استشاره فورد رينجر 2012

[Tyer_shalwa]

السلام عليكم ورحمة الله وبركاتة

صباح الخير

حبيت استشيركم ياخواني بخصوص سياره مناسبة لي ولأستخدامي

وأستخدامي هو خط جامعه يبعد عن مدينتي حوالي الـ25 كيلو يومياً

الى جامعتي يستغرق الوصول لها ساعه الا ربع " بسرعه متفاوته بين 80 - 120

لاكن قبل لا اوصل الجامعه مالي الحيلة اوقف بالمواقف لانها ممتلئة جداً بالسيارات

فـ الجاء اني امشي مسافة 3 او 4 كيلو ردمية " مطانيج وغراز من ورا الجامعه عشان اوقف جنب الجامعه بالضبط قريب لي ولا فية زحمة " لان الطريق وعر وصعب ومناقز ومطامر "

اما اذا جيت مع الطريق المزفلت راح اخذ ساعه ونص مالقا ماقف لي

وطبعاً فوق 3 مرات ادقر عند الجامعه ومرتين اغرز بالددسن بس الحمدلله كل التدقيرات والتغريزات كانت وانا خارج من الجامعه " يعني منتهي الدوام "

فـ تحيرت وطقت معي لو بداوم بالطريق المعروف يبي له واحد راعي صبر وانا عارفن نفسي ماداني اشوف الزحمة ابدأً لو امشي على رجولي

قررت اني اشتري سيارة تنساب استخدامي بالنسبة للددسن الي معي
مع الخط معروفة الددسن مامن راحة وبالبر مامن قوة وماهي مرتفعه عشان التدقير
وثاني شيء كلبليتر ومعروف الكلبليتر يصرف بنزين
والسيارة الي ابي سيارة خط + بر + مرتفعه وراسية بالخط

قررت على 6 سيارات وكل من شاورت حطمني الاول

هايلوكس دفرنس : قالو تغدر بك + مع الخط تناقز وهم صادقين .
هايلوكس دبل من 2006 وطالع : اسعارهن اسعار جيوب صراحة فوق الـ60 الف النضيف !
ميتسوبيشي دبل 6 سريندل : السيارة ممتازه جداً جداً لاكن يعيبها قطع الغيار وانا طالب جامعه يعني لو اقل شيء لاقدر الله انقطع السير ووقفت السيارة يبي لي شهر عشان اشري سير لها ! وغير ذالك يمكن مايكون فية فـ يجي طلبية :( ! أحتريهم 10 ايام ؟
+ شكالة خايس
جيب ربع نيسان : ياكل المكافئة وزيادة بس عشان البنزين :) !

ديماكس دبل : خرابتها واجد خاصة القير ومشاكله .

الاخيره والي ابي الراي بها : فورد رينجر دبل
رينجر XLT
http://www.cic.com.jo/ar/images/com_sobi2/gallery/10/10_image_3.jpg

2012 وكالة 5 سريندل ديزل وهاذي المعلومات عنه ~

محرّك توربو ديزل بضخّ TDCi سعة 3.0 لتر مع ناقل حركة يدوي بـ5 سرعات


عجلات من الألومنيوم قياس 16 بوصة مع إطارات 245/70R16
نظام دفع 4x4
مقصورة مزدوجة
ترس تفاضلي محدود الانزلاق
وسائد هوائية أمامية-للسائق والراكب الأمامي
الفرامل - نظام مانع لانغلاق الفرامل ABS على العجلات الأربع
ستيريو AM/FM/مبدّل لـ6 أقراص CD مضمّن في اللّوحة المركزية، تشغيل ملفات MP3 ومنفذ إدخال صوتي إضافي و6 مكبّرات للصوت
الكونسول – كبير مع حاملتي أكواب
ضبط إضاءة لوحة القيادةالكونسول – كبير مع حاملتي أكواب
نوافذ آلية
ميزة إزالة الصقيع
جيوب حفظ الأوراق في الجهة الخلفية من مقعد الراكب الأمامي
المقاعد – منفصلة مع إمكانية الإمالة لمقعدي السائق والراكب الأمامي باللّون الأسود
حاجبان للشمس مع مرآة زينية لجهة الراكب الأمامي
مشابك لتثبيت الحمولة - في الجهة الداخلية من الصندوق بدون إسناد الحمولة
مصابيح للضباب
الشبكة – من الكروم
أفاريز العجلات – بلون الشاحنة مع واقيات مضمّنة للوحل


سعره بحثت بالانترنت وجدت ناس تقول وكالة 2012 بـ حدود الـ55 الف ريال !

