويدور من اول ماضاعت الشيهانه ويحاول يحط الملامه على صاحبها

[THE SNIPER H]

ان شاء الله تلاقيها ولو لم ترجع لك كل الحق ان تأخذ قيمتها من المستشفي لانها مسؤليتهم طالما انت سلمت الطير للعامل ولو رفضت المستشفي اتصل بالشرطه وجيب الشهود

[أخوحصه]

نعم سلمتها للمستشفى وعندي على ذلك شهود وارجال ثقه وحاضرين يوم اسلمها للدكتور على طول قام فك السبوق عن الوكر واكفخت من يده وانطلقت ووجهتها للسماء الازرق \

[مدهوش]

الله يعقل الطيره ويردها لكم سالمه

[أخوحصه]

الله يسمع منك أمين أمين

[المطنون]

الله يردها لك وإن ما ردت يعوضك بخير منها
والله يصلح مابينكم

[(هزاع)]

الله يعقلها

[شبراق]

السلام عليكم

مشكور يا اخو حصه على ماذكرت وبيض الله وجهك وما قصرت

اولاً ماذكرت انت انك جايب الطيره من دون برقع وهي فرخ وحش شلون تجيب طير للمستشفى وتخلي العامل يفك سبوقه وهي مفرعه وتحطه ع الميزان يوم جاء يشله العامل فلتت يعني كل التقصير منا؟

ثانين وش دخل المربط بالسالفه ؟ ما اعجبناك ليش تجي ؟

ثالثاً ماقلتلك ابشر بالعوض ون ماعقله الله ابشر بطيب منه ؟

[أخوحصه]

اولا الله يجزاك خير قلت ماني راجع للمنتدى الى يوم الجمعه وانت اجبرتني حتى اني ارد عليك

ثانيا مانكر اني جبت الطيره بدون برقع استلمها الدكتور مني بعد ماوزمها وشاف وزنها وهنا انتهت مسووليتي من اول ماسلمتها الدكتور ولست مسوولا عنما حصل

ثالثا انا ذكرة المربط ولا تدري وش ابذكر المربط فيه بخير او شر

رابعا انت وعدتني بالعوض وهذا ماذكرته انت يعني انت معترف ان الاهمال من عمالك وانا ماحكي من فراغ بل عندي مايثبت ذلك


خامسا انت ماتكرمت الله يجزاك خير انك تجي للمستشفى وتقابلني قعت انتضرك ساعه ونصف حتى كلمك حازم المصري وقالك صاحب الطير عندنا يبغى يكلمك وكلمتني وقلت ابشر بالعوض عندي بالمربط 3 طيور اذا مالقيناها بكره تعال خذ الطير الي تبيه ويوم جيناك أنا والريجيل المغرب يوم الاثنين تغير كلامك وقلت انا ابي انزل يوم الخميس سوق الرياض وابي اجيب لك طيره نفس طيرتك او افضل من طيرتك كيف تجيبلي طيره نفس طيرتي وانت ماشفتها؟؟؟؟؟ الله يجزاك خير على كل حال الله يبيض وجهك ويستر علينا وعليك واخواننا المسلمين وانا في انتضار وعدك

[املك حر]

ماحدث قضاء وقدر والله يعوضك بخير منها والمستشفى المفروض يغطون فناء المبنى بالكامل بالهنقر حتى لو فلت طير من صاحبه او من العاملين يمكن الامساك به 0

[طيور المسفارة]

ماحدث قضاء وقدر والله يعوضك بخير

[طيور المسفارة]

[:(:(:(:(:(:(:(:(:(:(:(:(:(:(

[ابو حمد منصور]

الله يردها لك وإن ما ردت يعوضك بخير منها
والله يصلح مابينكم

[لوقه]

اخو حصه وش قياساته وش فيها علامه

[هاوي وكارى]

الله يعقلها لك

[ابوأفياء]

مساءالخير

يعقلها الله الكريم

وان ماجابه الله

قالك الرجال ابشر بالعوض


انت رجال اصبر وابو طلال كفو وماراح يخليك راح يعوضك باطيب منه ان شاءالله

[nasyas1]

السلام عليكم

مشكور يا اخو حصه على ماذكرت وبيض الله وجهك وما قصرت

اولاً ماذكرت انت انك جايب الطيره من دون برقع وهي فرخ وحش شلون تجيب طير للمستشفى وتخلي العامل يفك سبوقه وهي مفرعه وتحطه ع الميزان يوم جاء يشله العامل فلتت يعني كل التقصير منا؟

