استفسار لخبراء تربية النحل

[شراع]

السلام عليكم ورحمة الله وبركاته

عندي كم استفسار يااخوان عن تربيه النحل لاني غشيم فيها بالحيل :D

فالبدايه كم التكلفه اذا كانت كمية العسل المطلوبه للاهل والاصدقاء فقط ..؟
وين الاماكن المخصصه لبيع النحل والاغراض الخاصه فيه ..؟
لازم تكون في مزرعه او في البر ..؟

[سعيد بن عياش]

أخبر اهل الخبرة وبيوت النحل في الجنوب يبيعون بيوت جاهزة من الخشب وفيها نحلها .

[سعيد بن عياش]

ولا يصلح النحل إلا في ديار فيها شجر تنزل على ثمره إذا بغيت عسل صحيح ,وكمية البيت يبدو لي عشرة أعواد تكفي.

[ملك النحل]

اخي شراع وين موقعك -- حتى نتمكن من خدمتك
وشكرا

[شراع]

يعطيكم العافيه

انا بالرياض

[ابو صالح 2]

اذكر واحد عنده نحل بساله وان شاء الله ارد لك خبر في الموضوع
كان يربي نحل عنده

[شراع]

في انتظار ردك اخوي

[ابو صالح 2]

استاذي الفاضل
يباع النحل في شارع سلام

ويقول الخبير اللي عندي انه مو وقت شراء نحل لانه مقبل على برد (يمكن تلقى بس ماراح تستفيد لانه مو وقت انتاج عسل)

ويقول الافضل انك تشتري في شهر 3 او 4 ميلادي لانه الموسم واعتدال الموسم ووقت الازهار وحبوب اللقاح والملكه تبدا بالبيض وتتوالد الخلايا

ويفضل بمسافه بدائرة نصف قطرها 5 كيلوا (ويقولوا ناس 7 كيلوا) والسبب اذا مالقى شي بمسافة 2 كيلوا يمكن يوصل الى 5 كيلوا طبعا مزرعه واذا ماحولك مزرعه يفضل ان يكون قريب منها علشان الازهار

والافضل ان تبدا في خليتين وتتكلف تقريبا 800-900 ريال
لانك مبتدا جديد والفحص سلس وماتواجه صعوبه بفتح الخلايا
لانك بتفحص الخلايا خلال 10 ايام كحد اقصى



ويقول يفضل ان تقرا كثير عن النحل والخلايا حتى تتعرف اكثر وتتعمق بالموضوع حتى يسهل عليك عند بداية مشروعك



واي سؤال بسال خبيرنا وارد لك ان شاء الله

[ملك النحل]

يعطيكم العافيه

انا بالرياض

اخي العزيز طالما انك في الرياض هناك نحالين معروفين بامكانك زيارتهم والتعرف عليه
فالنحل بالخبرة والمساعدة
فيه في الرياض مورد اسمه احمد عتمان وفيه المهيدب وكلاهما يوردان نحل وخلايا جاهزة
كذلك يمكنك زيارة قسم النحل في جامعة الملك سعود في الرياض وسوف تحصل على كل ماتريد
اذا قررت ارسلت ارقام النحالين على الخاص

واليوم اقترب الشتاء --- انصحك مع بداية الربيع يعني في شهر 3 هجري

[محتسب999]

في الرياض على طول ربيع بس دور ظل ومكان ماجيه الهوا