استشارة : هايلوكس دبل ~ فورد رينجر

[Tyer_shalwa]

السلام عليكم ورحمة الله وبركاتة

صباح الخير

حبيت استشيركم ياخواني بخصوص سياره مناسبة لي ولأستخدامي

وأستخدامي هو خط جامعه يبعد عن مدينتي حوالي الـ25 كيلو يومياً

الى جامعتي يستغرق الوصول لها ساعه الا ربع " بسرعه متفاوته بين 80 - 120

لاكن قبل لا اوصل الجامعه مالي الحيلة اوقف بالمواقف لانها ممتلئة جداً بالسيارات

فـ الجاء اني امشي مسافة 3 او 4 كيلو ردمية " مطانيج وغراز من ورا الجامعه عشان اوقف جنب الجامعه بالضبط قريب لي ولا فية زحمة " لان الطريق وعر وصعب ومناقز ومطامر "

اما اذا جيت مع الطريق المزفلت راح اخذ ساعه ونص مالقا ماقف لي

وطبعاً فوق 3 مرات ادقر عند الجامعه ومرتين اغرز بالددسن بس الحمدلله كل التدقيرات والتغريزات كانت وانا خارج من الجامعه " يعني منتهي الدوام "

فـ تحيرت وطقت معي لو بداوم بالطريق المعروف يبي له واحد راعي صبر وانا عارفن نفسي ماداني اشوف الزحمة ابدأً لو امشي على رجولي

قررت اني اشتري سيارة تنساب استخدامي بالنسبة للددسن الي معي
مع الخط معروفة الددسن مامن راحة وبالبر مامن قوة وماهي مرتفعه عشان التدقير
وثاني شيء كلبليتر ومعروف الكلبليتر يصرف بنزين
والسيارة الي ابي سيارة خط + بر + مرتفعه وراسية بالخط

قررت على 6 سيارات وكل من شاورت حطمني الاول

هايلوكس دفرنس : قالو تغدر بك + مع الخط تناقز وهم صادقين .
هايلوكس دبل من 2006 وطالع : اسعارهن اسعار جيوب صراحة فوق الـ60 الف النضيف !
ميتسوبيشي دبل 6 سريندل : السيارة ممتازه جداً جداً لاكن يعيبها قطع الغيار وانا طالب جامعه يعني لو اقل شيء لاقدر الله انقطع السير ووقفت السيارة يبي لي شهر عشان اشري سير لها ! وغير ذالك يمكن مايكون فية فـ يجي طلبية :( ! أحتريهم 10 ايام ؟
+ شكالة خايس
جيب ربع نيسان : ياكل المكافئة وزيادة بس عشان البنزين :) !

ديماكس دبل : خرابتها واجد خاصة القير ومشاكله .

الاخيره والي ابي الراي بها : فورد رينجر دبل
رينجر XLT
http://www.cic.com.jo/ar/images/com_sobi2/gallery/10/10_image_3.jpg

2012 وكالة 5 سريندل ديزل وهاذي المعلومات عنه ~

محرّك توربو ديزل بضخّ TDCi سعة 3.0 لتر مع ناقل حركة يدوي بـ5 سرعات


عجلات من الألومنيوم قياس 16 بوصة مع إطارات 245/70R16
نظام دفع 4x4
مقصورة مزدوجة
ترس تفاضلي محدود الانزلاق
وسائد هوائية أمامية-للسائق والراكب الأمامي
الفرامل - نظام مانع لانغلاق الفرامل ABS على العجلات الأربع
ستيريو AM/FM/مبدّل لـ6 أقراص CD مضمّن في اللّوحة المركزية، تشغيل ملفات MP3 ومنفذ إدخال صوتي إضافي و6 مكبّرات للصوت
الكونسول – كبير مع حاملتي أكواب
ضبط إضاءة لوحة القيادةالكونسول – كبير مع حاملتي أكواب
نوافذ آلية
ميزة إزالة الصقيع
جيوب حفظ الأوراق في الجهة الخلفية من مقعد الراكب الأمامي
المقاعد – منفصلة مع إمكانية الإمالة لمقعدي السائق والراكب الأمامي باللّون الأسود
حاجبان للشمس مع مرآة زينية لجهة الراكب الأمامي
مشابك لتثبيت الحمولة - في الجهة الداخلية من الصندوق بدون إسناد الحمولة
مصابيح للضباب
الشبكة – من الكروم
أفاريز العجلات – بلون الشاحنة مع واقيات مضمّنة للوحل


سعره بحثت بالانترنت وجدت ناس تقول وكالة 2012 بـ حدود الـ55 الف ريال !