ثانين وش دخل المربط بالسالفه ؟ ما اعجبناك ليش تجي ؟

ثالثاً ماقلتلك ابشر بالعوض ون ماعقله الله ابشر بطيب منه ؟

اخ شبراق
طيب هو جابها بدون برقع وهي فرخ وحش السؤال الي يطرح نفسه ليش عاملك الي هو مفروض محترف واخصائي يفك سبوقها وهي مفرعه ؟
وبعدين ياخي اي استثمار معرض للمخاطر وهذا مثال حي لذلك وعلشان تبين احترافيتك بالعمل بهذا المجال مفروض انك انهيت الموضوع بوقتها بدل المواعيد الي تضر بسمعة مركزك .اما سالفت ابشر بالعوض هذا حكي او زي ماقال ابوسعد انك بتروح للرياض تشريله وحده زيها ....... اسمحلي هذا الكلام مايليق بك ولا بسمعة مركزك .
الوقت يمشي وكثر الله خيره الي صابر للحين
تحياتي للجميع

[شبراق]

اخ شبراق
طيب هو جابها بدون برقع وهي فرخ وحش السؤال الي يطرح نفسه ليش عاملك الي هو مفروض محترف واخصائي يفك سبوقها وهي مفرعه ؟
وبعدين ياخي اي استثمار معرض للمخاطر وهذا مثال حي لذلك وعلشان تبين احترافيتك بالعمل بهذا المجال مفروض انك انهيت الموضوع بوقتها بدل المواعيد الي تضر بسمعة مركزك .اما سالفت ابشر بالعوض هذا حكي او زي ماقال ابوسعد انك بتروح للرياض تشريله وحده زيها ....... اسمحلي هذا الكلام مايليق بك ولا بسمعة مركزك .
الوقت يمشي وكثر الله خيره الي صابر للحين
تحياتي للجميع

اولاً هذا قضاء وقدر وكل شي معرض للخطاء
والله ياخوي انا اشوف نفسي ماقصرت قلتله هذي طيوري ورفض
قلتله ابشر بمثله او اطيب منه شلون شايفن معي عصا سحري اجيبله الي يبي بوقته كل شي يبي صبر
وقولك هذا حكي حنا قول اوفعل ان شاءالله

[ابو ثآمر]

حياكم يالربع والدعوه تساهيل وكلكم فيكم خير وبركه

بالنسبه للطير الله يعقلها لصاحبها

ومن نآحية المربط خطاء عليه المفروض حل السالفه من يومها

وصـآحب الطير طلع الطير من ذمته ودخل المستشفى

لذلك انا اقول يعوض راعي الطير بقيمة الطير

وان شاء الله أنكم أهل خير وبركـه

وتحلون موضوعكم بينكم
وشكرآ

[طيور المسفارة]

يعقلها الله الكريم

وان ماجابه الله

قالك الرجال ابشر بالعوض


انت رجال اصبر وابو طلال كفو وماراح يخليك راح يعوضك باطيب منه ان شاءالله

[ألاشعل]

مع الاسف ان مستشفي عنيزه بني علي اساس الماده وجهله في موضوع طب الصقور وانا من وجهت نضري لو يخلونه لعلاج الحمام والدجاج افضل لانه نصب واحتيال وحب المال باي طريقه كانت ومن ناحيت انهم ضيعو شيهانه لابد وملزومون بتعويض صاحبها والمبلغ يحدد من قبل ثلاث صقارين من اكبر الصقاقير او ثلاث محلات وارجو من الصقاره عدم مراجعه مستشفي عنيزه لدواجن لانهم قبل عدت شهور تم اهمال طير الي ان مات وعذرهم اقبح من ذنبهم وماطلو وماطلو وكل يوم بعذر ولكم جزيل الشكر يامرتادين مكشات واعضاءه وحسبي اللله عليكم يامستشفي بريده وين المسولين عنكم لعبتو بطيور الناس والمشكله لاحسيب والي رقيب

[أخوحصه]

[QUOTE=شبراق;8952783]اولاً هذا قضاء وقدر وكل شي معرض للخطاء
والله ياخوي انا اشوف نفسي ماقصرت قلتله هذي طيوري ورفض
قلتله ابشر بمثله او اطيب منه شلون شايفن معي عصا سحري اجيبله الي يبي بوقته كل شي يبي صبر
وقولك هذا حكي حنا قول اوفعل ان شاءالله[/


