ياراعين التجهيزات تفضلوا الله يرضى عليكم

[3leee_1989]

السلام عليكم ورحمة الله وبركاته ..

بإختصار معي إكستيرا 2008 ناوي أركب تنزاني للشنطه + طبق للأغراض الزايده+ تانكي ماء يكفي يوم كامل

أنا من سكان شرق الرياض دلون على محلات التفصيل وكم تكلف ووش الي أتجنبه علشان مايروح جهدي خساره

تحياتي لكم ..

[pajro]

السلام عليكم عندك محل البريه بمخرج 15 حي الريان يفصل لك تنزاني شراع وتانكي وعندك شارع الميه كله محلات متخصصه بالبر

[خبايا انسان]

توانك الوطنيه ممتازة جدا ,, ب 200 ريال تقريبا 85 لتر ,, منسدح , و95 واقف ورا المرتبه

[مواطن]

عندك الكشاته بشارع المية بعد العضيب
شغلهم ممتاز وفاهمين الشغله

[mesh.3]

السلام عليكم و رحمة الله و بركاته
مساكم الله بالخير جميعا
أحب أفيدك بما سويته أنا
أول حاجه ركب تانكي الماء لأنه هو المهم بالأشياء اللي ذكرتهن
سواء تبي تفصل ألمنيوم أو فيبر و أنا نصيحتي ركب فيبر من خزانات الوطني
لأنه يفي بالغرض بالتمام و رخيص و جودته ممتازه
ثم بعد ذلك شف انت بتوصله على خارج السيارة أو لا
و أنا أنصح لك توصله لبرا السياره لأنه مهم بدل ما تحتاس افتح الباب و سكر
و أنا أقولك من تجربه شخصية
ثم بعد ذلك أشتر التنزاني
و بعد ذلك الطبق فصله على كيفك من اي محل
لكن نصيحه بالنسبه للطبق عاده يفصلونه و يخلون الباب اللي فوق يفتح
على الأغراض و العزبه بشكل طولي
و أنا من باب النصيحه فصله بشكل عرضي وكبير أو واسع
و ليس بالضروره يكون للداخل لجهت المرتبه كبير
وقصدي بذلك عشان تستطيع تأخذ اللي تريده و بأريحيه
و يفضل لو يحط لك مسكات بحيث لو فتحت الطبق يمسك في النهايه حديدتي عشان ماينزل عليك
و الفكرة ذي مثل كبوت السيارة مع البستمين لو فتحته
وهذا أنا رأيي و أنا عندي القديم و بودي هاليومين أزرق و أعدله للفكرة اللي قلت لك

طبعا أنا فصلت الطبق و التنزاني من البريه
و صراحة فوق الممتاز
و التانكي من الوطني
و أنا تهندست عليه و شبكة عليه لي و أحسن شي ليات الفلاتر الي بالبيت بس نوع اكبر
وشبكته لبرا السيارة بالزاوية
وفصلت القاعده عند محل الصبي مخرج 15 هم تراهم يسوون هالشغلات

أتمنى أفدتك
و المعذرة على الإطالة

[3leee_1989]

الله يعطيكم العافيه كلكم أفدتوني