نفظه في الموتر بعد التغريز

[الامل بالله]

السلام عليكم و رحمة الله و بركاته

استفسااااار ياخوان اليوم غرزت تغريزه جامده و الموتر غطس ولا قدرة اطلع الا بعد فضل الله سحبني احد الاخوان بس يوم رجعت للبيت والموتر واقف فيه نفظه مدري وش السالفه ،،، الفزعه ياخووووان لا تبخلون علينا ،،،،. طبعا الموتر فورتشنر 6 سرندل

[روقي نجد...]

وعليكم السلام ورحمة الله وبركاته

الأمر بسيط بإذن الله ...
اغسله غسيل بستم وخصوصاً من تحت وبإذن الله تروح النفضة.

[ابوسند9]

وعليكم السلام
شيك على فلتر الهواء لايكون فيه اتربه وغبار
وكذلك شيك لايكون فيه لي منفصل اسفل السياره او ما شابه
وان شاء الله اذاشغلت الصبح بعد ما يبرد يرجع طبيعي

[البديع 828]

وش نوع القير ...؟
اذا عايدي القير حصلت مع احد الاشخاص في جيب شاص ووجد الخلل من الدسك والصحن لانه ضعيف وعند الدعس عليه في الغراز يرتعد الموتر وعزمه مره ثقيل وضعيف

[البديع 828]

وش نوع القير ...؟
اذا عايدي القير حصلت مع احد الاشخاص في جيب شاص ووجد الخلل من الدسك والصحن لانه ضعيف وعند الدعس عليه في الغراز يرتعد الموتر وعزمه مره ثقيل وضعيف

[sgl2002]

ياشباب وش دخل الفلتر والا الدزق

لا توسوسون بالرجال


السالفه ومافيها ان الطين دخل بالكفرات من داخل ويسبب نفضه ورجه بالسياره

اغسل السياره زين من تحت بستم وخلاص

[أبو هشام راشد]

يمكن سلك بواجي منفك

[ls1.5700]

ياناس الرجال يقول الموتر فيه نفظه وهو واقف
شف يصاحب الموضوع
ياخي المفروض انت بنفسك مشيك عليه ماهو على طول جبت الكمبيوتر وكتبت لنا المشكله
وانت مافتحت كبوته
لاتزعل مني 00كلامي من صالحك قد تحتاج نفسك يوم من الايام لازم تعتمد على الله ثم نفسك

قبل كل شي افصل اصبع البطاريه السالب ساعه كامله 000 اذا ماضبط

اتبع الاحتمالات

المشكله عندك فيه عددت احتمالات

1 الفلتر سحب رمل وغبار ( يحتاج تنظيف ) فكه ونظفه بضغط هوى
2 حساس خرطوش الهوى ( يحتاج تنظيف ) فكه ونظفه في بخاخ اكترونايت
--------------------------------------------
3 الهاه فيه اتساخ او دخل عليها رمل كانك مغرز بالنفود ( تحتاج تنظيف ) منظف اسي ديلكو
4 حساس الهاه ايضاً متسخ ( يحتاج تنظي
قبل تشتغل فيها افصل صبع البطاريه ونظفها وتركها حتى تجف تماماً
---------------------------------------
صفاية البانزين قد تكون مسكره وتحتاج تنظيف
--------------------------
والا اختصر وفحص كمبيوتر ويطلع لك رمز واسم القطعه الخربانه

ارجو من الله اني افتك

[الامل بالله]

بارك الله فيكم جميعا الحمد الله غسلت الموتر بستم وراحت النفظه