لاهنتم رايكم في الهايلوكس القير الاتوماتيك [الأرشيف]

مشاهدة النسخة كاملة : لاهنتم رايكم في الهايلوكس القير الاتوماتيك

الاسكريم

25/11/2012, 11:34 PM

السلام عليكم ورحمة الله ويركاته
اخواني الكرام
رايكم في الهايلوكس القير الاتوماتيك وفي عزمه
وكم تقريبا اسعار المستخدم
وهل تنصحون فيه
جزاكم الله خير

كومبو

26/11/2012, 08:16 AM

وعليكم السلام ورحمة الله وبركاته
عزمه أقل من العادي خاصة في طلوع الجبال والطعوس والتحميل لكنه في المجمل جيد // والتجربة خير برهان
العادي 5 تغييرات / التماتيك 4 تغييرات

مجلعد

26/11/2012, 08:43 AM

وعليكم السلام ورحمة الله وبركاته

ما أزيد على كلام أخوي كومبو إلا شيئ بسيط

عمّي شرى يمكن 4 هايلوكسات غمارتين دفرنس واحد

و آخر شي شرى هايلوكس 2009 غمارتين دفرنسين ( توماتيك )

و ماشاء الله عليه يمدحه بالحيل و يكشت به بكل مكان ( الصمان ، الدهناء ، نفدان القصيم ) و مرتاح بالموتر بالحيل

وعزمه لا بأس به ويصلح للي سواقته هاديه و مهب راعي تطعيس و مراقى .

الله يكتب لك الخيرة المباركة

ولاتنسى الله يوفقك صلاة الإستخارة

قال صلى الله عليه وسلم : ( ماخاب من إستخار ولا ندم من إستشار ) .

ودمت بحفظ الله ورعايته

أبوفيصل 2007

26/11/2012, 09:15 AM

صاروخ الغطغط

26/11/2012, 01:08 PM

السلام عليكم ورحمة الله ويركاته

اخواني الكرام
رايكم في الهايلوكس القير الاتوماتيك وفي عزمه
وكم تقريبا اسعار المستخدم
وهل تنصحون فيه

جزاكم الله خير

مشكور اخوي كنت انا بطرح هالموضوع للمنتداى ولقيت موضوعك نفس موضوعي الي بطرحه ولقيت الجواب شكرا على طرح الموضوع وعلى اهل الردود:good2:

الاسكريم

26/11/2012, 02:13 PM

الله يجزاكم جميعا خير
وبيض الله وجيهكم

ابوسند9

27/11/2012, 06:06 AM

انصحك تجرب قبل ما تشتري نصيحه لله

وجعين

27/11/2012, 06:43 AM

كانك راعي نفود لا تقرب التماتيك لا غرزت تبي تبلش مهب مثل العادي تهزهزه وتطلع

* ابو باسل *

27/11/2012, 10:18 AM

كان عندي 2010 وبعته وشريت محله جمس حوووض المهم سبب البيعه كان عزمه ضعيف وحنه اذا تعديت الميه تفجر الراس راس تحت كراسي الركاب وحنه اثنا تعشيقات السياة يعني عزم ضعيف جدا والسرعه لاتتعدى 150 وانت داعس على اخر البنص على العموم لو فكرت بالتماتيك الجمس الحوض احسن لك بكثير .
في الاخير اذا معزم على الهايلكس انصحك بالعادي اذاك راعي بر وطعوس وتحميل وكرف .

Salamah.y

27/11/2012, 11:04 AM

عليكم السلام و رحمة الله و بركاته

,

اذا انت راعي وعر و نفود , لا تقرب التماتيك
طبعاً انا ما جربت الهايلوكس التماتيك
و لكن اشوف فرق الجيوب العادي عن التماتيك بالطعوس
صراحه التماتيك يوهقك لا غرزت , هذا وهو جيب
فما بالك بالهايلوكس ~

لو كنت مكانك ما افكر بالهايلوكس التماتيك ابد
و لكن اذا انت راعي ديره و خطوط , اكيد اريح لك من العادي

