عيب خطير جداااا وشنيع في هايلكس 2006 شاهد بالصور

[الكاسر23]

أخواني الكرام
السلام عليكم ورحمة الله وبركاته

أرفق لكم موضوع طلب صاحبه نقله حتى لا يقع الأخوان في هذه المشكلة.
للأمانة الموضوع نشر في منتديات المقناص، وهو للأخ الكاتب Srab_x

في حال عدم وضوح الصورة المرفقة أو مزيدا من المعلومات زيارة موقع الموضوع الاساسي على الرابط

http://www.megnas.com/vb/showthread.php?t=10981 (http://www.megnas.com/vb/showthread.php?t=10981)

ولكم أطيب تحياتي

أخوكم
الكاسر
<HR style="COLOR: #976830" SIZE=1><!-- / icon and title --><!-- message -->

بسم الله الرحمن الرحيم
السلام عليكم
يا اخوان اتمنى من اخواني انهم يطلعوا على هذه المشكلة وينقلون هذا الموضوع إلى منتديات اخرى حتى لا يقعون في مشكلة كما وقع فيها الاخرين اتمنى منكم كرما لا امراً ان تنقلوا هذا الموضوع إلى المنتديات الأخرى قدر المستطاع والله المستعان


هايلكس 2006 نزل بمميزات راحت ووبمحرك اقوى وافضل من 2005 لكن فيه مشكله واحدة ليست بالسهلة غير الشكل السقيم الي يبي يتعبك - اذا كنت راعي بر وطعوس - المشكلة يا اخوان هي في حماية القير وهو اهم شي في السيارة بعد المكينة ففي هذا الموديل وضعوا قاعدة القير او كما يسمية البعض شيال القير اخر قطعه في السيارة من الناحية السفلية يعني بعد البدي او هيكل السيارة يعني معرضة لأي صدمة من الأسفل رصيف , صخور ، مطبات عالية ,,,, الخ لكن في السيارة الاخرى يضعونه فوووووووق مره مره حتى لا يتعرض لأي صدمة
شاهد الصورة التالية - شاهد السهم : ـ
http://www.megnas.com/vb/uploaded/1960_1152850830.png



المهم

بالعربي هايلكس 2006 ما يصلح لطلعات بر الا اذا كان معك سيارة ثانية ولا يصلح لطلوع ارصفة عند الحاجة

أضف إلى ذلك ان 2006 هايلكس ما صار كالعادة يصنع في اليابان بل يصنع في تايلند !
<!-- / message -->

[عليمي2000]

وسمعت عن حوادث احتراق لنفس الموديل ( البنزين )

[منزلي الصمان]

كل المديلات الجايه من هاالشكل وأردى.


الحين تايلاند وش عرفهم يصلحون سيارات يدرعون بالكلاب قضن عندنا من اول الصناعية مليانة والحين منقرضات اظاهر ان مفعول مرق الكلاب قوي خلاهم يصنعون السيارات؟!!

[الضاري]

الله يجزاك خير أخوي على التنبيه

[الكلاسك]

شي محزن بصراحه اللي ياكلون كلاب صارو يصنعون سيارت واالي ياكلون خنازير اخترعو مركبات فضاء واللي يا كلون القرود والضفادع اخترعو طيارت وحنا مدري وش راح نخترع؟؟؟ لا فلحنا لا في اختراع ولا في نصرة اسلام ولا في جهاد فعلا احنا عالة على العالم .

[الكاسر23]

السلام عليكم

الله لا يهينكم

معليش تأخرت عليكم شوي وخليتكم تسولفون في المجلس لحالكم :)

لكني هذاني جيت

المتعارف عليه عند العموم إن الشي يتطور للأفضل، وهالشركات غير أنها تطور منتجاتها للأفضل، فيه شركات أخرى تنافسها، وبالتالي تكون حريصه على إضافة شي مميز يرغب الناس في الشراء، لكن ما يحدث في بعض سيارات اليوم الجديدة شي مخزي لتلك الشركات، لكن وش نقول، ما أحد يحميك وسلامة الناس أصبحت رخيصة، طمعا في جني المزيد من المال.
نسأل الله السلامة، ويا زين سيارات أول، تفك الكبوت تلقى ما فيها إلا الماكينة والبطارية والأمور ماشية تمام. لكن سيارات اليوم تفك الكبوت تلقى تحته كبوت ثاني، الماكينة وتوابعها ، ما تقدر تدخل يدك بينها. وكلٍ له ضريبته.
والسلام
أخوك
أبو محمد

[شبح الصحراء]

