شوركم في ونيت متسوبيشي 2013 دفرنسين

[أنصر نبيك]

السلام عليكم ورحمة الله وبركاته

مريت اليوم على وكالة المتسوبيشي بعد معاناة مع أبوجميل بغيت أسأل عن هالونيت

الدفرنسين وغمارتين طبعاً قال الموظف الدفرنسين صار يجينا سياحي وأربعة سلندر فقط وقبل سنتين

كنا نجيبه ستة سلندر وماكان عليه اقبال وهالمرة جبناه سياحي و4 سلندر !!

طبعاً سعره كاش 83 الف ريال فما أدري وش رأيكم فيه بغض النظر عن ارتفاع سعر قطع

الغيار كل أبو المواتر أرتفعت أسعار قطع غيارها قصدي هل هو راسي وكيف هو في

المطبات ومريح أو غير مريح الحقيقة منظرة سيء السياحي لاجنوط ولا منظر ولا شطرطون

والمقصورة غير مريحة أظنها مناسبة للعمال

أبو جميل قالوا اذا بغيت هايلوكس دفرنسين فل كامل لزوم

تزود ستة آلاف لشراء الاكسسورات 4500 شاشة والباقي عازل حراري حسبي الله

على ورثة أبوجميل وثلاثة أيام بالكثير وأنت مستلمة غير كذا يبي لك أشهر !!!

[أبوطاوي]

نصيحه ابعد عنه...
خذ لك ددسن دفرنسن ابرك لك...ولا هايلكس...
بس ابغاك تفكر فيها شوي...83 الف و4سلندر وشكله قبيح...+قطع غياره ننناار...
الددسن الدفرنسين مقارب سعره لـ83 الف أغلى شوي او ارخص شوي على ما اعتقد...

[أنصر نبيك]

نصيحه ابعد عنه...
خذ لك ددسن دفرنسن ابرك لك...ولا هايلكس...
بس ابغاك تفكر فيها شوي...83 الف و4سلندر وشكله قبيح...+قطع غياره ننناار...
الددسن الدفرنسين مقارب سعره لـ83 الف أغلى شوي او ارخص شوي على ما اعتقد...

الله يجزاك الخير ابوطاوي ماقصرت وننتظر بقية المكشاتية

[أنفاس رجل]

اخوي نصيحه المتسوبيشي لو تدحدرها بيدك من الوكاله للشارع

طاح من قيمتها عشرين الف لو تبي تبيعها

الهايلوكس او الداتسون شيك في مخباتك

وانت حر

تحياتي لك

[راعي المسرى]

الددسن جديد خليجي في المعارض جديد2012 بـ74.000ريال

[وجعين]

الموديلات الجديده شكله قبيح ونازله وصندوقة يخليك تضحك لو ما بك ضحك هم خربوا شكله من2007 شف 2006 شكله صح ورتفاعه ومقاس الجنط سياره دفع رباعي بمعنى الكلمه ثانيا السيارة نزلت 6 سلندر فتره ثم رجعوها 4 سلندر وذكر كان فيه اقبال على السيارة يوم كانت 6 سلندر بعكس كلام الموظف لانه مافيه ونيت بسوق 6 سلندر الا ونيت المستوبيشي واخيرا اقولك ان محركات المستوبيشي من افضل المحركات واجودها بس قطع الغيار الي انت ماهتميت له هي الي تبي تكرهك بسياره لان الاسطبات ولاشارت اسعاره خيليه ولافيه تجاري يعني لو تصدم صدمه خفيفه شبك ونوار وشارات راح تكلفك مبلغ وقدره.كات معي سيارة مستوبيشي غمارتين 86 وخربت طرنبه الزيت رحت للوكاله اذكر اني انصدمت من سعره حول الفين الريال اويزيدن طرنبه كبر راحت يدك المهم رحت لتشليح بعنيزة خاص بالاستعمال الياباني وخذت مكينه كامله ب 1400 ان اقول خلك مع الناس والسوق واحسن لك لاجيت تبيع هلي اوددسن او جمس غمارتين ياسلام .هذا الي عندي

[ولد وايل 2010]

وانا اقول لك فر منها فرارك من الذئب

[salih100]

لا تقول كل السيارات قطع غيارها نار لاااااااا المتسوبيشي نار وجحيم وعذاب نفسي ومالي وبيجك يوم توقفها عند الباب شهر ليه ؟ ما تقدر تغير فحمات فرامل <<<<< لو فيها خير ما خلاها الطير

[ابونبيل]

خذ هايلكس دبل من الخليج وش لك بالمستبيشي لا شكل ولا راحه

[ذيب الزور]

اخوي انا رحت للوكاله قبل اسبوع وسعرته وكنت بشتري غماره ابيه للمزرعه والحلال

وقبل امس موتر عمي خربت طرمبة البنزين ورحت شريتها له

قيمتها 1900 قبل الخصم وبعد الخصم 1400 وصفاية بنزين بــ 150 ريال

طلعت من عندهم غاسل يدي من هالسياره بسبب وكيلها

[أنصر نبيك]

أنفاس رجل : مشكور أخوي على النصيحة الف شكر لك
راعي المسرى : كان ودي في ددسن خليجي لكن أنا في ديرة مابها غير الحمراني الله لايوفقه وعن تجربه يرفض اصلاح
المواتر الخليجية رجال خايس و حسود اش تقول فيه
تحياتي
وجعين - ولد وايل - صالح
كل الشكر لكم خلاص صرفنا النظر عنها بفضل الله ثم جهودكم المخلصة عسى ربي يوفقكم وينير دربكم
أبونبيل : صديقي العزيز نعم الرأي شورك الظاهر اني بأروح لقطر جعلك دوم بصحة وعافية
ذئب الزور : وأنا أشهد انك ذئب أخوك غسل يده منها يامال العافية جعلك تسلم

[س.س.التميمي]

والله ماتدري من انت ابيده عبداللطيف والا نيسان والا متسوبيشي اقول الظاهر السياكل ابرك والله ضعنا بينهم

[راعي المسرى]

الددسن الخليجي مالي معارض النسيم الله ييسر لك اللي فيه الخير

[أنصر نبيك]

والله ماتدري من انت ابيده عبداللطيف والا نيسان والا متسوبيشي اقول الظاهر السياكل ابرك والله ضعنا بينهم

أي والله ضعنا ياولد تميم حسبنا الله ونعم الوكيل عليهم

[أنصر نبيك]

الددسن الخليجي مالي معارض النسيم الله ييسر لك اللي فيه الخير


اللهم آمين اخوي وجزاك الله خير على الدعوة الطيبة وفقك الله لكل خير
طيب هل الددسن أريح من الهايلوكس أو يكسر الظهر مثله

[فارس المصارير]

عندك خيارين
هايلكس ولا ددسن

وانا انصحك بالهايلكس دبل لو مستعمله
صدقني بتدعيلي

[راعي المسرى]

اللهم آمين اخوي وجزاك الله خير على الدعوة الطيبة وفقك الله لكل خير
طيب هل الددسن أريح من الهايلوكس أو يكسر الظهر مثله


أخي الكريم أنا ما جربت الددسن لكن اللي أعرفه في الددسن العادي إنه ألين مطب من الهايلكس لكنه أضعف عزم لكن المطب له العديد من الحلول من أهمها تثقيل الصندوق بتانكي أو نحوه