ويش اسوي

[املك حر]

يااخوان عندي طير حر بكر سبوق سبق فارط ويمكن اسبق طير بالمملكه والحمام الزاجل ماتروح ابد وشبه يوميا اهده على الحمام الخضاري في المرحان او القلبان ولافيه امل تروح لكن المشكله عيا نهائيا عن الحباري شريت حباري وريته وهو فرخ لكن لافائده هذه السنه وريته اربع مخاليص ولا كأنه يشوف نزلت وزنه الى 780 ومقاسه فوق 17ما فيه فايده الطير طرح العراق اكيد اصيل ماذا اعمل خساره هذا الطير مايذبح

[هوى بالي]

ماشاءلله عليه

خله يعلف من ظهر الحبارى عطه نسور بسيط
ولاصار على ظهر الحبارى يعلف فكه على طول وانشاءلله انه بيذبحهاا

[سحاب7]

اخوي الله يرزق واذكر الله على طيرك وانا اقول ماشاء الله عليه
الحبارئ كوبرت عليه اذا كوبرت طيرها له اذا طلبها خله يعلقها لايصيدها بالارض
يمكن الطير يرغبها طيار واذا مافاد فيه اشكواء لله انا طيري نفس الطريقه
مايبيها يصد عنها وطيرتها له ولحقها وجاء فوقها وشافها وحل عنها بس جبرته عليها
ذبحنها بطير ثاني وخليت طيري يشوف دمها ودعيته فيها من بعيد ماشاف ظهرها
لين قرب مني لفيت ظهرها له وجاني يبيها والحبارئ الثانيه علقها ونزل هو وياها
وبنسبه لوزنه ماضن انه وزن تام طيري مثلوث وزنه الحين 750

[سحاب7]

اذا نويت تبيع انا شراي

[الروقي 77]

الله يوفقك والاخوان مايقصرون

[املك حر]

اخوي الله يرزق واذكر الله على طيرك وانا اقول ماشاء الله عليه
الحبارئ كوبرت عليه اذا كوبرت طيرها له اذا طلبها خله يعلقها لايصيدها بالارض
يمكن الطير يرغبها طيار واذا مافاد فيه اشكواء لله انا طيري نفس الطريقه
مايبيها يصد عنها وطيرتها له ولحقها وجاء فوقها وشافها وحل عنها بس جبرته عليها
ذبحنها بطير ثاني وخليت طيري يشوف دمها ودعيته فيها من بعيد ماشاف ظهرها
لين قرب مني لفيت ظهرها له وجاني يبيها والحبارئ الثانيه علقها ونزل هو وياها
وبنسبه لوزنه ماضن انه وزن تام طيري مثلوث وزنه الحين 750

مافيه طريقه الى وسويتها ما فيه فايده حتى انني دخلته في مربط احد الربع فاضي من الطيور واطلقته مع حبارا ولم يحرك ساكن لمدة ثلاث ايام حتى ان الحبارا تأقلمت في المربط وقامت تدرج من جهه الى جهه ولم تأخذ له احساب 0

[سلطان 1]

اخوي
امنع عنه الحمااااام لعاااد يشووووف الا
الشلو دعو وخله يفرس في الدجااااج الصغاااار البلدي اللي يجئ اللوانها شهب
وهد له بط يطير وخله يفرس.
واذا ما هد علي الحبارا عقب هالامور
فالطير موقف معك علي الحبارا
ولا لك حل الا انك تبيعه ويطلع من ذمتك
وارجع واشتره الياااا صااد مع اللي شرووووه.
والله يوفقك وانا خووووك.

[عواد الشمري2]

الطير تفسد بالحمام بس خله يذبح وحده ويشبع منها شبع ووره وحده من بكره وشف اذا هد الحمدلله وذا ماهد الله يخلف

[الكمادي]

افادوك الاخوان

[حسين ابويحي]

المساله بسيطة جدا اكبر مما تتصور اربط حمامة فقص على ضهر الحباري واطلقها واول ماينزل على الحباري اذبح الحباري وخلص الحمامة من ايده والحباري نتف ريشها وراح يمشي معك زي الحلاوى وكررها حتى يتعود يعني اربع مرات كفاية وبعدها اعطه الحباري لحالها الصقر دابة اهم شيئ التدريب الناجح وبكذا انتهينا والله الموفق

[راعي سمرا]

هده مع طير خله يحدم وبيجيها

[حشّار]

اخوي اذا بتبيع انا بشتري منك على حمامه وبسعر مغري بس ابغا أشوف جناحه على الحمام

[شرمان99]

اصبر علية يمكن يهد من ثنو وفوق كان عند واحد اعرفه نفس طيرك مايروح علية شي من حمام وكراوين وقعد3 سنوات مايرغب الحباري وبالسنة الرابعة يعلقهن بالسماء