ارغب شراء طير شكله حلو وكبير مايعدي سعره 5000

[الحنش]

اخواني انا هاوي جديد وارغب الحصول على طير شكله ومنظره حلو ويكون سعره مايعدي 5000 ويكون الطير سليم من الامراض ويلعب على الملواح وطبعه زين وانا جاهز للشراء اذا فيه احد عنده طير يستاهل ارجو ان يسجل رقم جواله او يجيني على الخاص وتكفون انا مستعجل وعسكري وعندي اجازة شهرواحد وبس وابي استغل الوقت في هاليومين واشكر كل القائمين على هذا الموقع وكل اعضاء المنتدى وشكرا لابو حمد الي دلني على هذا الموقع

[الـسـاطـع]

أهلاً وسهلاً فيك وحياك الله بين ربعك وأخوانك
وان شاء الله تلاقي الطير الطيب الي ينومسك بهداده وفعله
تحياتي لك

[الحنش]

أهلاً وسهلاً فيك وحياك الله بين ربعك وأخوانك
وان شاء الله تلاقي الطير الطيب الي ينومسك بهداده وفعله
تحياتي لك

اشكرك اخي الساطع وبارك الله فيك
حياكم الله يارجال
اشكركم شكر بلا حدودعلى الترحيب.
وانا في هذا المقام لاارى مفرده واحده تصف فرحتي بكم
الف شكر لكم من شخص يسعى للاستفاده من امثالكم
جميعا دون تخصيص !!!
تقبلوا تحياتي!

[حسين ابويحي]

خذ لك وكرية منظر وقوة تحمل وتصلح لاجواء المملكة
والله يرزقك بالطير الي يسررررك

[حرالجير]

عندي وكرية جاهزة طراد وتهد عليها واللي تبي وحجمها كبيرجوالي 0501016222

[(هزاع)]

الله يرزقك اللي يسرك

[ذيب خيطان]

×إذا ماشريت من الحر الجير طلبك عندي
0506330065

[ماجد9]

اخوي حنش الله يرزقك بطير الي يسرك
عندي ملاحظة على اعلانك ما كنت اتمنى انك تحدد المبلغ الي تبي تشتري فيه لانه للاسف في البعض يستغلون الناس المبتدائه بطيورهم وهي ما تسوي الفان ريال ( ملاحظة انا ذكرت البعض وليسه الكل )
لكن لك عندي شوره عطني مكانك في اي مدينة انت وان شاء الله ادلك على مكان يبيع طيور تكون اسعاره ممتاازه ومناسبة لك لانك مبتدائ
ثالث شي نصيحة لك اخوي بحكم انك مبتدائي تشتري لك طير بمواصفات عادية وتتعلم عليه كيف تربية الصقور والاعتناء فيها وانواع علفها وتتعرف على امراضها المنتشره وكيف معالجتها وكيف الاعتناء بها من كل النواحي
وبحكم انك شخص مبتدائ صدقني ما راح تستفيد من الطير شي ابدا لان الصقور لها ناسها وخبراتهااا وصقاراتهاااا
لا يروح بالك الصقر مثل الحمام تربيه وتفلته ويرد لك مره ثانية لا يالغلا لها اسلوب خاص وتعامل خاص
ولك تحياتي يا عسل

[ماجد9]

