المساعد الشخصي الرقمي

مشاهدة النسخة كاملة : إستفسار عن جهاز موجود في الــ Vx-r 2006 فما هو ؟؟؟


هاوي الله
21/08/2006, 04:41 AM
إسم الجهاز : Key Free System
يوجد فيه أزرار عدد 2 مكتوب عليها : Lock - Unlock ( قفل وفتح )
والجهاز صغير = 2سم × 4سم
ومعه كاتلوج عدد 2 ورقه باللغه الإنجليزيه *

وطريقة تشغيله ( تقريباً ) أنه يُبرمج بطريقه خاصه كما توضح صور الكاتلوج . وتوضح الصور أنه يمكن إستخدامه للـ Gx-r تقريباً *

وششش وظيفة هذا الجهاز !؟؟؟

الله لايهينكم نبي بالتفصيل المُمل *
الكاسر23
21/08/2006, 10:26 AM
اخوي فتى البران

السلام عليكم

ودي لو أنك تزودنا بصورة أو تذكر لنا وين مثبت فيه عشان نفيدك.
Riyadh-boy
21/08/2006, 11:51 AM
اتوقع انه الدف لوك الامامي والخلفي..
مع ان مالي في التايوتا
والسلالالالالالام.
الجرنـاس
21/08/2006, 12:45 PM
كلام الأخ / الكاسر

صحيح التوضيح مطلوب حتي يمكنا المساعده
هاوي الله
21/08/2006, 12:53 PM
الجهاز مستقل عن السياره , موجود في الدرج وزي الميداليه حقت المفاتيح وفيه حلقه حقت مفاتيح وأنا عارف ومتأكد أن هذا الجهاز يُستعمل في نظام حمايه من السرقه أو ماشابه ذلك وله طريقة برمجه ويُستعمل خارج السياره بعد البرمجه يعني( يصلح ميدالية مفتاح) لكن المشكله إن الكاتلوج إنجليزي ولا فهمت شي *
حجمه صغير = 2سم × 4سم ومكتوب عليه Toyota *
الشقردي
21/08/2006, 01:11 PM
ليتك توضح لنا بصور
احتمال يكون نظام الدخول الى السيارة وتشغيلها بدون مفتاح (((((((احتمال))))))
زي اللي باللكزس 430
هاوي الله
21/08/2006, 01:30 PM
ليتك توضح لنا بصور
احتمال يكون نظام الدخول الى السيارة وتشغيلها بدون مفتاح (((((((احتمال))))))
زي اللي باللكزس 430

والظاهر إن إحتمالك صحيح *

بس كيف أبرمجه !؟
والظاهر له علاقه بالفيوزات *
أهم شي طريقة البرمجه !؟
الجرنـاس
21/08/2006, 01:55 PM
اخوي فتى البران
انا موتري Vxr 2006
مافيه الجهاز الي ذكرته يمكن اضافه من الوكيل
هاوي الله
21/08/2006, 02:01 PM
Vxr 2006 شاشه وارد البريمي ونش فتحه استبنه علاق *

والجهاز ( ريموت ) موجود في الدرج حق الكاتلوج *
المربد
21/08/2006, 02:33 PM
يا خوي هذا مفتاح قفل الابواب يمكنك فتحها وقفلها من بعيد.
وما يحتاج برمجة بس حط له بطارية ويشتغل باذن ا لله.
هاوي الله
21/08/2006, 02:47 PM
يا خوي هذا مفتاح قفل الابواب يمكنك فتحها وقفلها من بعيد.
وما يحتاج برمجة بس حط له بطارية ويشتغل باذن ا لله.

الحين أقول إن معه كاتلوج وتقول ريموت يفتح باب ويقفل باب !!؟؟

بعيدن له 3 مفاتيح منهم 2 مفتاح بريموت( فتح وقفل الباب) في نفس المفتاح ومستقله لحالها عن الجهاز المذكور !*

يعني أنت غلطان يالطيب ومشكور *
نجم الخرج
21/08/2006, 11:41 PM
اخي فتي البران

السلام عليكم ورحمة الله وبركاته .

