شوركم في الددسن المكسيكي ...

[راعي الصنف]

السلام عليكم ورحمة الله وبركاتة ...

اخواني ان شاء الله ناوي على ددسن 2013 ولا حصلت الا المكسيكي ...
السؤال هل يوجد عيوب او مشاكل في هالنوع او انة ابوعزيز الي حنا خابرين ...
ارجوا افادتي وتوجيهي ولكم جزيل الشكر ...

[شنكار]

بكم حصلتة يالغالي؟

[راعي الصنف]

اسعار تختلف لكن بحدود 63500 اقل واحد في المعارض

[راعي الصنف]

صباح الخير للجميع ...
120 مشاهد ولا احد عطانا علم ..

[.أبوعبدالرحمن]

و عليكم السلام ورحمة الله وبركاته

هذا الرابط إن شاء الله يفيدك

الددسن الياباني التايلندي المكسيكي (http://www.mekshat.com/vb/showthread.php?t=539612)

[LIBYAN NAVARA]

اخوي عندي المكسيكي من 2004 ما عمره شكا من شي بس عيبها النمر الاولي والتانية قصار جدا بقس التالت والرابع طوال جدا ومريحات بالخط بس بالزحمة متعب

[راعي الصنف]

بيض الله وجيهكم جميعا على التوجية والارشاد والافادة في طلبي ... اشكر الجميع بدون استثناء

[وجعين]

والله ياجماعه ان الددسن كل ماله بردى من بعد موديل85 والددسن اردى سيارة المستوبيشي افضل منه بواجد لولا قطع الغيار الغاليه المازدا افضل وتحدى من ناحية القير والمكينه الددسن معي 2009 حقت الدوام وقيره يقر لا عشقت الرابع ولا لفيت قوه تسمع تمغطه وهي توه موديله جديد فيه سيارة صينيه تشبه الازوزو نسيت اسمه مع واحد من العيال اخذه من وكالة الرسام ركبت معه والله انه اطلق من الددسن لا مركب ولا راحة ياجماعة من طلعت على الدنيا اكثر سيارتي ددسن وعارفن عيوبه جربت من مويل 80 و82 و85 موديلات روعه ومحركات صح وجربت 86 وضبته ثلاث مرات وخرته صقت له مكينه بي 180 نفس مكينه الددسن 85 وسلكت وجربت موديل 90 انوع نقص الزيت العلبة دايم عند الباب وخرته2009قيرة تعبان المكينه ما اقول فيها شي ما تنقص بس ضعيفه مقارنه بلهلي اوالمستوبيشي ومركبة غير مريح مطبة اللعن من الهلي.

[FAHAD1000]

والله ياجماعه ان الددسن كل ماله بردى من بعد موديل85 والددسن اردى سيارة المستوبيشي افضل منه بواجد لولا قطع الغيار الغاليه المازدا افضل وتحدى من ناحية القير والمكينه الددسن معي 2009 حقت الدوام وقيره يقر لا عشقت الرابع ولا لفيت قوه تسمع تمغطه وهي توه موديله جديد فيه سيارة صينيه تشبه الازوزو نسيت اسمه مع واحد من العيال اخذه من وكالة الرسام ركبت معه والله انه اطلق من الددسن لا مركب ولا راحة ياجماعة من طلعت على الدنيا اكثر سيارتي ددسن وعارفن عيوبه جربت من مويل 80 و82 و85 موديلات روعه ومحركات صح وجربت 86 وضبته ثلاث مرات وخرته صقت له مكينه بي 180 نفس مكينه الددسن 85 وسلكت وجربت موديل 90 انوع نقص الزيت العلبة دايم عند الباب وخرته2009قيرة تعبان المكينه ما اقول فيها شي ما تنقص بس ضعيفه مقارنه بلهلي اوالمستوبيشي ومركبة غير مريح مطبة اللعن من الهلي.


ياليت تكتب العيوب بالددسن 2009 بالتفصيل وشكراا

[راعي الصنف]

الاخ وجعين .. حياك الله في طرحنا هاذا لكن الغريب انك تذم الددسن الي ما يختلف علية اثنين من ناحية الكد والمد ..
وخاصة الياباني الاصلي ... لكن التايلندي والمكسيكي لا تسألني عنة ... نبي خبرة الي جربوها ..

انا عن نفسي جربت الددسن فوق العشر سنوات وما شفت منة الا كل علم غانم ... مريح ومكيف بار ولا يشتكي من حرارة وراسي وخفيف نفس ... طبعا مديل 95

[naif2008]

اخوي راعي الصنف كم حصلت السيارة
في اي مدينه

اسف على المداخله

[صريح المقال]

السلام عليكم ورحمة الله وبركاته :)

عندنا 2011 الي تجي خمس شناكير ( شاص طويل) وما عاد يجي غيرها الحين الأربع شناكير هي اليابانية على كلام الناس .
هل هي مكسيكية ولا تايلندية ولا مدري لكن على قولتك يا راعي الموضوع ( ام عزيز ما غيرها) يالله من فضلك لا تشكي ولا تبكي ولا تحتر ولا تصرف وما شاء الله قمة التوفير تلقاها فيها لكن ما زال عزمها أضعف من الهايلكس وأنا جربت من الدداسن قومتن وقعده من موديل 1984 وطالع مر علي كل موديل تقريبا وانقطعت على الـ 1999 لأنها بالـ98 فاشلة بكل ما تعنية الكلمة خشة كبيرة وجنط صغير وعزم يجيب الهم لكن من الـ2000 تعدلت ومن صارت بخاخ زانت لكن ما زالت ام عزيز الي أنت خابر .
والفروقات ما تذكر لكن بأذكر حاجتين مهمات .
فيه قطعة تجي بالجديد والظاهر من الياباني والي يحصل إنها إذا جاها غبار وامتلت يطفي الموتر ولا يشتغل وهذي صار بباترول 2007 جديد مع ولد عمي ومعنا بالددسن ووالله نسيت وش هالقطعة بس معروفة ودايم تسوي مشاكل لأهل البر خاصة وحلها الظاهر تركب قطعة مثلها بس أكبر منها ويفيدونك الأخوان بالشي هذا لأن الموتر ما كان معي وقتها ولا صلحته ولا كان علمتك .

الشي الثاني والي يهمك إذا أنت راعي (تحميـل):
الصندوق الطويل بالددسن التالية (الخمس شناكير) فاشل بالتحميل ولا يقارن بالي قبله إذا بتخليه شد بلد الموتر فتراك ما تقدر تحمل شعير كثر ما تحمل الددسن ام أربع شناكير لأن الطويلة يطيح صندوقها واجد :)
شي له علاقة بطول الصندوق على نفس قاعدة العجلات المفروض يمدون قاعدة العجلات في الشاص الطويل عشان تشيل بدون ما ينزل صندوقها .

بس أظن تقدر تغير المساعدات أو تدبل السست إذا أنت تبيها للتحميل وبالحالتين تراها تشيل وتمشي وأنت مرتاح وعزمها زين بس تنزل بقوه إذا حملت .
وأنا أكثر ما شلت عليها 20 كيس شعير وينزل صندوقها كثير بس عزمها ما يضعف وأمشي كني ما شلت شي ما شاء الله :)

والله يرزقك بالي تبيه ويبارك لك بحلالك ومالك .
وما خاب من استشار .. واستخر ربك قبل تسوي شي .

هذا الي عندي والعذر والسموحة على القصور .

والسلام عليكم ورحمة الله وبركاته .