عندي وكرية جاهزة طراد وتهد عليها واللي تبي وحجمها كبيرجوالي 0501016222
اخواني الاعضاء الصقارة تنبية عن العضو حر الجير
في نفس المنتدى مكشات قبل يومين واحد من الاعضاء سام طيرة وصل السوم 6000 الاف ريال وفجئة وبدون اي مقدمات كتب حر الجير لصاحب الطير انا حولت لك الفلوس ليه مقفل جوالك
وطبعا الحر الجير لم يقوم بسوم الطير ولا حتى بهلله
ونا كنت متابع السوم من بدايتة وطبعا هدف الحر الجير واضح هدفة تخريب السومه على صاحب الطير
هل يعقل شخص ما سام الطير ولا حط سومته ونفرض انه سام الطير وحط سومته هل يعقل اي شخص ان يحول مبلغ 6000 الاف ريال بدون ما يوقف على الطير ويتاكد ما ذكر عن علوم الطير
للاسف حر الجير يفكرنا هنووود ولا بنقالية قال ايش حولت الفلوس وجوالك مقفل
وهذا رابط يثبت كلامي على ما ذكرته الرجاء الانتباة من حر الجير
http://www.mekshat.com/vb/showthread.php?t=544336&page=3
تحياتي لكم

[فهد9811]

السلام عليكم :
الله يوفقك

[ماجد9]

السلام عليكم :
الله يوفقك
منور يا فهد الله يصبحك بالخير يارب

[ذيب خيطان]

اعصابك ياماجد ادمح الزله وانا اخوك

[الكمادي]

هههههههههههه

[الكمادي]

حسبي الله ونعم الوكيل

[سلطان راشد]

الله يهديكم هدوااا اللعب .. ( و من عاش بالحيلة مات بالفقر )

اذكروووووووو الله

لا إله الا الله .. محمد رسول الله

[شيخ المواقف]

السلام عليكم كيف حالك
الطير عند واحد من خويايي حر مقاسه ١٦ و ١٦،٥ الطير شكله حلو
اذا تبي تشوفه ادخل علي موضوع باسم عنوان الحر للبيع
يقول راعية الاول اللي شراها منه انه هده علي بط وصاده وهده علي ديك رومي وصاده وهده علي دجاجة وصاده
هذا كلام راعية الاول
اذا تبي تفاصيل اكثر اتصل علي ٠٥٦١٩٠٥٧٥٧

[ابرق الحرار]

مرحبابك الله يحييك عندي وكرية اذا تصلحلك مانختلف

[ابوصالح .]

ياخويي خذلك وكرية مثل ماقالوا لك الربع وهم كفوا ووفوا ولايهونون البقية

[الحنش]

حسبي الله ونعم الوكيل

ههههههههههههه :D انت كذا :good2:ههههههههه هاهاهاهوهوهوهاي

[مالقيت اسم ا]

لايد من ايقاف عظوية الحرالجير

[الحنش]

مشكورين اخواني الله يحفظكم ويخليكم والله اني افتخر بالرجال الي امثالكم
بغض النظر شريت او ماشريت والله اني حبيتكم وافتخر اني عضوبينكم

[ماجد9]

مشكورين اخواني الله يحفظكم ويخليكم والله اني افتخر بالرجال الي امثالكم
بغض النظر شريت او ماشريت والله اني حبيتكم وافتخر اني عضوبينكم
يالذيب حيااااك بين اخواانك واي مشوره لك ترانا حاضرين
فديت راسك
تحياتي لك

[ماجد9]

الف مبروووك لقد تم ايقاف عضوية الحر الجير بيض الله وجيه الادارة كما عودتنا على متابعتها وانصاف الاعضاء عن الظالم
الان يقدر الصقار ينزل طيره للبيع ولا يشكك بالسوم
تحياتي لكم والف مبرووووووووووووووووووووووووووووووك

[ماجد9]

لايد من ايقاف عظوية الحرالجير
ابشرك لقد تم ايقاف عضوية حر الجير من قبل الادارة
وكل الشكر لأدارة منتدى مكشات
تحياتي لك:D

[الحنش]

الاخ ماجد9 انا موقعي في الجنوب صبياء مثل صبيا في الغواني ماتشوف وقد اتصلت باحد الاخوان في الموقع هنا وعرض علي طير وكري مقاس 14ونصف ويقول انه تمام ومتعلم الصيد وجاهز وهو قريب مني في عسير وتم الاتفاق ولكن اسال
اذا تدل لي مكان يبيع صقور غير الخوبه وترى الخوبه فيها طيور بس ماهي مدربه انا ابي طيرن جاهز

