وش رايكم بالهايلوكس 4+4

[وسم المطر]

ياخوان ابي رايكم بالهايلوكس الدفع الرباعي ابيها لطلعات البر واحط الشد عليها واجهزها ..........
وش رايكم انا افكر اخذ موديل جديد الي عنده خبره لايبخل علينا ........وفقنا الله واياكم لما يحبه ويرضاه

[سفاري 9]

انا ماجربتها لاكن اللي جربوها يثنون عليها
ويدلك على ذلك ثمنها من ناحية انها ماسكة قيمتها

[ابوعقرب]

يفيدونك الاخوان

[abo naser 1]

السلام عليكم

هو زين حليل وتويوتا وسعره فيه بس ماهو كفو لذا القيمة فيه خيارات أفضل بمراحل

[المستحيل277]

علئ مستوئ ومريحه مع الخط بالتوفيق

[مخطور]

انا مجربه سيارة هايلوكس لزميل موديل 2009 واكثر طلعات البر يطلع معنا فيه
مميزاتها
1- يتحمل مكده
2- مطباته احسن من الجيب بالف مره خصوصا بالهويات
3- اقتصادي في البنزين
4 -الداخلي وسيع امامي وخلفي
5- الكبوت في امكانية اضافه ماطور هواء بطاريه اضافيه بكل سهولة
6- يجي منه نوع قير اوتوماتيك
العيب الوحيد في نظري لو انه جاء منه 6 سلندر

تقبل تحياتي

[سـهم الجزيرة]

يعيبه سعره ولا الموتر يعجبك و يطربك و يسعدك :)
و خلك على صيانة دوريه معه اهم شي

و الله يبارك لك

[الوباله]

انا معي 2012 4x4
ممتازه جداً ��
اللهم عزلها وسط يبي لها ربلات
والله اعلم

[الوباله]

انا معي 2012 4x4
ممتازه جداً
اللهم عزلها وسط يبي لها ربلات
والله اعلم

[جديعان]

اي سياره دبل اربع اسرندل ابعد عنهااا ثقييييييييييييييييييييييييله وخاصه لشبكت الدبل ابعد عنهااااا خذلك شاص غمرتين او نفارا غمارتين 6 اسرندل عزم وقوه:good2:

[خبايا انسان]

الاخ جديعان سؤال هل انت مجرب ؟ ام يقولون ؟


انا ماجربته صراحه بس اشوف خويي عنده واحد 2012 دبل فل كامل ,, الرجال مرتاح جدا جدا مابقى ولا بر الا كشت فيه وسافر كل ديره ويمدح ف الموتر ,,

[أنصر نبيك]

انا معي 2012 4x4
ممتازه جداً
اللهم عزلها وسط يبي لها ربلات
والله اعلم

أكثر من شخص سمعتهم يشتكون من هالشيء سواء غمارة أو غمارتين

[أنصر نبيك]

اي سياره دبل اربع اسرندل ابعد عنهااا ثقييييييييييييييييييييييييله وخاصه لشبكت الدبل ابعد عنهااااا خذلك شاص غمرتين :good2:

كم سعر الشاص غمارتين وهل هو موجود فعلاً ؟


اي سياره دبل اربع اسرندل ابعد عنهااا ثقييييييييييييييييييييييييله وخاصه لشبكت الدبل ابعد عنهااااا او نفارا غمارتين 6 اسرندل عزم وقوه:good2:

انس الحمراني يسمح لها بالدخول للصيانة اذا كانت خليجي والغالب في السوق خليجي
حدث مع احد الزملاء
والحمراني الحقير ماجاب غير موديل 2011 الله يأخذه ويارب العيسى يتوسع في كافة المناطق ويريح الناس من هذا الخايس

[مرقاب]

الهايلكس الدبل الغمارتين 2012 جديد وصل قيمته 110 الاف ريال
واعتقد ان سعره مبالغ فيه جدا

النيسان دبل غمارتين بسبعين سعره الى حد ما معقول

[قاهر البدن]

انا مجربها 2011 دبل
فالبر مركب كفرات بالون 900 على 15
مريحه ومرتفعه وقويه واقتصادية

[قاهر البدن]

انا مجربها 2011 دبل
فالبر مركب كفرات بالون 900 على 15
مريحه ومرتفعه وقويه واقتصادية

[س.س.التميمي]

طع شوري وخذلك جيب اف جي نفس اللي معي واحد من ارفاق في العمل توه شاريه من جده 2008 مامشا امريكي بــ82الف نظيف ولا هو مكروش مثل اللي بمعارضنا وسعره مناسب و الا اف جي ماهي شهادتي سيارة بر مدينه كل شي مريح ووسيع والموتر ماشاء الله يدلك البلد اللي انت فيها شف وش كثرهن حولك

[فارس المصارير]