وبعد نفس الجهاز الذي ذكرته , فعلا انا حصلته في درج السيارة , وتوقعت انه مجرد مدليه برموت للمفتاح ( الثالث / العادي ) اذا ماعندك رغبة في استخدام احد مفاتيح الرموت ولكن بدأ عندي ثاني حال بعد قرأتي لموضوعك ويبدو انه كما ذكرت له علاقة في عملية الحماية ولكن للاسف مااعرف استخدامه , وشايله عندي بالبيت لان عدد مفاتيح الرموت اثنان والثالث مفتاح عادي . وعلى فكره السياره فكس آر بريمي مديل 2006 مطلعها من معرض المسند بالرياض , وأنا بعد سؤالك الاخوان لعمل هذا الجهاز سوف اتصل بمعرض المسند بالرياض واسألهم لعلي اجد عندهم اجابه ان شاء الله تعالى , والي يحصل على الاجابه ينزلها لنا بهذا المنتدى لتعم الفائده , وله منا الدعاء بظهر الغيب وصلى الله وسلم على نبينا محمد ,,,,,,
عبدالله المحمد
22/08/2006, 11:50 AM
أنا كذلك عندي في الجي أكس أر بريمي أيضا ً نفس كلامك وتوي أفهم مقصودكم
قمت وحطيت المدلية بالمفتاح اللي ماله ريموت شوفو لنا حل
عبدالله المحمد
22/08/2006, 11:57 AM
الظاهر كلام أخونا المربد صحيح أنه ريموت أبواب . وبالمارية ترى لونه يا فتى البران رصاصي صح أنا ترا حطيته في الغرفة ولا لي به علم لكن أذكر انه ريموت 100 %100 للأبواب
مزاجي
22/08/2006, 01:39 PM
الا على الطاري ياشباب كم قيمه وارد البريمي الفي اكس ار 2006 اللي عند المسنج او اي معرض بس وارد البريمي
نجم الخرج
22/08/2006, 02:22 PM
اخي مزاجي

السلام عليكم , في شهر شعبان / 1426هـ , عند معرض المسند بالرياض على 182000ريال , وتراه بدون فتحه , حيث ان الفتحه يصل الى فوق 200000 ريال , ولكن هالوقت اكيد انه نازل فيه اقل شيء 10000 ريال , على العموم معرضهم في حي النسيم بالرياض , كانك من اهل الرياض مرهم العصر واشرب عندهم الشاي واسألهم ويعطونك العلم الوكاد , مع تمنياتي لك بالتوفيق
نجم الخرج
22/08/2006, 04:58 PM
إسم الجهاز : Key Free System
يوجد فيه أزرار عدد 2 مكتوب عليها : Lock - Unlock ( قفل وفتح )
والجهاز صغير = 2سم × 4سم
ومعه كاتلوج عدد 2 ورقه باللغه الإنجليزيه *

وطريقة تشغيله ( تقريباً ) أنه يُبرمج بطريقه خاصه كما توضح صور الكاتلوج . وتوضح الصور أنه يمكن إستخدامه للـ Gx-r تقريباً *

وششش وظيفة هذا الجهاز !؟؟؟

الله لايهينكم نبي بالتفصيل المُمل *


اخي اسعدالله مساك , لا

تزعج نفسك بالسؤال عن الجهاز المذكور , انا كلمت معرض المسند بالرياض وسألتهم عن وظيفته وقال واحد اسمه / عبدالله باوزير بالمعرض هذا مجرد ميدليه برموت يمكن استخدامها للمفتاح العادي , حيث انه يأتي معه ثلاثة مفاتيح واحد منها عادي والجهاز المذكور عباره عن ميدليه تعمل عمل المفتاح الذي بريموت , وأسأل الله الكريم ان يعطيك من خيره ويكفيك شره , وصلى الله وسلم على نبينا محمد ,


تحيات اخوك / نجم الخرج
عبدالله المحمد
22/08/2006, 05:02 PM
أحسنت صار زي كلام المربد وأبو مناهل موفقين
مزاجي
22/08/2006, 07:22 PM
اخي مزاجي

السلام عليكم , في شهر شعبان / 1426هـ , عند معرض المسند بالرياض على 182000ريال , وتراه بدون فتحه , حيث ان الفتحه يصل الى فوق 200000 ريال , ولكن هالوقت اكيد انه نازل فيه اقل شيء 10000 ريال , على العموم معرضهم في حي النسيم بالرياض , كانك من اهل الرياض مرهم العصر واشرب عندهم الشاي واسألهم ويعطونك العلم الوكاد , مع تمنياتي لك بالتوفيق


وعليكم السلام هلا بنجم الخرج

ونا اخوك انا من الدمام ورحت ل اليحي وقالي 2006 فل ابشن ب190 الف يجي ونش وهدرلك وجلد وفتحه وشاشه

واللي بدون ونش وهدرلك ب178 الف بس ماعنهم لؤلؤي

العام شرينا 2005 بدون فتحه وبدون ونش وبدون هدرلك .والباقي موجود ب 163
هاوي الله
22/08/2006, 07:56 PM
اخي اسعدالله مساك , لا

