جبليه

[ارواف]

السلام عليكم ورحمة الله وبركاته يالربع اللي يخبرلي جبليه فرخ ولا بكرفارطه بالسبق وتلحق الزاجل يدق علي ج0502916753

[الكمادي]

الله يرزقك بالطير الطيب

[ذيب خيطان]

الله يرزقك

[ماجد9]

الله يرزقك بالطير الي يسرك
تحياتي لك

[ابرق الحرار]

الله يرزقك

[(هزاع)]

احترم طلبك
ولاكن
الزاجل اللي راعيه رابطه بشبك ولايطلقه غير عن الزاجل المفكوك اللي يجرد نفسه كل يوم
الزاجل اللي عليه الكلام نادر من فروخ الشياهين يلحقه
اما الجبليات الفارسيات لالحقت السواديه سلم فقيمتها تعدى فوق الخمس طعش الف عند اهل الصنف ولاسمعت انهن لحقن الزواجل اللي عليهن الكلام
اما الجبليات اللي ماهن فارسيات مايلحقن الزواجل اللي عليهن الكلام
وشفت فارسيه لحقت السوادي سلم في تحدي مع حر بكر الاثنين سوا ورى الحمامه وجابت السواديه وسمعت ان عليها سوم عشرين الف وراعيها معروف ماشاء الله عليها وعلى راعيها
والتوفيق بد الله

[الـسـاطـع]

السلام عليكم
كلام أخوي هزاع أبو مشعل صحيح قليل الي يلحق الحمام الزاجل الي يسرح من عشته
لكن أنت قيس على الحمام البري الي يسمى بحمام القلبان وهذا تعتبر الطيره الي تلحقه سبوقه
ومع تمنياتي لك بالشيهانه الطيبه

[الحنش]

انا طيري جربته امس ماشاء الله عليه ارتفع على الحمامة وكانت مثل الصاروخ وهبدها من اعلى ارتفاع
والحمد والشكر لله

[الحنش]

راح اوافيكم بصولاتي وجولاتي في البراري وبعد شهر انشاء الله راح اعرض الطير للبيع بعد انتهاء الاجازة وتزويدكم بنتائج الرحلة

[ارواف]

أخي هزاع احترم رايك وتجربتك ولكن المثل يقول اسئل مجرب وﻻ تسئل طبيب كان عندي جبليةتلحق الزاجل والسوادي والنحم
طيور الماء والدرج يعني الدورجان