تقطيع في المكينه

[بدر12]

السلام عليكم

يعطيكم العافيه

عندي مكينه 85 2 ستروك كانت معي ماشيه من احلى مايكون

بعد اخر طلعة حسيت المكينه صوت من دون اداء يعني تسمع صوتها و حنتها تقول هذي مشروع طياره لكن فشل تحول الى مكينه طراد و للاسف السرعه ماتتجاوز 20 كيلو

بعد شوي تنزل السرعه الى 5 و تجلس عليها فتره ثم ترجع الى 20

طلعت على ميكينكي قالي تنظيف كربريتر و تصفيه مكينه و هالحوار
قلت دام واقف اسوي صيانه كامله بدلت نظام التبريد كامل و بدلت البواجي و تنظيف الكربريتوات

و للاسف نفس الشي صوت من غير اداء مادري ايش الحل
طبعا مع الصيانه تم استبدال كامل ليات البنزين و تم تنظيف تانكي البنزين

حجم القارب 18 صراحة المشكله معقدتني و صاير اكره النزله بسبتها لدرجه اني على وشك ابدل الكربيرترات

اسف تعبيري لكم عليه ان شا الله تكون المشكله واضحه و القى لها حل و ماتقصرون

[م/عبدالله]

وعليكم السلام ورحمة الله وبركاته

الشرح ماهو واضح .. ويحتاج توضيح اكثر بارك الله فيك

هل تقصد انك ترفع عصى الريموت من اجل زيادة السرعة
ويرتفع التسارع على الاربي ام ... لكن بدون دفع للقارب ولا سرعة في الممشى

هل اذا وقفت القارب ورفعت لسان الريموت لرفع التسارع بدون تعشيق
يزيد تسارع المحرك بشكل طبيعي ...

هل المشكلة في المحركين ام في محرك واحد
كيف نظفت الكربريتر من الخارج ام من الداخل
هل شيكت على جلدة الرفاس
هل المحرك ارتطم بالصخور سابقا
هل شيكت على طلمبة الوقود


ننتظر ردك

[بدر12]

يعطيك العافيه مهندس الخص لك المشاكل
١- ارفع الكنترول لكن مافي سرعه التسارع يزيد
٢- اقصى سرعه اوصل لها هي ٢٠ فجاه تتغير الى ٥ و طبعا التسارع يقل و صوت المكينه يتغير
المشكله محرك واحد القارب عليه محرك وراكب في المنتصف و ماكنت اعاني من نفس المشكله مسبقا
تنظيف الكربريتر كان عن طريق فك الكربريتر كامل
بخصوص ارتطام بصخور مافي اي ارتطام و بخصوص جلد الرفاس لم يتم استبداله
طرمبه البنزين تم استبدالها و نفس المشكله

[سلطان الخير12]

صارت معاي الحركه دي
وطلعت المشكله من جلدة الرفاس

[بدر12]

صارت معاي الحركه دي
وطلعت المشكله من جلدة الرفاس



اتمنى ياخوي تكون منها و تنحل
ماقصرت

[عقام الرايس]

هل صوت المكينة حين تزيد السرعة يكون صافي ام انه صوت مكتوم ؟ اذا كان صوت المكينة صافي :
اول مشكلة تخطر على البال هي جلدة الرفاس
بعدين تطلعلك شغلات الجربوكس الله يكفيك شرها
انا استبعد مشكلة الكربريتر لانه لو فيه مشكلة ما يرتفع الصوت لحالة كان يقطع فورا ويطفي او انه يرتفع بصوت مكتوم
طبعا صعب يتحدد الوضع بواسطة الكتابة لانه صوت المكينة واداءها يبين عالطبيعة اكثر

تحياتي

[م/عبدالله]

صحيح امام المحرك ... نقدر نحدد
ولكن لنا الشرح ونسدد ونقارب ان شاء الله

الان يجب فحص جلدة الرفاس ... ونتأكد من سلامتها قبل كل شيء
ثم نتأكد بالمره من ريش الرفاس انها بحالة سليمة من ناحية الزوايا
واكتمال الريش . ... ننتظر ردك علينا .

[بدر12]

عقام الرايس / مهندس عبدالله يعطيكم العافيه

غيرت الرفاس بكبره مع الجلده
و افيدكم بلجديد بعد مايخف الزكام صعبه نزلت البحر بهالوضع

[م/عبدالله]

ماتشوف ان شاء الله