بالنسبة للجير حتى الهايلوكسات الشكل السابق الجير نازل وواضح مرة لموديلات الدفع الرباعي بس فيه تحته صاجة حديد للحماية وأقترح على أصحاب الموديل الجديد 2006 يفصلون صاجة حديد للحماية مع تركيب جنوط 16 وكفرات رفيعة وتنحل المشكلة بإذن الله .
وهذه صورة الجير النازل في الهايلوكس دبل 2005 وصاجة الحماية تحته وللعلم الصاجة ليست قوية جداً ويجب الإعتماد على إرتفاع السيارة مع أخذ الحذر عند القيادة في طرق صخرية .

http://www.mekshat.com/pix/upload/images19/mk23961_hpim4373.jpg

[جلمود 83]

هممممم

اسمعو الاقتراح هذا وفكروا معي شوي حنا ما زلنا نعتبر احنا دول العالم الثالث بالنسبه للعالم

لكن بالنسبه لمصنعين السيارات خلونا نقول ان نظرتهم تختلف كثير مثلا نيسان من بعد ما تبنت ( كارلوس غصن ) و ادخل التغيرات الكبيره الجريئه على الشركه بالمنتجات اصبح تصنيف الاسواق عندهم كل تالي السوق الامريكي اولا ثم السوق الخليجي ثم السوق الاوروبي

وهذا احد الاسباب المهمه في حياة نيسان وانقذتها .رغم انه كانت وما زلت للاسف عند بعض المصنعين نظره ان السوق الخليجي يتبع للسوق الشرق اوسطي ان صح التعبير وهو من العالم الثالث وهو في الاخير ويتقبل الصناعه الرديئه لانها لايستطيع او ما يستاهل الافضل او غير قادر عليه ( وطبعا هنا يجي الوكيل الموقر و قدرته على التحرك وللاسف ما تفرق معه طالما انها تدخل فلوس و الناس تشتري )


فا السيارات الي تجينا بعض المصنعين يهتمون فينا مثلا بي ام دبل يو السنه الماضيه اكتشفوا ان الخليج حقق نسبة مبيعات عاليه لهم ولازم يهتمون فيه اكثر وبدأوا يركزون عليه ويدعمون الوكيل بعروض انا اول مره اسمع جرئه منهم لهذه الدرجه

لكن للاسف عند مصنعين آخرين يمتلك او خلونا احد اصحاب رأس المال شركة عبداللطيف جميل وتفكيرهم ان الناس راح تشتري مهما عطيناهم ادخل الكامري بمواصفات سلامه واطيه لدرجة انه حتى سماكة الجسم للمركبه مختلف تخيلوا يعني سياره ورق وتكلفه اقل ما فرقت عن الكوري والناس تشتريها واثبت هذه النظريه لما دخل جزء بسيط من الاصدار المرسل لامريكا ولاحظت بنفسي وزن الباب و الكبوت فيه فرق لكن الكل اهملها لفرق السعر واتجه للورق بالنسبه لتجربه له ( المقصود ب له الشركه وليس هو شخصيا رحمة الله عليه ) اثبتنا اننا شعب يشتري اي شي ادخال الاكسسوارات و الكماليات الصينيه مع رفع بسيط في سعر للاند كروزر و الاقبال متزايد الخدعه اللاند المعدل المدري وش يبي الصيني قي كمالياته وما ادري مين مصمم هذا الشكل لانه يعتبر تعديل والاقبال متزايد

شوفوا السوق الامريكي وشي ونيتات التويتا الي فيه شوفو المكاين المواصفات وللمعلوميه انا وصلني ان في امريكا تحسب 25% زياده على سعر السيارات اليابانيه لانها تدخل سوق فيه مصنعين يعني دعم حكومي واسعارهم متقاربه ومواصفات اكثر لو ماجاك غير الجوده الاكيده ( زياده جمركيه )

بأختصار كم واحد منكم سمع عن اصابات بليغه وو فيات في الكامري الاسترالي وخفتها ما زلتوا نفكرون روحو المعارض ودوروا الكامري الامريكي او الاستعمال الامريكي سوقها وشوف الفرق الكبير حنا لو نعرف نقول لا شكرا نبي كذا ما كان صار الي صار وبعدين ترى عصر الياباني بدأ بالانقراض واسألو تويتا ومصانعها الجديده في الصين

واعتذر على الاطاله

[شبح الصحراء]