[ماجد9]

هلا اخوي يا ليت تقولي بكم حاد لك السعر الرجال
وبخصوص موقع لبيع الصقور
اقرب موقع لك وسبق رحته وقفت عليه سوق محايل عسير هو قريب عليك بالجنوب سوقهم يبداء من بعد صلاة الفجر كل يوم خميس
روح شوفه منت خسران شي هو قريب عليك
انا احتمال اروح محايل الاسبوع الجاي بس مهو اكيد حسب الظروف بروح اذا الله سهل
فديت راسك اخوي
تحياتي لك

[ماجد9]

بخصوص سوق الخوبه على حدود السعودية ما انصحك تشتري منها طير
سبق وان رحت اكثر من مره وللاسف هم يقولو انها صقور وهي للاسف كلها عقاب ولا شبوط
واذا طحت بصقر بالخوبه تلقي الصقر ملعون والدينه بيدهم وكله امراض
لان للاسف نسبة الصقارين باليمن قليله ولا يعرفون يتعاملون مع الصقر في حالة اصتيادة
اخوك ماجد
تحياتي لك

[الحنش]

بارك الله فيك اخي ماجد9 بالنسبه للرجال قال لي باربعة الاف والطير مشروط
وشورك وهداية الله يوم الخميس بامر على السوق الي ذكرت اشكرك ياغالي

[ماجد9]

يالذيب اعطيك رقم جوال صقار بالجنوب اتصل عليه وقوله مرسول لك من ماجد الحربي منتديات مكشات وان شاء الله يشفلك الطير الي يناسبك وبسعر معقول وهذا رقم الرجال ( محمد 0508364756 )

[ماجد9]

ترا اعدك مثل اخوي
اذا تبي النصيحة ما انصحك تشتري طير بهذي الاوصاف وبهذا المبلغ
لعددة اسباب
انت انسان مبتدائ والصقر يبيله صقار عشان تهده على صيد وتتونس فيه ممكن تهده ويروح عليك الطير وراحت فلوسك بالسماء
الصقور لها تعامل خاص بعلفها وقرناسها اعطيك معلومتين فقط طبعا الصقر له علوم كثير بس مابي اكثر عليك عشان اثبت لك وتقتنع بكلامي وتشفلك طير عادي وبسعر معقول ما يتعدي الالفان او اقل
1 - الطير عشان تهده على حمامه ولا طريده ما تعلفه وبنفس الوقت ما يكون الطير هزيل بالقوه عشانك ما علفته لانك لو علفت الطير وهديته على حمامه بيتركها وبيختفي عن اناظرك وراحت فلوسك يالطيب
ثاني شي الطير بكل سنه يبيله يقرنس ولما يقرنس الطير يبيله تعامل خاص مثل تنويع العلف وتهيئة الجو البارد له عشان لما يقرنس الطير يطلع ريشة سليم ولا فيه كسور بالريش
انا متأكد اول مره تسمع بالي اقولة اجل كيف تبي تشتري صقر بمواصفات زينه وسبق هاد على حمام
هذا الي ذكرته لك جزء بسيط عن تربية الصقور حتى سبوق الطير له مسكة خاصه بالطير حتى تركيب برقع الطير له طريقة خاصه ونوعية ممتاز عشان لا يتأذيئ الطير من برقعه
انا حبيت اوضح لك بعض الامور ولك الحرية
تحياتي لك

[الحنش]