مادري عن قطع الغيار ومادري عن الديكور هل يتهرقل خصوصاُ اني 4 كيلو يومياً مطانيج ومطامر وحاله الله يعين ..

يعني هل قطع الغيار حقه غالي أو رخيص ؟ وكيفة مع المطانيج تكفون افيدوني وكم سعره وكالة
2012 ؟
رينجر XLT
ومنهو وكيلة ؟

يامشرفين حطيت هالموضوع بهالقسم لانه اكثر زيارة لاتبخلو علي بالافادة

والسلام عليكم ورحمة الله


http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=8951483)

[TwisToOoO]

والله ياغالي ما اقدر افيدك بشي بس الي بغيت اقولك عنه واحذرك منه هو ان مكينتها 5 سلندر مثل ماتكرمت فبالحالة هذي صعبه تصليحها برا الوكالة لو صار شي لاسمح الله

بس ننتظر راي الشباب ولو تقول كم حدك بالفلوس عشان نقدر نقترح عليك السيارات المناسبة وعلى سعرك

واعتذر لاني ماقدرت افيدك بالسيارة هذي

[Tyer_shalwa]

الله يجزاك خير اخوي تويستو

فلوسي بحدود الـ 50 -55 الف ريال .

وودي بسيارة بر وبحر مثل ماقيل " بالنفود وبالخط مريح " مايهمني الشكل :)

[qqq333]

بسم الله الرحمن الرحيم
السلام عليكم ...

أخوي طير شلوى وراه ما تصير صديقي وتقطم معي F-150 ، بالنسبة للراحة ما شاء الله ما عليه بالخط وبالديرة وبالبر ، بس العيب فيه التراكشن ( مانع الإنزلاق ) أحياناً يغدر فيك بالبر لكن ما يعيب السيارة ككل ، أما السعر حول حدك تقريباً ، ولا تأخد إلا 8 سلندر 5.4 أفضل لك.

أما بالنسبة للرانجر ، خذها قاعدة الوكيل مهب مرخص لك السيارة إلا وهو يبي يآكلك بقطع الغيار ، عشان كذا إصرف النظر عنها.

وفكر بالإكسبلورير إذا يناسبك .

تقبل تحياتي .... في أمان الله

[Tyer_shalwa]

أخوي qqq333
الـF-150
8 سريندل وحجم المكينة كبير !
وانا ماني راعي نفود طلعات خفيفة وابي موتر مرتفع
وبعدين اسعارهن من الـ65الف وطالع النظيف .
والله محتار جداً جداً وبالنسبة للفورد شركة لها سمعة جيده مع قطع الغيار وتوفرها ورخصها واعتقد انهم يوفرونها أن شاء الله ..
الراي يالوجية الطيبة الراي
فيديو للسيارة :)

http://www.youtube.com/watch?v=kE3WuOPmHAY&feature=related

[سحايب صيف]

السلام عليكم

اللي اعرفه انه النوع هذا

مو موجود في وكاله السعوديه

[يكفيني نظرة]

اولا سعر قطع غيار الفورد فعلا رخيص ولكن توفره موب على كل حال متوفر ..
معي اكسبدشن 2008 وتعرف انتشاره بالرياض اللي هو الشكل الاخير ومره هرب علي (لي) هوز حق موية الرديتر ولالقيته الا بالوكاله اما المحلات ماعندهم !!
وعلبة الفرامل مالقيتها الا بالوكالة فرع خريص وغيرها ماعندهم لابالقصيم ولا بالنسيم ولا محلات قطع الغيار..
فخذ احتياطك لأن الرينجر ما اشوفه غالبا الا مع الشركات وقليل مع المستخدمين شخصيا.

[TwisToOoO]

بشر شريت شي