انت قلت ابشر بالعوض عندي بالمربط 3 طيور اذا مالقيناها بكره تعال خذ الطير الي تبيه ويوم جيناك أنا والريجيل المغرب يوم الاثنين تغير كلامك وقلت انا ابي انزل يوم الخميس سوق الرياض وابي اجيب لك طيره نفس طيرتك او افضل من طيرتك كيف تجيبلي طيره نفس طيرتي وانت ماشفتها؟؟؟؟؟

فاذا كنت قد كلامك بتعوضني بطير من طيورك عن طيرتي فانا ماعندي مانع ومستعد اخذ ريجيل واجيك الى بيتك ويكونون شهود علي وعليك لاكن الله يهديك انت ماعرضت علي شي من طيورك انت فقط عطيتني كلام بس

وثاني شي ماتخاف الله تقول كلام مقلته لي وانك عارض علي طيور وانا رفضت كل الكلام ذا مهو صحيح الله يهديك بس

[ألاشعل]

اخوي الي مضيعن طيرتك انا من وجهت نضري ماكل الطيور تشابه علي شان يقولون لك نشريلك مثل طيرتك او افضل من الواجب والمتعارف عليه من يهمل ملك غيره لايستحق الامانه وموضوع انه عرضلك طيور وزل هاذي معناه تماطل وانا اشور وفيه غيري واكبر مني هل العرف دام الموضوع ما جا من باب مزارق الطيب وكسب العلم الغانم تنزل لسوق انت بنفسك وتختار شيهانه مماثله لطيرتك ولاكن تجعل مخافت الله بين ناضريك وهم من يتغرمون الدفع والله ولي التوكل

[ABU HAIBAH]

والله المستشفى سمعته تعبانه جدا وانا قد مات عندي طير بسببهم والعوض على الله

[صقار مبتدئ]

صاحب المستشفى ضامن لان الطير تم استلامه

[أخوحصه]

الله يعطيكم العافيه وشكرا للجميع وشكر لمن تواصل معي عن طريق الواتس اب او عن طريق المنتدي الشكر موصول للجميع لمن شاركني في موضوعي هاذا ولا زلت في انتظار وعد الاخ ابو طلال عسي يكون خير ان شاء الله اخوكم ابو سعد

[ابوميلاف]

الاخ /اخو حصه والاخ /شبراق
السلام عليكم ورحمة الله وبركاته وبعد
المشكله اذا كبرت ترد الى اصلها
طير انطلق والله يعقله عليك ياخو حصه واذا ما عقله الله
الله يعين شبراق على تعويضك ولكن بحجم طيرك وانا اقولك كيف
يثمن فصيلة طيرك من ثلاثه صقارين ثقه
ويعوضك شبراق بالثمن الاوسط منها اللي لاضر ولا ضرار وتنتهي السالفه
لكن اذا اخذت العوض وانمسك الطير ماهولك لشبراق
واختموها بالصلاه على النبي

[سحاب7]

الله يردها لك ويعقلها عليك او الله لايهينه يعوضك بطيره نفس الفعل او احسن

[راعي هدلاء]

الحمد الله والشكر على كل حال
اسال الله انه يعقله عليك مدامكم متفاهمين لا تفرحون الناس بـ......................الخ .

[خالدالشمال]

الله يعقلها

[أخوحصه]

الله يبيض وجيهكم لكن الرجال مايرد علينا وكلمت الموضف المصري حازم وقاللي بعد نص ساعه برد عليك ولا رد اليوم الخميس اخر يوم بيننا وبينه على الوعد الي قاله لنا لكن الصبر جميل

[انا ابو بندر]

الصبر ملح الرجال

الله يعقل طيرك ويفك مشكلكم

[أبويعقوب60]

اللهم اجرك في مصيبتك وأخلفك الله خيرا منها ,
والصبر عواقبه حميده وأنا اخوك .

[صقر الجنوبي]

اللي حدث قضاء وقدر والله يعقلها

[شبراق]

طيرك موجود بالمستشفى فرخه وحش 14 فارسيه تجي تاخذها عوض عن طيرك

[شبراق]

طيرك موجود بالمستشفى فرخه وحش ١٤ فارسيه تجي تاخذها عوض عن طيرك

[شبراق]

الله يبيض وجيهكم لكن الرجال مايرد علينا وكلمت الموضف المصري حازم وقاللي بعد نص ساعه برد عليك ولا رد اليوم الخميس اخر يوم بيننا وبينه على الوعد الي قاله لنا لكن الصبر جميل

انت دقيت علي يوم تقول مايرد علينا ؟؟؟؟
لو تخلي عنك الكلام الفاضي وتزويد الهرج لكن فعلاً الصبر جميل