كم سعر التصليح السيارة تقريبا

[mizooo0]

السلام عليكم
اممممم حبيت استفسر عن سعر التصليح كم يكلف بالوكالة وبالورشة
وكما هو واضح الصدام والاصطب والردايتر:( والكبوت
الموقع حائل
طبعا الدراهم موجودة
http://www12.0zz0.com/2012/11/22/15/546998566.jpg

[3zyiz]

السمكرة تكلف 1500
وقطع الغيار اعتقد ما بين 1000 الى 2000 لو من التشليح او الوكالة اذا رخيص

[mizooo0]

تسلم ع االمعلومات
بس انا رحت للوكالة ابي قطع طلع علي 7000
وفي قطع ابيها ماهي موجودة بالسعودية ):

[3zyiz]

شف وانا اخوك :

رح الغرابي اشتر لك شمعتين امامية صيني تجي عدشات احلى من الاصلي سعرهم بـ 800 وشكلهم روعة لو تركب فيها زينون بعد على الواطي او العالي مثل ما تحب

الرفرف والكبوت تتسمكر

الصدام وده عند تبع الفيبر جلاس يصلحونه لك بحدود 300 الى 400 ريال بالصناعية

الشبك الامامية فيه اشكال صينية روعه تلقاها بالغرابي واذا ما حصلتها رح على تشليح الحاير وتلقا ياكثرها

غير كذا مافيه شي .. بس تحتاج شوي تعب ما بين التشليح والغرابي تجميع للقطع المطلوبة
ويمكن تلقا بالتشليح صدلم ورفرف وكبوي سليم .. خذهم ورشهم بوية

موفق

[3zyiz]

المشكلة انت بحايل موب بالرياض

طيب دور عندك بتشاليح حايل
واذا ما لقيت تعال خذ لك لفة بالرياض او اذا تعرف احد ولك اقارب بالرياض يدورون لك

وان بغيتني اساعدك ابشر من عيوني ارسل لي السيارة على البسامي واوديها لك ورشة بالصناعية واشوف لك القطع اذا موجودة وكم تكلفتها كاملة واقول لك حول المبلغ على صاحب الورشة .. واذا خلصت ارسلتها لك على سطحة
بس طبعا مانيب فاضي هالاسبوعين الجاية .. مقدر اساعدك الا عقب اسبوعين

بس اذا لك احد بالرياض خله يتساعد معك بالموضوع

[mizooo0]

-[iQ;9044678']المشكلة انت بحايل موب بالرياض

طيب دور عندك بتشاليح حايل
واذا ما لقيت تعال خذ لك لفة بالرياض او اذا تعرف احد ولك اقارب بالرياض يدورون لك

وان بغيتني اساعدك ابشر من عيوني ارسل لي السيارة على البسامي واوديها لك ورشة بالصناعية واشوف لك القطع اذا موجودة وكم تكلفتها كاملة واقول لك حول المبلغ على صاحب الورشة .. واذا خلصت ارسلتها لك على سطحة
بس طبعا مانيب فاضي هالاسبوعين الجاية .. مقدر اساعدك الا عقب اسبوعين

بس اذا لك احد بالرياض خله يتساعد معك بالموضوع

^^^
تشليح حائل اجل :j ما فيها شيء
يمدحون الرياض:D



-[iQ;9044678']رح الغرابي اشتر لك شمعتين امامية صيني تجي عدشات احلى من الاصلي سعرهم بـ 800 وشكلهم روعة
من زمان ادورها بس للاسف مالقيت :(
انشاء الله لي نزله للرياض
واذا تعرف لك ورشات اوكي علمني
وما قصرت معاي على المعلومات:good2:

[3zyiz]

حايل مافيها تشاليح !!!
راليات وسباقات وزحمة ومافيها تشاليح ههههه غريبة !

عاد اقوى دولتين بنضري ( حائل + القصيم ) من ناحية الصيانة وقطع الغيار والترهيم هههههه لاحظ دولتين موب مدينتين
بس عقب كلامك ان حايل مافيها شي حسيت اني مغشوش ههههه

على كل حال ياغالي متى ما جيت الرياض هذا جوالي 0544141304 وبدلك على ورشة تعاملت معهم ممتازين بصراحة مع انهم يمنيين موب فلبينيين بس شغلهم نظيف وسعرهم حلو
موب مثل بعض الورش تجيهم تصلح رفرف قال لك بـ 1000 ريال وهو رفرف لا راح ولا جا ما يتعدى تصلية 300 ريال
لكن .. عطيناهم وجه
والشعب عندنا اذا دخل ورشة سوى نفسه فهيم ويهاوش ويسبب مشكلة من لا شئ .. والمطلوب هو ( صلح وخذ حقك ) بس شعبنا صلح ورجلك فوق رقبتك
او ينضحك عليه عند تركي والا لبناني او سوري يفرش له البحر طحينة وكأنه هو وكيل معتمد او هو الي اخترع السمكرة او الصيانة بشكل عام

بس الصدق عطيناهم وجه
بمعنى : السعر غالي ===> لا يكلف الله نفسا الا وسعها .. رح شف غيره ولا تستهون في البنقالي ترا شغله حريقة افضل من مخترع
حسب تجربتي طبعا

وخذ العلم .. الي يعطيك سعر غاااالي اعرف انه ما يعرف يشتغل صح لانه اذا خرب عليك شغله ماعنده مشكلة لانك معطيه رصيد زيادة فراح يجيب صديقه يصلح عنه ويتقاسمون الغلة او يعطيه 20% من اللعبة الي لعبها عليك

المهم متى ما جيت الرياض اتصل واوصفك
الله يسهل امرنا وامرك :)

[hail_ksa]

^^^^
معلومه :
تشاليح حايل تنافس الوكاله بالأسعار .. الوكاله أرحم منهم وفرق


وبالقطع المستعمله نعتمد على الله وثم تشاليح بريده .. وأنصح الأخ صاحب الموضوع يعبي بـ 30 ريال وساعه ونص وهو ببريده ويحصل كل مايتمناه

[3zyiz]

اعوذ بالله .. لهالدرجة !!
اجل ما لكم الا الرياض والا اطلب الي تبيه عن طريق النت ويوصلك لباب البيت بلا تشليح بلا وكالة

ابحث في النت عن طريقة استيراد قطع الغيار او اي شي تستورده او تشتريه عن طريق النت وراح تلاقي ان شالله

[mizooo0]

االه يعطيكم العافية والله ما قصرتو
لقيت بعض القطع:D
بس بوه قطعه ما لقيتها لا بالوكاله ولا بالتشليح:mad:
علبة زيت دركسون

[mizooo0]

هل علبة زيت الدركسون الفورد الصغير يركب على اكسبلورر

[3zyiz]

ماعمري سمعت ان احد ركبها لكن فيه حل لها عند الهيدروليك يصلحونها بـ 300 او اقل

[mizooo0]

سولي ترهيم على علبة زيت الدركسون
حبيت اسال القير بكم احصله بتشليح الحاير

[hail_ksa]

شف الصناعيه الجديده اللي على يمين اشارة الصناعيه القديمه
في محل يصلح علب الدركسون كبس وتصليح وتضبيط وشغله رخيص

[mizooo0]

المشكلة انوه مكسور هع ماقصرت