مادري عن قطع الغيار ومادري عن الديكور هل يتهرقل خصوصاُ اني 4 كيلو يومياً مطانيج ومطامر وحاله الله يعين ..

يعني هل قطع الغيار حقه غالي أو رخيص ؟ وكيفة مع المطانيج تكفون افيدوني وكم سعره وكالة 2012 ؟
رينجر XLT
ومنهو وكيلة ؟

يامشرفين حطيت هالموضوع بهالقسم لانه اكثر زيارة لاتبخلو علي بالافادة

والسلام عليكم ورحمة الله

[راكان الجاسري]

مااشوفها منتشرة الى مع الشركات وياليت احد يفيدنا من الاخوان

[الحربي حاتم]

بسم الله الرحمن الرحيم
أولا السعر اللي تقول عليه هل هو للغمارة ولا للغمارتين
عن تجربة موديل 2005 / 2004 السيارة يعيبها قطع غيارها غالية ثانيا مالها مبيعة حقت أستخدام فقط ثالثا القربة حقت الهوا تتكسر رابعا صوتها يتغير ويقوا بعد مدة والرجفة والقربعة ماتكبها خامسا الدخنة وراك وأحراجها وأنت خابر سادسا صناعتها ماهي متقنة يعني فيها عدم توازن فمثلا كان عندي الكفر الأمامي بارز للخارج بخلاف الكفر المقابل له والصندوق فيه بروز مع أحد الجوانب من عند الغمارة بخلاف الجهة الثانية سابعا تعامل الوكيل سيء جدا ثامنا قطع الغيار ماتلقاها غير عند الوكيل وغير طلبية في أغلب الأحيان تاسعا في الغالب أنك تاخذ القطعة وترجع بها أكثر من مرة للوكالة ماأدري هو جهل من الوكالة بقطعها ولا لقلة طلبها ولا !!! عاشرا يتغير ممشاها وهدوئها بعد فترة من الأستخدام /11 / يبي لها صيانة خاصة للطرمبة وتشييك كل فترة لغلاها حيث تغير لها الفلتر وتنظفها كل فترة من الزمن وتظف الليات وتتنظف التانكي ولا خربت عليك الطرمبة وتوظيبها فقط يكلفك من 5000 ريال وطالع مع عدم وجود المهندس المتقن لها وندرتهم / 12 / صعوبة أيجاد مهندس متخصص لصيانتها لقلة وجود مهندس متقن للديزل وشغلاتها وأن وجدت يتشرط عليك بحجة صعوبة الصيانة وندرة مهندسينها وتوظيبها يكلفك غاليا / 13 / الجنزير حق المكينة بلاستيك ولو أنفلت عليك كسر لك البلوف وسبب خسائر مايعلمها إلى الله وهذا لم أكتشفه إلى من فترة قريبة عندما خربت سيارة أخوي / 14 / هذا عن الموديلات اللي قلت لك وهناك بعض العيوب الأخرى التي لاتحضرني الآن
مميزاتها سعرها رخيص نسبيا ولكن مقارنة بالعيوب لا يرجحها ماأدري عن الموديلات الجديدة
قلة أستهلاك الوقود وهذا في سيارات الديزل عموما وقوية نسبيا وتتحمل ماأدري عن الموديلات الجديدة
وجود سيرين للمكينة بدال واحد يعني لو أنقطع واحد يمشيك الثاني أشهر وهذي ميزة مهمة وأظنها في الديزل عموما مأدري عن الموديلات الجديدة وميزة أخرى للديزل وقت الأمطار تخش فالسيول والأمطار ومناقع الماء بسرعتك ماتخاف من السيارة تطفي أو تنتع أو غيره وهذي واللي قبلها ميزة للديزل بأنواعه وليس حكر على الرانجلر وحده
عموما ماأنصحك بها إذا تقدر على غيرها وإن كان مالك قدرة خذها وعساها مبروكة
والوكيل الجزيرة حسبي الله عليهم ونعم الوكيل