ترا اعدك مثل اخوي
اذا تبي النصيحة ما انصحك تشتري طير بهذي الاوصاف وبهذا المبلغ
لعددة اسباب
انت انسان مبتدائ والصقر يبيله صقار عشان تهده على صيد وتتونس فيه ممكن تهده ويروح عليك الطير وراحت فلوسك بالسماء
الصقور لها تعامل خاص بعلفها وقرناسها اعطيك معلومتين فقط طبعا الصقر له علوم كثير بس مابي اكثر عليك عشان اثبت لك وتقتنع بكلامي وتشفلك طير عادي وبسعر معقول ما يتعدي الالفان او اقل
1 - الطير عشان تهده على حمامه ولا طريده ما تعلفه وبنفس الوقت ما يكون الطير هزيل بالقوه عشانك ما علفته لانك لو علفت الطير وهديته على حمامه بيتركها وبيختفي عن اناظرك وراحت فلوسك يالطيب
ثاني شي الطير بكل سنه يبيله يقرنس ولما يقرنس الطير يبيله تعامل خاص مثل تنويع العلف وتهيئة الجو البارد له عشان لما يقرنس الطير يطلع ريشة سليم ولا فيه كسور بالريش
انا متأكد اول مره تسمع بالي اقولة اجل كيف تبي تشتري صقر بمواصفات زينه وسبق هاد على حمام
هذا الي ذكرته لك جزء بسيط عن تربية الصقور حتى سبوق الطير له مسكة خاصه بالطير حتى تركيب برقع الطير له طريقة خاصه ونوعية ممتاز عشان لا يتأذيئ الطير من برقعه
انا حبيت اوضح لك بعض الامور ولك الحرية
تحياتي لك

والنعم ياماجد انشهد انك ماجد على اسمك
كفو والله انك راعي الاوله ومردودة لك انشاء الله تسلم تسلم ::
:good2:

[الحنش]

بخصوص سوق الخوبه على حدود السعودية ما انصحك تشتري منها طير
سبق وان رحت اكثر من مره وللاسف هم يقولو انها صقور وهي للاسف كلها عقاب ولا شبوط
واذا طحت بصقر بالخوبه تلقي الصقر ملعون والدينه بيدهم وكله امراض
لان للاسف نسبة الصقارين باليمن قليله ولا يعرفون يتعاملون مع الصقر في حالة اصتيادة
اخوك ماجد
تحياتي لك
شكرا من الأعماق لك ياماجد ولقبيلة حرب الأوفياء وسنردها لك بإذن الله

ونعمٍ "بحرب" ليا طـرا طـاري الأمـداح
أهـل ا لمـوا قــف كــل مـاصـاح صـيـاح
حـرابـهــم بـالـنــوم مــاهــوب يــرتــاح
مـن ضيمـهـم مايـمـرح اللـيـل سـهـران :good:

[الحنش]

يالذيب حيااااك بين اخواانك واي مشوره لك ترانا حاضرين
فديت راسك
تحياتي لك

الله يعطيك العافية و مرورك يكفيني فخر اخوي ماجد
وكفووووو ياحرب يا اهل المراجل والطيب ولا هو غريب عليهم الطيييييييييييب

[ذيب خيطان]

ونعم ب ماجد وبقبيلته وكل القبايل ونعم كلن بسمه

[الحربي حاتم]

بسم الله الرحمن الرحيم
بيض الله وجهك ياولد عمي
ولا هو غريبة الجود من الأجاويد أهل الجود والفزعة والنخوة والمرؤة والشهامة والشجاعة والصولات والجولات والطيب حرب حرابة الدول ولا تهون باقي القبايل

[ماجد9]

ونعم ب ماجد وبقبيلته وكل القبايل ونعم كلن بسمه
بيض الله وجهك اخوي عشت يالذيب

[ماجد9]

بسم الله الرحمن الرحيم

بيض الله وجهك ياولد عمي
ولا هو غريبة الجود من الأجاويد أهل الجود والفزعة والنخوة والمرؤة والشهامة والشجاعة والصولات والجولات والطيب حرب حرابة الدول ولا تهون باقي القبايل


حياااااااااك يا ولد عمي هات خشمك
عشت يالذيب
تحياتي لك

[أبو فااارس]