طرح ممتاز يا جلمود والمدير التنفيذي لنيسان العربي الأصل كارلوس غصن أحدث نقلة نوعية لنيسان لتواكب التطور في السوق الأمريكي والمشكلة الحقيقية اننا في الخليج نعاني من موصفات وطلبات السوق الأمريكي فالصانع يريد مواكبة سوق السيارات الأمريكية على حساب الأسواق الأخري ، فالأمريكيون لا يهتمون كثيراً بجودة السيارة لأنهم شعب يحب تبديل سيارته كل سنتين أو ثلاث سنوات بسيارة جديدة لذلك نرى سوق السيارات الأمريكية المستعملة عندنا مزدهر بسبب تكدسها في أمريكا لذلك فالصانع لم يعد يصمم سيارات تعيش سنوات طويلة ولكن يركز على سيارات فخمة وجميلة تلائم الطلب في السوق الأمريكي والضحية نحن في دول الخليج لأننا يهمنا جودة السيارة فوق كل إعتبار بسبب طبيعة مناخنا وتضاريسنا الوعرة وتدني مستوى الطرق لذلك السيارات الحديثة الآن متوسط أعمارها 3 أو 4 سنوات ثم تبدأ بالتلف وندخل في دوامة ورش الصيانة وقطع الغيار وهذه مشكلة نعاني منها كثيراً في دول الخليج .

[جلمود 83]

لها اخوي شبح الصحراء

حنا للاسف ما عندنا نفس الانظمه او خلينا نقول نفس التسهيلات الي عند الامريكي لكن بالنسبه للعمر من بعد 98 بالنسبه لي عمرالسياره هو 5 سنين كحد اقصى

مع بعض الاستثناءات طبعا لكن فيه بعد رأيي بعض الايجابيات من ورى مواصفات السوق الامريكي وهي قوة المحركات و الاهتمام بالامان في الفتره الاخيره

[الرهدن]

والله العظيم إن الوكالات يهمهم الربح والتوفير وبس وإن شاءالله تعلق أنت وسيارك00
أحيانآ تشتري جديدة وتلقى فيها عيب وتوديها للوكالة ويمرمطون فيك إلى أن تتفل العافية
أغلب الإكسسوارات تجمع هنا ومن أردى الشركات الصينية00 خله يجيك أقل دقشة وتعال تفرج00
ماأدري ليه الخليج ومواصفاتهم متفوقه علينا00

الكلام يطول00

لكن ماأقول إلا حسبنا الله عليهم00



.

[جلمود 83]

شباب اطمنكم بالنسبه للعب الوكالات مسخوها بزياده وخصوصا اهمالهم بصيانة السيارات ( اقصد اصلاحها ) وحبهم لسحب الفلوس بتغير اشياء سليمه واذا انتم تفكرون ليش يسون كذا حسب ما لاحظت ان الوكاله بريئه نوعا ما كيف ؟؟؟؟

انا اقولكم بكل بساطه الاخ الي قدامك الي يستلم السياره الدبشه الي يسمونه مهندس استقبال له نسبه نعم له نسبه عموله زي الي يبيع كل ما كبرت الفاتوره كبرت الفايده وعليكم الحساب وهذا الشي مؤكد 100% عندي ومستعد اقولكم وشي الوكالات الي اعترفت بهذا الشي

عموما اخوكم محامي وحاليا انا قاعد افكر بطريقه تضمن لنا حقوقنا عند الوكالات هذي وخصوصا اني استبعدت دعم حماية المستهلك بعد ردة الفعل السيئه الي لقيتها عندهم في وزارة التجاره للاسف لكن ان شاء الله قريب دعواتكم و ان شاء الله قريب واذا ان شاء الله لقيت الحل بعطيكم اياه بالمجان لمنتدانا الغالي بس اهم شي نقعد بحلوقهم

ولا تغركم هيبت الوكالات في السعوديه تراها معرض مطور ولا ليش يخافون انكم تدخلون وتشوفون المستخبي الا لانه ما يدرون وش السالفه للاسف الشديد كثير من الوكالات مشغلين الاجانب بمختلف الجنسيات لخدمة العميل السعودي وهم عادتا غير مدعومين من الوكيل يعني بس يسكتك وللاسف انهم ما يعرفون انه اهم شي بالوكاله هو عدد العملاء الراضين مهب عدد العملاء المشترين لانه كل مازاد الرضى زاد البيع بس وش يدريهم ( وهذا الي يخليهم مجرد معارض مطوره)


بالنسبه لصاحب الموضوع اعتذر اني شوي طلعت خارج الموضوع لكن تعليقي جايك
هو فعلا شكلها سيئ وعرضه لاي دقه طيب ما في طريقه لتعديلها رفعها حتى لو تولف بالمخرطه ( انا الي عجبني بالجديد انه صار اريح من الداخل و الدبل مرتفع اكثر من الي قبل بس لو يغيرون استبنة الصدام الي ورا بواحد ازين كان صار احسن كثير )

[ابو درع]

يالحبيب هم يبونك كذا ... نحن شعب مستهلك .. والقنون ( حمايه المستهتر ) لا تحميك

شغالين حامي عل ررررررررررررررش فكيف يحمونك

دليلك اركب سياره يابنيه جايه من امريكا .. الام

ما نقول الا حسبنا الله .

