هل تعير اغراضك لصديق

[الطعس333]

السلام عليكم ورحمة الله

موضوعي عن اعارة الأغراض الخاصة

مثل ماطور دريل ماكينة لحام وغيرة يعني ادوات تعمل على الكهرباء

او اغراض البر عزبة متكاملة ونظيفة ومنظمة او خيمة يعني اغراض رحلات بر

فراعي المثل يقول ( جلد ماهو جلدك جره على مر الشجر )

وصاحب المثل صادق فسبق وقمت با إعارة دريل وماطور كهرباء وماكينة لحام

لمجموعة من الأصدقاء

فتصدقون الدريل احترق وكلف على لف من جديد متحسف نوع بلاك انديكر اصلى

والماطور يصرف زيت كرفه كرف

والمكينة احترقت الصديق ( جايب عمال ورشة حدادة وبدل التلحيم يقصون ماوسير)

فهل بعد هذا تعير اغراضك الخاصة لصديق

ارجو المشاركة وإبدأ الرئ

وشكرا للجميع

[ابومهند 5]

وعليك السلام ورحمة الله وبركاته
موضوع يستحق الرد
شوف ياخوي ليس بأي صديق !!!
فهناك من يحافط وهناك يدمر!!!
انا عن نفسي اذا كان خوي محافظ على الاشياء اعطيه عيوني قبل العدة !!
اما اذا كان لعاب يعني مو مهتم اقله انا اسف وخاصة العدة اللي ذكرتهاااااااا
هذه وجهت نظري
ارجووو من الاخوان التفاعل

[ابواليوسف]

على حسب خويك بالرغم من اني ما احب اعير احد لان اغلبهم يخرب اغراضك عليك
اما السياره والله لو يكون اكبر عاقل انه ما يشمها الا لمستشفى

[iV8]

وعليكم السلام ورحمة الله و بركاته

بالنسبه لي احاول اني ما اعطي الشخص اغراضي المهمة واخاف عليها تخرب .. لان بعض الاشخاص الله يهديه مايحافظ على الاغراض وإذا خربها تستحي تقول له صلحها

[iV8]

وعليكم السلام ورحمة الله و بركاته

بالنسبه لي احاول اني ما اعطي الشخص اغراضي المهمة واخاف عليها تخرب .. لان بعض الاشخاص الله يهديه مايحافظ على الاغراض وإذا خربها تستحي تقول له صلحها

[iV8]

وعليكم السلام ورحمة الله و بركاته

بالنسبه لي احاول اني ما اعطي الشخص اغراضي المهمة واخاف عليها تخرب .. لان بعض الاشخاص الله يهديه مايحافظ على الاغراض وإذا خربها تستحي تقول له صلحها

[حطاب الشمال]

وش معنى صديق با النسبه لك \\\\\\\\\ اذا عرفت وش معناها لقيت جوابك على سؤالك

[الشقردي 205]

لا والله اغراضي ما اعطيها لـ أي شخص ..


انا ما ارتاح إذا شغله تخصني تكون تكون موجوده عند غيري ..


دام اغراضي كلها عندي أكون مرتاح نفسياً ..

[مدمن الشات]

بالنسبة لي أنا ما أعطي أغراضي لكل من هب ودب

ما أعطيها الا لأشخاص معينن ثقات

[يزدون]

صراحه قمة الأحراج اذا يجيك شخص يعز عليك ويطلب اغراض طلعتك ، ثم يعيدها محيوسه او خربانه
لكن بعديها، أما السلاح والسيارة فهما خط أحمر غير قابل للأعارة

[عبدالله.q8]

لا طبعا لانه احصلت معاي سالفة بقولها بختصار

كان عندي ماطور ميتسوبيشي شاريه من الوكالة بسعر غالي ومحافظ عليه ومره قالي صديق لي يبي ياخذه للمخيم يومين

