اليوم موقف غريب من متطفلين ضااق بهم البر !

[طويلب]

السلام عليكم


رحت اليوم و معي اثنين من الشباب لطلعه بريه قريبه من صلاصل 80 كيلو عن الدمام

ضبطنا الجلسه و شبة النار وفجأه سياره جيب ربع تويوتا وقف بقربنا بحوالي 200 متر !!!!!!!!

تعجبنا خصوصا ان البر فاااضي مافيه ولا مخلوق

وفجأه ترجل منها اثنين و فرشوا البسطه و نزلوا الترامس و جلسوا يتقهووون !!!!!



بالله عليكم لو مكاني وش بتسووون مع هالاشكال !!!!!!!؟؟؟؟؟



تذكرت نكتة الـ؟؟؟ دخل سينما فاااضيه مافيها الا واحد وجلس في الكرسي الي وراه وضرب على كتفه وقاله بالله وخر شوي عشان اشوف الفلم !!





خلو عندكم شوية ذوووق يا بعض الكشاته

[ليوان]

فيه ناس ما يستحون ولا يراعون حريه الآخرين

او عاجبهو مكانكم ويبون يزهقونكم حتى تتركون المكان وياخذونه .. فيه ناس كذا من الأنانية

[«نجم الخير»]

يمكن يتجسرون بكم :)

[ابومارية]

الأمر لا يخلو من حالتين اما مواعدين خوياهم في هالمكان وتفاجئو بكم وجلسو ينتظرونهم أو بحث .

[ابوناصر التميمي]

زي مقال نجم الخير

يتجسرون بكم ..

[الشاهر سعد]

وانا مع اخي نجم الخير

[كنز المشاعر]

أخي الكريم

أحسن الظن واعلم أن هناك أناس لاتحب أن يكون في معزل عن الناس وتجده يبحث عن مكان يكون مقتض بالكشاته وذلك بحثاً عن الطمئنينه

[نجم الغربيه]

200متر اشوفها عادى
وبعدين ياخي لومعاك عائله اقول كلامك صح
لكن شباب مااشوف فيها شئ
تعال جده بالذات على البحر وشوف
يمكن بينك وبينه نصف متر

[كاشت وحداني]

غالبا غالبا انهم يتوانسون بكم
خاويت ناس في مكاشيت ما يحب يهج بلحاله بعيد ان راح بعيد مره يكون اذا فيه ناس حوله يشوفون زوله وحركته من مسافة معقولة ماتضايق
او انهم متواعدين في مكانكم مع ناس وشافوكم وقالوا ما نبعد عن اخويانا ودايم تحصل
اذكر مره كشتنا في مكان واعجبنا
وحددناه بال gbs
وطلعو الشباب قبلي وانا لحقتهم فجر الخميس وعلى الاحداثي واطب والاقي ربع ماهم بربعي عجبهم المكان مثلنا
لكن لقيت ربعي حولهم ماهم بعيد
وتقبل تحياتي


Sent from my iPhone using Tapatalk

[تكاشف ابروقها]

حرام يمكن خايفين وستانسوا يوم شافوكم عادي مشها

[M A R W A N]

حقيقة الواحد ما يصك مسافة بعيدة والا ودة يبعد عن السجة والرجة ويريح الدماغ ويسترخي , ووجود هولاء بالقرب يثير الضجة ويلفت الانتباه.

اذ جيت جدة تعال وانزل بالبحر , تفرش فرشتك وتمد يدك يمين تسلم علي اللي جنبك ويسار وامام وخلف هههههههه... جدة غير يابوي.

[صياد الجبل]

انا اشوف مافيها شي انتم شباب وهذولي شباب

وخلي روحك وسيعه اخوي اهل البر صدورهم وسيعه


معدين 200 متر مسافه معقوله

[abu-turki2009]

دام الطلعه كلها شباب والمسافه بينكم 200متر ماعندك مشكله.

[MANSOR QATAR]

السلام عليكم ورحمة الله
ماشوف فيها شي وانا اخوك
كان رحت يمهم وعزمتهم على فنجال ( مزارق طيب ) وخل صدرك وسيع
تحياتي لك

[طويلب]

حياكم الله جميعا و اشكركم على الردود

لكن 200 متر تقديريه مني ربما اقل

عموما 200 او 300 متر او اكثر حنا في بر واسع مد النظر . لاينبغي مضايقة احد دامك في سعه

هدفي من الموضوع الحذر ممن يكشت ليحرص على ان لايسبب اي مضايقه لأحد

[سلطان الغدرا]

اطلع في الخلا انا وخوياي بعيد عن الناس وصجتهم ولا ابي اشوف ولا زول ابن امه عشان اتمتع بالهدوء والا القا واحد مضايقني والله بلشة لكن نصبر ام انكته قطعة بطني من الضحك هههههههههههههههههههههههههههههههههههههههههههههههههه هههههههههههههههههههههههههههههههههههههههههه

[ناصر2222]

200متر اشوفها عادى
وبعدين ياخي لومعاك عائله اقول كلامك صح
لكن شباب مااشوف فيها شئ
تعال جده بالذات على البحر وشوف
يمكن بينك وبينه نصف متر

صدقت تصرفهم عادي اذا كنتم عاديين

[هبوب سدير]

والله انا اشوف انهم يبونكم تجسرونهم او انهم ماهم حقين طلعات بر يعني ماتعودو يطلعون بعيد عن الناس

[صقرولدصقر]

فعلا انا اشوف انهم يبونكم تجسرونهم

ياخوي حنا اذا طلعنا كشته في جده يجيك اللي جالس جنبك ويقولك ممكن ولاعه ههههههههه

وشوي يجيك الثاني ممكن بصل او خبز

وشع صدرك وانا اخوك وان ماعجبك الوضع شل عفشك ورح مكان ثاني