سؤال للخبراء : وش أفضل فاس تكسر به الحطب ؟

[كتاب]

ذاك اليوم كان عندي عامل يشتغل بالبيت وطلبت منه يقطع شجرة ( كانت هناك أسباب عديدة لقطع الشجرة ) . في اليوم التالي جاب معه فاس ما ظنيتها تقطع غصن من الأغصان لكنه ماشاء الله تبارك الله قطع الشجرة قطع صغيرة واستلم قروشه ومشى .

تمنيت أني ذاك اليوم شريت منه الفاس
المهم وش تشورون به من فاس لتقطيع وتشليخ الحطب ؟

[سلطان الخير12]

خد لك سسته حق ددسن ول ونيت
ووديها للحداد يضبطها لك
او ادا تحصل فاس نفس الي عند الدفاع المدني

[abo.hesham]

بالمطرقة والزميل للحطب اليابس
http://www.colourbox.com/preview/1567266-829459-human-hand-working-with-chisel-tool-and-hammer.jpg

[يا سلام سلم]

مساء الخير لك وللجميع ،،

تكسير الحطب شي متعب ،، لكنه بنفس الوقت شي ممتع ،،
واسال اللي جرب ،،

بالنسبة لطرق التكسير كلن له طريقته وكل حطبة او جذع له طريقته ،،

اولا : بالنسبة للازميل مثل ما قال اخوي ابو هشام خوي طيب لكن يخونك بعض الاحيان خاصة اذا اخطيت في مكان الازميل وصار في مكان ميت هنا تحتاج لك ازميل ثاني عشان يطلع ازميلك الاول ويمكن تحتاج ثالث ...

ثانيا : بالنسبة للفاس / الفاس الزين زين والغالي سعرة فيه لكن اسمع وهذه من واقع تجربة اشتر الفاس اللي يجي قفاه زي المطرقة عشان اذا تعلق تطقة بشاكوش كبير ويمشي معك زي اللوز ، لكن بشرط تشتري فاس قفاه صلب زي الشاكوش عشان يكون فيه مسافه بين عصا الفاس وبين مكان الضرب عشان ما ينكسر .

ثالثا :طريقة التكسير او التشليق او التقصيص كلن ولهجته / بالنسبة للجذوع الكبار اللي تكون طويله و اللي تكون بسماكة اسطوانة الغاز او اسمك بشوي او اقل بشوي ، احرص انك تقطعها بالمنشار قطع مستقيم بحيث ان الجذع يوقف على الارض كانه طاولة ،،
هنا عاد تجي المتعة ،، العب لعبتك يا عم ،،ارفع الفاس واضربها بقوى ما عندك هذي الحركة هي الحركةاللي نشوفها زمان بافلام الكرتون:D لكن احرص انك تمسك الفاس بقوة لا يرجع عليك ،،واذا تعلق الفاس خل المطرقة جاهزة اهبد الفاس وهو بيمشي معك لين تشلقها .
* اهم شي يكون طول الجذع مناسب عشان يريحك وينشلق بسرعة (لا يتجاوز طول اليد من الكتف للكف) ..
*** فيه طريقة سريعة لكنها خطرة عشان كذا ماراح اعلم :p;) ،،

حبيبنا والكلام للجميع : امانة اذا اشتغلت بمناشر والا فاس قوي انتبه لنفسك وللي حولك
ترا شبعنا من شوف وسماع السوالف الشينة ،،

وبالتوفيق ،،،،

[كتاب]

مشكورين وبيض الله وجوهكم

أخوي سلطان الخير أنا رجال مستعجل وأبي شي جاهز هههههه
لذلك ناوي على السياحة في ساكو والرماية وغيرهم من مصادر الفؤوس وإن شاء الله أحصل لي شي زين ووذف ويقضي الغرض

أخوي بو هشام الله يجزيك خير
فعلا الإزميل ينفع في هالأمور بس أنا أفضل الأدوات اللي تكون متعددة الاستخدام والإزميل ما أظنه ينفعني في مجالات متعددة غير تكسير الحطب فلذلك ما أشيه معاي لكن ربما لو أحد ابتكر إزميل وهي في نفس الوقت أطناب خيمة ... يا سلام سلم

أخوي يا سلام سلم
مشاركة وافية وكافية ... الله يجزاك خير
فعلا أنا أبحث عن فاس فيه مطرقة وذلك حتى يكون متعدد الاستخدامات

أما هبد الفاس فلقد رأيت مقاطع يوتيوب للأمريكان وهم يستخدمون سكين كبيرة لتكسير الحطب ويهبدون السكين بقطع من الحطب وتمشي الحال . فلذلك أعتقد أن افضل خيار هو آلة فيها فاس ومطرقة وإذا غرزت في الحطب أهبدها بحطبة ثانية هههههههه

مشكورين وبارك الله فيكم

[Hamdi_an]

الفؤوس ثلاثة أنواع، حسب الغرض منها: فأس القطع، ويستعمل لقطع الأغصان والأشجار، وفأس التشقيق الذي يستعمل لتشقيق الجذوع والأغصان طوليا لتسهيل تخزينها وحرقها، وفأس التشكيل الذي يستعمل لنحت الخشب لإعطائه شكلا نافعا، والذي يسمى القدوم.
ويختلف شكل الفأس وطريقة سنه حسب الغاية من استعماله.
بعض الفؤوس لها رأسين، واحد للقطع، وآخر للتشقيق.
أشك بأن تجد فأسا جيدا للقطع في سوقنا، ولا أدري لم لا يستورد الرماية فؤوس كولدستيل الفعالة في هذا المجال.

[فيصل 12]

وين محللات الي يبيعون الفأس ؟؟

[طرقشون]

http://g-ecx.images-amazon.com/images/G/01/outdoor-living/detailpages/B0002YTO7E.jpg

http://www.amazon.com/Fiskars-7884-Super-Splitting-36-Inch/dp/B004M3BAQE/ref=sr_1_2?ie=UTF8&qid=1386751932&sr=8-2&keywords=axe

[فيصل 12]

،،،،،،،،،،،،،،،،،،،،