[Tyer_shalwa]

بسم الله الرحمن الرحيم
أولا السعر اللي تقول عليه هل هو للغمارة ولا للغمارتين
عن تجربة موديل 2005 / 2004 السيارة يعيبها قطع غيارها غالية ثانيا مالها مبيعة حقت أستخدام فقط ثالثا القربة حقت الهوا تتكسر رابعا صوتها يتغير ويقوا بعد مدة والرجفة والقربعة ماتكبها خامسا الدخنة وراك وأحراجها وأنت خابر سادسا صناعتها ماهي متقنة يعني فيها عدم توازن فمثلا كان عندي الكفر الأمامي بارز للخارج بخلاف الكفر المقابل له والصندوق فيه بروز مع أحد الجوانب من عند الغمارة بخلاف الجهة الثانية سابعا تعامل الوكيل سيء جدا ثامنا قطع الغيار ماتلقاها غير عند الوكيل وغير طلبية في أغلب الأحيان تاسعا في الغالب أنك تاخذ القطعة وترجع بها أكثر من مرة للوكالة ماأدري هو جهل من الوكالة بقطعها ولا لقلة طلبها ولا !!! عاشرا يتغير ممشاها وهدوئها بعد فترة من الأستخدام /11 / يبي لها صيانة خاصة للطرمبة وتشييك كل فترة لغلاها حيث تغير لها الفلتر وتنظفها كل فترة من الزمن وتظف الليات وتتنظف التانكي ولا خربت عليك الطرمبة وتوظيبها فقط يكلفك من 5000 ريال وطالع مع عدم وجود المهندس المتقن لها وندرتهم / 12 / صعوبة أيجاد مهندس متخصص لصيانتها لقلة وجود مهندس متقن للديزل وشغلاتها وأن وجدت يتشرط عليك بحجة صعوبة الصيانة وندرة مهندسينها وتوظيبها يكلفك غاليا / 13 / الجنزير حق المكينة بلاستيك ولو أنفلت عليك كسر لك البلوف وسبب خسائر مايعلمها إلى الله وهذا لم أكتشفه إلى من فترة قريبة عندما خربت سيارة أخوي / 14 / هذا عن الموديلات اللي قلت لك وهناك بعض العيوب الأخرى التي لاتحضرني الآن
مميزاتها سعرها رخيص نسبيا ولكن مقارنة بالعيوب لا يرجحها ماأدري عن الموديلات الجديدة
قلة أستهلاك الوقود وهذا في سيارات الديزل عموما وقوية نسبيا وتتحمل ماأدري عن الموديلات الجديدة
وجود سيرين للمكينة بدال واحد يعني لو أنقطع واحد يمشيك الثاني أشهر وهذي ميزة مهمة وأظنها في الديزل عموما مأدري عن الموديلات الجديدة وميزة أخرى للديزل وقت الأمطار تخش فالسيول والأمطار ومناقع الماء بسرعتك ماتخاف من السيارة تطفي أو تنتع أو غيره وهذي واللي قبلها ميزة للديزل بأنواعه وليس حكر على الرانجلر وحده
عموما ماأنصحك بها إذا تقدر على غيرها وإن كان مالك قدرة خذها وعساها مبروكة
والوكيل الجزيرة حسبي الله عليهم ونعم الوكيل






عسى الله يبيض وجهك يالحربي ~

وان شاء الله بنحاش عنها ... يوم اشوف مواصفاتها نسى اني بالسعودية " لاوكيل سنع ولا يد عاملة وقطع غيار دمار " !

ولا السياره مواصفاتها حلوه والسعر معقول ...

جزاك الله خير ~

[أنصر نبيك]

ياطير شلوى مايصلح معك لهذا الطريق غير جيب الربع يكفي ويوفي وهذا شوري لك وأنت حر موتر قوي
ولاهو صديق للورش خدوم وممتاز الجديد غالي بالحيل وهذه مشكلته الوحيدة

[.ONN]

انا انصح بالهايلكس وتراه عز بالخط والبر ويمسك سعره

[فارس المصارير]

نصيحه لك لاتعدى الهايلكس خاصة الدبل لانها راسية بالخط
وحافظة مكافاتك من الورش

[أب رحي]

وعليكم السلام ورحمة الله وبركاته...