قلبت قبايل هههههههه ونعم بحرب وبكل قبيله وعز الله ان ماجد ماقصر عطاك معلومات طيبه وانا نصيحتي لك خذ طير لوح بس مايطرد حمام نهائي ولا يرغبه وبكذا يكون سعره مناسب من 3000 وجاي حتى لو كان وافي والشي الثاني ماتضيعه لأن فيه طيور تخلي اللوح وتطلب الحمام اللي يتعدا من عندها وتشوفه ربي يوفقك وإذا بغيت تحط اعلان اكتب مطلوب طير لوح فقط وسعره رخيص

[الحنش]

ياخوي ماقلبتها قبايل وانعم بكل القبايل وترى لوكان يجوز ان اغير نسبي شرعاً لغيرت الى حربي
ولاكن الرسول نهي عن ذلك اما الطير فابركها من ساعة لما يجيني عن طريق اخوي ماجد الحربي
لي الشرف الكبير اني تعرفت عليه واقول له من خلال هذا الموقع

يا اخي ماجد الحربي حياااك الله اخى الكريم

انا سعيد بمعرفتك

واتشرف بانى اتابعك واكون معكم في المنتدى

ان وجدنا اناس فيهم خير لازم نتقرب منهم

[حسين ابويحي]

نفاق من الدرجة الاولى اتمنى انك تكون صادق

[الكمادي]

نفاق من الدرجة الاولى اتمنى انك تكون صادق
من تقصد ماجد

[ماجد9]

ياخوي ماقلبتها قبايل وانعم بكل القبايل وترى لوكان يجوز ان اغير نسبي شرعاً لغيرت الى حربي
ولاكن الرسول نهي عن ذلك اما الطير فابركها من ساعة لما يجيني عن طريق اخوي ماجد الحربي
لي الشرف الكبير اني تعرفت عليه واقول له من خلال هذا الموقع

يا اخي ماجد الحربي حياااك الله اخى الكريم

انا سعيد بمعرفتك

واتشرف بانى اتابعك واكون معكم في المنتدى

ان وجدنا اناس فيهم خير لازم نتقرب منهم
الله يسعدك يالذيب ونعم فيك وبيض الله وجهك الشرف ليا انا ويشهد الله انكم تاج راسي انت يالحنش والكمادي والجره جديده فديتكم والله انتم راعين الوجيه الطيبه وهذا شرف ليا اكون واحد منكم وفيكم
تحياتي لك

[ماجد9]

من تقصد ماجد
ما عليك منه هذا واضح يقصد الكل ما يقصدني انا بس
اهم شي شوفتكم ومعرفتكم واحنا الي نقدر ونحدد كلامنا مجرد نفاق ولا علوم رجاجيل
تحياتي لك يا قمر

[الحنش]

عندي واحد من اصدقاي مضيع طيره ولقيه معروض في منتدى للبيع وتعرف عليه ومتاكد منه في هذه الحالة ويش يسوي افيدونا جزاكم الله خير

[حسين ابويحي]

يشوف الي عنده الطير اذا هو اجودي راح يرجع له طيره واذا مارضي
خله يبلغ الشرطة

[س.س.التميمي]

لا حول ولا قوة الا بالله

[الحنش]

الطير معروض في منتدى البرية وراعيه تعرف عليه
معروض بعنوان فرخ شهانه ايرانيه للبيع بس الصراحة ان الرجال طلع اجودي ويقول بيرجع الطير حسب اخر الاخبار

[حسين ابويحي]

جزاه الله خير والله انه اجودي ومعدنه طيب الله يوفقه

[ماجد9]