ويرجعه لي .. مر 4 ايام واتصلت عليه يا فلان وين الماطور انت قلت يومين .. قال الماطور بالكراج يبيله تصفيه انا وجهي صار كذا :eek::eek::eek::mad::mad::mad: .. انا الماطور شاريه من الوكالة ومحافظ عليه وتقولي تصفيه :director::director::director: .. قلت له عطني اسم الكراج بروح اخذه .. ثاني يوم العصر رحت للكراج سئلته عن الماطور قال صاحبه جاء اليوم الصبح واخذه :eek::eek::eek: ودقيت على صديقي قال عند واحد الربع قلت عطني رقمه ويعطيني رقمه .. اتصلت عليه طبعا انا مااعرفه سلمت عليه وقلت بـ اي حق تروح وتاخذ الماطور قال كنت برجعه للمخيم وصارت لي ظروف وانا الحين بالبيت والماطور بالسرداب قلت خلاص الحين بمرك .. جان يقول مرني بليل لاني عندي شغل قلت خلاص .. ودقيت عليه مره ثانية بليل على الساعة 9 مايرد وادق على صديقي الثاني مايرد انا هني حسيت في شي مو بطبيعي .. خليتها لليوم الثالث دقيت عليه رد علي وقال الماطور انسرق .. :mad: شلون انسرق والماطور بالسرداب .. قال تبي ادفع لك قيمة الماطور قلت له لا .. فدوه لراسك ..

وبعد كم اسبوع لقيته بايعه على صديق ثاني لي :(

ورجعت الماطور غصبن عن خشمه

[اصيل نجد]

اخوي الرجال تعرف انه كفوا او لا من معرفتك فيه وهاذا شي انت تقيمه اذا الرجال طقطاقه ماهو كفوا والله لو يذن الضحي ماعطيه لكن لو كان كفوا اعطيه عمري كله ولا هو خساره لاني ادري انه حريص حتي لو تلف شي معه نفس الشي رايح يتلف معي فيه امور تصير غصب ماهو اهمال

[عاشق القصيد]

السلام عليكم ورحمة الله وبركاته
من وجهة نظري اغراضي الشخصيه
مثل المنشار او الدريل او الصاروخ
او العده بشكل كامل
اذا طلبها شخص عزيزعلي مره
اقوله امرني وش تبي ازين لك ابشر اجيب العده لحد باب بيتك واصلح لك الي تبي
هاذي افضل طريقه
اما اعارة السياره من جهتي يبطي اعطيه المفاتيح
والسبب السياره تعرف صاحبها اذا تغيرت سواقته
تبدا تطلب اصلاحات كثيره ولن تطلب من صديقك اصلاح سيارتك
ملاحظه : اعز صديق لي طلب مني السياره ورفضت بشده
والسبب رجله حاره على السياره حتى على سيارته
ودمتم بكل خير ...

[قلايد الخيل]

بدوون تردد اعطيه
والاسباب كثيره يعني انا عمري خربت اغراض صديق لي وطبعا من غير قصد وعوضته بواحد جديد
ومع العلم انه رفض بس حلفت عليه
وعندك قبل اسبوع اعطيت واحد فراش البر وقيمته 450 ريال ووطاح منه وقلت فدااك ورفت انه يجيبلي واحد
والمواقف كثيره وماحد يقدر يذكرهن


بس الي ابي اقوله دامك تعزه وتقدره وهو يقدرك


ليش تستخسر عليه؟؟
ترى مافي شي يدووووم غير وجه الله

[الوووحيد99]

احسنت اخي حطاب الشمال وهذا الي تربينا عليه

[كومبو]

لا طبعا لانه احصلت معاي سالفة بقولها بختصار

كان عندي ماطور ميتسوبيشي شاريه من الوكالة بسعر غالي ومحافظ عليه ومره قالي صديق لي يبي ياخذه للمخيم يومين

ويرجعه لي .. مر 4 ايام واتصلت عليه يا فلان وين الماطور انت قلت يومين .. قال الماطور بالكراج يبيله تصفيه انا وجهي صار كذا :eek::eek::eek::mad::mad::mad: .. انا الماطور شاريه من الوكالة ومحافظ عليه وتقولي تصفيه :director::director::director: .. قلت له عطني اسم الكراج بروح اخذه .. ثاني يوم العصر رحت للكراج سئلته عن الماطور قال صاحبه جاء اليوم الصبح واخذه :eek::eek::eek: ودقيت على صديقي قال عند واحد الربع قلت عطني رقمه ويعطيني رقمه .. اتصلت عليه طبعا انا مااعرفه سلمت عليه وقلت بـ اي حق تروح وتاخذ الماطور قال كنت برجعه للمخيم وصارت لي ظروف وانا الحين بالبيت والماطور بالسرداب قلت خلاص الحين بمرك .. جان يقول مرني بليل لاني عندي شغل قلت خلاص .. ودقيت عليه مره ثانية بليل على الساعة 9 مايرد وادق على صديقي الثاني مايرد انا هني حسيت في شي مو بطبيعي .. خليتها لليوم الثالث دقيت عليه رد علي وقال الماطور انسرق .. :mad: شلون انسرق والماطور بالسرداب .. قال تبي ادفع لك قيمة الماطور قلت له لا .. فدوه لراسك ..

