اكسبدشن 2011 كفرات محبلات طلع فيهن نفخ

[مكروف بالدوام]

سلام عليكم

اشتريت اكسبدشن قصير بدون دبل موديل 2011 من الوكاله والحين ماشي 39500 كلم عندي كفر كل اسبوع ينقص هواه اللي قدام يسار رحت لمحل فحص كفرات مثل الطيار وفكو الكفر قالوا لي الكفر (محبل - صعانين - نفخ )وتاريخه قديم له سنه وثمان شهور مصنوع نوعهن اللي عليه صورة عقرب .
سؤالي هل الوكاله تغير لي الكفرات على الضمان او مايشملها الضمان مع العلم ان السيارة مازالت تحت الضمان

[يكفيني نظرة]

ارجع لهم ولاشطهم والغالب بيحولونك على وكيل بيرللي اللي هي كفراتك لكن انت اجدعها عندهم وقل مسؤليتكم انا اخذت الموتر وانتم تضمنونه من الصدام للصدام والكفرات تبع الموتر

[جامعي]

الكفر ضمانه سنة كامله من تاريخ شراء السيارة


بالتوفيق

[مكروف بالدوام]

استلمت السيارة شهر ١٤٣٢/١١ والحين حنا في شهر ١٤٣٤/١ تتوقعون الوكاله يغيرون الكفرات ؟ اليوم كلمت الوكاله قالو لي الضمان سنه على الكفرات او ٢٠٠٠٠ عشرين الف كلم

[demax]

طبيعي عدّت سنه عالكفرات فما راح يغيروها لك حتى لو استلموا السياره وكيل الكفرات نفسه راح يرفض التبديل

انا معي طقم كفرات هانكوك كان واحد محبل قالوا مايغيروا الكفر لأن الاستخدام تجاوز السنه

[مكروف بالدوام]

شكرن على ردودكم الجميله والله يعيني على تغيير الكفرات بس مدري وش النوع الكويس ورخيص

[ابوعمر1397]

--- هانكوك ---

[مكروف بالدوام]

اشكركم اخواني على ردودكم الجميلة