اشكي فلا ربما بعد القياده الجديد يكو فيه نوع من العدل ..او بمعنا اصح الخوف ..طبعاً بتهديد

للرفع للمقام السامي .

[جلمود 83]

ليش نقول اننا شعب مستهلك

ليش ما نقول اننا ملينا من الغش وطبيعي اننا مستهلكين مثلنا مثل العالم متى ما وقفنا وطفشنا وغثينا وشافو اننا مأثرين على نسبة المبيعات ذيك الساعه قالو لنا وش تبون لكن قبل كذا لا

[الكاسر23]

صدقت أخوي جلمود 83
أنا دخلت سيارتي عشان الحرارة وتشييك الأديتر، جابوا لي فاتورة قيمة قطع الغيار فقط (12.000) إثنا عشر ألف ريال. تدرون وش تشمل الفاتورة، أنا أقول لكم، وما راح أطول عليكم :
من الاشياء اللي ما تدخل العقل (لاني دخلتها عشان حرارة) الشمعات الامامية والاصطب الخلفي الأيسر (لان فيه خرم صغير)، وفك الجير (لانه اوتوماتيك). وعليكم الحساب.
وتغيير الاديتر (طيب فحصتوه، قالوا لا لكن بنغيره ونشوف الحرارة يمكن تكون منه؟) السيور كلها، البطارية ، الكلتش والدسك والفحمات والهوبات وواحد من الجنوط والكفرات (يقولون أنها تحتاج تغيير) أقوله وش دخلها في الموضوع اللي جبتها عشانه، قال لازم تاخذ سيارة عال العال، قلت تعمل كل شي على حسابي وانا جايبها اصلا عشان تفحص الاديتر، قال اجل نغيره ، قلت لا تغير افحصه وشوف العيب منه والا لا؟ ، اجل انتم وكاله على ايش تجربون من ظهور خلق الله ، وين الخبرة والاختصاص في معرفة سياراتكم واعطالها.
الكلام ما ينتهي لكن حسبي الله عليهم وعلى حماية المستهلك اللي مفروض يعدلون مسماها الى حماية التاجر.
وسلامة روسكم

[منزلي الصمان]

صحيح سؤال يطرح نفسه .

س/ ليش لما نروح للوكالة يمنعوننا من النظر للسيارة ؟!

ممنوع ممنوع الدخول خصوصا وكالة عبد اللطيف جميل وكل مااروح ياخذون مبلغ خيالي علشان فحص عادي ؟

وش الحيلة في مثل الشركات هذي !!
وانا مستعد احلف انهم مايزينون شي في السيارة بنسبة للفحص الي بعد ماتطلع السيارة من الوكالة 1000/5000/10,000كلها كلام على ورق وبس .

[جلمود 83]

اخوي انا اجاوبك لانه عندي صلاحيه بدخول الصيانات التاليه الجفالي و الناغي بي ام و هيونداي و التوكيلات العالميه جي ام و توكيلات الجزيره فورد

الاخيره فورد عندهم اكبر صالة عرض بمعنى انك تشوف الفني وهو يشتغل بسيارتك وهذه ميزه فقط عندهم

اما الثانين ترى للمعلوميه الشغل عادي يعني زيهم زي الورش العاديه وفيه بعضهم مايعرفون يصلحون السيارات مثل سماكو فلكس واجن من تجربه شخصيه هم فعلا ما عندهم سالفه ولا خبره بالسيارات هذه انا عندي حاله تثبت هذا الكلام وقريب بينظر فيها القضاء من شدت النصب الي صاير ومثبت بالاوراق ( فواتيرهم ) و بتقارير فنين اعرفهم عندهم امكانيات عاليه بالالماني

يعني روح للميكانيكي ولبس الكرسي وغط الباب و الدركسون وصك الباب بعده على طول وخل الشبابيك مسكره وبعد ما تخلص خذها المغسله وخلاص هذه وكالتك

[شبح الصحراء]

بالنسبة لي انا ادخل على الورشة غصب عليهم وكثير من الأحيان اخربها واتهاوش معاهم واسوي ضجة بالورشة وبالأخير يخلوني ادخل منعاً للإحراج مع زبائنهم .

