السدرك تعبتنا ونبغى رايكم من جديد

[كاشت بدباب]

مساء الخير ..

انا الصراحه حاولت اطبق ميكنة السدرك طبعا كله شغل يدي .. وتعبتني
وآخر شيء طلعت المكينة مخبطة .... وخسرتني الكثير

والحين ودي اركب مكينة 2400 يا بخاخ يا كلبليتر ..

وش تنصحوني فيه ...

وكم راح تكلف وهل تحتاج ترهيم وقص كثير ولا تطبق على طول ..

مع العلم موديل موتر 82 ... :good2:

[وجعين]

دامك رهمت الكراسي على مكينه السدرك شف فيه مكاين سدرك استعمال ياباني على 1200 اخبره قبل سنه تقريبا التشليح مليان من ها النوعيه واحد من الشباب مركبه على ددسن الضاهر موديله 87 ويمدح عزمه صح ان عزمه اقل شوي من مكينة السدرك السعوديه بس ما تقارن بمكينه البلد الخايسه والاستعمل الياباني يجيك اخو الجديد لانه ما عندهم سرعه مثلنا ولا يجلدون السيارت مثلنا

[Salamah.y]

و انا رايي من راي الاخ الكريم
دام انك تعبت على الترهيم و ضبطت الكراسي و كل شي جاهز
الحين ازين لك , خذ مكينة سدرك نظيفه , و ركبها على طول
بلا ما تبدأ ترحم من جديد ~

بس ابي استفسر , وين احصل مكاين السدرك استخدام ياباني ؟!

,

كل التوفيق لك @~

[كاشت بدباب]

اخوي موديل موتري 82
ومكينة شد بلادة 1800 سي سي

انا الغيت كل شيئ بعد السدرك الكراسي والمكينة كل شيء رميته برى ...

من التعب الي لقيته كرهتها ...

[كاشت بدباب]

الحين بسالكم مكينة 2400
حقة موديل 99 و 2000 الكلبليتر ...

وعن حقة الـ 2004 وفوووق البخاخ

كم راح تكلفني وهل تحتاج ترهيم مثل السدرك ولا على طول تركب ..

[وجعين]

الحين بسالكم مكينة 2400
حقة موديل 99 و 2000 الكلبليتر ...

وعن حقة الـ 2004 وفوووق البخاخ

كم راح تكلفني وهل تحتاج ترهيم مثل السدرك ولا على طول تركب ..

والله انصحك نصيحه لله لاتركب كلبليتر لانه فاشله وعزمه ردي يا انك تركب بخاخ من الموديلات الجدد او مكينه سدرك نضيفه او شد بلد ما مثله قوته 1800 بس تراه اقوى من ال2000 الي تجي من موديلات 86 وفوق عن تجربه

[كاشت بدباب]

والله انصحك نصيحه لله لاتركب كلبليتر لانه فاشله وعزمه ردي يا انك تركب بخاخ من الموديلات الجدد او مكينه سدرك نضيفه او شد بلد ما مثله قوته 1800 بس تراه اقوى من ال2000 الي تجي من موديلات 86 وفوق عن تجربه

يالغالي
انا ما اقصد مكيننة 2000 سي سي
انا اقصد مكينة 2400 سي سي

[باترول للأبد]

ركب مكينة بخاخ من 2000 بدايتها في الددسن وبترتاح

[طواش]

هنا الحل لاصحاب الخليج اذا اعاد انتاج الكراون لي يحبونها بقوة وقد انقطع انتها في اواخر الثماننيات :mad:
http://www.ifurat.com/arl/cars/news/%D8%AA%D8%B3%D8%B1%D9%8A%D8%A8-%D8%B5%D9%88%D8%B1-%D8%A7%D9%84%D8%AC%D9%8A%D9%84-%D8%A7%D9%84%D8%AC%D8%AF%D9%8A%D8%AF-%D9%85%D9%86-%D8%AA%D9%88%D9%8A%D9%88%D8%AA%D8%A7-%D9%83%D8%B1%D8%A7%D9%88%D9%86-2013-%D9%85%D9%86-%D9%83%D8%AA%D9%8A%D8%A8-%D9%85%D8%B9%D9%84%D9%88%D9%85%D8%A7%D8%AA-%D8%A7%D9%84%D8%B3%D9%8A%D8%A7%D8%B1%D8%A9

[كاشت بدباب]

اخوي باترول للابد
طيب تحتاج
ترهيم كراسي ولا تركب على طول

[وجعين]

2400 سي سي ايضا فاشله وتنقص زيت وغاليه والقهر انه ما تستاهل لكن عشان الناس كثير الي يستخدمون الددسن صارت غاليه يا خي حتى البخاخ غاليه ولا فيها ذاك العزم السدرك انشط منها بواجد عن تجربه رح لتشليح الي يجبون مكاين استعمال ياباني مع قيره حتى لو تلقى كرسيدا او مستوبيشي وصقطه انا مرة ىشفت واحد مركبن مكينة لكزس على هلي 2006

[كاشت بدباب]

يالغالي شغل توليف زايد ماعاد ابية انا خاطري في 2400 حتى لو كلبليتر وانا استخدامي داخل المدينة لا طعوس ولا خطوووط ولا قومات هذا الي انا ابيه
وكثير نصحوني في هالمكينة بس ابي رايكم وكم ممكن تكلفتها

[وجعين]

ياخي قل من اول انك ما تبيه لطعوس وللقومات !!! موديل سيارتك 82 طيب ليش توجع راسك وترهمله مكينة 2400 ركب نفس مكينته 1800 والله اني ناصحن لك لان مكينة الددسن 2400 ماتركب اصلا على قير سيارتك يبيلك قير مع المكينه ويبيلك ترهيم كراسي وراح تكلفك قيمت سياره من الموديلات الي مكينته2400 وزود اسأل اي واحد جرب مكينة1800 الي هي من موديل80 الى85 عن جودة المكينه وصبرة وسأل عن مكينة 2400 وشف كثر الي يشكون من نقصة خاصه الي يمسكون خطوط تخبيطه ماهنا اسرع منه .

[ددسن مسدرك]

كلام صحيح^^

[كاشت بدباب]

خلاص برجع اطبق مكينة سدرك استعمالي ياباني وان شاء الله تضبط امورنا ..

والله يصبرنا على التعب ....

[sgl2002]

لا لا ياخوي

نصيحه لاتركب مكينه بخاخ

تراها ماهي بذاك النشاط وفيها شوي تنقيص زيت بس بالخط وبالصرفيه البنزين ممتازه


طعني وركب ٢٤٠٠ كلبريتر

تراها انشط بالنفود واصبر بس السرعه مافيه والصرفيه مرتفعه شوي

[كاشت بدباب]

طيب كم ممكن سعرها الكلبلييتر