موووفق ان شاء الله
@~

الاسكريم

28/11/2012, 12:55 AM

جزاكم الله خير

راعي المسرى

28/11/2012, 08:32 AM

السلام عليكم
من واقع تجربة لمدة سته شهور تقريبا لهايلكس توماتيك 2011 عادي ماهي دفرنسين داخل المدينة والخطوط صراحة حلوة بالحيل وخفيفة نفس والله لاغفلت عنها تطبق طبلونها تقول تسوق صغيرة مثل الكامري وانت جاي بس تزود بصندوق ولا فيها صوت ولا أي شي وحنتها طبيعية مثل العادي أو أقل ...

صراحة إبداع وأنصح بها لراعي الديرة والبر على خفيف طبعا السيارة بدون دبل.

وفي الرمل نسمت الكفرات على عشرة وعليها تانكي ماء عند الاستبنة 50 لتر وتقص النفود قص بس سواقة حذر ..... لكن ما جربت التغريز عليها ....

sgl2002

28/11/2012, 08:09 PM

الجيوب وهي ٦ سلندر التماتيك فيها مايخارج بالبر والقير العادي افضل عزم

فكيف بالهايلكس وهي اربع سلندر وعزمها بالقير العادي ماهو ذاك الزود

الاسكريم

05/12/2012, 02:24 PM

جزاكم الله خير

ls1.5700

05/12/2012, 03:45 PM

القير العادي ضعيفه فما بالك بالتماتيك
انصحك اذا لزم الامر خذ قير عادي

مطر وربيع

06/12/2012, 12:46 AM

اذا كنت تبغى ونيت تماتيك عندك النافارا احسن التماتيك 5 نمر مقابل 4 للهايلكس + مثبت سرعه للفل كامل
والافضل انك تاخذ قير عادي متعب شوي لكن اقوى و لاعندك زيت ولا فلتر تغيرها كل 60 الف واذا غرزت تقدر تنتع
ويطلع

أب رحي

15/01/2013, 09:57 AM

وعليكم السلام ورحمة الله وبركاته

شوف ياأخي العزيز...
واحد من الشباب اشترى له هايلوكس دبل قير تماتيك...
انا ركبت معه وقلت له ورني عزمه قالي ضعيف قلت له اعطيه الدعسه على الاخير وخلنا نشوف...
وبالفعل يوم عطاه الدعسه للأخير عزمه ضعيف...
هذا اللي اقدر افيدك فيه...

تقبل مروري.

أب رحي

04/04/2013, 01:58 PM

وعليكم السلام ورحمة الله وبركاته

شوف يالغالي انا بقولك شي شفته بعيني....
أول شي واحد من الشباب اخذ له هايلوكس دبل قير عايدي وماشاء الله تبارك الله ممشاه طيب وحلو ولا بأس به
سواء داخل المدينة أو على الرمل أو فوق الطعوس....
وثاني شي واحد من الشباب اخذ له هايولكس دبل قير توماتيك ركبت معه وقلت له خلنا نشوف عزم السياره
وياليت تدعس الدعسه على الاخير ويوم دعس أبد ماحسينا بعزم ولا بقوه ولا حتى حسينا إن الموتر رد نمره..

ومع ذلك فيه ناس يمدحون التوماتيك ليش ماأدري....
إنت يالغالي استخير وإن شاء الله بتاخذ اللي الله كاتبه لك....

تقبل مروري.

الاسكريم

18/02/2014, 12:59 AM

جزاكم الله خير

حبل الوريد

18/02/2014, 03:53 AM

اهرررررررررب عنها لا تقربك

أحمد الدهمشي

18/02/2014, 06:55 AM

وعليكم السلام ورحمة الله وبركاته
من تجربة انصح بها وبقوة خفيفة بالسواقة وتصلح بر وتحميل وسفر
وبالتوفيق

وسيع البنايد

13/04/2017, 12:23 AM

انتبه يابو علي لا تستعجل في الاختيار
وجمع قناعات من اهل الخبره والتجربه
وبالتوفيق