[عذاب المزايين]

أولا: يقول المثل أبعد عن الداب أشجرتة أبعد عن أي شي أسمة عبداللطيف قبيــــــــــــــح
سواء كان قطع أوسيارات أو معاملة
ثانيا: يقول أسأل مجرب ولا تسأل طبيب
مرة وديت لهم سيارتي كان في بالمكينة رجة رج الله راسهم تصدق جلست السيارة أسبوعين أو أقل لكن دون جدوى بلعكس زاد الخراب وشلون أنا اقولك وشلون قالوا نعملك فحص وعملوا فحص قالواالقماشات والهوب خربانات قلت صلحوهن لكن زادوا الطين بلة
وتدرون من صلح الرجة اللي بالمكينة الوالد فتح الكبوت وشاف تبخير بوجة المكينة وغيرناة بـ50 فقط والوالد مايشتغل بالوكالة بس تعرفون السبب لان الوالد الله يطول بعمرة كان لابس فروة حمراء مثل لون عمال عبداللطيف قبيـــــــــــــــــــــــــــح

[الرهدن]

لله درك ياعذاب الوكالات وفاضحهم00


أي والله أبعد عن الداب وشجرته00


.

[مروق]

الكلاسك ردك عجبني ,,,, الله يسعدك فعلا احنا عاله مستهلكه على العالم

ولايهون صاحب الموضوع

وبالنسبه للحديده اللي عليه الموضوع ارى بانهم ابخص بتصنيعها بها الشكل وبها المكان ,,

لانهم يختبرون الاف الاشياء قبل يسوونها ,, ثم نجي نحن ونقول غلط من الباب للطاقه
مع احترامي

[شبح الصحراء]

وليش ما يكونو قاصدين يا مروق؟ ليش ما نحصل الجير او الدبل نازل في الددسن والسيزو والمتسوبيشي بس في الهايلوكس ، يعني تويوتا بكبرها ما تقدر تصمم الجير والدبل مرتفع على مستوى البودي؟! ما اظن ، اكيد قاصدين .

[دله وفنجال]

السلام عليكم...
اخواني الكلام في مثل هذي الامور يجيب الضغط ويمكن يصير ضغط منخفض وتتكون السحب الركامية وتنزل علينا امطار البلاوي <<<ماهوب عاقل حسن كراني>...
وشرايكم بلي مدخل سيارتة (كامري) جديد 99 على ايامها للوكاله (فرع خريص) بسبب ان فرع عنيزة كسرو الديكور وقالولي ماراح تلقاه الا عند فرع خريص(قطع الغيار) ودخلت السيارة عندهم يوم الخميس وواعدوني السبت وجيهم و قالولي موترك ماخلص والاحد كذالك والاثنين بعد, بديت اشك ان الموضوع فية شيء وانشب لهم وبلاخير اكتشفت انهم صادمين بسيارة ومعدمين علي الرفرف والكبوت والباب اليسار ومصلحينة وراشينة يبوني استلمها ونا مادريت الي مايخافون الله ولاكتشاف ماجاء من المخانق بلعكس جاء بسبب مكالمة صديق لي ناضر سيارتي بقسم السمكرة ...
وشرايكم بللصوص هذولا والقهر ان الموتر مامشا 5000 فقط...
والي يقهر ان مدير الصيانة يوم شبيت علية يقولي انت عارف سيارتك يالله رح دورها (الله من زين الاسلوب والتعامل مع الزبون) والي اعضم من كذا المهندس الي دخلتها عن طريقة يقول (انا دقيت عليك تلفون البيت ومارد علي احد وهو نصااااب كبير طيب دق على الجوال)عذر اقبح من ذنب لا ويقول من وساعت الوجة(عادي دحنا بنوخروق<نخرج>بسيارة ويمكن بتقيها خبطة ولا حادث الدنيا قضاء وقدر)قضاء وقدر علي يـبـن,,,,,,,,والله الي يرفع ماهوب الضغط الا خراطيش الراس تفقعت...
لاكن مانقول الا حسبي الله ونعم الوكيل عليهم وعلى الي مخليلهم الحبل على الغالب ولا وش تبي ترجي من الاجانب , والمشاكل ماوقفت عند هذا الحد لاكن خلها على ربك ولو نبي نقول كل المواقف الي صارت مع شركة تويوتا كان محد طقله موتر من عندهم...

[جلمود 83]

يا الله على القهر المشكله انه حتى المعامله سيئه وهم الغلطانين مهب انت


استمتع هذا لانه فيه حماية مستهلك و وزارة نجاره