أخي العزيز بعد النضر في السيارات اللتي ذكرتها
أريد ان اخبرك بأن تختار الهايلوكس...
صرف البنزين عادي
قطع غيار متوفره
خرابات قليله
وانت تقول انه يغدر بك لكن ياأخي العزيز الكس صحيح
وبالنسبة للدبل يكون افضل بحيث انه يساعدك اذا اردت تحميل اغراض
او اذا اردت الدهاب الا البر مع اصدقائك او اهلك ( كشته).
اما بالنسبة للجيوب اذا تبي جيب مالك الا الربع.
أتمنى اني افدتك...

تقبل مروري.

[عاشق مكشات]

غير الهيلوكس لاتدور انتشرت بالاونه الاخيره وكلن يمدحه وان ان شاء الله ابشري واحد

[تشقوينا]

والله ي اخي يمدحون الهايلوكس الدبل الجديده


ويقولون مريحه وراسية ودبل وما تخاف من العطال في الخطوط الطويلة انشاء الله


وحقة زقرتيه وحقة عائلة ومكاشيت وسفر وتكفي انها موتر تشيل همك من الخرابات



رايي الشخصي والله يوفقك

[((ابوملاك))]

اجل الهايلوكس الدبل راسيه هاه كثروا لي منه

شوفو هالمقطع

http://m.youtube.com/watch?v=ZhLA9134MZ4

[ذيب النشاما]

عليكم السلام ورحمة الله وبركاته
اسعد الله صباحك.

نصيحه لا تتعدى الهايلوكس الدبل من واقع تجربه
أن شاء الله أنك عن الورشات بعيد. ولا يوجد صرفية بنزين
راحه في الخط. ممتازه في البر. سعرها فيها ( شيك في جيبك )
حتى وأن وجدتها نظيفه وسعرها غالي. وجهة نظري الشخصيه.
أتمنى لك التوفيق في دراستك والنجاح في حياتك.

[تشقوينا]

مجهول 666 كيف الحال ههههههههههه


والله يا اخي لوتبي تلف هاللفة والسرعة هذي على فورتشنر او برادو او حتى مفخره


لكن سوى نفس الشيئ او انقلب


خلك واقعي يا اخي



ترا سيارتي فورتشنر عشان ما تقول اني متعصب عشان معاي هايلوكس ( كلمة حق )

[أبوبشير العنزي]

اجل الهايلوكس الدبل راسيه هاه كثروا لي منه

شوفو هالمقطع

http://m.youtube.com/watch?v=ZhLA9134MZ4


الحمدلله اشتريت الهايلكس الدبل ومرتاح عليه ولا اشيل هم في الطعوس ولا في المدينة سيارة جبارة بكل المقايس للبر وللمدينة وسعرها طيب واذا ماتعجبك اركب لكزز سعرها بسيط اربعمائة الف ريال . انصحك تجربها يومين وبإذن الله تغير رايك ولاتنسى التويوتا شيك يرتفع سعره عكس النيسان والفورد وفي قاعدة في السوق نجاح السيارة من مبيعاتها والتويوتا أكثر السيارة مبيعا في السوق .

[أبوبشير العنزي]

اجل الهايلوكس الدبل راسيه هاه كثروا لي منه

شوفو هالمقطع

http://m.youtube.com/watch?v=ZhLA9134MZ4



هدية متواضعة :
http://www.youtube.com/watch?v=8kdq28kWVSo (http://www.youtube.com/watch?v=8kdq28kWVSo)

[ابونبيل]

هلي دبل......:good2:

[((ابوملاك))]

هدية متواضعة :
http://www.youtube.com/watch?v=8kdq28kWVSo (http://www.youtube.com/watch?v=8kdq28kWVSo)

هديه مقبوله لكن للمعلوميه اللي بالمقطع 6 سلندر ديزل مواصفات استراليه وماتنزل عندنا

[الدوسري 111]

دبل وبس من تجربه بتوفيق لك

[عمررالعتيبي]

هايلوكس دبل ووكل الله