تجهيز السيارة لقطع السيول والمياة الراكدة

[alkolosa]

السلام عليكم
هذي اول مشاركة لي ولي الشرف ان أكون من اعضاء هذا المنتدى الراقي


الكل يعرف ان هذي الايام ايام خير وكلها امطار وتكثر الطلعات والتنزه
طبعا لا أآيد المجازفه والمخاطرة بس احيانا تضطر انك تقطع سيل وخصوصا اذا شفت سيارة وفيها عائلة متعلقة في سيل ولا حولهم لادفاع مدني ولا شي

حبيت استفسر عن كيف اامن السيارة انها ماتطفي لما يجيها المويه او اقطع السيل
وماهي افضل طريقة لقطع السيول

وعلى الرغم اني سمعت بعضهم يحط شحم على البواجي من برا والديلكو بس ما جربت
ياليت تفيدونا بتجاربكم
تقبلو تحيااااتي

[أبا مجاهد]

تحويل الفلتر الى خارجي واتوقع اسمه سنوركل

http://www.mekshat.com/pix/upload05/images249/mk51563_kensnorkelsmall.jpg

ورفعه محترمه وكفرات حجريه 33

http://www.mekshat.com/pix/upload04/images200/mk51563_img_0500.jpg


طريقة التشحيم سمعت فيها كثير لكن ماني متأكد منها

[sameer_1798]

جيب ديزل به دفلوك امامي وخلفي وسنوركل وكفرات خشنه للطين
وماتقطع السيل السريع وعند قطع السيول او المغادير امشي على رجلك قبل وشوف لايكون فيه حفر لتحديد المسار المناسب ثم توكل على الله (تبليل الرجلين افضل من غرق السيارة ) وانت ماشي بالماء قفل كل الطياق بالجيب عشان لو ماتحكمت بالسيارة تطفو على الماء وماتغرق .

والازين من هذا وهذا أبعد عن الشر وغني له .

[تساهيل1]

افضل طريقه عشان تطفي السياره بالسيل

انك ماتدخل الشعيب وتبعد عنه وتشيل هالفكره من راسك
للانك ما انت محتاج لها ولا 1%
الوقايه خير من العلاج و وراك بزران واهل يبونك

وبالتوفيق لك

[ظبط]

حط شحم على أسلاك البواجي والكويل وتوكل على الله

[خبايا انسان]

انا ارى افضل شي اذا ودك تساعد احد << الونش

[كبسولة2]

تشحيم اسلاك البواجي عند التقائها مع البوجي والكويل

تنفع عند الدعس على المياه الراكدة لكي لا تصل لكهرباء السيارة

أما إذا الماء تعدى الكبوت فتأكد 100 % راح تطفي السيارة

لأن الماء يدخل للمحرك عن طريق فلتر الهواء وفي هذه الحالة

يجب تركيب سنوركل لرفع مدخل الهواء عن الماء

والافضل أجتناب الاوديه والسيول لأنها تضر الموتر

تدخل الماء للدفرنسات والركب ومع الوقت يصيب الموتر صداً من الماء

[س.س.التميمي]

ابعد عن الشر وغنيله مثل ماقالو الشباب

[وجعين]

خذلك جيب ديزل الديزل ما يطفي ابد ضد الماء

[أحمد محمد1429]

افضل طريقه عشان تطفي السياره بالسيل



انك ماتدخل الشعيب وتبعد عنه وتشيل هالفكره من راسك
للانك ما انت محتاج لها ولا 1%
الوقايه خير من العلاج و وراك بزران واهل يبونك



وبالتوفيق لك

عين الصواب والعقل
لاكن أناعندي طريقه صحيحه 100% وهي تمسك الأرض الشداش وقت الأمطاروعدم الدخول في الأوديه وهي تجري لأن وزن السياره يكون خفيف وإذا كنت في الليل نم في سيارتك للصباح

[سعد القاسم]

شف يالغالي مبدا السلامه مطلب والاخذ بالاسباب مطلب ايضا

اذا جهزت سيارتك بسنوركل او اذا السياره فلترها مغطى كما في الجموس وتاكد فقط من مجرى دخول الهواء للمكينه سوا ثروتل او غيره فامورك طيبه ان شاء الله

وخذ احتياطك لوقت السيول يعني اذا بتطلع يومين او ثلاثة خذ معك مؤنة تكفي لمدة اسبوع لان ماتدري تدخل للشعيب والا دريت مشى عليك قبل لا تطلع منه واتبعه الله بهاك السيول الي تجبرك انك ماتطلع منه الا بعد مايركد فتظطر انك تترفع على اماكن مايوصلها الماء الين تخف الشعبان في الجريان والله يوفقنا واياك

[alkolosa]

يعطيكم العافية

والله يكتب السلامة للجميع
وزي ما قالو الاخوان تجنب بطون الاودية هو افضل حل بس احيانا تكون مضطر والله لايجيب حاجه لقطع السيول

[N أبورغد N]

اذا الموتر للرحلات الكشتاوية نعم جهزه تجهيز كامل
من ونش وسنوكر الفلتر الخارجي وصدامات صب وكل تجهيز له اهميته
بالونش تقدر تقطع السيل وتساعد الموتر في قطعه كذلك ولو تورطت تقدر تطلع نفسك باذن الله
الفلتر الخارجي معروف
الصدامات عشان تقدر تهد لك درب ما تورط مع جيلان الشعبان
ونسال الله السلامه للجميع

[يكفيني نظرة]

انا كان معي هايلكس يطفي وحطيت شحم على الكويل وربطت كيسه فوق الشحم وضبطت ..
والتجهيز شف تجهيز الاستراليين للمواتر :
تابع من الدقيقه 5،30
http://www.youtube.com/watch?v=MtQvJA77sDE