تزعج نفسك بالسؤال عن الجهاز المذكور , انا كلمت معرض المسند بالرياض وسألتهم عن وظيفته وقال واحد اسمه / عبدالله باوزير بالمعرض هذا مجرد ميدليه برموت يمكن استخدامها للمفتاح العادي , حيث انه يأتي معه ثلاثة مفاتيح واحد منها عادي والجهاز المذكور عباره عن ميدليه تعمل عمل المفتاح الذي بريموت , وأسأل الله الكريم ان يعطيك من خيره ويكفيك شره , وصلى الله وسلم على نبينا محمد ,


تحيات اخوك / نجم الخرج

يعطيك العافيه &

أجل وش الداعي للكاتلوج عدد 2 ورقه ولحسة المخ !!؟
الله يلحس مخ اللي صنع الريموت وأضاف له الكاتلوج $ يعني كلها إفتح باب وقفل !!؟ هاذي معروفه حتى الطفل يعرفها @
الجزيرة
18/09/2006, 05:18 AM
السلام عليكم ورحمة الله وبركاتة


اسمحولي ياشباب اشرح لكم قصة هذي الميدالية

صدقوني ضحكت الين مت يوم اني سمعت الأجوبة

معقولة حتا المعرض الي انت شاري منة السيارة مايعرف ؟؟

سؤال ما هو صعب لكن الحل هنا

هذا ياشباب يجيك في السيارات الفل اوبشن فقط

وهو لتشغيل واطفاء السيارة

ويستخدم للتسخين فقط

للتسخين وليس للقيادة

اليكم الطريقة

لتشغيل السيارة اضغط الحرف E ذو اللون البرتغالي ثم الزر المرسوم علية قفل وانتظر دقيقة

بتحصل سيارتك شتغلت من غير مفتاح وقفلت الأبواب بعد

انتظر لمدة 10 دقايق وراح تنطفي لحالها بعد

اذا اردت تطفيها قبل ماتسخن اعمل التالي

اضغط الحرف E ذو اللون البرتغالي ثم الزر المرسوم علية فتح القفل

بتلاقي السيارة طفت

على فكرة

زر القفل مكتوب علية ستارت وزر فتح القفل مرسوم علية ستوب

ارجو اني افدتكم
محمد العبدالسلام
18/09/2006, 09:01 AM
يا اخوان ماهي صعبة اللي يقدر يشغل كمبيوتر ودخل مواقع انترنت وسجل وشارك ما اظن انها صعبة عليه انه يكتب النص اللي بالكاتلوج ...وحسب كلام الأخ انها ورقتين فقط ...بأحد برامج الترجمة ويعرف ما معنى المكتوب فيها حتى يستفيد ويفيد والشكر للأخ الجزيرة على افادته الطيبة التي اظهرت ان بعض التجار عندنا ما حولك احد اجل راعي المعرض ما يدري وش عمل هالجهاز والله الدجه.
هاوي الله
18/09/2006, 07:16 PM
السلام عليكم ورحمة الله وبركاتة


اسمحولي ياشباب اشرح لكم قصة هذي الميدالية

صدقوني ضحكت الين مت يوم اني سمعت الأجوبة

معقولة حتا المعرض الي انت شاري منة السيارة مايعرف ؟؟

سؤال ما هو صعب لكن الحل هنا

هذا ياشباب يجيك في السيارات الفل اوبشن فقط

وهو لتشغيل واطفاء السيارة

ويستخدم للتسخين فقط

للتسخين وليس للقيادة

اليكم الطريقة

لتشغيل السيارة اضغط الحرف E ذو اللون البرتغالي ثم الزر المرسوم علية قفل وانتظر دقيقة

بتحصل سيارتك شتغلت من غير مفتاح وقفلت الأبواب بعد

انتظر لمدة 10 دقايق وراح تنطفي لحالها بعد

اذا اردت تطفيها قبل ماتسخن اعمل التالي

اضغط الحرف E ذو اللون البرتغالي ثم الزر المرسوم علية فتح القفل

بتلاقي السيارة طفت

على فكرة

زر القفل مكتوب علية ستارت وزر فتح القفل مرسوم علية ستوب

ارجو اني افدتكم

مشكووووووور ولكن ! ترى مافيه لا زر برتقالي ولا حرف E وترى وصفي للجهاز واضح جداً &
Dr.M
19/09/2006, 09:14 AM
مشكووووووور ولكن ! ترى مافيه لا زر برتقالي ولا حرف E وترى وصفي للجهاز واضح جداً &

طيب سو سكان للكتلوج و نزل الصور و بنلعمك وش فايدته :)

او انقل الكلام المكتوب بالكتلوج اذا ما عندك سكانر