وبعد كم اسبوع لقيته بايعه على صديق ثاني لي :(

ورجعت الماطور غصبن عن خشمه

فلم هندي ههههه
بعض الناس ما ينفع معهم المعروف

[ابوعدي]

والله ياطويل العمر بعض الخويا والاصدقاء ترخص له الروح ما هو عاد اغراض وقرابيع دنيا
والمشكلة يجيك واحد متطفل ومسوي نفسه صديق ويطلبك شي وتستحي ترده فهذي المصيبة
مع العلم امس واحد متطفل رجع لي منشار كوماتسو مقاس عشرين ابو بستمين بعد تقريباً اكثر من اربع اشهر
يقول ابقص شجرة عند بيتي وكل يوم ياحمد باكر المهم قبل ما يجيبه يقول المنشار ما يشتغل خربان قلته هاته ما هي مشكلة ارسله مع واحد يوم فحصت المنشار الا خربان ووصخ عليه نشارة خشب ومغبر تغبيرة تكفي تريله يعني مستعمل الين طفى .
ويرسل رسالة يقول وصل المنشار قلت وصل واحسبة رفرف سيكل مصدوم ما هو منشار ( هذا واحد متطفل سجل بالقائمة السوداء)
اما الصديق الحقيقي الروح ترخص له

[اي-مكشات]

موضوع على الجرح ويستحق الإشاده

الأغراض الخاصه مثل العزبه(دله،براد،قدر،صحن،فراش النوم،قز.....الخ) لايمكن اعيرها لاي سبب من الأسباب.
السلاح والسياره: ممكن أعيرها للشخص الثقة اللي اعرفه تمام المعرفه وسبق وراح معي كشته وأعرف مدى حرصه عليها

[أنفاس رجل]

لو أجمع أغراضك هذي كلها ما تعدت 3000 ريال

بالنسبه لي والله لا اعطيه الاغراض ولكن ابي اوصيه اقوله حافظ عليها

اذا حافظ عليها زين على زين ما حافظ عليها اعرف انه رجل ماهو كفو

تحياتي

[ابن العودة]

وعليكم السلام ورحمه الله وبركاته
موضوع يستحق الرد
بنسبه لي نعم اعير الاغراض
( الله المستعان )

[باسم40]

ما كل صديق تعيره شي فيهم لو كان عزيز وغالي ما يسرح ولا بهم

[tabtab055]

انا عن نفسي لا اعطي احدا اغراضي الخاصه مهما حصل يزعل او يرضى لا يهم لاني احب المحافظه عليها وحريص جدا
.........ماحك جلدك مثل ظفرك فتول انت جميع امرك..........

[ابوعلي العجمي]

والله بالنسبه لي ما اعير اغراضي الا لواحد بس من اخوياي ابوسليمان بس

[خيال الغلبا]

ابرك ساعة يوم يلقى حاجته عندي .... وجعله مايردها .... يكسرها بالعافيه

وسؤالك جدا غريب...لااعتقد ان مرؤة الرجل تجعله يتردد في البذل

[خيال الغلبا]

للاسف بعض الردود لاترقى الى مستوى المرؤة والاريحية

انا ماعندي فرق ... حتى الصديق الغير وفي لااتردد في مساعدته ...فإن كان غير اهل للمساعدة ...فأنا اهل للبذل والفزعه وما علي منه

[ابو ربى]

الموضووع جدا ممتاز

[تساهيل1]

الله يسامحك هذي تبي لها سؤال..؟؟؟


اغراضي
اعطيها


لـ صديقي نعم صديقي فقط
اما معارفي حسب ضرف الشخص


اما صديقي لو ياخذ اغراضي بدون اذني ولو يبي يهديها حلاله


للانه صديقي هذا للي يعرف معنى الصديق او الخوي فقط


طبعا صديقي = خويي في اللغه



شكرا للموضوع

[harth_10]

حنا البدو نقول ثلاثة ما تعيرها حتى لاخوك // المره // الركوبه (البعير ) حل محلها السيارة // السلاح

غير كذا ممكن ولكن انا لي نظرة في الرجال واعرف خويي ان كان جيد وحريص عطيته وان كان لا تعذرته وان كان الح علي اروح بنفسي معه ازين له اللي يبي غير كذا يفتح الله ما عندنا شي .


