للخبراء بفرش النوع ومنكم نستفيد ... عز نفسك

[عز نفسك]

بسم الله الرحمن الرحيم

ياشباب نبي فرش النوم للبر

نبي الأفضل أنا حصلت بالسوق فراش السنيدي وعروق الشمال وdpt وانواع واشكال والأسعار متفاوتة من 75 ريال الى 900 ريال واختلاف الأقمشة صيني وتنزاني وبطانية وفروا ولحاف ...

ياليت تبينون لنا وللأعضاء النوع الزين والي يسد الزوم ..

منتظر افادتكم

[hamad3983]

من رايي الدرويش طيب .. والفصول الاربعة حق القاضي طيب .. وبالنسبة لي انا ، استخدم فراش الرميح ، صح مهو بثقل اللي قبل ، لكن جدا مريح وخامته جيده وقماشه قوي

[ابولولو]

اخوى معى الصحراء حق السنيدى طيب له سنتين تقريبآ عيبه ان حجمه كبير اشوى بس دافى

والشباب معهم حق القاضى وذف وخفيف ودافى مره على قولتهم يمدحونه الفصوال الاربعه

وفيه تقريرممتاز للاخ ابومها عن الفرش ابحث عنه بقوقل مكشات يطلع معك

[الشقردي 205]

يارجال والله ماني دافع 900 ريال بـ سليب باق فراش نوم ..


عندي واحد شاريه بـ 80 ريال فرو دافي ومعمر معاي ..


والانواع كثيره ..

[أكمل الفراغ]

القاضي بـ 130 ريال طيب له معي 3 سنين

[الداهي]

تكفى ياخوك عليك بالدريويش
وأدع لي لانمت فيه. بالبرد عشان دعوتك تكون من قلب
ههههه
موفق خير

[web]

السلام عليكم

بقولك تجربتي ...
كنت اشتري فرش نوم من ال80 ريال لين الظاهر 200 تبي الجد الواحد يكابر والله يصلخك البرد ومثل قلتها وضيقه وعيوبها واجد وتدخل معك فروه ولا بطانيه زود عشان تدفى يعني اخذ بطانيات بركلي دامي ماخذها ماخذها واتوسع ابرك من الفراش ..
وبعدين صرت افصل بالغرابي ونفس الحكاية... اللهم كانت الاسعار ارخص ..
والحمد الله ارتحت بعد الفراش الامريكي وله معاي 3 سنوات ... دفا تنام مرتاح تصحى مرتاح يارجال استانس لو زاد الدفع قرشين زود صح انه اغلا بس لو احسب خسايري الي قبل هو افضل واوفر وادفى ولك ولزمن ..
الزملاء اغلبهم ياخذون الدرويش والفصول الاربعه .. هي الافضل بالسوق ..

[شقردي]

مع الأسف كل الأنواع المصنعة محليا سيئة جدا

وحجمها كبير جدا

المستورد أفضل بكثيييييييييييير من خلال عدة تجارب

[ابوناص]

عندي الصحراء حق السنيدي ممتاز وهذا اللي جربته فقط
عيبه ثقيل في الشيل وميزته دافي جدااا وكذلك وسيع تاخذ راحتك مره

[أبو ذيب 77]

ودي افيدك بس تجربتي مع السليب باق فاشله لاني ماعرفت انوم فيه ابد ابد..

خبرتي في الدواشق واسعة لاني احب السعة والتقلب

[الوازعي]

فراش الدريويش لا أرى افضل منه

طبعاً الديباج لأنه مايمسك التراب ( بغير وجيهكم )

ويعتبر صحي

ولايتغير مع كثرت الاستخدام

صناعة محلية من مصنع قوي متخصص

وسعره منافس مقارنة باللي يصنعون بالصين

نصيحة لا تدور غيرة ��

[Mohammed5d]

بالنسبه للفراش عندي فراش الخليج من السنيدي
شاريه من عام 2006 وللحين استخدمه ودافي ومريح وواسع
وفي البرد اشتر لك كماده من الصيدليه وحط في نصها مويه دافيه وحطها في الفراش عند رجليك واحلى نومه واذا قمت الفجر توض بالماء الدافي شفت الفكره

[بن بشر]

بطانيه اللي وزنها 10 كيلوا ام نفرين لو يجيك ثلج ماحسيت فيه

[__abo saleh__]

أفضل نوع من تجربة شخصية في البرد ولامطار هو فراش الخليج من السندي وقيمة 375

[حمودي2004]

كان طلعاتك للبر واجد
خذ لك الفصول الاربعة من القاضي
وان كان كشتاتك مرة او مرتين بالسنة
خذلك ابو 80 ريال ودخل فيه بطانيتك حقت البيت :) يطلع لك الفصول الثلاثة هههههههههههه
وسلامتك

[عز نفسك]

بيض الله وجيهكم يا اخوان وعز الله ماقصرتوا

[ابوميس الحلوه]

لالالالالالالالالالالالا لغبر
الدرويش
عز الله انه فراش وفرشه

[بريمي]

نصيحة ومن واقع تجربة
فرش نوم المرباع غنية عن التعريف من قديم ومجربه الحقيقة دافيه ويختارون خامات أصلية


http://www.mekshat.com/pix/upload05/images250/mk242521_sleep%204.jpg

http://www.mekshat.com/pix/upload05/images250/mk242521_sleeep%203.jpg




http://www.mekshat.com/pix/upload05/images250/mk242521_sleep%205.jpg




http://www.mekshat.com/pix/upload05/images250/mk242521_sleep%202.jpg



http://www.mekshat.com/pix/upload05/images250/mk242521_sleep%201.jpg


أرعص هالرابط

http://mekshat.com/vb/showthread.php?t=504085&page=6 (http://mekshat.com/vb/showthread.php?t=504085&page=6)

ارجو أن أكون قد أفدتك