عندي واحد من اصدقاي مضيع طيره ولقيه معروض في منتدى للبيع وتعرف عليه ومتاكد منه في هذه الحالة ويش يسوي افيدونا جزاكم الله خير
والله يا خوي اذا الطير له اوراقة وجوازه المشتري فيه يطالب بطيره والنظام يسمح بقبول مثل هذي الدعواي
واذا الطير ما له اوراق ولا جواز خاص بالطير مالك الا الكلمة الطيبه وعلوم الرجاجيل تلين الصخر
وان شاء الله يرد كل حلال لاهله يارب
تحياتي لك

[ماجد9]

يشوف الي عنده الطير اذا هو اجودي راح يرجع له طيره واذا مارضي
خله يبلغ الشرطة
يالطيب علامات الطير ما تنفعك عند الشرطة ابد
اذا الطير له اوراق المشتري فيها وله جوازة ممكن بالحالة هذي يشتكي الشرطه ويرد طيره واذا ماله اوراق ولا جواز للطير ما له غير الكلمه الطيبة
تحياتي لك

[ماجد9]

الطير معروض في منتدى البرية وراعيه تعرف عليه
معروض بعنوان فرخ شهانه ايرانيه للبيع بس الصراحة ان الرجال طلع اجودي ويقول بيرجع الطير حسب اخر الاخبار
بعد اذن الادارة اخوي حنش نظام المنتدى ممنوع ذكر اي منتدى اخر هنا بمكشات انت اعرفك زين على نياتك وما تقصد شي بذكر منتدي اخر انا حبيت ابلغك عشان لا يجيك حضر من المنتدى مثل ما صار مع غيرك
تحياتي لك يا عسل

[الحنش]

والله مادريت عن النظام الا منك وانا اسف ماراح اتعودها
وبالنسبة لصاحب الطير قد رتب مع محامي وطلب رفع شكوى للقضاء
لانه لم يتوصل لحل ودي مع الي عارض الطير للبيع وماهو له وكنا نتمنى انها تنتهي هذه الامور بدون اشكاليات
ولكن لم يتم التوصل لحل

[ماجد9]

اخوي حنش اعرفك يالذيب ما تقصد بذكر المنتدى وعلى نياتك من كذا حبيت ابلغك لانه الحجب عنك خسرنا اخ مثلك ونتشرف فيك فديتك
تحياتي لك يا قمر

[جيرالحر]

اخواني الاعضاء الصقارة تنبية عن العضو حر الجير
في نفس المنتدى مكشات قبل يومين واحد من الاعضاء سام طيرة وصل السوم 6000 الاف ريال وفجئة وبدون اي مقدمات كتب حر الجير لصاحب الطير انا حولت لك الفلوس ليه مقفل جوالك
وطبعا الحر الجير لم يقوم بسوم الطير ولا حتى بهلله
ونا كنت متابع السوم من بدايتة وطبعا هدف الحر الجير واضح هدفة تخريب السومه على صاحب الطير
هل يعقل شخص ما سام الطير ولا حط سومته ونفرض انه سام الطير وحط سومته هل يعقل اي شخص ان يحول مبلغ 6000 الاف ريال بدون ما يوقف على الطير ويتاكد ما ذكر عن علوم الطير
للاسف حر الجير يفكرنا هنووود ولا بنقالية قال ايش حولت الفلوس وجوالك مقفل
وهذا رابط يثبت كلامي على ما ذكرته الرجاء الانتباة من حر الجير
http://www.mekshat.com/vb/showthread.php?t=544336&page=3
تحياتي لكم



يا ماجد 9 انت شكلك فاضي وانا فهمت ان زميلي حر الجير كان يقصد واحد ثاني وكان فيه واحد فعلا حول لة دفعة لشخص وتاخر علية فقط وبعد ذلك تم البيع وانت يا ماجد اطلب من الادارة حذف عضويتك لانك اي شخص يسوم تنط علية زي اللي سام ب 4000 الف وزعلت الله يشفيك واهل العقل في راحة وبعدين طلعت هندي لان الرجال ما كلمك اصلا واللقافه شينة واطلب من المنتدى الموقر اعادة الزميل المحترم اللي له مجهود من سنوات بالمنتدى حتى لا تفهم بانها عنصرية وللمنتدى خالص شري وبالاخص المشرقين العظام وسامحوني وارجو ان تعطيني رقمك يا ماجد 9 للاهمية