اشترها وتوكل والله ماتندم / راحه / قوة / اقتصادية / مرغوبه عند البيع / وسيعه

بالنسبه للي يقول اف جي بيلعب فيك بالبانزين خاصة لاطلعت بر

[أبا مجاهد]

معنا بسيارات الشركه جكسار 2010 وهايلكس 2011 طبعا شغالين بمناجم..والله عند نزول النفود اني افضل الهايلكس على الجكسار لخفته ولدبله الارضي القوي..وللعلم كفراته شابوره نحيفه لكنه ذيب

[nice path]

ان عزمت عليه لا تقرب التماتيك ميت في النفود ولايتعدى ١٥٠ الا بالطقاق

[حفيد بن صعصعة]

شاص الفتك 4800 لا تدور غيره وهو يايات مب سسته ومريح جداا

[كومبو]

اي سياره دبل اربع اسرندل ابعد عنهااا ثقييييييييييييييييييييييييله وخاصه لشبكت الدبل ابعد عنهااااا خذلك شاص غمرتين او نفارا غمارتين 6 اسرندل عزم وقوه:good2:

والله أن بالبيت هايلوكس دفرنسين
وفورشنر
وGX460 لكزس
وسكويا
وتاركهم وطالع باللي في الصورة :good2:
ومقطع الخرارة والمحلية (نساح) بذا // ديهاتسو تيروس وناوي على الدهناء إن شاء الله تخاويني :D
http://www.theautochannel.com/news/2007/09/30/064631.1-lg.jpg

وترا العلم عالسواقيابن جديعان العالم يقطعون الدهناء والصمان بهايلوكس بدون دبل

[كومبو]

كم سعر الشاص غمارتين وهل هو موجود فعلاً ؟


سعره 145 ألف تقريبًا الخليجي

[كومبو]

ياخوان ابي رايكم بالهايلوكس الدفع الرباعي ابيها لطلعات البر واحط الشد عليها واجهزها ..........
وش رايكم انا افكر اخذ موديل جديد الي عنده خبره لايبخل علينا ........وفقنا الله واياكم لما يحبه ويرضاه

شريت 2006 دفرنس واحد مطلعه أصفار وتوني بايعه
وشريت هايلوكس 2013 دفرنسين بريمي أريح من الدفرنس حنته ياقربها من الدفرنس
والدفرنس أقل حنه بشي لا يذكر
توني ما جربته بالبر لكن معي أخوه المصندق
فورتشنر قير عادي 4 سلندر مع دبل الموتر ينشد به الظهر بإذن الله

[ابونبيل]

الموتر مجرب من ربعن لي

واقولكـ خذه تراه ابرك من الجيوب بالبر خفيف ومعك حوض وغمارتين وراحه وتراه اريح من الهايلكس الدفرنس

ومن ناحية العزم ترا نفس الدفرنس بس يفرق شيء بسيط جدا من واقع تجربه : )

[وسم المطر]

جزاكم الله الف خير وجمل حالكم كلكم
والف مليون شكر ع الردود الممتازه والمتنوعه وشكرا لكم
وقررت بعد الله ان اخذ بمشورتكم واشتري هالهايلوكس اسئل الله لي ولكم التوفيق ويغفر ذنوبنا وذنوبكم اجمعينج

[يكفيني نظرة]

اول شي وش استخدمت انت من السيارات ووش بتقارنه فيه ووش يهمك بالموتر عشان اقدر اجاوبك انا جربت دبل 2006 وجلس معي سنه ونص ؟

[abo naser 1]

السلام عليكم

نصيحة أخ اذا بتأخذ غمارة حسوفة 100 الف ريال في هايلكس 4 سرندل وقراطيس تايلند خذ شاص النيسان ب 108 الف فل كامل ثلاجة دفلك زجاج كهرباء ياي كامل رساوة في الخط والبر قوة محرك لايقارن بمنافسينه ابداً وقوة دفرنس وقير ودبل والألوان ابيض فضي ذهبي اسود بيج تخير لوهو نزل بها المحرك 4800 من 2002 زي الصالون لانقرض شاص التويوتا قيمته 160 الف والله حرام مطب سريع الأنقلاب العزم وسط ميزته في البيع فقط شيك

[طاهرالشوق]

الرجال يقول ايش رايكم في الهايلكس للي مجرب الي ما جرب لايشغل الناس

[قناص الوعول]

شباب انا ما اعيب في الموتر لاكن الموتر هاذا يالله انه يخارج عمرة وهو ما حمل اغراض والهايلوكس لا تقرن بالجيب الا فيه حاله واحدة اذا كنت تبي تفجر مكينتها وتكسرها حتى تمشي مثل الجيب وخلاصة الكلام الجيب جيب والهايلوكس هايلوكس وكلامي من تجربة