وهنا بعطيكم سالفه حصلت في الواقع القديم
كانوا الناس في حاجه وفقر ويستعيرون من بعضهم حتى براد الشاي او الدله والفانوس وعدة الزراعه بما فيها البهائم المهم فيه واحد طلباته واجد وغير حريص وكذبه واجد المهم راح لجاره قال ياجار ابيك تعيرني الحمار عندي مشوار قال له جاره والله الحمار عطيته فلان من الناس ولا بعد جاء وفي اثناء الحديث الحمار الله يهديه وينهق قال اجل وش هذا الصوت قال له جاره انت لك عذر والا لك حمار !!!! هههههههههههههههههه

[الطعس333]

اليك بعض صفات الصديق الوفي :

1- أن تكون الصحبة والأخوة في الله عز وجل.

2- أن يكون الصاحب ذا خلق ودين، فقد قال : { المرء على دين خليله فلينظر أحدكم من يخالل }

3- أن يكون الصاحب ذا عقل راجح.

4- أن يكون عدلا غير فاسق، متبعا غير مبتدع.

5- أن يستر عيوب صاحبه ولا ينشرها.

6- أن ينصحه برفق ولين ومودة، ولا يغلظ عليه بالقول.

7- أن يصبر عليه في النصيحة ولا ييأس من الإصلاح.

8- أن يصبر على أذى صاحبه.

9- أن يكون وفياً لصاحبه مهما كانت الظروف.

10- أن يزوره في الله عز وجل لا لأجل مصلحة دنيوية.

11- أن يسأل عليه إذا غاب، ويتفقد عياله إذا سافر.

12- أن يعوده إذا مرض، ويسلم عليه إذا لقيه، ويجيبه إذا دعاه، وينصح له إذا استنصحه، ويشمته إذا عطس، ويتبعه إذا مات.

13- أن ينشر محاسنه ويذكر فضائله.

14- أن يحب له الخير كما يحبه لنفسه.

15- أن يعلمه ما جهله من أمور دينه، ويرشده إلى ما فيه صلاح دينه ودنياه.

16- أن يذبّ عنه ويردّ غيبته إذا تُكلم عليه في المجالس.

17- أن ينصره ظالماً أو مظلوماً. ونصره ظالماً بكفه عن الظلم ومنعه منه.

18- ألا يبخل عليه إذا احتاج إلى معونته، فالصديق وقت الضيق.


19- أن يقضي حوائجه ويسعى في مصالحه، ويرضى من بره بالقليل.

20- أن يؤثره على نفسه ويقدمه على غيره.

21- أن يشاركه في أفراحه، ويواسيه في أحزانه وأتراحه.

22- أن يكثر من الدعاء له بظهر الغيب.

23- أن ينصفه من نفسه عند الاختلاف.

24- ألا ينسى مودته، فالحرّ من راعى وداد لحظة.

25- ألا يكثر عليه اللوم والعتاب.

26- أن يلتمس له المعاذير ولا يلجئه إلى الاعتذار.


27- أن يقبل معاذيره إذا اعتذر.

لو وجدت في هذا الزمان هذه الصفات في صديق مستعد اعيره نفسي ومالي ولكن ........ اين هو ؟

[حب لاينتهي]

الناس يختلفون

انت تعرفهم من معاشرتهم منهم الحريص هذا عطه وانت مغمض ولو صار

شيء في الي اعرته بيصلحه قبل يجيبه لك

اما غيره صرفه

مشكور

[aglanco]

مو اي واحد تعطيه حاجتك

بالعربي مو كل معرفة صديق

ومو كل صديق ينعطي مهما كان

لأن فيه اغراض


تروح وماترجع ولاماتلاقي اهتمام من

الصديق اللي استعارها واحيانا تلاقي مماطلة بترجيعها

اما اللي يقول فدى والله

لو كل شيء فدى راحت عليك يالحبيب