[جيرالحر]

الرجاء من المشرفين ان يكونوا وجه للحق والعدالة وعدم السماح بالمهاترات وخاصة لاشخاص على حساب اشخاص

[الحنش]

ابشركم شريت طير اليوم اليف جدا ويعلي في الجو عند مطاردة الحمامة وكذلك يصيد الارنب والكراون
المقاس 15في14 لكن عندي استفسار الطير مقرنس وباقي في ظهره والجناح ريش الوحش فكم هو عمره
والله يجزاكم بخير ونوع الطير وكري وشكرا لكم

[عرين الخبر]

السلام عليكم ورحمة الله وبركاته الله يوفقك ان شاءالله بطيرك الجديد نستنا تقارير مقانيصك ان شاءالله
يمكن طيرك يكون بكر لانه هو الي تضل به ريش الفرخ وياليت لو ترفق صوره للطير

[الحنش]

دقايق احمل الصور

[الحنش]

السلام عليكم ورحمة الله وبركاته الله يوفقك ان شاءالله بطيرك الجديد نستنا تقارير مقانيصك ان شاءالله
يمكن طيرك يكون بكر لانه هو الي تضل به ريش الفرخ وياليت لو ترفق صوره للطير

هذه صور الطير الطول 15 العرض 15الا شرطة

http://im30.gulfup.com/WWfl1.jpg
http://im30.gulfup.com/tOjV2.jpg

وهذه صورة اخرى بعد تشغيل انوار السقف والثريات للتوضيح
http://im16.gulfup.com/Bdy72.jpg


ااامل افادتي كم عمر الطير لان الي شريته منه يقول بكر هل هو صحيح

[حسين ابويحي]

مبروك طير شكله زي مانت تمنيت ماشاء الله تبارك الله والله ياجماعه الي عنده مثله للبيع انا شراي
وممكن ياحنش:eek::eek: تقول لنا كم قيمة الطير ؟؟

[احمديوسف]

هذه صور الطير الطول 15 العرض 15الا شرطة

http://im30.gulfup.com/WWfl1.jpg
http://im30.gulfup.com/tOjV2.jpg

وهذه صورة اخرى بعد تشغيل انوار السقف والثريات للتوضيح
http://im16.gulfup.com/Bdy72.jpg


ااامل افادتي كم عمر الطير لان الي شريته منه يقول بكر هل هو صحيح

اذا كانك تبيع اناشراي صامل 5000 وقول تم

[حسين ابويحي]

5500 صامل وجاهز

[الحنش]

7000 الي يبغاه اهلا وسهلا والطير على الشرط والي بيزود نقول له مرحبا

[حسين ابويحي]

7000 الي يبغاه اهلا وسهلا والطير على الشرط والي بيزود نقول له مرحبا

خذ لك 6000 وفارق عن الطير تراها طيبه :good2:

[ظبط]

ذوالعقل يشقا بالنعيم بعقله وأخو الجهالة بالشقاوة ينعم

[حسين ابويحي]

ذوالعقل يشقا بالنعيم بعقله وأخو الجهالة بالشقاوة ينعم

المخذول مخذول خذلتكم الطيور بالظبظ صدقت في كلامك والضرب في الميت حرام
وانت كالإبرة تكسي غيرها وهي عريانة :D:D:D:D:D:D:D:D:D:D:D

[ماجد9]

المخذول مخذول خذلتكم الطيور بالظبظ صدقت في كلامك والضرب في الميت حرام
وانت كالإبرة تكسي غيرها وهي عريانة :D:D:D:D:D:D:D:D:D:D:D
:Dههههههههههههههههههههههه:D
الله يهديكم
تحياتي لكم